المحتال المحترف رئيس العصابة يطلق على نفسه إسم محمد علي - أبو علاء

ويطلق على وكره إسم "مكتب التحقيقات القانونية" وهو في الحقيقة كراج لغسيل السيارات

إحذر جداً إذا طلب منك شخص لا تعرفه أن ترسل له نقود بالويستيرن يونيون مهما كانت مبرراته مقنعة!!

إحذروا من أن يتصل بكم شخص يدعي أنه قادم لكم ليوفر لكم عمل وبعد فترة قصيرة يتصل ليقول أنه محجوز في مطار وبحاجة إلى نقود عن طريق الويسترن يونيون كي يكمل طريقه، هذه ألاعيب عميل الموساد في السويد الذي يطلق على نفسه إسم محمد علي ويدعي أنه لديه مكتب للجوء والإستثمار وهو في الحقيقة للعمالة والنصب والإحتيال.

يخرج علينا الآن عميل الموساد زعيم عصابة المحتالين في السويد الذي يطلق على نفسه إسم محمد علي بطريقة جديدة للإحتيال وهذه الطريقة تكون بأن يستخدم هذا المحتال أعوان له مقيمين في أمريكا وكذلك أشخاص محتالين مقيمين في السعودية حيث يدعي الأشخاص المقيمين في السعودية بأنهم قادمين إلى نيوزيلاندا مثلاً كمثثلين لشركة كبيرة أو لأمير معين ويقوم النصاب الموجود في السعودية بالإتصال بالشخص في نيوزيلاندا وإبلاغه بأن مجموعة من الأمراء وممثلين لشركات معلروفة هم في طريقهم إلى نيوزيلاندا من أمريكا وفي اليوم التالي يتصل النصاب الآخر الموجود في أمريكا ويقول أنه في طريقه إلى نيوزيلاندا ولكن حجز في المطار في أمريكا وكل أمتعته بقيت في الطائرة وهو بحاجة إلى 2000 دولار أمريكي أو مبلغ من هذا القبيل لشراء تذاكر أخرى، ويجب أن ترسل له هذه النقود بالويستيرن يونيون مطار معين في أمريكا، حيث يقوم المحتال بأخذ النقود من الويستيرن يونيون بأمريكا ويختفون بعد ذلك، هذا بالضبط ما حدث قبل قليل مع شخص عربي مقيم في نيوزيلاندا وأرسل لي المعلومات التالية كي أنشرها بالنيابة عنه، كي لا يقوم هؤلاء المحتالين بالنصب على أشخاص آخرين.

ما حدث هو أن هذا المحتال محمد علي وشبكة المحتالين التي يتزعمها قد عرفوا بطريقة ما أن هناك مطعم في نيوزيلاندا يملكه شخص عربي ومن السهل الحصول على هذه المعلومات من شبكة الإنترنت هذا المطعم إسمه Landline حيث قامت عصابة المحتالين بالإتصال بالهاتف الخلوي لصاحب المطعم وقالوا لهم أنهم بحاجة إلى خدماته كي يقدم الطعام لفريق كبير قادم من السعودية وقال المتصل بأن إسمه الدكتور سامي الجفالي وأنه قادم مع الأمير وليد بن طلال ليحضروا إفتتاح فندق في نيوزيلاندا، أي أن هؤلاء المحتالين إنتحلوا شخصية الجفالي وإبن طلال!!

قام المحتالون الذين إنتحلوا شخصية هؤلاء الأشخاص بإرسال رسالة قصيرة إنتحلوا فيها شخصية إسم شركة سعودية معروفة، أي أن الرسالة المكتوبة أرسلت من هاتف خلوي في أمريكا رقمه: 0012142088385 ومرسل الرسالة إدعى بأنه: Dr Sami Juffali EIJB.com وإدعى أيضاً بأنه يمثل الشركة التالية:

Dr Abdallah Almobty

CSC.org.org

0096612182253

0096614031722

أي أن هؤلاء النصابين إنتحلوا إسم هذه الشركة السعودية المعروفة وهي على غير علم بذلك ليرتكبوا نصبتهم وإحتيالهم.

وفي الصباح التالي إتصلوا بصاحب المطعم العربي من هاتف في أمريكا وقالوا بأن الجمارك قد أخذت حقائبهم بما فيها المحفظة وقالوا بأنهم لم يستطيعوا القدوم على الطائرة القادمة إلى نيوزيلاند وأنها غادرت قبل أن يصلوها.

قالوا لصاحب المطعم في الهاتف أنهم بحاجة إلى مبلغ 1636 دولار أمريكي كي يشتروا تذاكر على الطائرة القادمة وأن الوقت متأخر في السعودية وأنه لا يستطيع أحد في السعودية أن يرسل لهم هذا المبلغ لذلك طلبوا من صاحب المطعم أن يرسل لهم النقود بالويسترن يونيون كي يشتروا التذاكر، وقد قام صاحب المطعم فعلاً بإرسال مبلغ 1800 دولار أمريكي لعصابة النصابين عن طريق الويستيرن يونيون.

تم تحويل النقود بإسم Sami Juffali بواسطة الويستيرن يونيون إلى أمريكا، وبعد إرسال النقود إختفى كل أفراد العصابة، فأغلقوا جميع الهواتف وإختفوا.

يوجد شخص حقيقي معروف في السعودية إسمه Sami Juffali وحذر هذا الشخص من أنه هناك عصابة من المحتالين تستخدم إسمه وأكيد أن عصابة المحتالين هذه لديها طريق تزيف بها أي إسم على بطاقة تعريف يمكن بواسطتها أخذ النقود من الويستيرن يونيون بالإسم المزور.

أي أن هذا الشخص Sami Juffali لا علاقة له من قريب ولا من بعيد بعصابة المحتالين هذه، ولكن تم إستخدام إسمه من قبل هذه العصابة للنصب والإحتيال وقد حذر هذا الشخص من أن هناك عصابة محتالين تستخدم إسمه في أعمال نصب وإحتيال إجرامية.

هذه الرسالة التي أرسلها لي صاحب مطعم لاندلاين في نيوزيلاندا وطلب من نشرها:

بالنقر على الصورة تظهر بحجم أكبر من السهل قرائته!

ألاعيب أخرى لعميل الموساد في السويد الذي يطلق على نفسه إسم محمد على ويستخدم هذا الرابط (http://higra.org) كمصيدة لإفتراس ضحاياه! يطلق على عصابته أيضاً إسم "مكتب التحقيقات للجوء والاستثمار"

التحفة الأولى: عميل الموساد محمد علي يقول لضحاياه أنه يضمن له مربح قدره 100000 "مائة ألف" دولار أمريكي في الشهر ربح صافي.

مع العلم أن الراتب الرسمي لرئيس وزاء السويد لا يزيد عن عشرة آلاف دولار أمريكي في الشهر وأن راتب رئيس جمهورية فنلندا 14000 أربعة عشر ألف يورو في الشهر، أي أن عميل الموساد محمد على ينصب على ما كان ساذجاً بأنه سوف يضمن له راتب يزيد على 7 اضعاف عن راتب رئيس جمهورية فنلندا، وهذا المربح مضمون في الشهر حسب تأكيدات النصاب المحتال محمد علي.

راتب الطبيب العام في فنلندا 3450 يورو، يدفع منها ضرائب نحو 30% من هذا المبلغ، فيبقى له في الشهر 2415 يورو في الشهر، أن ان الطبيب في فنلندا يستلم مبلغ يقل عن 2500 يورو في الشهر وعميل الموساد محمد علي يؤكد على أنه سوف يضمن لإنسان ليس لديه اي مؤهل علمي أن يحصل على راتب يزيد عن راتب 40 طبيباً مؤهلين ههههههههه، فهل هناك إنسان ساذج لا يدرك أن هذا عميل الموساد نصاب محترف يسكن في وكر للصوص وقطاع الطرق في منطقة معزلة في مدينة غوتينبرغ السويدية، حيث أنه في نفس المنطقة التي يسكن فيها، قام عدد من المجرمين بحرق أكثر من 70 شخصاً حتى الموت في ملهى ليلي، هذا العمل لم يحدث في أي مكان موبوء من قبل ولا حتى في ساو باولو.

