25 novembro contra a violencia de xénero

Comezamos por colocar un gran lazo morado e un slogan na cristaleira das escaleiras, visible desde o exterior:

No centro, todos os grupos foron pasando polo túnel da violencia, unha aula a escuras, na que debían entrar con lanternas para poder iluminar mensaxes de violencia verbal ao tempo que escoitaban un audio breve no que un mozo agredía verbalmente, e quizais continuase fisicamente, á súa moza. Ao saír facíase unha breve reflexión sobre o tipo de mensaxes que acababan de ver/escoitar recoñecendo que escoitar algúns deles na contorna social na que o alumnado se move.

Despois achegábanse á Biblioteca e tiñan que ordenar textos no semáforo da igualdade. Logo eran eles os que debían escribir algunha mensaxe en prol da igualdade e remataban vendo un vídeo sobre o 25 de novembro, elaborado o ano anterior  no IES de Soutomaior.

Ademais o alumnado de 3º e 4º da ESO achegouse aos pavillóns expositivos do Concello para participar na actividade "Estacións da igualdade", promovida polo CIM da Estrada. Tamén participaron nesta proposta o alumnado dos outros IES do Concello. 

Tratábase de 4 actividades diferentes polas que o alumnado, dividido en grupos debía ir pasando: unha ruleta de palabras de igualdade, un xogo de asociación de nomes de mulleres relevantes e as súas biografías, un obradoiro de pintura de slogans sobre camisetas, outro no que debían escribir os seus propios textos e un photocall.

E o alumnado de Proxecto Competencial de 1º da ESO tamén traballou esta temática e elaborou un pequeno vídeo titulado: "O IES Nº1 contra a violencia... porque non é non!"

Na seguinte ligazón pódense ver máis fotos e este vídeo:

https://www.edu.xunta.gal/centros/iesnumero1estrada/node/1081