Embedded Files
呵咾甲會觸舌
呵咾甲會觸舌
我問阿姨，啥物魚仔賣了上好？阿姨講耍笑（kóng-sńg-tshiò）講：「無賣上好的魚仔，逐家食物件攏嘛換來換去的 」但後來閣講「過年時土魠（thôo-thuh）賣了上好，因為欲送禮」「人客較愛買肉魚仔，較貴，肉真軟，頭嘛軟，進口的無人買」。
記錄者:張少萌
華語釋義：
我問阿姨，什麼魚賣得最好？阿姨開玩笑說：「沒有賣最好的，大家吃東西都嘛換來換去的」但後來又說「過年時土魠魚賣最好，因為要送禮」「客人比較愛買肉魚，比較貴，肉很軟，頭也軟，進口的沒人買」。
記錄者：張少萌
有緣無份
有緣無份
阮問阿姨排擔遮爾久，敢有搪過漚客？阿姨雄雄轉氣口講：「漚客去邊仔啦！」阮好奇問阿姨彼个人客創（tshòng）啥物，予阿姨遮爾無爽快，阿姨無奈應聲：「伊就會佇遐嫌東嫌西，嫌魚仔無好啊，我就莫賣伊就好，我毋免賣甲遮爾辛苦。」阿姨閣講：「是按怎仝款的魚仔遮爾濟人買，干焦你嫌無鮮，無你敢毋就是漚客！」訪問的時陣，有電話敲來，是阿姨的人客。阮閣繼續問阿姨，這敢是佮你誠好的人客？若無哪會互相加電話？阿姨講：「逐家攏誠好啊！加電話是因為做生理的需要，生理人才會按呢。」
問著按怎叫客？阿姨講，魚仔若好，人客自然就會來。魚仔好䆀分足濟種，有一工掠的、兩工掠的、三工掠的……無仝款。外人毋知影，外行的干焦知影魚仔，這號（tsit-lō）較俗，彼號較貴。干焦看價數偌濟，毋知影魚仔愛飼幾冬，阮內行的看就知影矣。
若拄著（tú-tio̍h）會喝價的人客，阿姨做人嘛真a̍t-sá-lih，伊講彼種人就是漚客，伊就共戽（hòo）出去啊！因為固定的人客嘛袂問遮爾濟。這馬人客足少來遮，攏暗時仔敲電話，無就中晝敲，若固定的人客，袂共你出價，嘛袂共你問魚仔的價數。你欲做甲遐艱苦，蹛（tuà）遐出價，不如去邊仔啦！
阿姨嘛提醒買魚愛注意的事志，若去人菜市仔買魚仔，莫共人出價，你愛出價，伊後擺就㧣（tu）䆀的予你。無你當做你出價足𠢕（gâu）的，無人遐戇（gōng），貴的魚當做俗的咧賣啦，你人若較好，就會揀較媠的魚予你啦，你若遐龜毛，人會揀䆀的予你，你愛俗我就揀俗的魚賣你，彼魚仔囥幾工你毋知影啊！後擺你買物件，莫烏白共人出價。
記錄者:李明家、郭軒潁
華語釋義：
我們問阿姨擺攤這麼久，有沒有遇過奧客？，，阿姨突然轉變語氣說道：「奧客去旁邊。」我們好奇的問了阿姨，這位客人做了什麼行為讓她這麼不開心，阿姨無奈的回答：「他就會在那邊嫌東嫌西，嫌魚不好啊，我就不要賣他就好，我不用賣得那麼辛苦。」阿姨又補充說：「為什麼同樣一條魚那麼多人買只有你嫌不新鮮，那你是不是就是奧客。」訪問中突然電話來了，是阿姨的客人，於是我們接著問阿姨這是跟她很好的客人嗎不然怎麼會互加電話?阿姨回答說：「大家都很好啊，加電話是因為做生意的需要，生意人才會這樣。」
問到怎麼招客，阿姨表示，魚的品質好，客人自然就會來買，客人買就買啊，魚的好壞分很多種，有抓來一天的、兩天的、三天的……都不一樣。外人不知道，外行的只知道哪種魚較便宜，哪種魚較昂貴。只有看價錢多少，不知道這魚是養幾年的魚，我們內行一看就知道了。