الرجاء قراءة الإعلان التالي الذي نشره عميل الموساد محمد على على صفحته كي يوقع بضحاياه!!

هذه عبارة عن صورة عن مدونة هذا العميل على الرابط: http://higra.org

التحفة الثانية: قيام عميل الموساد بنشر طلبات مرفوضة لطالبي لجوء، ومن الطبيعي رفض أي طلب لجوء كان مقدمه محتالاً، فأي شخص حتى لو كان أمياً ممكن أن يكتب إلى أي محكمة أو أي إدارة وهذه المحاكم والإدارات ملزمة قانوناً بالرد، وطبعاً يكون بالرفض لأن مقدم الطلب شبه أمي.

فمن تحفه في هذه الطلبات أنه يقول أن هذا المحتال يقول أن "أعلى محكمة في السويد هي المحكمة الإدارية التي تنظر في الأحكام الصادرة عن المحاكم الأخر"، هذا كلام غير صحيح، المحكمة الإدارية في السويد هي ليست أعلى محكمة وقرارات المحكمة الإدارية في السويد من الممكن نقضها بواسطة المحكمة الإدارية العليا.

قمت بتعليم الجملة التي ذكر فيها هذا المحتال هذا الإداء في نصه أدناه:

هذه عبارة عن صورة عن مدونة هذا العميل على الرابط: http://higra.org

ومن التحف الأخرى لعميل الموساد محمد على أنه ينشر قرارات محاكم لطالبي اللجوء ويلعب بها بالفوتوشوب ثم يكتب عليها باللغة الإنجليزية أنه غير مسموح لأي شخص أن ينسخها أو ينشرها وهو نفسه ناشرها على النت ههههههههههههه

المعلومات السرية التي في المحكمة يمنع مثل المعلومات التي تتعلق بالصحة أو قرارات طلب اللجوء تعتبر سرية وعند إستخدام معلومات تعتبر سرية كالحالة الصحية في قضية، لا يجوز أن تستخدم في قضية أخرى، هذا هو المقصود من القانون، ولكن لا يقصد بالقانون أن ينشر محتالاً قراراً ملعوب به بالفوتوشوب ويقول لا يجوز أن تنشروه أو تنسخوه لأنه سري هههههههههه ما دامك أنت نشرته فإنه لم يعد سرياً ولكنه بناءً على نشرك له في النت أصبح متاحاً وأنا هنا أعيد نشره مرة أخرى.

إذا كان هذا العميل المحتال محمد علي يفهم قشرة بصلة في القانون، فأنا أيمن أبو صالح معلوماتي كلها موجودة على هذه الصفحة من عنوان وأرقام وهاتف وكل شيء، وأنشر هنا ما نشره المحتال محمد علي على صفحته وقال أنه لا يجوز نسخه ولا إستخدامه ولا إعادة نشره، إذا كان يفهم قشرة بصلة في القانون فليزمني قانونياً بمسح ما نشرته على الأقل، ثم ليحاسبني على نشر معلومات سرية غير مسموح به.

إذا لم يستطع إيقاف نشر معلومات سرية هو يقول لا يجوز نسخها ولا إستخدامها ولا إعادة نشرها!! فإذاً هو يفهم في قوانين البصل ولا يفهم أي شيء في القانون السويدي ههههه، يا قانوني فرجينا شطارتك هههههههههه معلوماتك السرية تستخدم على هذه الصفحة، على الأقل أوقفها بعدين فرجينا ملاحقاتك القانونية ههههههههههههه

الوثيقة السرية الأولى لعميل الموساد محمد علي التي أقوم بنشرها على عاتقي وعلى عينك يا تاجر ههههه:

بالنقر على الصورة تظهر بحجم أكبر من السهل قرائته!

الوثيقة السرية الثانية لعميل الموساد محمد علي التي أقوم بنشرها على عاتقي وعلى عينك يا تاجر ههههه:

بالنقر على الصورة تظهر بحجم أكبر من السهل قرائته!

أما بالنسبة لواقع الوضع في السويد بالنسبة للأجانب، فأفضل شرح له وجدته لمصري عاش الوضع بنفسه في السويد كأجنبي ويكتب تجربته الشخصية عن السويد باللهجة المصرية فيما يلي (نسخت كلام هذا المصري عن تجربته الشخصية في السويد من على الرابط: http://dvd4arab.maktoob.com/f1557/3679473.html بتاريخ 5/3/2013.

هذا أفضل مقال وجدته على النت يصف الواقع الحقيقي لمعظم الأجانب في السويد!!

النص المنقول:

الموضوع: السويد بدايه ام نهايه المطاف " معلومات عمليه عن السويد والحياه فيها بتجارب شخصيه"

موضوع رائع جدا بصراحة وكمية المعلومات الموجودة فى الموضوع تختصر الكثير من الوقت لاى حد عايز يسافر السويد للتعرف على الحياة هناك.

السلام عليكم و رحمه الله و بركاته

الموضوع ده عملته عشان نجمع فيه خبراتى و خبرات كل الناس اللى عايشين فى السويد و نجمع كل مشاركتنا و نحدثها بأخر المعلومات ومنه هاتتعلم ان شاء الله كتير عن السويد و عن الحياه فيها

زى ما اى موضوع عن دوله اوروبيه الناس بتحب تبدأ بالتأشيرات للسويد و ده موضوع اتفرك و اتدعك شرح و اتفرتك خالص فى مليون موضوع قبل كده و كل دول الشنجن ورقها واحد وظروفها متشابهه.

اول حاجه يا بطل ربنا كرمك ووصلت هنا خلاص

الاول هانعمل مقدمه كده نشرح عن طبيعه الحياه و المشاكل الكبيره و بعدين الحياه اليوميه دى من القصص بتاعتنا

لازم تعرف بعض المعلومات كده الهامه عند وصولك اولا فى فرق كبير بين مستوى المعيشه والدخل و المصاريف من مدينه الى اخرى هنا! بمعنى مثلا الحياه صعبه فى استوكهولم بسبب الاجانب و الشغل صعب جدا و الاسعار غاليه بدرجه رهيبه والمدينه الاصعب على الاطلاق انك تعيش فيها هى مالمو بسبب انخفاض و تدنى مستوى المعيشه هناك ( طبعا بالنسبه لمستوى السويد يعنى بس بالنسبه لمصر بدون تعليق طبعا ) المهم هناك بقى الاجانب مش بس كتير لا دول مجرمين كمان فى مناطق كامله الحكومه اعتبرتها مناطق موبوئه و بتتعامل معاهم من المبدأ ده ان دى مناطق زى مناطق المشعه بعد كارثه نوويه نسبه اجرام عاليه جدا نسبه نجاح الطلبه فى المدارس شبه منعدمه و اطفال مجرمين (هنا القانون بيحمى الطفل حتى لو عمل جريمه لايحاسب قضائيا بيتعالج نفسيا بس ) وكمان كل كام يوم حادث اطلاق نار على اى حد فى الشارع و سقوط ضحيه لأسباب مختلفه اغلبهم شباب صغيرين و اسبابها تصفيه عصابات و بعض الاوقات ناس ولا ليهم اى ذنب فى الشارع و بهدله يعنى!

بس فى مناطق فى مالمو كويسه و يتعاش فيها عادى لكن يعنى سمة المدينه ككل وحشه جداو بعد كتاب زلاتان ابراهموفيتش اللى نزله جديد ده و كتب عن نشأته فى مالمو كل العالم خلاص عرف قد ايه المكان ده من اصعب الاماكن للعيش فى العالم كان بيقولك بالنص لولا الكوره كان زمانى مجرم زى باقى اللى اعرفه مواقف على الناصيه ببيع مخدرات او ببيع صاحبتى بالساعه للى يدفع!

