Por exemplo, si o noso HotEnd ten unha boquilla de 4mm e queremos que polo menos dea 2 voltas ao borde do obxecto, debemos de poñer un valor de 0.8mm. O valor que debemos de introducir neste parámetro dependerá da tipoloxía da peza e do recheo que usemos, pero o normal é facer un borde con 2 ou 3 voltas.Recomendamos non baixar de 1 mm. Un valor de 1.2 mm é un valor estándar que dá bastante bo resultado.

Incrementar este valor supón incrementar o tempo, o peso, pero conséguese unha maior rixidez da peza.

Grosor superior/inferior

Con este parámetro indicaremos que grosor terán as capas superior e inferior. Estas capas non se ven afectadas pola configuración de recheo, polo que serán capas macizas. Dependendo da figura que queiramos imprimir e do recheo que usemos imos necesitar máis ou menos capas. O normal é usar 3 ou 4 capas macizas, pero nalgunhas pezas para ter un bo acabado imos necesitar algunhas mais. O valor do grosor de capa hai que indicalo en milímetros, polo que hai que multiplicar o valor da altura de capa polo numero de capas que queiramos.

Por exemplo, si estamos imprimindo cunha altura de capa de 0.2mm e queremos ter 3 capas macizas, haberá que introducir neste parámetro 0.6mm.

En xeral, se non hai preferencias por cambiar o espesor, recomendase  que sexa o mesmo que o parámetro anterior, 1.2 mm. Este número é recomendable que sexa un múltiplo da altura da capa.