若遇到會殺價的客人，阿姨做人也很乾脆，他說那種人就是爛客人，他就會把人趕出去！因為固定的客人也不會問這麼多。現在客人很少來這裡，都晚上打電話，不然就中午打，如果是固定的客人，不會跟你出價，不會問你魚的價格，你如果做生意要做得這麼辛苦，在那邊出價，不如趕去旁邊啦！
阿姨也提醒去買魚要注意的事情，如果去菜市場買魚，不要跟人喊價，你若喊了價，下次老闆就會拿比較不好的魚給你。不然你以為出價很厲害嗎？沒有人笨到賣便宜的啦，你做人好一點，人家就會挑好的給你，你如果優柔寡斷、不好招呼，人家就有可能挑差的，因為你要便宜的他就拿便宜的賣你，但那個魚幾天了你也不知道啊！下次你買東西，不要隨便給人喊價。
記錄者：李明家、郭軒潁
溜溜瞅瞅，食兩蕊目睭
溜溜瞅瞅，食兩蕊目睭
「欸，你欲買龍膽乎？」佇阮訪問到一半的時陣，阿姨看著一个沓沓仔（ta̍uh-ta̍uh-á）行來的阿婆。阿婆講毋是，阿姨閣繼續臆（ioh）是鱈魚（suat-hî），敢若足清楚阿婆平常時攏買啥物的款。阿婆發現今仔日閣有馬頭，一面問價數（kè-siàu），一面用指頭仔揬（tu̍h）馬頭的身體，看起來軟膏膏（nńg-kô-kô）的。「彼俗啦，半斤百五。」冷凍的鱈魚予貯入去塑膠袋仔內底，「愛挲（so）粉煎。」
阿婆踅（se̍h）去別的擔仔矣。雄雄喨（liang）一聲，阿姨那回答阮的問題，那對皮包仔內底提出伊的手機仔、共電話接起來。電話講煞，阮趁機會問阿姨是毋是攏有佮人客加電話。阿姨講：「若無，欲按怎做生理咧？電話攏是生理人咧用的，賰（tshun）的別人攏無咧用矣。」人客敲電話來，阿姨共魚仔用好勢（hó-sè），人客若來就會使直接付錢提走。有時陣人客無來提物件，阿姨就會順路共怹（in）送過去。
雖然伊無講出來，毋過這就是阿姨擺擔十幾冬以來佮人客跋感情（pua̍h-kám-tsîng）的撇步——平常時開講、恬恬仔（tiām-tiām-á）共人客的習慣記落來。共人客當作是家己人，沓沓仔就佮怹變做朋友矣。有時陣人客嘛會送一寡（tsi̍t-kuá）禮物。「怹送啥我就食啥。」阿姨嘛佮平常仝款靠俗（khò-sio̍k）。
記錄者：陳又瑄
華語釋義
「欸，你要買龍膽對吧。」在訪談進行到一半的時候，阿姨看到一位緩緩走來的婆婆。婆婆說不是，阿姨又接著猜是鱈魚，似乎很清楚對方平常都買什麼。婆婆發現今天還有賣馬頭魚，一邊問價格，一邊用手指戳著馬頭魚的身體，看起來軟綿綿的。「那個很便宜啦，半斤一百五。」冷凍的鱈魚被裝進塑膠袋裡，「要裹粉煎。」
婆婆去逛別的攤子了。一陣鈴聲響起，阿姨一邊回答我們的問題，一邊從包包裡找出手機、接起電話。電話結束，我們趁勢問阿姨是不是都有和客人加電話號碼。阿姨說：「不然要怎麼做生意呢？電話都是做生意的人在用，別人都沒有。」客人打電話預訂，阿姨處理好魚，客人來了就能直接付錢拿走。有時候客人沒來拿，阿姨就順路幫他們把魚送過去。