وطبعا يوتوبورى تانى اكبر مدينه و فيه االميناء الرئيسى و تعتبر مقصد سياحى كويس لكن مش للسياحه الشواطئ و كده تبقى سياحه مؤتمرات بقى و ثقافيه و انواع تانيه كتير ملناش فيها يعنى يوتوبورى الحياه فيها صعبه برضه بسبب قله الوظايف و الاسعار برضه عاليه الى حد ما بالزات فى السكن ولك كمثال اى موقع سكن تخش عليه و تشوف بنفسك فرق الاسعار فى الشقق بين يوتوبرى و باقى المدن!

للعلم فى يوتوبورى الناس بتأجر شقتها باليوم والاسبوع للاجانب فى ايام الحفلات والمهرجانات و كده لان الفنادق غاليه ونادرا ما هاتلاقى مكان يعنى بتسيب شقتكو تروح عند اصحباك وتأجرها تعملك الف اوالف ونص فى الليله حلو مش عيب و يا سلام بقى لو فى السينتروم تعملها الفين و انتا طالع فى الليله المهم يعنى الحياه فيها برضه صعبه و مليانه اجانب و مليانه ناس عايشين على المساعدات من الحكومه بغض النظر عن اسبابهم لو هما فعلا محتاجين اوبيسرقوا و ينهبوا البلد و دول كتير جدا

بالنسبه لمدن الشمال الحياه هناك جميله و ارخص شويه و سهل تعيش هناك لكن البرد مرعب والشمس مبتشوفهاش الا كام شهر فى السنه بس و مش شمس كمان مجرد نور كده وخلاص

الفروق فى المناطق هنا مش بس فى السكن و الاسعارالفروق برضه فى التعليم و فى الرعايه الصحيه و كل حاجه

بالمنطق كده

هنا المورد الاساسى للبلد هو الضرايب

اعتبر ان علاقه الخدمات المقدمه من الحكومه مربوطا طرديا بتعداد السكان و تنوعهم فى كل مدينه

بمعنى ان كل ما السكان يكونوا اكتر كل ما يكون دخل المدينه اكبر و الخدمات افضل

لكن المشكله ان العكس بيحصل فى حاله وجود الاجانب

السويدى بطبعه مش بيسرق بلده وعارف انه لما يشتغلو يدفع الضريبه ده واجب وطنى تجاه بلد هعشان تفضل فى المقدمه و عارف انه عشان يحافظ على مستوى المعيشه المرتفع ده لازم يدفع اللى عليه كله عشان يقدر يستفيد هو واولاده من بعده انما الاجنبى يقولك انا وبعدى الطوفان بلا عيالبلا نيله لما يكبروا يحلها الف حلال

الاجنبى بيجى ميشتغلش و يكدب عشان ياخد الاقامه و يقول كلام محصلش عشان يدوله اقامه (منها للاسف الشديد الادعاء بالشذوذ الجنسى او جرائم الشرف مع عدم وجود ادله قاطعه على حالات تم اكتشافها لكن الناس كلها بتؤكد ان دى واحده من الطرق للحصول على الاقامه) وبعد ما بياخدها بيعيش على المساعدات ولعشرات السنين لدرجه ان فى دلوقتى حزب اسمه الشبيبه ديموقراطى حاجه كده المهم يعنى ده ماشى فى الشوارع و خد قرض من الحكومه لطباعه اسطوانات و فلاشات ومنشورات لتوزيعها على الناس دى اسم الحمله هى ( الغربه حلوه بس وطنك احلى و اولى بيك) يعنى من الاخر نورتنا يا بيه مع السلامه بقى و بدأت الناس تنتخب الحزب ده على امل انه يخلصهم من قوم يأجوج و مأجوج دول!

الهدف من الحمله او من اى حزب هو الناس اللى عايشه على المساعدات لمده عشر سنين اواكتر لك بقى ان تتخيل عشر سنين عايش على المساعدات و مبيشتغلش ولا عمره دفع حاجه كل حاجه البلد بتدفعله حتى السكن و كله كله على البلد هو وعياله

مع العلم ان برضه الهدف مش اى حد محتاج اومريض او غير قادر على العمل احنا بنتكلم على الناس اللى بتسرق لانهم بياخدو الفلوس دى و بيشتغلوا اسود يعنى انتا بتدفع ضريبه و مش لاقى شغل هو بقى بياخد فلوس الضريبه بتاعتك يجيب تلفزيون ليد اخر موديل و لبس انتا متحلمش بيه و احدث موبايل و كمان بيشتغل اسود عشان يزود دخله و بياخد فرصتك فى ايجاد عمل كويس تكسب منه

ببساطه تبا لهم يعنى

حط نفسك فى مكان ابن البلد و شوف هايكون احساسك ايه ده الشعب السويدى يعتبر من اطيب الناس على وجه الارض لصبره عشرات السنين على الناس دول و برضه بيدعهمهم بفلوس و تعليم كويس ليهم و لعيالهم و كل حاجه و كورسات لتأهيلهم انتا لو متعلم مش هايدوك كورسات التانين دول اللى من النوع ده ليهم الاولويه فى الكورسات و التعليم عشان دول محتاجين مساعده (على الورق) انتا ممكن تتصرفو هما بيكلفوا البلد كتير

الخلاصه ان يوم بعد يوم السويدين بدأو بالفعل تشجيع الافكار المتشدده مع الاجانب بسبب المشاكل السابق زكرها

ومشكله المشاكل هنا الاطفال

للاسف الشديد المرض النفسى اللى فى الاباء اللى من النوع الى نتكلم عليه بينقلوه بحزافيره للاطفال بتلاقى اطفالهم فى المدرسه بيبعدوا عن العلاقات مع باقى الاطفال ومش بيختلطوا و بيودوهم مدارس لوحدهم مش زى باقى مدارس الحكومه يعنى مش كفايه تفكيرك المريض كمان بتنقله لطفلك للاسف الاباء دول فاكرين انهم بيعملوا الصح كدهو فاكرين ان ده هو الطريق المظبوط فى التربيه طيب ليه متديش مثال كويس لطفلك ليه لما بتروح تاخده من المدرسه مش بترد حتى على المدرسين يعنى الناس دى استضافتك انتا وعيالك و بتعمل المستحيل عشانكو وبيشتغلوا وبيصرفوا عليكوا و بقت الخدمات مستواها فى النازل بسببكو و بتخربوا كل حاجه وفى الاخر تيجى المدرسة بتاعت ابنك او بنتك تكلمك متردش عليها و تمشى يعنى كمان كل ده و فى الاخر بيعزله نفسهم عن الدنيا هما و عيالهم!

(كل المواقف دى الناس كلها شافتها و ممكن تسأل اى حد عايش هنا و يحكيلك اكتر من كده )

غير ان الاجانب بيستخدموا الدين غلط يعنى مثلا بيروحوا يتطلقوا مدنى قدام المحكمه و ده طبعا للمسلمين ملوش لزمه دى ورقه وخلاص تقوم الحكومه مدياهم كل واحد شقه لوحده يروحوا مأجرين واحده و قاعدين فى التانيه عيب يعنى خلاص سيرتهم العطره بقت على كل لسان حتى التجار المحترمين و العمال المحترمين الملتزمين بسبب الغوغاء اللصوص دول بقوا يتعاملو معامله وحشه لان السيئه بتعم على السمعه بتاعت الجنسيات دى

ده بقى بيأثر على بقى فرص العرب عموما فى ايجاد عمل

ودفع شباب كتير الى الموضه الايام دى و هى تغييرالاسماء عشان يلاقى شغل بقى يغير اسمه من اسم عربى لاسم اوروبى عشان على الاقل السى فى بتاعه عند التقديم يأخذ محمل الجد ولايهمل من اول فرز لمجرد اسمه عربى

وده كلام ملوش اى دعوه بعنصريه الناس زى الفل اللى انا حكيته عن اللى الاجانب بيعملوه في البلد ميجيش 1% من الواقع المرير اللى اهل البلد دى بيعيشوه بسببهم

المهم يعنى دى كانت من الحاجات اللى لازم تحطهافى دماغك

حاول تكون سفير بلدك و دينك يعنى متبقاش الخمره فايحه منك فى رمضان ولا ماسك سيجاره حتى لو انتا مش عاوز ترضى ربنا على الاقل يا اخى احترم نفسك و اشربها بعيد متبقاش انتا بتعمل الغلط و بتتباهى بيه و بتوريهم ان جنسيتك و دينك ولا يفرقوا معاك مهو طبيعى بعد كده لما تطلب منهم حاجه مش هايهتموا يقولك ده شوف بيعمل ايه فى نفسه

