食苦當做食補
頭家雖然是臺中大甲人，毋過伊國中畢業就已經來高雄，頭家佮阮分享哈瑪星附近較早因為漁港所以真鬧熱，頭家會記得較早的鼓山菜市仔嘛因為附近的漁港鬧熱起來，另外頭家閣講米行較早是佇這馬米店邊仔的大樓，較早是菜店。阮閣問當時附近有啥物所在是大家攏會去的，頭家講：「當時的人時行到西仔灣看風景談戀愛，足痟的 。」
阮好玄頭家是啥物時陣接手米行，頭家講伊對國中的時陣落來高雄共親大兄鬥相共，是米行的第一代，到今已經四十偌年，阮嘛好奇頭家接手的時陣，敢有拄著啥物困難？因為頭家食苦當做食補，所以伊講攏慣勢無啥物困難。
頭家的米行，除了賣米以外，閣有兼賣青草茶，阮真好奇，哪會賣青草茶？原來較早的年代有一陣仔頭家足投入佇股票，毋過拄著股價大落，厝產攏賠入去矣，頭家想著賣飲料好趁，自按呢抾高雄上出名青草仔茶老店的糞埽轉來研究，研究成功了後，開始賣青草仔茶，生活沓沓仔變好，阮感覺頭家這段青草茶的小故事真趣味。頭家嘛補充講，賣青草茶一個月的利純，等於是賣米賣一年的利純。
阮感覺賣米的生理應該有分大月小月，所以阮就問頭家，啥時陣生理會較好，頭家講通常大節日的時陣生理攏閣袂䆀，特別是過年，米桶裝滿表示明年豐收，頭家也無奈講：「毋過這馬因為少年人無閒，加上無啥相信傳統信仰的儀式，所以這馬的生理嘛袂像較早遐邇好。」阮聽頭家的回答，感覺著伊的無奈。
華語釋義
老闆雖然是台中大甲人，不過他國中畢業後就已經來到高雄。老闆跟我們分享，哈瑪星一帶早期因為漁港的關係，所以非常熱鬧；他也記得早期的鼓山菜市場，因為靠近漁港，所以也熱鬧起來了。
另外，老闆還說，米行以前是在現在米店旁邊那棟大樓，早期那裡是菜市場。我們又問他，以前這附近有什麼地方是大家都會去的？老闆說，以前的人流行去西子灣看風景、談戀愛，很浪漫呢。
我們也很好奇老闆是什麼時候接手米行的，老闆說他國中時期就來高雄和親哥哥一起打拚，他是米行的第一代，到現在已經超過四十年了。我們也好奇他接手的時候有沒有遇到什麼困難？因為老闆把吃苦當作補身，所以他說他早就習慣了，沒什麼特別的困難。
老闆的米行除了賣米之外，還有兼賣青草茶，我們很好奇，為什麼會賣青草茶？原來早期有一陣子老闆很投入在股票市場，不過剛好碰上股市大跌，房產什麼的全都賠進去了。老闆當時想說賣飲料比較賺錢，所以就特地去向高雄最有名的青草茶老店撿垃圾回來研究，研究成功之後，就開始賣青草茶，生活也慢慢好轉。我們覺得老闆這段有關青草茶的小故事很有趣。老闆還補充說，賣青草茶一個月的利潤，足以抵過賣米一整年的利潤。
我們覺得賣米的生意應該有分淡季和旺季，所以我們問老闆，什麼時候生意會比較好？老闆說通常在大節日時生意都不錯，特別是過年的時候，因為米缸裝滿象徵來年豐收。不過他也無奈地說，現在因為年輕人沒時間，加上不太相信傳統信仰與儀式，所以現在的生意不像早期那麼好。我們聽完老闆的回答，也感受到他的無奈。
記錄者：李明家
人佇咧天頂，錢佇咧銀行
頭家講人食米的習慣有因為時代咧改變，以早拄咧送米攏一改送十斗，差不多百外斤，五工就食了矣。紲落來（suà--lo̍h-lâi）就變成送五斗，十偌工食了，到這馬變成半斗，因為無人咧食矣。而且這馬有麵粉、水餃、煙腸一寡（tsi̍t-kuá）其他選擇（suán-ti̍k），米就變成毋是主食。原因是為著健康顧身體，這馬的人會食五穀米、六穀米［華］，濫（lām）番麥佮糙米（tshò-bí），毋過（m̄-koh）對頭家來講，彼是（He sī）伊細漢的時陣逐家用來做鳥仔飼料（tshī-liāu）的雜米，伊講攏倒反（tò-píng）矣啦！以前哪有人有糖尿病（thn̂g-liō-pīnn），是這馬傷富貴才來顧身體。
頭家已經六十二歲矣，伊感覺身體顧予好，活幾歲算幾歲就愛退休矣，無想欲做啥物其他工課。伊講錢趁袂了，「人佇咧天頂，錢佇咧銀行（gîn-hâng）」，錢閣較濟嘛無路用。毋過嘛無愛予少年的接手矣，少年的看著阿爸有賰，伊就無愛做矣，所以到頭家這代攏欲退休矣。這馬賣孤單米的攏會予市場換掉矣，而且就算你有認真咧賣，人客嘛無認真咧食。政府嘛袂補助，毋過若是風颱天損失（sún-sit）嚴重抑是歹年冬，就愛一陣人𤆬（tshuā）里長佮立法委員（li̍p-huat uí-uân）去佮政府吵，有吵就有糖食。另外，這馬哈瑪星有政府的幫助，有真濟新的觀光客（kuan-kong-kheh），毋過嘛袂影響著頭家的生理，因為人攏去麗雄街［華］，而且頭家的人客主要攏是早就熟似矣，所以會因為俗閣好食就一直來。
華語釋義
老闆說人吃米的習慣有因為時代在改變，以前剛開始送米都一次送十斗，差不多一百多斤，五天就吃完了。接下來就變成送五斗，十多天吃完，到現在變成半斗，因為沒有人在吃了。而且現在有麵粉、水餃、香腸這些其他選擇，米就變成不是主食。原因是為了健康顧身體，這馬的人會吃五穀米、六穀米，混合玉米和糙米，不過對老闆而言，那是他小時候大家用來作為鳥飼料的雜米，他說都相反了啦！以前哪有人有糖尿病，是現在太富貴才來顧身體。
老闆已經六十二歲了，他覺得身體顧好，活幾歲算幾歲就要退休了，不會想要做什麼其他工作。他說錢賺不完，「人在天堂，錢在銀行」，錢再多也沒有用。不過也不要讓年輕人接手了，年輕人看到爸爸有剩，他就不要做了，所以到老闆這代就要退休了。現在單獨賣米的都會被市場淘汰了，而且就算你有認真在賣，客人也沒有認真在吃。政府也不會補助，但如果是颱風天農損嚴重或是農作物收成不好的年頭，就要一群人帶著里長和立法委員去和政府吵，有吵就有糖吃。另外，現在哈瑪星有政府的幫助，有很多新的觀光客，但也不會影響到老闆的生意，因為人都去麗雄街，而且老闆的客人主要都是早就認識的老客人，所以會因為便宜又好吃就一直來。
記錄者：李沂諠