THEJAS DAILY
http://www.thejasnews.com/index.jsp?tp=det&det=yes&news_id=201100123181904266&#
Sun, 23 Jan 2011 23:49:04 +0000
മകരവിളക്ക്‌ തെളിയിക്കുന്നത്‌ തന്നെ: ശബരിമല തന്ത്രി
കൊച്ചി: മകരജ്യോതി മനുഷ്യനിര്‍മിതമല്ലെന്നും എന്നാല്‍ മകരവിളക്ക്‌ തെളിയിക്കുന്നതു തന്നെയാണെന്നും ശബരിമല തന്ത്രി കണ്‌ഠര്‌ മഹേശ്വരര്‌ വാര്‍ത്താ സമ്മേളനത്തില്‍ അറിയിച്ചു.
മകരജ്യോതിയും മകരവിളക്കും രണ്‌ടാണ്‌. മകര ജ്യോതി എന്നതു നക്ഷത്രമാണ്‌. ഈ നക്ഷത്രം കാണുന്നതിന്റെ സൂചകമായി പൊന്നമ്പലമേട്ടില്‍ ആദിവാസികളാണ്‌ ആദ്യകാലങ്ങളില്‍ മകരവിളക്ക്‌ തെളിയിച്ചിരുന്നത്‌. എന്നാല്‍ ഇപ്പോള്‍ ആരാണ്‌ അവിടെ വിളക്കുതെളിയിക്കുന്നത്‌ എന്നറിയില്ല. ദേവസ്വം ബോര്‍ഡ്‌ അധികൃതര്‍ ഇക്കാര്യം താനുമായി ആലോചിക്കാറില്ല.
വിളക്ക്‌ തെളിയിക്കുന്നത്‌ ആരാണെന്നതിനെക്കുറിച്ച്‌ അന്വേഷിച്ചിട്ടില്ലെന്നും അദ്ദേഹം പറഞ്ഞു. മകരജ്യോതി മനുഷ്യനിര്‍മിതമാണെന്നു പറയുന്നവര്‍ ശബരിമലയെ കരിവാരിത്തേക്കാനാണു ശ്രമിക്കുന്നത്‌. നിരീശ്വരവാദികളും ചില മാധ്യമപ്രവര്‍ത്തകരും കുപ്രചാരണം നടത്തുകയാണ്‌. ഹൈന്ദവ വിശ്വാസങ്ങളെയും ശബരിമലയെയും തകര്‍ക്കുകയാണ്‌ ഉദ്ദേശ്യമെന്നും അദ്ദേഹം പറഞ്ഞു. തന്ത്രിയുടെ പൌത്രന്‍ രാഹുല്‍ ഈശ്വറും വാര്‍ത്താ സമ്മേളനത്തില്‍ പങ്കെടുത്തു.