Mikendry ny avo hanampy ny ory

Tsetsatsetsa tsy aritra:

...ilazana ny tokony ho jerena akaiky, ny sosokevitra ifampizarana : ohatra akaiky be :

novaina ho lycée d'élite i SFX tamin'ny fin d'année scolaire teo ka maro be no noroahina izay tsy nahazo moyenne mihoatra ny 12/20 , fa kosa tokony nomena Sommation : avertissement , préavis maromaro ny Ray aman-dreny hoe dia handroaka anie izahay fa tsy am-bava indray mandeha dia maro no tsy nino ka tsy faly ary nahatonga fankahalana SFX Ambatomena , sy finoana catholique.

27/10/2013 07:55:21 : Voaray tamin'i P Prospère Ratovomananarivo, Recteur SFX

Miarahaba,

elaela vao nanoratra indray.. mino aho fa ho voaray ny hafatra.. Recteur no manoratra, tsy miaro tena fa tsara ny raha mazava...Nisy tokoa ny tsy fandraisana mpianatra maromaro tamin'ny faran'ny taona sy fanombohana ny taom-pianarana...be ny tsy faly sy kivy .... école d'élite ve?? tsy tokony hisalasalana.. Ny mikendry ny avo hanampy ny ory dia midika fa ʺécole d'excellence ny kolejy... Ao anaty TUX (Trait d'union de Xavier) izany N° 2, ʺherim-po hikendry ny tsara indrindra amin'ny fianarana 12/20 ny salan'isa tratrarina... Hilofo andavan'andro amin'ny fianarana ny lesona sy ny enti-modyʺ... Safidy ataon'ny Raiamandreny sy ny mpianatra izany, ka raha te-handroso sy hahomby dia mila herim-po sy finiavana... Izay tsy vonona amin'izany no mirefarefa sy mialokaloka.. mino aho fa tsy vaovao izany satria ao anaty fiche d'inscription, atao resadresaka amin'ny fanombohana ny taona.. Noho izany efa mivonona eny am-piandohana ny rehetra fa tsy mila sommation izany...averimberina io.. Ao amin'ny St Michel ny concours dia efa hita ny sivana.. Isika aty Fianara mbola tsy mety tonga amin'izany satria zatra tohanan-dava sy ny moramora eo ve?? Tany Afrika aho teo nivory momba ny networking jésuite.. Isika Madagascar dia Tara be.. Tena tara... Mahantra olona ny Malagasy hany ka mahantra ny olona sy ny firenena.. Iomehezan'ny Afrikanina isika... Jereo Sénégal.. Kenya... sy ny maro hafa na dia Côte d'ivoire fotsiny aza vao rotiky ny ady an-trano efa manao dingana lehibe... Mahantra olona isika e... be manam-pahaizana fa tsy ampy hampivoatra an'i Madagascar.. Tompon'andraikitra amin'izany ny sekoly toa an'i SFX tantananay raha namoaka élite ihany ... Aiza daholo?????

P. Prospère Ratovomananarivo

ny voalaza ery ambony

NY MPIANATRA REHETRA NO TSY MAINTSY TAFITA

Mikendry ny avo hanampy ny ory,

Miteny ho azy io filamatra io. Ecole d’excellence izany ny Kôlejy Md François Xavier. Inona tokoa moa no maharatsy an’izany? Ataoko fa izay no tokony ho tanjon’ny toeram-pampianarana rehetra.

Hoentina hitarihana ny saintsika mpamaky, dia inty misy toe-javatra misy any Lafrantsa any: isan-taona isan-taona dia misy ny fandaharana ny lycées rehetra ( classes de seconde, première sy terminale no resahina eto), fikilasiana azy ireo, hahafantarana izay lycée tsara indrindra. Matetika dia izany lycée Louis-Le-Grand, sy lycée Henri IV izany, samy ao Paris, no voalohany sy faharoa. Ary io filaharana io dia tsy miova na zara fa miova. Ny Fanjakana no mametraka ny fepetra hoenti-mandahatra azy ireo, ka ny voalohany indrindra amin’izany dia ny habetsahan’ny mpianatra afaka bacc sy ny naoty azon’ireo mpianatra ireo…

Rehefa nandinika koa anefa ny olona sasany, dia nisy ny nanampy fepetra hafa hoenti-mitsara sy manakilasy ireo lycées ireo. Araka ny fanadihadiana nataon’ny anankiray amin’ireo àry; “Le Figaro Etudiant” ohatra dia lycée anankiray any Bretagne any (faritra avaratra andrefana), izany Lycée Diwan izany, any amin’izany tanàna kely antsoina hoe Carhaix Plouguer izany, no nisongadina ho voalohany amin’ireo lycées miisa 1945 any Frantsa tamin’ny taom-pianarana 2013 lasa teo ity. Ankoatra ny isan’ireo izay afaka bacc vokarin’ny sekoly, dia noraisina ho anisan’ny fepetra fikilasiana koa:

- ny fahaizan’ny lycée mampianatra ka mahatafita ireo mpianany izay tsy voatery ho ankizy maranin-tsaina daholo na efa voasivana mialoha tahaka ny fanaon’ireo lycée malazabe voatonona teo aloha ireo.

