නිසදැස්

කටු අකුල් සිපගත්ත

දෙතොල් තව කළුවරේ

සිත සිතා නොතැවෙන්න

ලොවක් ඇත නෙත් කොණේ

අදුරේ හිද ඉකිබින්ද

සගවගත් හීනයේ

පාට තවරා ගන්න පමා නෑ මගෙ පුතේ

ධන බලය දුටුව තැන

නැමී යන ජීවිතේ

උගත් දෙය තමයි පුත

දිවිය රැදි පන්නරේ

නව ලොවක සුබ සිහින

හෙටත් ඇත හදවතේ

අනාගත ලොවයි අප දකින්නේ ඔය නෙතේ

දෑත් තර කරන්නට

දුර වුනත් සයිබරේ පුත නුඹව තනන්නයි අප සැවොම වෙහෙසුනේ

නිරෝෂනී ගුරුගේ

2018/waya/2nl/S/F/3251

ඔරුව නොවී ජීවන ගඟ - මතුයෙහි සිට හබල් ගාන

නෙළුමක් වී පිපෙන් පුතේ පතුල් මඩ තුලල් හඳුනන

විසිතුරු ඉටි මලක් නොවී - මහ මැදුරක දිස්නෙ දෙවන

වැටකෙයියා මලක් වෙයන් වෙල අද්දර සුවඳ හමන

සිටු මැදුරක උජාරුවට - මිනැස මිනැසියන් පිහිනන

තටාකයක් නොවී හංස හංසි කුරුල්ලන් රඟදෙන

තිත්ත කණෙයි දණ්ඩි හඳයි - පෙතියන්ටත් සෙනෙහෙ පුදන

දොළක් වෙලා ගලන් පුතේ කෙකටිය මල් පිපී නටන

නිල් අහසක් නොවී කිසිදු - කලෙකත් මිහි පිටට නොඑන

මේඝ වළාකුලක් වෙයන් පුලතිසිපුර කඳුළු නිවන

විලවුන් පොද නොවී පුතේ - නුහුරු ලොවට සුවඳ බෙදන

දහදිය බින්දුවක් වෙයන් ජීවිතයට අරුත කියන..........

එන්. ඒ. යශ්මි තාරුකා

2018/Waya/Pri/S/F/3170

හැම මලක්ම මලක්

එයත් මලක්.....

මල් වත්තක රුවට දිලෙන..

කල වේලට පොහොර වැටෙන..

නෙලා ගන්න ආසා හිතෙන..

එය හිතුවත් වැඩ සහිතව..

දිවිතෙක් හිර ගෙය පෙන්වන....

එයත් මලක්......

මහ වනයක රුවට දිලෙන..

කල වේලට පොහොර නැතිව වැස්ස වැටුණ..

නෙලා ගන්න ආසා හිතෙන..

නෙලුවොත් නම් ලොව නොදකින..

වග නොකියන අමතක වෙන....

හැම මලක්ම මල් ගහටම..

ඇත අයිතිය බැහැ නෙලුමට..

තිබුනොත් එය මල් ගහේම..

කැළෑ මලත් සුවද කරයි..

සමහරවිට...

මල් වත්තේ මලට වඩා

මුලු ලෝකෙම......

ඩී.ජී. උදාරා සුපුන්ජානී

2018/waya/pri/s/f/3088

ලොව සම්මත මතු පුත

ජීවනාලිය වී ඇත

සුවහසක් දරුවන් වෙත

පතුරවමු අපි සැම මෙත

අනාගතයට උරුම

සියලු සම්පත් අරුම

ජීවයක් ඇති තුරුම

ලමයි සතුවයි පරම

එච්.ජී.සී.සාරංග

2018/waya/a/s/m/609

හෙට දිනනා මල් කැකුලු

තෙරක් නොපෙනෙන විසල් ලොව තුළ

සැගව ඇති නිල් පලිගු මිණි කැට

ඔප කරන්ට නිබද වෙහෙසෙමු

ලොවක් බබළන අනගි තරු කැට

විශ්වය තනනා මතු නැවුම් ලොව

පියුම් විකසිත වෙයි දිනෙන් දින

විසල් ගගනත විසිරි තරු කැළ

ලෙසින් මුවගේ සිනා විසිරෙන

සිගිති සුරතල් දගකාරකම්

දෝරෙ ගලනා කිරි සිනහා කැන්

මවයි සුරලොව අසිරි දෑසින්

දැයට පිපෙනා සුවද හිරු මල්

සාර අස්වනු නෙළා ගන්නට

හෙලූ දහදියෙ මුතු දිලෙන්නට

දැනුම් සයුරේ කිමිද නැහැවී

මතු දිනේ මිහිකත දිනන්නට

නිබද වෑයම් කරම් මතු දින

දිනෙක දිදුලයි යෙහෙන් දරු කැළ

දෙමින් නිති රිසි ඔවා ගුණ දම්

හැදෙයි නව දින සරුසාර දැය

S.A.D.අනුත්තරා

2018/waya/pri/s/f/3156

ළමා දිනයට සෙනෙහසින් ...