بلاش النصب و الاستيلاء بدون وجه حق على فلوس البلد لمجرد انك تجيب اى فون ولا تلفزيون جديد

لو محتاج طبعا ليك الحق فى المساعده لكن المشكله فى اللى مش محتاج و عايش برضه على المساعدات و شغال اسود وبيحوش كمان

راعى ربنا فى فلوسك اولادك ملهمش زنب ياكلوا من الحرام و فلوس الناس دى مش غنيمه حرب دول بيشقوا و بيصرفوا عليك فحرام عليك تأكل عيالك من الفلوس دى وانتا مش محتاجو شغال اسود

النار اولى بجتتك لو بتاكل من الحرام

المهم يعنى ده كان نبذه مختصره جدا جدا جدا عن الاجانب عموما

برضه للعلم جنسيات كتير فيها العيب ده انا بس علقت على العرب و المسلمين لان دول اللى

يخصونى الباقى مليش دعوه يعمل اللى يعمله هو معندوش لا حرام ولا حلال فبراحته بقى

كنت زكرت ايه العلاقه بين نوع و عدد السكان ومستوى الخدمات بعد ما شرحت شويه اكيد فهمت اللى اقصده ايه ان لو مدينه كبيره فيها كتير عايشين على المساعدات بالتالى اللى بيشتغل و بيدفع ضريبه فلوس الضريبه بتروح للى عايش على المساعدات دول و البلد مبتاخدش حاجه و المدينه بيبقى عليها ديون و بتاخد قروض عشان تبنى او تعمل طريق اوحاجه لان الدخل مفيش اللى جاى على قد اللى رايح فبالتالى بيؤدى الى فترات انتظار طويله للحصول على الخدمات مش بسبب عدد المتقدمين بس بسبب قله الموارد عموما ومش قادرين يعينوا حد زياده و مش عارفين يصرفوا على التعليم كويس و لا عارفين يصرفوا على الرعايه الصحيه كويس ولا حتى على تطوير اى حاجه بسبب الناس دى و ارجع اقول المشكله مش فى المحتاج المشكله فى اللى

معاه ومش محتاج و بيسرق

ممكن اى واحد عايش هنا يجيب كاميرا الموبايل بتاعت و يصور مكان سكن السويدى و اوضه الغسيل كمثال و حوالين المبنى و كده وبعدين يصور التانين بقى اللى بنتكلم عليهم و مكان سكنهم و ابوس ايدك صور اوضه الغسيلو انتو تعرفوا الفرق بدون ادنى تعليق علىاى صوره منهم!

و هانستكمل الحديث فى الحلقه القادمه ان شاء الله

سلام عليكم يا رجاله بما انى شايف ناس كتير بتسأل عن وظائف مختلفه و تخصصات مختلفه فى السويد هاقولكو تقريبا نظره شامله للموضوع عشان يبقى الناس فاهمه و اللى ليه رزق لو فى بطن الحوت ربنا هايكرمه و يوصله بس هو يسعى و خلاص يعنى لاسفير ولا سفاره ولا فيزا هاتقف بينك و بين رزقك اللى ربنا كاتبهولك المهم السعى !

اول حاجه لازم الكل يعرفها السويد دوله مفتوحه على البحرى كميه الاجانب فيها كميه مهوله بعضهم اتجنس خلاص هو وعياله و البعض على وشك يعنى الفكره انه مجتمع متعدد الثقافات و دى محدش كتير هايفهمها الا اللى اشتغل مالتى ناشونال او فى السياحه بالتحديد .

القبليه هنا منعدمه الى حد ما بين العرب يعنى لا يعتمد عليهم الا من رحم ربى لكن مع باقى الجنسيات بالزات الاسيويه لاحظت ارتباطهم ببعض وثيق و يحترم اصراحه و بالنسبه للسويدين انسى خالص موضوع العيله و القبليه و الكلام ده كله السويدى ملوش فى الجو ده خالص ولا جو الاسره و الكلام ده كل واحد فى حاله و كل واحد يقولك انا حدودى اهى و انا بحترمك انتا و اختياراتك وملكش دعوه بيا ولا بأختياراتى .

نيجى للنقطه المهمه اوى اللى الكل بيدور عليها وهى اكل العيش

انواع الشغل الاسود مش موضوعى عشان اصلا معرفش بيمشى ازاى وكله بهدله ومخاطر

الشغل الطبيعى هنا فى كل المجالات لكن عندهم استندارد قوى اوى لكل حاجه يعنى مفيش حاجه اسمها فنى و ابويا علمنى و معايا صنعه اى كانت حتى لو مفيش غيرك فى البلد لازم يكون مدعم بشهاده من الحكومه انك فعلا تعرف تعمل اللى انتا بتقول عليه ده

وده فى طريقتين

يا تعمل حاجه اسمها فالديرينج يعنى هاتتاخد وتتحط فى مكان العمل وحد يقيم شغلك و ادائك و ده نادرا ما بيتعمل مع اى حد الا فى ظروف معينه

يا اما هاتاخد كورسات من كزا جهه هنا فى البلد

كورسات القطاع الخاص غاليه لدرجه رهيبه يعنى اللى ليه فى الكمبيوتر كمثال بسيط مثلا فليكن كورس شبكات سيسكو مثلا سى سى ان ايه ccna الكورس ده تكلفته فى مصر لا تتعدى ال1000 جنيه و فى مدعم كمان و كمان فى اجهزه تتعامل عليها و الكورس ممكن ياخد شهر او اكتر فى مصر هنا الكورس فى ارخص شركه فى السويد ب 400000 اربعين الف كورونا من غير الضريبه اللى هى 25% يعنى الكورس هايعمل خمسين الف ( الكورونا تساوى جنيه مصرى تقريبا ) و كمان الكورس اللى هو الخمس ايام السريع يعنى لو معندكش خلفيه يبقى بترمى الفلوس لانك مش هاتتلعم فى الخمس ايام دول اى حاجه

و ده مثال بسيط للقطاع الخاص فى التعليم مع العلم مفيش اى استثناء من المبلغ ده اى كانت نوع اقامتك حتى لو كنت مواطن سويدى الاصل برضه كله بيدفع

القطاع بقى العام و ده بيختلف من كوميون الى اخر يعنى من مدينه الى اخرى بس كله طبعا ببلاش و المده بتبقى طوييله شويه لكن دراسه على حق ربنا بتتعلم فعلا حرفه

القطاع العام فى نوعين من الكورسات كورسات من الكومفكس وده تعليم الكبار اللى تعدوا 20 سنه و فى حرف كتير جدا تتعلمها و كله بيرجع لخلفيتك و طلباتك انتا ايه للمستقبل و فى كورسات تبع مكتب العمل و دى حرفيه متخصصه الى حد ما و موجهه لناس معينين منهم اللى هو اصلا حرفى لكن بيزود مهاراته بطريقه علميه و دى مش سهل الحصول عليها اطلاقا لانها بتكلف مكتب العمل مبالغ كبيره جدا و انتا مبتدفعش حاجه بالعكس انتا بتاخد مبلغ شهرى بسيط لمساعدتك لحد ما تخلص وتدور على شغل و ده لا ينطبق على كل الناس يعنى مش زى زمان

والتعليم الجامعى بقى

التعليم الجامعى مشكلته انه غالى جدا ( السنه بتعمل تقريبا 150 الف كورونا من غير مصاريفك الشخصيه دول رسوم الجامعه بس يعنى من غير سكن ولا اكل ولا شرب فممكن تخش فى مليون جنيه او كورونا يعنى عشان تاخد بكالريوس و ماستر ) ده لو انتا جاى اقامه دراسه لكن لو معاك اقامه لغرض غير الدراسه بتدرس ببلاش

