Embedded Files
千辛萬苦，為著腹肚
千辛萬苦，為著腹肚
阿姨講：「當然是為著錢啊！」
蔡金阿姨是台南茄萣（Ka-tiānn）人，茄萣倚（uá）海。
阿姨講怹兜的出身是做塭仔（ùn-á）的，就是主要飼台南上出名的虱目魚。
也因為伊出世的時就是做這，所以對魚仔真內行。其實伊以前有一段時間做過別途，伊大漢開始改途去學美容，毋過因為緣分閣轉來賣魚，伊這馬是賣魚的熟手矣。
記錄者：王靖琳
華語釋義：
蔡金阿姨是台南茄萣人，茄萣這個地方靠海。她從小就跟家裡做養殖魚業（魚塭），主要是養台南最有名的虱目魚。
因為從小就是做這個（魚類相關產業），所以對魚十分內行。其實她以前過別的工作，那就是在她成年後有一段時間改去學美容，不過後來還是因為緣分回來賣魚，可以說阿姨注定是要成為賣魚的專家了。
記錄者：顏嘉德
加減趁，較袂散
加減趁，較袂散
頭先阿姨笑笑仔講：「啊就為著彼五个囡仔啊！」阮叫是伊厝內底有五个囡仔愛育飼，想袂到原來伊是咧講一千箍頂面彼五个囡仔，也就是為著做生理趁錢，實在真古錐。
其實阿姨以早是佇咧原底華王飯店彼邊賣魚仔，主要是交生理人，賣予餐廳抑是自助餐較濟，所以魚仔嘛會揀較細尾的來賣；尾仔因為飯店拆掉無生理通做，政府有賠償一寡錢予親像阿姨這款公有的生理人，毋過就無分著隔位，變做講愛搬離開市場，好佳哉上尾仔有一个決定欲轉去家己厝內底做生理的人，共隔位讓（niū）予阿姨，伊才會改來鹽埕市場做生理。這馬踮遮賣魚仔，阿姨嘛輕可仔做，想講有歲仔毋免拚性命趁錢，佇這个所在，沓沓仔（ta̍uh-ta̍uh-á）過日就好。
記錄者：邱于耘
華語釋義：
一開始阿姨笑著說：「阿就是為了五個孩子啊！」我們以為是阿姨家裡有五個孩子要養，想不到原來她是在講一千塊錢上面的那五個孩子（＊其實是四個，受訪者口誤。)，也就是為了錢財出來賣魚，這回答真可愛。
其實阿姨以前是在華王飯店那邊賣魚，主要是賣給餐廳或是自助餐（做生意的人）比較多，所以魚也會選比較小條的來賣；後來因為飯店拆掉沒了生意可做，即使政府有補償一些錢給阿姨這種公有的攤商，但就是分不到攤位，變成要搬離市場，幸運的是最後鹽埕市場裡有一個攤商決定在自己家裡面做生意，所以把攤位讓給阿姨，她才會改來鹽埕市場做生意。現在在這賣魚，阿姨只想說多少賺一些就好，畢竟自己已經有年紀了，不必像以前一樣拼命賺錢，在這個地方踏踏實實地過日子就好了。
記錄者：顏嘉德
歡喜一工，煩惱也一工
歡喜一工，煩惱也一工
講著上大的改變，「生理變䆀，差誠濟啦！ 」阿姨按呢講。
這幾年人客愈來愈少矣，無偌濟人會來市場買魚仔，可能是因為這馬逐家攏較無咧煮食，少年仔真少人會家己煮，定定食外口解決三頓，老歲仔嘛煮袂行，平常時干焦有一寡老主顧來交關，所以生理就無講蓋好。
毋過阿姨煞無煩惱這，問著伊敢有想欲換所在做生理，阿姨顛倒講這馬按呢上好，閣較好就做袂去矣！對伊來講，會使過日閣通好佮人開講度時間，順順仔一工過一工就好矣。
年久月深（nî-kú-gue̍h-tshim），菜市仔就算是漸漸（tsiām-tsiām）有真濟變化，無變的是阿姨猶原會佇這，佮陪伊做伙行過半世人的魚擔仔繼續做伴。
記錄者：邱于耘
華語釋義：
說到最大的改變，阿姨說：「生意變差了，差很多啦！」
這幾年來客人越來越少，已經沒什麼人會來市場買魚了。可能是因為現在大家比較少自己下廚，年輕人幾乎都不自己煮，常常靠外食解決三餐；年紀大的也煮不動了。平常也只有一些老主顧會來買，所以整體生意當然就沒有以前那麼好。
不過，阿姨倒是一點也不擔心。問她會不會想換個地方做生意，她反而說現在這樣最好了，再更忙她就做不來了。對她來說，只要能過日子，還能跟人聊聊天、打發時間，一天一天這樣平順地過就夠了。
時間流逝，雖然傳統市場也慢慢在改變，但不變的是，阿姨還是在這裡，繼續和陪伴她半輩子的魚攤一起做伴。
記錄者：紀潔
Page updated
Report abuse