Embedded Files
Í Grunnskóla Vestmannaeyja er lögð áhersla á símat á frammistöðu og vinnu nemenda. Á yngstu stigunum er aðaláhersla á lestur, stærðfræði, skrift og vinnusemi. Eftir því sem nemendur eldast er aukin áhersla á sjálfstæði þeirra og samvinnuhæfni. Ætíð er gert ráð fyrir að nemendur leggi sig alla fram við verkefnin og skili þeim eins vel og þeir hafa getu til.
Lesferill mms
Lesferill mms
Lestrar- og stærðfræðiskimanir eru lagðar fyrir hópa nemenda til að greina stöðu þeirra og auka möguleika á að námið sé sniðið að þörfum hvers og eins. Þessar skimanir greina styrk og veikleika í íslensku og stærðfræði og eiga að gefa glögga mynd af stöðu nemenda í greinunum.
Lesferill menntamálastofnunar er notaður í nokkrum árgöngum GRV.
Samræmd próf
Samræmd próf
Á haustönn þreyta nemendur 4. og 7. bekkja samræmd próf í íslensku og stærðfræði og í mars þreyta nemendur í 9. bekk próf í íslensku, stærðfræði og ensku á þremur próf dögum. Samræmd próf voru í fyrsta sinn tekin rafrænt skólaárið 2016-2017.
Tilgangur prófanna er tvíþættur, annars vegar að gefa skólanum upplýsingar um stöðu nemenda í þessum greinum á landsvísu. Hins vegar að vera skólanum til leiðsagnar um hvaða þættir það eru í kennslunni sem betur mega fara. Í skólanum vinna umsjónarkennarar og sérkennarar með niðurstöður prófanna. Einnig er rætt um niðurstöður þeirra á einstaklingsfundum með foreldrum og nemendum.
Dagsetningar samræmdra prófa koma fram á skóladagatali.
Samræmd próf eru ekki á dagskrá skólaárið 2023-2024
Page updated
Report abuse