كل حاجه عن التعليم كوم

و حوار الكوميون ده كوم تانى بقى اللى هى المدينه يعنى

ليه

قولتلى ليه يا معلم

لو انتا فى كوميون مدينه كبيره عشان تلاقى مكان فى اى كورس او مكان فى الجامعه من دول الموضوع شبه مستحيل الا لو بقالك مثلا تلات اربع سنين من غير شغل و البلد عماله تدفعلك مساعدات و اتخنقوا منك او تكون قدامك عرض عمل جدى و صاحب العمل بيتعهد انه هايعينك بعد الكورس

ده سببه بسيط لان كل اللاجئين و كل الاجانب بيجوا على المدن الكبيره بطبيعه الحال عشان سهوله المعيشه مع ان الاسعار نار فى المدن الكبيره دى و الشغل مش كتير و العرض اقل من الطلب يعنى فى ألف وظيفه لكان فى عشر الاف عاطل منهم خمس الاف مؤهلين للوظائف دى

لكن على العكس فى المدن الصغيره المدينه بتبقى غنيه عشان عدد السكان قليل و مفيش ناس كتير عايشه على المساعدات بعكس المدن الكبرى و دى بيستنزف مصادر المدينه بطريقه بشعه بغض النظر بقى عن ظروفهم و ربنا يرزق كل مجتهد نيجى بقى لنوع العمل

العمل الحرفى

90% من الاعمال الحرفيه ( نجاره - سباكه - كهربا - تركيبات - بناء - سواقه - سواقه بلدوزر و معدات تقيله - نضافه - فنى سيارات بأنواعهم )

دول بيشترطوا انك يكون معاك رخصه قياده يعنى من بين عشر اعلانات وظايف من النوع ده تسعه منهم لازم رخصه سواقه على الاقل (B) اللى هى خاصه فى مصر يعنى

الرخصه دى موال كبير

رخصتك المصريه او رخصه عربيه حتى الامريكيه و كل العالم اجمع مينفعش تسوق بيها هنا الا سنه واحده فقط بعد ما تترجمها و بعدين لا تستبدل بسويديه ومحدش هايعينك بيها عشان التأمين هايوديه فى داهيه لو انتا عملت مصيبه بالعربيه

الرخصه الوحيده المعترف بيها هى رخصه الاتحاد الاوروبى غير كده من اى دوله اوروبيه بره الاتحاد شكرا ملهاش اى لزمه

بعد السنه ما تخلص و عاوز تطلع رخصه هنا فى السويد ده الجحيم بعينه بقى لو بتسوق بقالك عشرين سنه ولا يفرق معاهم هاتتعلم فى مدرسه من الاول الكورس هايكلفك حد ادنى 20 الف كورونا و فى امتحانين و كورس رسمى كل واحد من التلاته دول ليه رسوم ده غير العشرين الف بتوع الرخصه ونسبه النجاح حتى لو انتا بتسوق قبلها لا يتعدى 60% و دى احصائيه سنه 2010 قريتها على موقع thelocal عشان كده تعتبر الدوله الأمن فى العالم فى الطرق و المواصلات و اقل نسبه حوادث لصعوبه الحصول على الرخص و التعليم الجيد جدا للحصول عليها او امتلاك عربيه اصلا برضه صعب جدا و مكلف بطريقه رخمه و المواصلات العامه زى الفل

موضوع الرخصه يطول شرحه لكن عامه هى صعبه و ممكن متدفعش غير رسوم الامتحانات بس و كورس الهالكا ده بتاع سيفتى كده اجبارى بيعلمك ازاى تسوق على التلج يعنى لكن مش امتحان مجرد تعليم لمده يوم او اتنين مش اكتر و يقولك بقى الخمور و تأثيرها و يوريك عربيات مدغدغه و عملت حواث عشان تشوف اللى حصل و كده يعنى و الامتحانين النظرى و العملى هما اللى موال بقى لكن تكلفتهم بسيطه يعنى ممكن متخشش مدرسه تعليم اصلا و تشوف حد معرفه يظبتك شويه على عربيته و دى سهله لانه بيروح المرور وبيطلع رخصه مدرس بس يكون بقالوا خمس سنين معاه رخصه نفس الكاتوجرى و ميكونش عنده اى علامات فى رخصته يعنى معملش اى مشاكل و بيدفع رسوم و بيبقى مدرس معتمد عادى يعنى

ما عالينا

نرجع للشغل تانى

بعد ما بيشترط عليك بقى الرخصه و ده منطقى لانك غالبا بتستلم عربيه فيها عدتك و بتروح تخلص الشغل مش هايعينلك سواق كمان و مفيش بقى شغل مصر هوب تلفح العده على كتفك و تنط فى اى ميكروباص و تروح على اكل عيشك مفيش كده هنا مستحيل تطلع بعده فى المواصلات

بيجى يشوف التعليم هل حصلت على تعليم فنى ولا لا فى المجال ده و هل المجال ده لازمله كورس تعليمى او خلفيه اكادميه ولا لا يعنى مثلا لو هاتبقى كابل فيتتر ودول اللى بيركبوا الكابلات فى الشارع او المبانى مفيش حاجه اسمها انتا بتعرف لان فى كورس مهم جدا لأمان الطريق لازم تبقى واخده و معاك رخصه معتمده انك تشتغل على الطريق و تأمن مكان شغلك لنفسك وللمرور معكش الورقه دى يبقى مش هايشغلك حتى لو معاك عشرين سنه خبره و للعلم مفيش شغل عتاله هنا فى اجهزه لكل حاجه يا راجل ده اللى بيلم الزباله من البارك مش حتى بيوطى على الارض بيلم كله بعصايه كده اخرها مشبك

يعنى مفيش بهدله كله معاك اجهزه و لابس لبس مناسب للشغل و لطبيعه المكان

نيجى بقى للعمل اللى هو شغل المكاتب الكمبيوتر و المحاسبه و ما الى ذلك

دول لازم لازم كورسات قويه عشان تفرق عن الباقى و تكون مدعمه بخره كويسه فى مجالك مع طريقه محترمه و منظمه لتقديم نفسك وخبرتك لصاحب العمل عشان تقدر تقنعه وخلى بالك انك لو معاك تلات اربع كورسات برضه خريج الجامعه ليه اولويه عنك وده منطقى طبعا.باقى الشغلانات بتختلف بأختلاف متطلبتها لكن على العموم لو شغلانه فيها تنقل لازم رخصه و اوقات حتى لو مفيش تنقل بس المصنع بعيد لازم رخصه و عربيه كمان و بيدفعولك البنزين بس المسافه مش باللتر و برضه بعض الشغلانات بتشرط يكون عندك اصلا عربيه عشان مكلفهمش عربيهو موال و تأمين و ضريبه وقرف و بيدفعولك البونديره يعنى مش هايكلو حقك متخافش.

بالنسبه للشغلانات المحترفه اوى و الحساسه زى الطب مثلا بفروعه ده معنديش فكره اوى عنه لكن على العموم من غير اللغه انسى كل كلامى ده كله الا لو انتا سوبر بقى فى الكمبيوتر مثلا او الهندسه بيعينوك عشان انتا ملكش زى فى العالم لكن غير كده لازم تتكلم سويدى على المستوى المحترف يعنى مش مجرد كورس اللغه هنا لازم تدعمه بممارسه عمليه بالزات فى مجالك زى الطب وغيره

معلومات متفرقه بقى

الشعب السويدى كله بلا استثناء بيتكلم انجلش برفكت الا الاجانب دول مش كلهم بيتكلم انجلش لكن السويدن والمتعلمين فى السويد بيتكلموا انجلش طبعا لكن فى الشغل محدش هايشغلك انجلش لان زى ما قولت البلد بقى كلها اجانب و اغلب الاجانب مش بيتكلم غير سويدى فمش هاتعرف تشتغل

