Embedded Files
葉菜類［華］ 記錄者：陳曉華（台）／王苡安、洪琬瑄（華）
蕹菜（ìng-tshài）
熱天的時上好食，天氣愈(jú)熱，蕹菜就愈幼愈好食。若是冬天食，蕹菜會柯柯(kua-kua)，無好食。
華語釋義：
空心菜：
夏天的時候最好吃，氣溫愈高則愈鮮嫩好吃。冬天的空心菜，吃起來會有粗糙的纖維感，吃起來不太好吃。
高麗菜(ko-lê-tshài )
一年四季攏有，毋閣平地的愛寒天較好食，熱天若欲食高麗菜，著愛買高山(ko -suann )的才會好食，平地的𠕇(tīng ) -khong-khong，袂食得。較特別的是，佇市仔買高麗菜會使干焦買一周(tsiu)，毋免直接買一粒。
華語釋義：
高麗菜：
一年四季都有，不過平地高麗菜要冬天才好吃，如果夏天要吃高麗菜，則要買高山的才好吃，夏天的平地高麗菜硬梆梆的，不太好吃。另外，較特別的是在市場裡買高麗菜，可以只買四分之一顆，不用一口氣買一整顆。
萵仔菜(ue-á-tshài)
有分足濟種，佇臺灣定看著的是福山萵苣［華］，逐家攏叫伊「大陸妹仔」（tāi-lio̍k-bē -á）。另外一種定定看著的是尖葉萵苣［華］，人攏叫「Ａ菜」［華］；因為以早會提去飼鵝，所以嘛叫「鵝仔菜」（gô -á-tshài ）。
華語釋義：
萵苣：
萵苣分很多種，在台灣較常看見的是福山萵苣，大部分人稱呼它為「大陸妹」。另外一種常看見的是尖葉萵苣，俗名常稱呼為「Ａ菜」；因為以前會拿尖葉萵苣餵鵝，所以也有人稱呼為「鵝菜」。
瓜果類［華］ 記錄者：李昀蓉（台）／王苡安、洪琬瑄（華）
山苦瓜（suann khóo-kue）
皮較𠕇（tīng），生做長長，會使切做薄薄佮鹹卵做伙炒。若是較淺色的苦瓜較適合做冷盤，兩項食起來完全無仝（kāng）。頭家個人較佮意山苦瓜。
華語釋義：
山苦瓜：
它的外皮較硬，形狀長長的，適合切薄片後與鹹鴨蛋一同拌炒。相比之下，顏色較淺的苦瓜更適合涼拌。兩者吃起來口感完全不同。老闆個人比較喜歡山苦瓜。
韓國瓜仔（hân kok kue á）
雖然叫韓國瓜仔，毋過這馬臺灣嘛有咧種。有足濟款食路，親像：切薄落去炒卵、烘甲小可仔焦焦（ta）才糝（sám）胡椒粉。
華語釋義：
櫛瓜（夏南瓜、西葫蘆）：
在台灣其實是引進品種，雖然叫韓國瓜仔，但現在多為台灣種植。吃法很多，可以切片炒蛋、烤至微焦再撒黑胡椒。
胃豆（uī tāu）
花蔫（lian）去就會結子（tsí），愛緊挽，若無營養攏會走去別位。
華語釋義：
秋葵：
一朵花謝了就會結出一根秋葵；要及時採收，不然營養都會流失。
刺瓜仔（tshì-kue-á ）
皮較厚、水份較濟，適合做冷盤抑是切薄落去炒卵，嘛會使豉 （sīnn）。
華語釋義：
大胡瓜（大黃瓜）：
表皮較厚，水分豐富，適合用來做涼拌菜或切片炒蛋，還可以製作泡菜。
瓜仔哖（kue-á-nî）
比刺瓜仔閣較小條，皮薄，會使生（tshenn）食，食起來脆脆，較捷提來做冷盤抑是做醬（tsiùnn）瓜仔。
華語釋義：
小胡瓜（小黃瓜）：
比大黃瓜更細長，皮薄且脆，可以直接生吃，也常用於涼拌或製作醃製小菜。
番仔薑（huan-á-kiunn）
有分大、小个。大个袂薟（hiam），會使提來做色；小个若閣是青的就誠薟，較捷提來調味。
華語釋義：
辣椒：
有分大小。大的不辣，為料理增加色彩使用；小的且為青色品種尤辣，為料理調味使用。
大同仔（tāi-tông-á）
