騎鐵馬踅台中，好光景鬥分享 

▌網站介紹

敢想欲用無仝的方式來熟似台中？

台中有全台灣上濟的鐵馬道系統，逐條路線毋但有好光景，沿路閣藏誠濟趣味的歷史故事佮在地文化等待你來發覺。

阮透過實際行踏，規畫出 9 條鐵馬道路線，安排台中的人文歷史佮在地風景，結合紹介佮台語語音導覽，予你佇騎車的過程中，一面騎、一面聽，毋但看風景，嘛會當聽故事、學文化。

若是準備好勢，這馬就綴阮鬥陣來！

- 跤踏予在，看出萬代；土地的接載，是不止仔精彩。

• 公家跤踏車站點查詢

YouBike站地圖

收費方式：台中市政府補助YouBike 2.0前30分鐘免費；YouBike 2.0E前30分鐘10箍。

※仝一个站點還車了後，必須愛等待15分鐘才會當閣使用仝一張卡片佇這站租車。

※提醒逐家愛會記得先搜揣車輛或者是還車的車位數量，才袂落空逝喔！

• 路線等級評分系統

阮透過實際體驗逐條跤踏車道，綜合騎車的感受和路線特性，討論出一套路線困難度的分級標準，共無仝款的路草佮騎車的感受做一个分級，提供予逐个使用者會當參考，揣著適合家己的騎車節奏。

總共分做五級：菜鳥仔、輕鬆騎、普通仔、有食力、拚性命。

※逐个人的體力佮經驗無仝，彼工的狀況嘛會影響著整體騎車的感受，所以這个分級干焦予看做參考。

• 補充電動自輪車的差別

真濟自行車道有規定袂使騎微型電動兩輪車，請依照逐條路線的現場標誌佮公告為準，違規可能會予人開單。為著家己佮別人安全，請選擇會通的車種。