Embedded Files
一樣米飼百樣人(tsi̍t-iūnn bí tshī pah-iūnn lâng)
一樣米飼百樣人(tsi̍t-iūnn bí tshī pah-iūnn lâng)
阿伯定定對電視上學簡單的料理，逐工煮菜換菜色，較袂食甲足𤺪 （siān ）。阿伯對芫荽(iân-sui)的看法是：伊愛食芫荽，毋過無法度接受潤餅𩛩(jūn-piánn-kauh)內面的冰閣𩛩芫荽，嘛袂想欲試看覓較特別的芫荽料理，像芫荽咖啡、芫荽的四秀仔(sì-siù-á)，伊攏感覺足奇怪，毋敢食。
講著大甲芋仔的時，阿伯表示伊愛食炊芋仔、芋仔冰，食火鍋嘛佮意共芋仔擲(tàn)落去煮，毋管是甜的、鹹的，伊攏足愛食。若是講對付芋仔會咬手這个的問題，上緊的辦法就是——毋免掛手套，直接對決，慣勢就袂咬手矣。另外，阿伯嘛共阮推銷梨山的高麗菜，講是食起來「較甜」。
記錄者：王苡安、陳曉華
華語釋義：
阿伯時常從電視上學習簡單的菜色，會自己料理，更換菜色讓自己不會吃膩。阿伯對於香菜的看法是：愛吃香菜，但不接受香菜冰淇淋春捲，也不會去嘗試奇奇怪怪的香菜料理，例如香菜咖啡、香菜洋芋片，他都覺得怪怪的，不太敢嘗試。
提及大甲芋頭時，阿伯表示愛吃火鍋芋頭、蒸芋頭、芋頭冰等等，無論甜的鹹的都很好吃。至於對抗咬手的芋頭最快速的辦法就是——不戴手套，直接對決，習慣後便不會咬手了。此外，阿伯也向我們推薦梨山的高麗菜，說吃起來「比較甜」。
記錄者：洪琬瑄、王苡安
便當篋仔匟啥物(piān-tong-kheh-á-khǹg-siánn-mih)
便當篋仔匟啥物(piān-tong-kheh-á-khǹg-siánn-mih)
講著便當店的菜，除了「菜脯」，頭家大部分攏會食。伊講外面的菜脯無啥健康，可能囥較濟防腐劑（hông-hú-tse）。較早伊嘛捌賣過菜脯，彼時陣政府查足嚴，伊才發現無加防腐劑的菜脯囥袂久，足緊著會變質。
三色豆伊嘛會使接受，感覺摻（tsham）佇飯內底足好食。若是便當店定看著的蒜茸（suàn-jiông）佮番薑仔（huan-kiunn-á），伊著毋敢食。因為真濟店會用烏漚（oo-áu）的食材煮食。
阿伯閣提醒，菜價愈貴的時，食便當內面的菜著愛愈細膩（sè-jī）。因為菜價會綴成本起落，像風颱過了後，菜價起價，有一寡較烏心的店可能著會提爛菜去煮，這種狀況伊看過袂少。
記錄者：洪琬瑄、王苡安
華語釋義：
說到便當店的菜，伯伯幾乎什麼都吃，只有「菜脯」例外。他說外面的菜脯不太健康，可能放了比較多防腐劑。以前他也曾賣過菜脯，那時候政府查得嚴，他才發現不加防腐劑的菜脯保存期限真的很短，很容易變質。
三色豆也能接受，覺得拌飯會比較好吃。如果是便當店常看到的蒜末和辣椒，他就不太敢吃，因為很多店家會用不新鮮甚至壞掉的食材來烹飪。
阿伯還提醒，菜價愈貴時，吃便當店裡的菜則愈要小心。因為菜價會隨著成本波動，像颱風過後菜價高漲時，有些比較黑心的店家可能就會拿爛菜去煮，這種狀況他見過不少。
記錄者：洪琬瑄、王苡安
Page updated
Report abuse