Embedded Files
記錄者：王靖琳、紀潔、邱于耘、顏嘉德
魚刀（hî-to）
魚刀（hî-to）
囥佇桌仔的三支刀仔用途無仝款，長的彼支刀仔是切龍膽的，較利較薄，會使共龍膽切起來較媠，細支的切細尾魚仔，彼的大支的刀仔是處理其他的魚仔。
華語釋義
擺放在桌上的三把刀具，各自有不同的用途。較長的那把刀用來切割龍膽石斑，刀刃較鋒利且較薄，能使切出的魚肉更為美觀。較細的那把刀則用於處理小型魚類的細節部位，而最大那把刀則是用來處理其他種類的魚。
剾仔（khau-á）
剾仔（khau-á）
主要是用來拍鱗，剾魚鱗會使予魚仔較緊煮熟，佇處理的時陣，定定攏會手提剾仔對魚尾溜（bué-liu）倒頭剾。
華語釋義
主要用於清除魚鱗。去除魚鱗能使魚肉更容易熟透，提升烹調效率。在處理的過程中，通常會手握著刮鱗刀，從魚尾刮向魚頭，以徹底去除鱗片。
袋仔冰（tē-á ping）
袋仔冰（tē-á ping）
事先共水結冰，貯佇草篋仔（tshó-kheh-á）內底，閣用塑膠橐仔（sok-ka-lok-á）共伊遮（jia）咧，了後才共魚仔囥佇橐仔頂懸，按呢熱天魚仔較袂歹去，阿姨閣會用布條圍咧，予魚仔袂因為塑膠橐仔滑溜溜自按呢趨（tshu）去。
華語釋義
事先把水結成冰，放在保麗龍箱裡，再用塑膠袋蓋在上面，接著才把魚放到袋子上方。如此一來，天氣炎熱時，魚比較不容易壞掉。在容器尾端，阿姨還會放上布條，藉此把魚固定住，避免因為塑膠袋太滑而滑出容器。
鐵盤仔（thih-puânn-á）
鐵盤仔（thih-puânn-á）
小管仔袂使佮別的魚仔囥做伙，因為冰角會予小管仔變甲焦焦。小卷仔平常時愛囥佇貯水的盤仔，按呢會較鮮，閣較會囥。
華語釋義
小卷不能和別的魚放一起，因為冰塊會讓小卷變得乾乾的。小卷平常要放在裝水的盤子，這樣會比較新鮮也比較有得放（保存）。
鐵仔（thih-á）
鐵仔（thih-á）
切做塊的魚仔肉若直接焐（ù）冰，肉色看起來會白死殺（pe̍h-sí-sat），予人一種無鮮的感覺。 共伊囥佇鐵仔頂懸，會使予伊的溫度維持較低，就較袂害去，看著嘛較鮮沢 （tshinn-tshioh）。
華語釋義
魚塊如果直接接觸冰，肉色看起來會死白，給人一種不新鮮的感覺。把魚放在鐵板上，可以讓魚溫度比較涼，就不會容易壞，看起來也比較新鮮。
＊焐：將兩個溫度不同的東西靠近，使溫度上升或下降。 烙印或是被熱的金屬器物燙傷。
摃槌仔（kòng-thuî-á）
摃槌仔（kòng-thuî-á）
用來摁（hmh）較大格（keh）的魚仔，對伊的頭共撼（hám）落去，會較好切做細塊。
華語釋義
用來搥打較大隻的魚，從牠的頭搥下去會比較好切成小塊。
Page updated
Report abuse