بالنسبه للضريبه انتا بيتخصم منك 30% تقريبا فى المدن الكبيره ضريبه من مرتبك يعنى لو بتاخد 20 الف كورونا فى الشهر بيتخصم منهم سته الاف ضريبه و الباقى بيتحولك فى حسابك هنا مفيش حاجه اسمها كاش فى الشغل مفيش اكراميات خالص او يعنى محدوده اوى و محدش اصلا هاياخدها بطريقه طبيعيه لانهم مش متعودين على الموضوع ده و ممكن تسببلك مشكله لو قبلتها تحت اى ظرف كل شغلك و كل حياتك متعلقه بحسابك البنكى و سجلاتك فى السكات اللى هو اصلا مصلحه الضرايب مش احوال مدنيه يعنى انتا تمثل رقم و الرقم ده يمثل حساب بنكى مش اكتر ولا اقل و حقوقك بتاخدها وواجباتك بتعملها

وخلى بالك ان فى الاخر لو رزقك فى الاسكيمو هاتاخده متخافش

يا رب ميكونش مشاركه ممله و معلومات قديمه و الاستاذ كينج اتمنى انه يراجع على كلامى و يصححلى اخطائى او قله خبرتى و بالتوفيق ان شاء الله

متشكر اوى على كل رد على المشاركه الاخيره عن شويه المعلومات عن سوق العمل فى السويد احب اضيف بس شويه معلومات تانيه عن الحياه اليوميه و المصاريف اللى بتصرفها هنا فى الطبيعى

ملحوظه هامه

انا هاكتب المصاريف بتاعت الانسان العادى مش الانسان العايش على السوسيال و المساعدات لان ده ليه ظروف معينه و مصاريفه بتختلف كتير عن باقى الناس

اول حاجه الجنيه المصرى يساوى كورونا تقريبا بيطلع و ينزل سعر الصرف فى حدود عشر قروش فوق او اقل من الجنيه

هاناخد او بند فى المصاريف و هو بند اساسى هو السكن

السكن فى السويد يا حضرات من عجائب الدنيا السبع

قولتلى ليه

اقولك يا سيدى

هنا السكن فى المدن الكبيره يعتبر مغامره و بيعلمك معنى الصبر الحقيقى و المرمطه على حق فعلا

السكن نوعين نوع رسمى عادى و ده بيبقى بعقد مفتوح المده مع شركه من شركات السكن هنا و ده بيشترط حاجات كتير عشان الشركه دى تديلك سكن ان مثلا بعض الشركات بتطلب ان يكون مرتبك بعد خصم الضريبه يساوى تلات اضعاف الايجار و ده بيبقى صعب شويه لو انتا بقالك فتره مش طويله فى البلد

مشكلته

ان ايجاد عقد فيرست هاند او عقد يعنى مفتوح مع شركات السكن هنا فهو اصعب من ايجاد حفيد التنين البمبى بالعكس ده يمكن تلاقيه و عيلتهم قبل ما تلاقى السكن

قوائم الانتظار بتتراوح ما بين سنه الى 15 سنه انتظار عشان تلاقى عقد من النوع ده حتى لو انتا شغال و مرتبك كويس برضه صعب ولو لقيت بسرعه بعد سنه او اتنين هاتبقى فى منطقه زحمه جدا و كلها اجانب يعنى بصريح العباره منطقه اينعم رخيصه فى الاسعار و المحلات لكن كلها مشاكل

النوع التانى من الايجارات و هو الاسود بقى او الاندرا هاند ترجمته ثاكند هاند يعنى

ده بتأجر شقه من واحد مأجرها من الشركه و ده عادى و قانونى مفيش فيه مشاكل خالص و ممكن يكتبلك عقد يعنى امان مشكلته بقى ان المده محدوده مبتبقاش حر بقى فى تركيب و لا شيل اى حاجه فى الشقه و بياخد منك تأمين شهر او شهرين هو ومزاجه و الاصعب بقى ان مفيش اى ضوابط تحكمه يعنى يطلب منك اى رقم براحته مفيش سعر سوق و مفيش اى رينج ولا حدود الموضوع عرض و طلب و معاكش ميلزمكش

اكبر عيب فيه بقى هو قلته الشديده جدا

بمعنى

لو دخلت على اى موقع لعرض وطلب السكن الناس بتعرض اللى عندها و بتحط رقم تليفون او ايميل

افتح اعلان لسه نازل حالا و يكون فيه رقم تلفون و اطلب الرقم و فى الايد التانيه فى استوب واتش

و بالظبط فى عده ثوانى

المكان اتأجر بالفعل و بسعر اكبر من السعر اللى مطلوب اساسا و من غير حتى ما الناس تشوف المكان

و الموضوع موضوع توفيق بحت ان تلاقى مكان لسه متأجرش او يكون سعره عالى او المكان نفسه معفن و محدش عاوز يأجره و دى الحالات اللى ممكن تلاقيه فيها مكان من اى موقع اعلانات او طبعا من خلال علاقاتك والمعارف ممكن تلاقى مكان بسرعه معقوله و بسعر كويس

الاسعار بقى

بص يا سيدى كل ما تبعد عن وسط البلد كل ما السعر يكون افضل و طبعا العماير الجديده و المربعات السكنيه حديثه البناء اسعارها اعلى لانها معموله بتكنولوجيا حديثه و كده

لو لقيت اوضه و مطبخ استوديو يعنى بتبقى اوضه و مطبخ و حمام هاتعمل مش اقل من 3500 كوورنا

لو مثلا تلات اوض ومطبخ و حمام هاتعمل فى حدود 6000 كورونا حد ادنى فى الشهر دى اسعار الشركه يعنى الفيرست هاند الاسود طبعا اغلى بكتير

هنا فى السويد الصاله تسمى اوضه برضه يعنى بتتحسب اوضه من الاوض مش بيحسبوها لوحدها

عندك بقى كهربا دى مش مكلفه اوى يعنى شهريا استخدام عادى بتاع 200 كورونا فى الشهر و فيه اشتراك سنوى بيتقسم على الشهور الاشتراك 2600 كورونا تقريبا وكل سنه بيتغير

هنا مفيش غاز الا فى مناطق معينه ومش شغال كمان لانه مكلف

الميا و التدفئه ببلاش فى اى مكان الا الفيلات دى انتا بتدفع كل حاجه لنفسك بس اظن الميا برضه ببلاش

ده عن السكن عموما

الاكل والشرب بقى

بص يا سيدى

هو صعب اوصفها كتوتال لان احنا متعودين عى الخير فى الفريزر فى مصر و الكرم فى الضيافه و دايما نعمل ونشيل المهم يعنى هاديك امثله لاسعار الاكل ومنها تتخيل المصاريف قد ايه

كيس عيش اللبنانى اللى هو عامل زى ورقه السيجاره ده الابيض الخفيف كيس خمس ارغفه ارخص سعر توصلتله 7 كورونا الكيس طبعا ده ولا بيشبع ولا بتاع المهم يعنى

الخضار و الفاكهه على حسب الموسم طبعا فمش هاقدر اكتب بالظبطبس كمثال

الطماطم ارخص كيلو فى وسط الموسوم 10 كورونا و لو مش فى الموسوم بتوصل 30 عادى يعنى

البصل فى الموسوم بتاعه بيعمل من 6 الى 9 كورونا بره الموسوم بيعمل 15 مثلا

الفراوله النص كيلو ب 30 فى الموسوم لو بلدى

البطيخ الكيلو ب 12 فى الموسوم طبعا

المانجا الواحده ب 10 لو فى الموسوم بره الموسوم لو تحب اشترى بس اخرك تحطها ديكور او تتصور جنبها

الخوخ ب 40 كورونا و ربنا ما له اى طعم

الجبنه هنا اغلى من اللحمه و كلها جبنه صفرا بجميع بقى انواعها بس مش لاقى رومى بطارخ

كيلو اللحمه على حسب لو حلال من محل عربى هايعمل لو حته حمرا كده بيعمل سبعين مثلا لو مفروم بستين كورونا الكيلو

العصير اقل علبه ال 150 ملى بتعمل 20 كورونا

ازازه البيبسى الصغيره ب 20 كورونا النص لتر

ارخص ساندويتش فى البلد كلها ب 15 كورونا و مايتكالش

الفراخ الكيلو من 30 وانتا طالع

اللحوم المطبوخه اللى هى السجق و السلامى و كده بيتراوح اسعارها من اول 80 للكيلو وانتا طالع بقى بس لو انواع نضيفه وحلال

