無排擔的時間，阿姨通常攏踮厝歇睏，有時陣暗時會佮朋友出去食飯。阮問講敢有想過欲退休，伊笑笑仔講：「坐咧就有錢趁，誰欲屈（khut）佇厝？」。對伊來講，這馬的生活誠自由，賣魚仔是消遣（khián）的方式。準講真正有一天感覺𤺪（siān）矣，隨時攏會當退休，袂毋甘這擔。

阿姨未來無按算欲創啥，嘛罕得（tit）去遊覽，加加出去外口行行咧，若無屈佇厝裡（lí）傷無聊：「戇（gōng）戇睏，頭腦會退化啦！」囝（kiánn）孫嘛會共伊提醒：著愛加活動，才袂傷緊老。

講著接班的問題，伊直接講：「做這趁無錢啦，少年的攏無欲接」。囡（gín）仔有的佇咧做醫生，有的佇咧長榮［華］上班，出路攏袂䆀（bái），若行甲退休這步，擔位就還政府。

記錄者：李昀蓉 

華語釋義：

阿姨的日常作息，除了賣魚以外的時間，通常在家休息，晚上也會偶爾和朋友聚餐。當問起阿姨是否有考慮退休，阿姨笑著回答說：「坐著就有錢賺，幹嘛退休？」。對她來說現在的生活很自由，賣魚就是打發時間的一種方式。如果哪天真的覺得厭倦了，也隨時可以退休，不會捨不得魚攤。

談到未來生活，阿姨說她很少出去旅遊，沒有特別想做什麼，頂多出去走走，不然老是待在家也太無聊了，「戇戇睏，腦袋會退化啦！」她的孫子也常勸她多出門散步，才不會老得太快。

對於魚攤的接班問題，她也很坦然道：「這魚攤哪有什麼賺錢，年輕人都不會接的啦！」孫子有的在當醫生的，也有的在長榮上班的，薪水都還不錯。

說到接班的問題，她直說：「賣魚賺不到錢啦，年輕人都沒有人要做」阿姨的孫子有的是醫生，有的在長榮上班，前途都不錯，若真到了退休這步，攤位就直接還政府。

記錄者：王苡安、洪琬瑄