Embedded Files
Minecraft programa lehentasunez instalatuta dakar Raspbian sistema eragileak 2014ko irailaz geroztik Raspberry Pi gailurako bertsioan. Hala ere, bertsio zaharragoetan ere instalatu daiteke terminaletik; horretarako, sarera konektatu eta honako agindu hauek idatzi behar dira:
sudo apt-get updatesudo apt-get install minecraft-piHala eginda, Python liburutegia eta Minecraft Pi instalatzen dira. Aintzat hartu behar da bertsio hori Raspberry Pi-rako berariaz sortu zela, eta haatik beste edozein sistema eragiletan instalatu ezin daitekeen arkitektura berezia duela. Beste hainbeste gertatzen zaio PC eta Mac ordenagailuetan instalatzeko moldatu den Raspbianen irudiari ere: bertsio hori Debianen oinarritzen da eta ezin du Minecraft Pi exekutatu. Nahiz eta gainerako guztian jatorrizkoaren kopia zehatza izan, ez dakar Minecraft Pi lehentasunez instalatuta eta aukerarik ere ez dago instalatzeko.
Minecraft Pi probatzen
Minecraft Pi probatzen
Minecraft abiarazteko, sartu terminalean minecraft-pi, edo sakatu menu-barrako aplikazioen erlaitzean Jokoak atalaren barruan dagoen lasterbidea.
Aplikazioa kargatutakoan, sakatu Start Game botoia: zoriz osatutako mundu berria sortzen du Create New aukerak. Mundu birtual horretan gertatzen den guztiaren egoera automatikoki eta ausaz gordetzen da. Horrela, aurretik utzitako unera itzuli daiteke jolasari berrekindakoan egindakorik galtzeko beldurrik gabe; alegia, berriz hutsetik hasi ordez aurreko egoera batera itzultzeko eta arestiko Start Game aukeratutakoan gordetako partiden aurrebisten artean bat aukeratzeko.
Jolasaren leihoari eragitean, ñabardura txiki bat ikusten da: Minecraft agertzen den leihoak ez du ertzik. Hori gertatzen da Minecraften kodea atzeko leiho beltzean exekutatzeagatik, eta horri bideo-jokoaren irudiak gainjartzen zaizkiolako. Hori dela eta, bideo-jokoaren leihoari eragin nahi bazaio txikitzeko, handiagotzeko edo minimizatzeko, aipatutako atzeko leihoko titulu-barrari eragin behar zaio. Horretarako, sagua askatu behar da bideo-jokoaren ingurunetik TAB edo tabuladore-tekla sakatuta.
Minecraften gaude jada!
Google Sites
Report abuse