උදෑසන හිරු මඬලින්

විකසිත වන මල් කැකුළු

පිපී හිනැහෙන සඳ

සුන්දරයි මුළු ලොවම ...

ගුවන් ගැබ සිසාරා

විහඟ නද පැතිරෙමින්

සුන්දරයි අද දිනය

පෙර දිනක නොවු විලස ...

උපමාය මෙිි ලෙසට

අනාගත හිමිකරුය

හෙට ලෝකය බබළවන

ඔප දැමූ මිණිකැටය ...

කටුක අභියෝග බිඳ

ඉගෙනීම පෙරටු කොට

ගුණ නැණ බෙලෙන් යුතුව

ජය ගන්න ජීවිතය ...

ජී.ඒ.ඒ.දීප්තිමාලි

2018/WAYA/PRI/S/F/3117

සුබ පතමි දැයේ දරුවනේ

විසල් ලොවේ,

නේක වර්ණ රූ රටාවෙන්

සිත්තම් කරන .....................

විකසිත වන මල් කැකුළු පූදින වසන්තයට

අමන්දානන්දයක් එක් කර දෙමින්

වැඩදායි පුද්ගලන් ලෙස හෙට ලොව දිනමින්

නැණ නුවණින් සවිබල වී

නව මං පෙත් විවර කරමින්

සිත්තරුවෙකු සේ,

විසල් ලොවේ සිත්තම් කරනට ඔබට භාරයි අනාගතේ

ඔබ අඳින සිත්තම් නේක වර්ණවලින් වර්ණවත් කරන විට,

ඔබේ ලක් මව් බැබලේ ලෝතලේ..................

දැයේ දරුවනි,නුවණැසින් ලොව දෙස බලමින්

බුද්ධි කලම්භනයෙන්

ලොව එතෙර වීමට ඔබට නිසැකව හැකි වනු ඇතේ,

කටු බොරළු මතින් ඔබේ පා පොඩි

තබා යන මග දිගේ

මල් ඇතිරේ නුදුරු අනාගතේ

එ දෙස බලමින්

සිනා පොඩි එක්කරමින්

සතුටු සයුරේ කිමිදෙන්නට ඔබ වෙනුවෙන් වෙන් වු දිනේ

සුබ පතමි දැයේ දරුවනේ

එල්.බී.මොනිකා ශෙහානි

2018/Waya/C/S/F/3100

සෙල්ලම් ගෙය අහිමි වෙලා

වැලි සෙල්ලම් දුරස් වෙලා

දුවන පනින නටන ගයන

ළමා ලොවට තහංචි

ටියුෂන් පන්තියට වෙලා

ගණන් හදලා අකුරු ලියලා

ගෙදර ඇවිල්ලත් තව වැඩ

ළමා ලොවට තහංචි

සවන් දෙන්න අපේ හඩට

ආදරයෙන් හිස අත ගා

සොදුරු කතන්දර අහන්න

ළමා ලොවට තහංචි

එම්.දිනිති භාග්‍යා සංදීපනී

2018/ WAYA/DT/S/F/3147

ළමා දිනයටත් සීමා

රංචු ගැසී දුව පනින්න

සමනළුන්ට ඉගි කරන්න

පාට පාට මල් ඉහිරුණු

දෙවැට දිගේ ඇවිද යන්න

නිල් අහසේ දග කරනා

සරුංගලේ හැඩ බලන්න

පුංචි පුංචි දෑත්වලින්

සුදු වැල්ලේ වැලි අනන්න

සෝඩි ටිකිරි දෙපා තබා

කිරි වෙරලේ දුව නටන්න

පුංචි අපේ දිනය ඇවිත්

අතවනනවා හනික

එන්න

අනේ මාව

අත හරින්න

මට බෑ

ගේ ඇතුලේ ඉන්න

E.P.S.A. එදිරිසිංහ

2018/waya/D/S/F/3297

සිඟිති කිරි පොඩි සිනා නඟමින්

පියනඟයි සුදු කොකුන් රැළ මෙන්

කවුරු වෙන්න ද කැමති ඇසුවොත්

කියයි ගුරු ගොවි වෙන්නේ ඩොක්ටර්

නැතේ හිත් තුළ කිසිඳු කහටක්

තරහා ගැරහුම් නැතේ කාටත්

සිනාසී මුවපුරා සතොසින්

ළමා ලෝකය සොඳුරු දෙවොලක්

සමාජය හරි කුරිරු කැලයක්

කටු කොහොල් නිති රැඳෙන මාවත්

මංමුලාවට ගන්න මුර්ගයන්

මාන බලමින් සිටී සිවලුන්

මෙසේ රැකෙනට මඟ හදන්නේ

දෙමාපිය ගුරු රොඳ බඳින්නේ

සුබ අනාගතයක් තනන්නට

නුඹට බාරයි මෙලොව හෙට දින

යන්න ඉදිරිය බලා සැමවිට

එයයි ගුරු මව්පියගෙ සැනසුම

කටු පොකුරු සිඹ අඹරෙ පිපියන්

හෙට ලොවේ නුඹෙ කිරුළු පැළදන්

කේ.එම්.ඉරේෂා සඳමාලි

2018/waya/s/s/f/3101

ගුරුවරියකගේ හදගැස්ම

උදෑසන අවධි වී නිති

සැරසුනේ යන්නටයි උන් වෙත

දැනුනේ නැහැ කිසි මැලිකමක් මට

මතක් වෙන විට සිනහා පිරි මුව ......