البرجر والكلام ده لو حلال من اول 60 مثلا للكيلو وانتا طالع

الجبن بقى من اول ستين و 70 و انتا طالع بقى اشى مش عارف سويسرى اشى هندى اشى بنغالى و كلام غريب كده مهم كلهم لونهم اصفر ما عالينا

الجبنه البيضا عمله نادره بس مع شويه حظ و مساعده الخبراء هاتلاقيها فى دمياطى من الدنمارك حكايه الكيلو ب 60 كورونا مع الطماطم كده دلع

كيلو الرز الكويس البلانشيه اللى هو فى مصر بنسميه البسماتى او السعودى ده الكيلو من اول 30 كورونا وانتا طالع فيه ارخص طبعا بص مش حلو

كيس الشيبسى ب 20 كورونا

المكرونه اقل كيس ب 6 كورونا

و دول يعنى اللى فاكرهم دلوقتى لو حد عاوز يعرف حاجه يقولى

يبقى كده فى الطبيعى اسره مكونه من نفرين لو بيجيبو اكل على اضيق الحدود و الاكل الاساسى بس من غير بقى صوص المهمزيز بالهالوزى و البهلبيز بالمش عارف ايه يعنى يخشلك فى 2000 كورونا فى الشهر ده لو جبت اكلك كله مره واحده وحلفت ما تشترى تانى طول الشهر ولا تشرب حتى كوبايه ميه بره البيت

يعنى نقول من 2000 الى 3000 او 3500 فى الشهر ده الرينج الطبيعى فى الاكل و برضه يرجعلك انتا تظبيط الموضوع ده

المواصلات بقى

بص يا حاج

المواصلات هنا فى المدن بتجيب كارت حلو كده من الشركه اللى بتخدم مدينتك و تشحنه بالشهر بيبقى موفر جدا و بتركب بيه كل يوم طول اليوم و مليون مره فى اليوم مفيش اى مشاكل اشتراكك شهرى و مفيش اى حدود لكن ليك زوون معينه يعنى ليك منطقه معينه تتحرك فيها لو شغلك ابعد بتشترى كارت شهرى يكون بيغطى المنطقه بتاعت شغلك و برضه هايبقى اوفر مليون مره

لسبب

التزكره هنا داخل نطاق مدينتك بتبقى ب 22 كورونا و دى مش بالمسافه دى بالوقت يعنى بتقطعها مره واحده و بتفضل معاك تسعين دقيقه تركب بيهم اى عدد مواصلات فى مده التسعين دقيقه دى ولاى مكان داخل نطاق التزكره

لو التزكره فى نطاق ابعد شويه بتبقى فى حدود 33 كورونا

ابعد ب 55 كورونا

و بعدين بقى و انتا طالع على حسب النطاق بتاعها لحد ما تبقى بقى نطاق مدينه تانيه و دى تزكره قطر بقى او طيران

و الكارت الشهرى رخيص طبعا لانه لو بتاع المدينه بيعمل تقريبا 500 كورونا فى الشهر لو قسمناهم على 22 كورونا هايعمل 25 تزكره بس تخيل بقى انتا بتركب بيه طول اليوم و كل يوم لمده شهر حتى ممكن تركب بيه العباره و المراكب لو فيه فى مدينتك مراكب بنفس الكارت

الكروت بقى من اول 500 كورونا وانتا طالع بقى على حسب احتياجاتك

شبكه المواصلات فيها دقه رهيبه و نظام لا يعلى عليه و من اقوى شبكات المواصلات فى العالم فى الدقه و الامان و النظام

التاااااكسى

ده بقى لو انتا مثلا مستغنى عن شقاك هنا يا نجم تمد ايدك تفتح الباب بس من غير حتى ما تحط رجل بتدفع البونديره و بتبقى مكتوبه على التاكسى من بره اقل بونديره هنا 270 كورونا يعنى عيش يا برنس

ده بغض النظر عن المسافه الكيلو زى عشره هى بونديره و كل ما المسافه بتزيد البونديره بتعلى.

لو معاك عربيه

قولتلى بقى انتا غاوى تتقلب شكلك

بص يا سيدى

بسم الله الرحمن الرحيم كده بتدفع فحص العربيه و اللى يقولك عليه ورشه الفحص لازم يتغير وهنا مفيش هوب انتف السلكه و مش عارف ايه وهات ظلتين وخبط و بتاع هنا شيل و هات جديد يا سيدى يا اما العربيه مش هاتعدى فحص و مفيش هنا انك تبرز بريزيتين و تعدى انتو الجوز هاتروحوا فى داهيه

المهم

بعد الفحص و المحص و ده كل سنه بتدفع لوكشه فلوس زى الفل الا لو عربيتك جديده فيه بقى الضريبه و دى بتتراوح بقى حسب موديل العربيه و نقدار انبعاثات العوادم الضاره و دى عالجتالوج يعنى مش بيقوسوا عربيتك دى بتبقى ارقام عندهم موجوده بيحاسبوك عليها كشريحه معينه

و بعدين بقى النمر و التسجيل و الحركات

و دور المفتاح واتكل على الله

نحط بقى شويه بنزين

ماشى يا معلم

البنزين هنا يا سيدى الفاضل ارخص من الديزيل

شوف ازاى

عشان الديزل وحش و بيلوث البيئه عشان كده اغلى من البنزين اللى بيلوث البيئه برضه بس اقل من الديزيل

لتر الديزيل اللى هو الغالى الوحش ده ب 15 كورونا حضرتك و كل يومين بيزيد متفهمش كل يومين على الريق كده تلاقيه زاد شويه كام اوره كده او ربع كورونا مثلا فى حسبه التانك بتجمع طبعا

البنزين بقى الحلو الرخيص بيعمل 13 كورونا اللتر ده سعر قديم كمان مش عارف دلوقتى كام بس اكيد زاد يعنى

و على فكره الاسعار بتختلف من بنزينه للتانيه عروض برضه و حركات و خدلك لتر و عليه ربع هديه و كده يعنى و جمع نقط تكسب تفويله التانك

الف مبروك بقى ربنا كرمك وحبيت تعزل زى الناس الف الف مبروك يا صاحبى

عاوزين بقى ننقل حتتين العفش

لو قليلين

ارميهم اوفرلك

ليه

هاتجيب شركه نقل

اقل شركه هاتاخد منك 400 كورونا فى الساعه و محدش هايشيل و لو جابو حد يشيل حط 200 كورونا كمان فى الساعه و على كل 10 كيلو العربيه تمشيهم بتدفع 25 كورونا كمان دى ارخص اسعار

اسعار من الاخر نحن نختلف عن الاخرون

طبعا اللى بينقلك الحاجه ده بيبقى بقى تلاجه برود متحركه انتا هاتموت عايزه ينجز فى اول ساعه او تانى ساعه عشان تبطل نزيف المصاريف و هو بقى هايوريك الزل اللى على حق عشان ياخد على الاقل ساعه زياده هنا شعار السويد ظبط الشغل اهم من الشغل نفسه

لو انتا بقى معاك رخصه

يا سلام يا فنان الموضوع كده اسهل

بص يا سيدى هاتجيب اتنين صحابك

و تأجر عربيه من البنزينه دى تكلفتها مش اقل من 900 كوورنا فى اليوم لو العربيه حجم متوسط و ينفع تتساق برخصه بى B يعنى اكبر من الميكروباص بشويه يعنى البيجو الجامبر كده

ال 900 كورونا دول يا دوب تاخد المفتاح

نيجى بقى للمساقه

على كل 10 كيلو ( هنا بيسموه ميل الميل السويدى يساوى عشره كيلو عشان لو لقيت الكلمه دى فى اى موقع يعنى مش زى الميل الامريكى و الانجليزى ) بتدفع 25 كورونا على الاقل

برضه احنا جايبين الاسعار اللى من الاخر

و ده يخلينى افكر طيب لو المسافه اللى انا دافعها خلصت قبل ما اوصل

هلى العربيه بتمشى بزمبلك و مظبوطه على المسافه دى بس وهاتقف فى الشراع مثلا ولا ايه المهم ما عالينا

لو انتا بقى معاك عربيه جميل مش عيب هاتأجر يا باشا البتاعه اللى بتركب ورا المقطوره الصغيره دى ده طبعا على اعتبار انك عندك السوكت بتاع الاشارات و الخطاف بتاع المقطوره الصغيره اللى ورا دى

دى مش غاليه دى هاتعمل بتاع 400 فى اليوم و طبعا ممنوع منعا باتا تمشى واى حاجه باظه من العربيه حتى لو علقت فيها جركن زى ما بنعمل فى مصر مستحيل دنتا تتسجن مش رخصتك تتحب بس هنا فى الامان مفيش تهريج خالص مهما كنت حتى لو وزير

يستكمل.....

