阿姨的人生受時代佮經濟影響。伊講：「較早就干焦（kan-na）較有錢的家庭才有法度予（hoo）囡仔讀完國民學校，你若是查某囡仔，閣較無讀冊機會。」阿姨嘛干焦讀甲國校（現稱：國小）畢業爾（niā ）。

因為翁婿：就是頭家咧賣魚仔，伊自二十三歲就綴咧做。「毋是興趣啦，是為著生活、為著趁錢。」

伊進前捌（bat）佇咧電頭毛店做穡（sit），毋過無啥佮意彼款環境：規工徛（khiā）咧，纘袂牢（tsàn-bē-tiâu），而且彼當陣干焦有欲予人請的時才會來洗頭，幾若（kuí-nā）工無洗，彼个味臭甲，閣無喙罨（tshuì-am）通掛，甚至洗頭洗甲手皺（jiâu）去。

「若欲比，魚仔顛倒無啥物味，毋過有時陣會予魚仔的喙齒劌（kuì）著。」伊坦白講。

記錄者：李昀蓉

華語釋義：

阿姨的人生選擇深深受到時代背景與經濟因素的影響。她提到，早年只有經濟條件較好的家庭才有辦法讓孩子讀完國民學校（今國小），尤其女生更容易被限制教育機會，她自己也只讀到小學畢業。

23歲那年，因為先生（現在的老闆）從事魚販生意，她便踏入這個行業。「不是因為興趣啦，是為了生活、為了賺錢。」在此之前她曾在美容院工作，但不喜歡那樣的環境，長時間站著讓人很累，加上那時候洗頭的客人多半只有在吃辦桌前才會來，頭皮味道重又沒有口罩可戴，甚至洗頭洗到手皺。「相比之下，魚沒什麼味道，就只是偶爾被魚的牙齒勾到而已。」她坦率地說。

記錄者：王苡安、洪琬瑄