Araka ny efa voalazako teo am-panombohana ity tranonkala ity, dia betsaka tokoa ny zavatra mba tiana hatao. Miharihary toy ny vay an-kandrina fa raha olona anankiray no "sady mifofotra no mively vy" dia tsy hisy raharaha hanjary. Porofo mitohoka amin'ny tendany ny fitavozavozana eto amin'ny fanaovana mise à jour-n'ny site
Isaorana anareo rehetra ireto izay efa nandray anjara, entanina koa ny hafa mba hitondra ny anjara birikiny.
Mankalaza e!
Calixte Razafimahatratra
RY MPIARO MASINA (- Hira fanevan'ny Kôlejy Md François Xavier Fianarantsoa:)
Mandeha ny fotoana, andeha isika hiara-hiezaka
Mihazakazaka ny fotoana, iaraha-mahalala fa tsy azo, ary tsy mety ampiandrasina io zavatra anankiray io. Ny tena no tsy maintsy miezaka manao izay tokony hatao.
Efa mba manomboka misy maromaro ihany isika, hoy ilay tsy mahay manisa, no mandray anjara eto amin'ny tranonkala SFX Fianara. Ao ny milaza vaovao, misy ny manome tolo-kevitra. isaorana anareo izay efa nandray anjara izany, fa mbola miandry ny hafa ihany koa hitondra ny anjara birikiny; indrindra fa ireo izay mba efa nampanantena fiaraha-miasa eto. Toy ny basy atifi-kavana izy ity, ka arangaranga e !
Araka ireo efa hitantsika ireo , dia nasiam-panamboarana ny tranonkalantsika. Misy ny sarin'ireo Recteurs nifandimby hatramin'izay ireo. Antenaina fa hohatevenintsika izay efa voasoratra ato; ary ho betsaka ny hampita izay fantany, tsy ny mombaireo olona ireo fotsiny, faizay tsara hofantarina momba ny tantaran'ny Kôlejintsika indrindra koa.
Toy izany koa eo ankilan'ny takila, ireo Mpampianatra, Mpanabe namolavola antsika. Tsy ireo efa hitantsika eo amin'ny sary ireo fotsiny, fa mbola hohatevenintsika io arakaraka ny fahatongavan'ny sary sy izay hotantaraintsika momba ireo Raiamandreny isan-karazany ireo: P Barthélémy, Ramose Ralambozafy, Sr Pascale,...sy ny maro hafa koa. Inoana fa betsaka ny azo tantaraina mba hifampizaràna eto.
Hamaranana ny teny, dia misy soso-kevitra avy amin'ny namana anankiray any am-pita, mpampianatra, mahita boky fianarana, mety mba hahasoa an'ireo zandry, zanaka ao amin'ny SFX amin'izao fotoana izao. Raha misy zavatra tahaka an'izany, dia manorata aty amin'ny tranonkala SFX Fianara azafady, mba hitadiavantsika an'izay hevitra sy fomba mety hahafahantsika mandefa izany. Tsy boky ihany anefa, fa na fitaovana hafa heverina fa mety ho azo hampiasaina amin'ny fampianarana, toy ny ordinateur, sy ny hafa koa; dia horaisina avokoa; ary dia isaorana anao mialoha.