De „Fleebutz" is ääner, der es Gras wachse hört. E bissje dorchtriwwe, sei Hütche immer uff Krakeel, macht er viel Sprüch, dene mer awwer nie so ganz traue kann. Im Summer führt er Fremde dorch die Stadt un zeigt dene die Sehenswürdigkeite. Dadebei nimmt er's nie so genau, die Leit müsse's ohnehie glaabe. Neilich hat er sogar eme Fremde weismache wolle, die viele Löcher in de Stadt wär'n Probebohrungen fer e U-Bahn. Gebor'n is er in de Schlossergass, sei Fraa stammt aus de Vilsbach.

De Fleebutz is de Monn vun de Tante Eulalia.