處理魚的時陣，愛共魚鰓（tshi）提出來，喉（âu）嘛會做伙提出來，喉就是放血的所在，愛共喉鉸（ka）開，共血放清氣。血放了魚仔就較袂臭臊（tshàu-tsho），因為細菌佮血做伙排掉，魚肉就會對紅色變成白色，魚肉嘛會當囥較久。有的人客嘛會專工買魚頭轉去煮，像虱目魚頭佮大尾魚頭，若是較細隻的魚像肉鯽仔（bah-tsit-á）就無法度矣。

華語釋義：

處理魚的過程中，需要把魚鰓拿出來，並且連同喉一起取出，喉就是放血的位置，需要剪開喉並把血排放乾淨。放血的目的是為了防止魚有腥味，因為把細菌連同血液一起排掉，使魚肉的顏色從鮮紅轉化成白色，魚肉也能保持新鮮。有的客人也會特別索取魚頭帶回去煮湯，像是虱目魚頭或者大尾魚的頭，若是比較小隻的魚像是肉鯽仔就沒辦法了。

是虱目魚尻脊骿的一塊肉，彼塊較營養，較無油，無像魚肚油真濟，囡仔無愛食。

華語釋義：

是虱目魚的背鰭肉，較營養、不油，不像魚肚很油，小孩子不愛吃。

阿姨割貨的魚仔通常猶袂處理過，有人客欲買才會幫怹刣（thâi）：「我家己揀（kíng）魚仔、家己賣，人客佮意啥攏知知」。刣魚仔就彼幾步：放血、拍鱗（phah-lân）、挈（khe̍h）腹內。頭起先剾魚鱗，才閣來提鰓，鰓一定愛挖清氣提起來，抑無若欲食肚會有味。閣來共肚佮喉提起來，上尾閣剾一擺鱗。

若講欲按怎看魚仔敢有鮮，阿姨有一个撇步——「目睭看起來金金就是鮮的，肉軟㽎㽎（sìm）就毋通買。」彼工魚仔若賣無了，阿姨就會凍起來，袂討債家己辛苦揀的魚仔。

阮問阿姨：敢有人會拜託你共魚仔目睭挖出來的？伊講：「罕得有人欲共目睭挖出來啦，目睭誠補呢！干焦外行的才會按呢做」。

伊閣講：「一寡主顧客知影大隻魚仔有誠濟膠，閣叫我特別挖出來。彼个足營養、誠好食！」伊講到遮的事志，目睭攏金起來矣 。 

華語釋義：

阿姨批來的魚在販售時大多還沒處理過，有客人購買後才會現場處理。處理流程主要包括放血水、去鱗、去內臟，沒有多餘的步驟。一開始先刮魚鱗，再把魚鰓挖除，腮一定要挖乾淨並拿起來，不然如果要吃魚肚的話會有味道。再來把魚肚、喉等接續挖除，最後再刮一次魚鱗就好了。她自己選魚、自己賣魚，也非常了解客人需求。

判斷魚新鮮與否，她有一套方法——「眼睛亮亮的就是新鮮，肉軟軟的就不行了。」若當天魚沒賣完，就會冰起來保存，不浪費任何一條辛苦挑選的新鮮魚貨。

我們問阿姨：有人會請你把魚眼睛挖出來嗎？阿姨回答：「幾乎沒有人會叫我挖魚眼睛啦，那是外行才會做的事，眼睛很補的咧！」她還說，有些老客人知道大隻的魚有豐富的膠質，還會特別請她幫忙挖出來，「那個膠很營養、很好吃！」她說起這些，語氣裡帶著一種引以為傲的職人精神。