Каму астрог, а каму пірог.
Ад астрогу няма перасцярогу.
Свой суд кароткі.
Самасуд - не суд.
Пан і тады праў, як чорт сведак маў.
Калі карман сух, тады і суд глух.
На базары дом не купіш, а ў судзе праўды не знойдзеш.
Добра з тым судзіцца, хто Бога баіцца.
З суда, як з пруда, - сухі не выйдзеш.
З моцным не біся, а з багатым не судзіся.
Калі на табе кажух ліхі, то суддзя глухі.
Юрысты на руку нячысты.
Воўк ваўка нідзе яшчэ не з'еў.