雖然嘴上說沒有，但這就是阿姨擺攤十幾年來跟人客搏感情的小撇步——日常閒聊、默默記下客人的習慣。把客人當自己人，漸漸地也就和他們成為朋友了。有時候客人也會拿些禮物。「他們送什麼我就吃什麼。」阿姨也一如既往的隨性。
記錄者：陳又瑄
人情留一線，日後好相看
閣過大舞台遐有別間賣魚仔的，佮怹關係無啥好，阿姨無去遐（hia）行踏（kiânn-ta̍h），佮怹無咧來往，遐嘛較濟人，雖然遐較濟擔，怹嘛無賣較貴，愛看啥物魚仔。進前佇別的市場嘛佮其他賣魚仔的無熟，較早生意足好無時間開講，是這馬較䆀（bái），這馬攏無人咧煮飯矣，這馬逐家攏嘛食外口。嘛袂佮別擔搶人客，無人做甲遮艱苦，有就做，無就準煞，搶人客毋著加忝（ke-thiám），搶人客做袂久啦，伊歡喜就來，你若共別擔搶人客，人客伊可能一擺兩擺買買的爾爾。
阮嘛有問阿姨伊佮佗一擔的關係上好，阿姨講伊佮賣肉彼擔和𥴊仔店（kám-á-tiàm）熟似（si̍k-sāi）上久，怹是政府的，進前佇華王遐嘛是政府的，遐拆掉了後就搬來遮。阿姨嘛講，若欲問較久的事志愛問怹，怹五、六十年前就佇遮矣！我佇遮的時間上短，幾十冬爾。
記錄者：蔡景翔、劉峻嘉
華語釋義：
再過去大舞台那邊有別間賣魚的，阿姨跟他們關係沒那麼好，跟他們不太來往，那也比較多攤，雖然比較多攤但是賣的也不會比較貴，要看是什麼品種的魚。之前在別的市場跟其他的魚飯也不熟，因為生意太好沒時間聊天，是現在生意比較不好，現在都沒人在煮飯了，都外面吃比較多。也不會跟別人搶客人，沒有人要做這麼辛苦，有客人就做，沒有就算了。搶客源只會增加自己的負擔，做不久啦，客人高興就來，如果搶客源就可能買一兩次就不買了。
我們也有問阿姨她和哪一攤的關係最好，阿姨說，她和賣肉那攤及雜貨店認識最久，他們是向政府租的攤位，之前在華王那邊也是，那邊拆掉以後就移到這邊來。阿姨也說，若要問比較久之前的事情要問他們，他們五、六十年前就在這裡了！我在這裡的時間最短，幾十年而已。
記錄者：蔡景翔、劉峻嘉
俗物無好貨
阿姨講魚仔價數，愛看這尾魚仔價值差不多偌濟，伊講若是買較媠（suí）就較貴、較好的魚仔就較貴，若是魚仔囥了足久矣，囥兩工、三工，當然就賣了俗。毋過俗的提轉來，嘛無人欲共你買彼䆀（bái）的。早起阿姨買魚仔的所在，阿姨共伊敲電話，伊就共阿姨留矣，因為伊已經做久矣，嘛袂囉哩囉嗦。頂盤遐若共阿姨攢（tshuân）䆀魚仔，伊就會共伊喝パラ拳（pa-ra-ken)［日］；毋過若是媠的魚，閣欲共頂盤喝價，阿姨講以後頂盤嘛無愛賣你，因為你這歹鬥陣，誰人欲賣你。
華語釋義：
阿姨說魚的價格需看這條魚的價值大約是多少，她說如果買比較漂亮（好）的魚就比較貴，如果是魚已經放很久了，兩天、三天了，當然賣得便宜。但是便宜的魚拿回來，也沒人要跟你買那種不好的。早上阿姨買魚的地方，阿姨打電話給他，他就會幫阿姨留了，因為阿姨已經做久了，也不會囉哩囉嗦。上盤商那邊如果準備不好的魚給阿姨，阿姨就會跟他討價還價了；但是如果漂亮（好）的魚還要跟上盤商喊價，阿姨說以後也沒有上盤商要賣你，因為你這麼難相處，誰要賣你。
記錄者：李妮
Page updated
Report abuse