පුංචි පිච්ච කැකුලු මාගේ

ලෙන්ගතුවේ සැමදිනම මට

දැනුම එක්කම හොදින් ගුණදම්

දුන්නේ හෙට ලොව දිනා ගන්නට......

ටීචර් ටීචර් කියා හැමවිට

පාසලත් නිමවෙනා තුරු මට

ලැබුනේ නෙක නෙක පැමිණිලියි හැම

මතක් වෙන විට සිනහා එයි පුත.....

හදිසියේ ආ අදුරු වලාවක්

වසාගති එකිනෙකා වෙන්කොට

නැවතුනේ එක තැනක ජීවිත

යලිත් කෙදිනක පුබුදු වන්නද......

පුලුන් රොදසේ ගෙවුන ජීවිත

ඹන්ලයින් වල හිරවෙලා ඇත

නේක විද ලෙඩ රෝග මිස වෙන

සෙතක් වේවිද එයින් සිසුනට.....

දුව පැනපු සිගිති දරු කැල

නිවෙස් තුළටම හිර වෙලා ඇත

නුඹලා ලග තිබු ඒ සුවද මට

දැනෙයි අද හමු නොවුනමුත් අප.......

කොරොනා නුඹ කුරිරුයිද මෙතරම්

අනාගතයත් බිලි අරන් දැන්

අතැර යන්නේ කෙදින දරුවන්

හදගැස්ම උන් මගේ හැමකල්…..

ජී.ආර්.ඩී.බී.ගම්ලත්

2018\waya\pri\s\f\3215

அகிலத்திக்கு ஒரு மலர்

நாட்டுக்கு ஒரு புதயல்

ஆசிரியருக்கு ஒரு மாணவன்

பெற்றோர்களுக்கு ஒரு பிள்ளை

பறவைகள் போல் பயந்துகொண்டு இருந்தாலும்

சில மனிதர்கள்

பறந்துகொண்டு இருந்த சிரகுகளை வெட்டி விடுவார்கள்

ஆனால் நாம் பறப்போம்

பயந்துகொண்டு இருப்போம்

எல்லாவற்றுக்கும் முன் பிள்ளைகளே சிறப்பு

W.h.d.janson

2018/waya/2nl/s/f/3263

இனிய சிறுவர் தின வாழ்த்துக்கள்!

உன் முகம் பார்த்து

எங்கள் துயர் மறந்தோம்..

உன் மழலை மொழியால் எங்கள் மொழிகளை

மறந்தோம்…

மழலையுடன் மழலையாக

எம்மை மாற்றி மனதில் புந்துணர்வு தந்த

உங்களுக்கான நாளில் மழலையாக மாறிய உங்கள்

இனிய சிறுவர்தின வாழ்த்துக்கள்!

S.S.Dilrukshi

2018/waya/s/f/2nl/3061

பூக்க முயற்சிக்கும் பூக்கள் பூக்கட்டும்

குழந்தைகளும் பூக்களைப்

போன்றவர்கள்

ஒரு பூ அழகாக பூக்கும் போது.

குழந்தைகள் சிரிக்கும்போது

அழகாக இருக்கிராற்கள்

அந்த புன்னகையை விடுங்கள்

அப்போது உலகம் அழகாக

இருக்கும்

L.W.K.G.G.Liyanage

2018/ waya/2nl/ s/ f/ 3254

A little caterpillar

From a tiny little egg that comes out

I'm a little caterpillar

You know guys

When I was little

Nobody like me

After a while

Little kids love me

You know why

Because I'm a butterfly

So my friends

One day we will all…

S.M.R.D.S.Ranaweera

2018/WAYA/2NL/S/F/3252

The children's world is sweet and clean

Light and beautiful like butterflies

As a caste

Wherever you are in the world

The children's world is the same

Yayaka blooming flowers

As clean and pure

Innocent young minds are childish

The world sees and feels

As one to them

They are not in color

The difference will never be felt.

Such raw minds

If crushed

Feel the heartache

Too small a heart can bear

A kind word that is close to the heart

An eye full of kindness

Always preferred by everyone

Animal Seepawa loves though

Rhythmic voice

All hearts are the same

Heals

To live life

For seven cents in the world

Love is needed.

K.L.A.Danuka Lakshan Weerasunadara .

2018/waya/DT/S/M/585)

Page updated

Google Sites

Report abuse