較大粒而且有淡薄仔臭腥（tshènn）味，囡仔人較毋敢食。
頭家講伊以前嘛毋敢食大同仔佮苦瓜，是因為去做兵予人操，食飯的時間閣少，踮遐揀會枵（iau）腹肚，久來就啥物攏食。
華語釋義：
青椒：
青椒比較大顆，而且帶點青味或腥味，小孩子通常不太敢吃。
老闆回憶自己以前也不敢吃苦瓜和青椒，但當兵後因為訓練辛苦、吃飯時間緊迫，不吃就會餓肚子，久而久之什麼菜都能接受了。
甜椒［華］
有黃色佮紅色兩款，食起來較甜。
華語釋義：
甜椒：
有黃色和紅色兩種，味道比較甜。
番麥筍（huan be̍h sún）
番麥細漢的款。食起來真幼，適合炒抑是做冷盤，嘛會當𤉙（kûn）湯。
華語釋義：
玉米筍：
玉米幼小時採收的形態，口感嫩脆，適合清炒或涼拌，也可加進湯品中增添口感。
根莖類［華］ 記錄者：李昀蓉（台）／王苡安、洪琬瑄（華）
馬鈴薯（má-lîng-tsî）
較定提來炒、𤉙（kûn）湯抑是舂（tsing）做馬鈴薯泥。
華語釋義：
馬鈴薯：
主要用於炒菜、燉湯或是做薯泥。
洋蔥（iûnn-tshang）
分做白洋蔥佮紅洋蔥（紫洋蔥）。白色的較薟，適合炒菜；紅色較甜，適合做冷盤。
華語釋義：
洋蔥：
為白洋蔥與紅洋蔥（紫洋蔥）。白洋蔥較辣，適合炒菜；紅洋蔥稍甜，適合於涼拌或製作沙拉。
薑類［華］ 記錄者：李昀蓉（台）／王苡安、洪琬瑄（華）
茈薑（tsínn kiunn）
較淺色，提來做豉薑抑是冷盤攏會使。
華語釋義：
嫩薑：
顏色較淡，適合醃製或涼拌。
粉薑（hún kiunn）
較定提來炒菜佮𤉙（kûn）湯。
華語釋義：
粉薑：
常用於炒菜、煮湯。
薑母（kiunn-bó）
上薟（hiam），適合燖（tīm） 薑母鴨抑是煨（ue）薑母茶。
華語釋義：
薑母（老薑）：
辣度最高，適合做薑母鴨或煮薑茶。
豆仔 （Tāu-á） 記錄者：李昀蓉（台）／王苡安、洪琬瑄（華）
菜豆（tshài-tāu）
比敏豆閣較長，囥一兩工就會冇( phànn)去。
華語釋義：
長豆(菜豆、豇豆)：
比四季豆更長，放一兩天就會軟掉。
敏豆（bín-tāu）
佮菜豆相比會使囥（khǹg）較久。
華語釋義：
四季豆：
比長豆能放得更久。
菇類 （koo luī） 記錄者：李昀蓉（台）／王苡安、洪琬瑄（華）
⚠️菇類干焦會使用水灇（tsâng）一下，毋通用手共甪（lut），若無營養會放水流。
華語釋義：
⚠️菇類只能用水沖一下，不用用手搓，否則營養會流失 。
香菇（hiunn-koo）
香菇（hiunn-koo）
色緻（tī）會綴四季（kuì）變化，適合滷佮炒。
華語釋義：
香菇：
顏色會隨季節深淺變化，適合滷煮或炒菜。
杏鮑菇（hīng pau koo）
杏鮑菇（hīng pau koo）
食起來軟㽎㽎（nńg-sìm-sìm），較捷（tsia̍p）做冷盤抑是挈（khe̍h）來烘（hang），嘛會當切片佮雞肉做伙炒。
華語釋義：
杏鮑菇：
口感Q彈，常見於涼拌或燒烤，也可切片與雞肉一起拌炒。
雙色菇［華］
雙色菇［華］
通常是雪白菇［華］佮鴻喜菇［華］相合（kap）。
雪白菇適合炒抑是燖（tīm）湯；鴻喜菇食起來小（sió）可（khuá）仔甘甜，適合用炊（tshue）的抑是做冷盤。
華語釋義：
雙色菇：
通常爲雪白菇和鴻禧菇組合包。
雪白菇的顏色潔白，質地細緻，適合清炒或燉湯；鴻禧菇則帶有微微的甘甜味，適合蒸煮或涼拌。
Page updated
Report abuse