像這枝平平的，四角的，剁落去無空隙，魚骨頭就斷去矣。若是用這枝圓圓的(大魚刀)就毋好處理，剁袂落去，較無力。

華語釋義

像這把平平的，四角形的，剁下去(和砧板)沒有空隙，魚骨頭就斷掉了。如果是用這把圓圓的(大魚刀)就不好處理，剁不下去，比較不好施力。 

「刣魚仔愛看魚仔大細尾啊！無仝款的就愛用無仝刀仔，大尾的就愛用大支刀剁較有力，細尾就用小支刀刣，看你的用途啦！嘛愛看人客的需求，欲煮湯就愛切一箍（khoo）一箍，欲煎欲炊就規尾按呢。」

剾鱗、刣肚、清腹內、挖（óo）鰓（tshi）、鉸（ka）翼（si̍t）仔，是逐尾魚仔處理的過程。

閣來親像虱目魚會使切做真濟部位來賣，規條會使先切虱目魚頭、切魚肚起來，剃（thì）開，剃魚瘤起來賣較好價，了後才閣闢魚皮，上尾仔無人欲愛、上俗遐的魚肉就賣人做魚丸仔。

刣大尾魚（像石斑（阿伯講鱖kuè魚）、海魚仔）愛用大支刀落去剁，按呢較好出力才剁會落；若親像四角面的刀剁出來的斷面是平（pênn）的，用來共魚身切斷就較適合；細支的薄魚刀會當提來切肉質較軟的魚仔，因為伊的刀身較利，嘛比大支刀較好攑，魚仔肉看起來就蓋水。

果然是「內行看布底，外行綴人買」，一支刀，用途百百款，一尾魚，刣法看所在，頭家攏有伊家己的手路，阮嘛綴咧學著袂少。

蟹佮蟳仔攏有兩邊尖尖的角，通好對遐共殼撥予開，內底的鰓（tshi）愛共提提起來，才閣共殼匼（khap）倒轉去，一般人客若無特別要求，攏是維持規隻的形，處理到遮就會直接賣予人客，伊佗位攏是寶，殼內底攏有肉通食，頭家閣講，蟹蟳若欲煮了好食，逐家上捷（tsia̍p）提轉去炊，是一種簡單的滋味。

華語釋義

螃蟹和紅蟳都有兩側尖角，可以從這裡將其堅硬的外殼撥開，裡頭的鰓都要拿出來，再把外殼蓋回去，平常顧客如果沒有特殊要求，都是處理到能維持一整隻的樣貌，直接賣給客人，因為螃蟹和紅蟳全身上下，只要將殼剝開都有蟹肉、蟳肉甚至是蟹膏等珍貴的部位可食用。老闆還說，如果想要把螃蟹和紅蟳煮得好吃，大家最常見的做法是拿回家清蒸，就是簡單又好吃的滋味。

頭家的海產擔除了鮮魚海產，嘛有咧賣魚丸仔，攏是對茄萣專門的魚丸仔間進貨的旗魚丸。做魚丸愛先共魚肉絞（ká）漿才落去做，魚料嘛有足濟來源，魚擔賰的、進口的魚攏會使作原料，予人客閣較濟選擇。

華語釋義

老闆的店除了新鮮魚貨和海產之外，也有賣旗魚丸，都是從茄萣專門製作的魚丸廠進貨。製作魚丸前要將魚肉絞成綿密的魚漿再去製作，魚漿原料的來源十分豐富，魚攤剩下的、進口魚肉都能作為原料，賣魚丸也能給客人更多選擇性。

目睭！

愛看起來金金才有鮮！若是濁濁（lô）看起來白霧白霧就毋通揀 。

華語釋義

眼睛！

要是清澈、亮亮的才是新鮮的！如果看起來混濁就不要選。