- ny fahafahan’ny toeram-pampianarana mitazona ny mpianany izay noraisiny nanomboka ny seconde, ka manao izay hahatafitana azy hahavita ny bacc, fa tsy handroaka azy kosa eny antenantenan-dalana (faran’ny taonan’ny 2nde na 1ère).

Ny lycée efa malaza dia mazava ho azy fa ifandrombahan’ny olona, ary dia afaka misivana tokoa an’izay mahay ho raisiny ho lasa mpianany, vao mainka hampiakatra ny lazany. Miakatra ho azy koa ny saram-pianarana, ka tsy takatry ny kely vola intsony. Ka na mba maranin-tsaina tokony haharaka ny fianarana any aza ny sasany, dia voasivana ho azy noho ny tsy fahampiam-bolan’ny raiamandreny. Ny mpianatra efa mahay sady be vola ihany izany no tafiditra amin’ity karazany voalohany ity.

Koa rehefa hatao tanjona ihany ny hahatafita ny mpianatra mba hikendry ny avo ka ho afaka hanampy ny ory, dia azontsika inoana fa efa mandray ny fepetra rehetra ny tompon’andraikitra ao amin’ny Kôlejintsika ka hanampy amin’ny fomba rehetra ny mpianatra ka hahatafita azy rehetra tsy an-kanavaka. Satria rehefa mba ataoko ny fandinihana, ny an’ireto lycée lehibe voatonona ery ambony ireto dia “ny mikendry ny avo fahaizana no ataony, amin’ny alalan’ny sivana, olona efa tena mahay no raisiny, fa izay ory fahalalana izany dia tsy hampiany velively.”

Ekena fa sarotra ny fanabeazana sy ny fampianarana, mora kosa ny mitsikera sy ny manolotra hevitra tahaka izao ataonay izao. Fankaherezana no azo atao ho anareo mpianatra mba hilofo hatrany fa tsy ho varimbariana ka hailikin’ny olona eny an-tsisin-dalana satria tsy mahavoa, tsy maharaka. Ho anareo mpanabe sy tompon’andraikitra rehetra kosa, ezaka lehibe no ataonareo sy miandry anareo, satria azo antoka fa tsy ny fandroahana mpianatra be dia be no tanjona mba hanilihana ireo izay votsa saina satria somary sahirankirana noho ny hafa vao mba mahazo ny fanazavan’ny mpampianatra; fa ny hahatafitanareo ireo mpianatra izay efa eo am-pelatananareo amin’izao fotoana izao, na ahoana na ahoana havotsan’ny sainy na hakingan-tsainy tsy amin’ny alalan’ny fandroahana fa ny fanampiana izay reradreraka kosa mba hitovizany amin’ireo efa avo fahaizana sy maranin-tsaina ka mora mahazo sy mitadidy lesona. Tsy maintsy hampiana manokana izany ireo somary votsa noho ny sasany ka hohamafisina, ohatra, ny fampianarana teny vahiny ho an’ny sasany, homena lesona na famerenan-desona manokana sy fanazaran-tena fanampiny ireo izay tsy dia havanana loatra amin’ny matematika na ny taranja hafa. Io ilay antsoina hoe “mesures d’accompagnement” izay tsy maintsy atao rehefa misy fanovana goavana tiana hatao ary indrindra tiana hahomby tahaka an'ity.

Ny tena ho lazan’ny Kôlejintsika amin’izay fotoana izay, dia tsy ny sivana izay hafotaka eo am-pidirana ( lalanan-javatra io), fa ny fahaizan’ny mpampianatra mampita ny fahalalany, mamolavola ny mpianatra tsy an-kanavaka, ny fahatomomban’ny fitaovana sy ny hoenti-manana apetraky ny tompon’andraikitra isan-tokony, ka hahafahan’ny mpianatra tsirairay mandroso ka hahakendry ny avo tokoa. Tsy ho 12/20 fotsiny ny salanisa ho azon’ny mpianatra, ary izay tena manao kitoatoa tokoa sisa no tsy hahatratra izany ka hanasàn-tanana satria efa lany haika ny rehetra nanao izay hanampiana azy; ka izay isika vao ho afa-kiteny hoe ”afaka adidy tamin’ny fatana fa nandroso kitay tsy nirehitra.”

Eto am-pamaranana dia ny ohabolan’ny Ntaolo no entina hankaherezana anareo mpianatra rehetra, raiamandreny ary tompon’andraikitra tsy an-kanavaka ato amin’ny Kôlejy satria: “tsy misy mangidy ohatra ny sakay, hono, fa rehefa teny ierana lany ihany” ary “tsy misy mafy tsy laitran’ny zoto”.

Calixte Razafimahatratra: 10/11/2013 09:42:04 (1974-1980)

ny voalaza ery ambony

NY FAHENDRENA NO HAHAVITANA ZAVATRA FA TSY NY FAHAIZANA

Tolo-kevitra mikasika ny FANABEAZANA

Tanjona: Hahatonga Ny Olona ( Mpianatra ) Hahavita ZAVATRA

Hahatonga ny FIRENENA handroso ( fa tsy 53 ans d'Indépendance kanefa na ny Vary hohanina mbola tsy mahazo na ny sahaza isan'andro ....)

Voalazan'ny Baiboly fa ny FAHENDRENA no Hahavitana Zavatra fa tsy ny fahaizana

Voaporofo koa fa eto Madagasikara raha ny isan'ny MANAM-PAHAIZANA : Ingénieur, professeur, docteur isan-karazany, sekoly ambony isan-karazany tsy mitsahatra ny mamoaka ....

Ny Problème izany tsy ny isan'ny manam-pahaizana ( élite ) fa ny ISAN'NY HENDRY

Noho izany ny " Famolavolana MPIANATRA HENDRY ( Discipliné ) no tena

Lahara-pahamehana. ( honneteté, franchise, ponctualité,...)

Mpampianatra no manoratra ary mahafantatra tsara ny fanaon'ny Mpianatra rehefa manao fanadinana any amin'ny sekoly isan-karazany na amin'ireo fanadinam-panjakana toy ny bacc na concours ...

Io no anisan'ny nampiavaka an'i SFX tamin'ny andron'i P. Préfet Jean Marie VERLEY( isaky ny examen trimestriel tsy maintsy nisy voaroaka noho ny hala-tahaka foana indrindra tamin'ireo sokajy " petit " sy " moyen " fa ireo tody any amin'ny "grand" efa voasedra tsara amin'ny ankapobeny .

Izay no tolo-kevitra tiako ampitaina : Lehe misy "SOA" raiso fa raha "ratsy"

ny teniko no ario fa aza ny tenako.

Ho tahian'Andriamanitra isika rehetra.

Ra-Foudre, (10/11/2013 17:56:20 )

FANAMARIHANA

Ny Tian'ny Mpanoratra ny laha-teny ho lazaina dia izao:

• - Ny tanjona amin'ny Fanabeazana dia ny Olona hahavita zavatra aorian'ny Fianarana ataony.
• -Tsy indicateur na fahaizana mihintsy ny diplaoma na ny galona ( na tonelina iray metatra tsa vitan'ny injeniera aman'arivony mivoaka isan-taona, arakaraky ny maha-maro an'isa ny jeneraly no maha-betsaka ny dahalo ....
• -Tsy ao anati-na sekoly ihany no andratoana fahaizana ( tamin'ny andron'Andrianampoinimerina no namboarana ny digue,tamin'ny andro fahagola no nahavita lalamby sy tonelina, Salomona tsa nanana izao Bacc izao fa nahavita zavatra betsaka, azo tohizana amin'ny Rafitra hazo koa ...
• -Tsy azo Ampitoviana Lenta ny Fahaizana sy Fahendrena mitovy amin'ny Tsy hahazoana mampitovy ny Vatana sy Fanahy .
• -Jereo ny Baiboly ho an'izay mbola tsy resy lahatra.

Fehiny: Raha Tiantsika Hifanaraka amin'ny SITRAPON'ANDRIAMANITRA ny Fiainan'ny OLONA beazintsika ao amin'ny SFX dia Omeo Lanja be kokoa ny FAHENDRENA ( discipline )

Ario ny Teniko raha tsy Tianareo io Hevitro io .

Ra-Foudre, 11/11/2013 19:25:38 (1964-1972)

ny voalaza ery ambony

MPIANATRA SADY HENDRY RO MAHAY

Misaotra amin'ny tolo-kevitra rehetra sy ny fanatanterahana ity ezaka fampifandraisana antsika samy SFX ity fa raha azoko tsara ny voalaza rehetra dia MPIANATRA SADY HENDRY RO MAHAY RO TOKONY HIVOAKA AVY TATO amin'ny SFX FA TSA MAHAY FOTSINY NA HENDRY FOTSINY, ny olo mahay rehagna, ny olon-kendry misy fa ireo roa miaraka ro tsa ampy.

Handroso hatrany anie ny ezaka FANABEAZANA tanterahina ato amin'ny KOLEJINTSIKA. Mankahery anareo miezaka rehetra na ireo Pretra Mpiandrakitsa na agnareo Mpanabe rehetra MBA HO TENA MPANABE FA TSA MPAMPIANATSA FOTSINY satria ny Mpanabe dia manabe amin'ny lafiny rehetra fa ny Mpampianatsa dia mampita fahaizana fotsiny.

Samia ho tahin'Andriamagnitsa e

Toara, 11/11/2013 10:47:29 (1980-1983)

ny voalaza ery ambony

• Akory ny hevitrao?...mba zarao eto izay fantatrao