قبل اى حاجه عاوز بس اشكر صديقى محمد

ribery_france_22 الراجل فضل سهران جنبى يفكرنى بالاسعار عشان اكتبها فى الموضوع و كمان هو صاحب الفكره اصلا انى اعمل مشاركه عن تكاليف الحياه بالتفصيل

فى حاجه نسيتها عن العربيه هى انك كمان عربيتك مينفعش تركنها فى اى مكان فيكى يا بلد من غير ما تدفع باركينج و اقل ساعه ب 20 كورونا و وسط البلد احسنلك متنزلش بالعربيه هناك لانهم من كتر ما اتخنقوا من السنه الجايه هايبقى كمان دخول وسط البلد بالعربيه الدخول نفسه بفلوس غير بقى الباركينج حتى عند بيتك بتأجر باركينج بالشهر سعره بيتراوح بين 200 الى 500 كورونا لو عندك فيلا ربنا يزيدك و مش بتدفع حاجه لان الارض ارضك

موضوع تانى حساس اوى برضه

الحلاقه

الحلاقه يا محترم هنا عباره عن بطيخه يا تطلع قرعه يا حمرا انتا بتعد و تدعى ربنا انك تخرج شكلك كويس و اتكل على الله بقى

الحلاقه شعر بس اقل واجب ده فى محل عربى زى محلات قرفص تحت الكوبرى هاتعمل 100 كورونا للراس شعر بس من غير دقن ولا اى حاجه تانيه و الباقى بقى لو حبيت تعمله يعنى دقن و تحابيش هايخشلك فى 300 كورونا و ممكن اكتر دى برضه اسعار المحلات العربى الرخيصه فى المحلات السويدى العاديه من اول 180 و انتا طالع بقى

التلفزيون بقى

هنا السويد فيها نظام صارم فى الحفاظ على موارد الدوله اللى هى مبنيه على موارد الضرايب لان مفيش اى موارد طبيعيه المهم واحده من النقاط دول هى التلفزيون

هنا لمجرد امتلاكك تلفزيون او اى جهاز بيستقبل اشاره تلفزيون و ده يشمل ( ريسيفر دش - كابل تى فى - اى بى تى فى - كارت تلفزيون او كارت ستالايت بتاع الكمبيوتر - مودم تلفزيون - كارت تلفزيون يو اس بى .....) و طبعا لو عندك التلفزيون نفسه يعنى مش مجرد شاشه لازم تكون تلفزيون و يكون فيه تونر للقنوات المهم يعنى لو توفر عندك اى من هذه المنتجات

بتدفع لمجرد امتلاكهم حتى لو مشغلتهمش حتى لو مسافر بتدفع 2700 كورونا فى السنه دول مش اشتراك القنوات دول فلوس ضريبه امتلاك الاجهزه دى و استقبال اشاره التلفزيون بس يعنى ملهمش دعوه بأشتراك القنوات و الكلام ده دى فلوس ضريبه رسميه و كل سنه بتحدد بس بقالها كام سنه ثابته عند السعر ده

هاتقولى منا ممكن مدفعهمش هاقولك ممكن ليه لا بس ازاى بقى

اولا

اى محل بتشترى منه اى جهاز من الاجهزه دى او غيرها و بتؤدى نفس الوظيفه و بتستقبل اشاره المحل لازم يبلغ رسميا عنك و عن اسمك و بياناتك للهيئه المسؤله عشان تبدأ تبعتلك بقى الفواتير بتاع ال 2700 كورونا مفيش محل مش هايبلغ عشان الحاجه دى بيتعمل عليها جرد من الحكومه نفسها لو فى قطعه ناقصه من غير تبليغ او فاتوره رسميه المحل بيروح فى ستين داهيه حتى لو القطعه تمنها لا يتعدى 100 كورونا

يعنى اى مره تحاول تشترى تلفزيون المحل هايبلغ عنك على طول عشان تدفع

هاتقولى منا ممكن ادفع كاش و المحل مياخدش بيانتى

هارد عليك واقولك

ممكن تشترى اى حاجه كاش هنا بدون ما المحل يعرف بيناتك لانك مش بتسخدم كارت الفيزا بتاعك الا الاجهزه اللى من النوع ده المحل لازم ياخد بياناتك و البرسونال نمبر و يسجله وانتا واقف حتى لو دفعت كاش و ده طبعا من خلال بطاقتك مفيش بطاقه ميقدرش يبعلك المنتجات دى

برضه المستعمل لو اشتريته و الهيئه دى عرفت انك مبتدفعش بتعملك قضيه كبيره و بتدفع بأثر رجعى و كمان بغرامه

بالنسبه للاتصالات

بص يا سيدى الموضوع مش معقد خالص زى دول تانيه كتير

هنا التغطيه عال العال مش محتاجه وصف طبعا و الخطوط فى تلات شركات كبيره و طالع منهم شركات اصغر يعنى تقدر تقول ريسيلير ليهم يعنى بس بمسميات و براند مختلفه المهم يعنى

التلات شركات دول لو هاتشترك بيبقى بعقد و فاتوره شهريه و اشتراك و باكج و بتختار اللى يناسبك و بعد مرور على الاقل سنه عليك فى السويد ممكن تاخد منهم عده تلفون مع تجديد العقد او تغيير خطه الدفع نظام الاشتراك يعنى و بتختار اللى يعجبك اغلب الشعب معاه اى فون فور اس كله بيحب الاى فون مش عارف ليه و سوق المستعمل مزدهر برضه

و الشركات بقى الريسيلر تقدر تشترى منهم خطوط بكارت شحن بتشحن على قد كلامك و الدقيقه سعرها حلو وفى كزا نظام طبعا بتختار اللى يعجبك وانتا بتشحن

عموما الاشتراكات دى انتا و دماغك انما الكروت يعنى من اول 50 كورونا لحد 200 تقريبا فى الشهر مش اقل من 400 كورونا للاتصالات عموما يعنى او تجيب خطزط يكون فيها نظام معين بيناسبك ويوفرلك كله بيرجعلك انتا بقى

الانترنت فى البيت

بص ارخص حاجه هاتجيبها هاتكلفك 300 كوورنا فى الشهر و سرعه بطيئه جدا بالنسبه لاوروبا بالنسبه لمصر مفيش داعى للتعليق يعنى

يعنى لو عاوز خط محترم يعتمد عليه و بتعمل داونلود كتير و كده هاتلك بقى واحد ب 400 ده كويس و سرعته معقوله يعنى اخرك 10 ميجا سرعه داونلود حقيقيه من سيرفرات بره اوروبا لو من اوربا بتبقى اسرع

ممكن تشترى باكج بقى تلفزيون و نت و تبلفون ارضى كلهم نفس الشركه اصلا

التلفزيون بقى ده موال كبير فى الاشتراكات المهم فى الاخر مش اقل من 100 كورونا فى الشهر عشان بتاع عشرين قناه بس و ملهمش اى عازه لو جبت دش ده فى حاه ان عندك بلكونه و شركه السكن موافقه انك تركب دش لان اغلب الشركات بترفض و مش بمزاجك لازم الشركه توافق ولو معندكش بلكونه انسى اصلا اى حاجه عن الدش فى حياتك ممنوع منعا باتا

لو متقدرش تركب دش ممكن تركب اى بى تى فى ده بوكس بيتوصل بالنت بس و بيشتغل اتش دى و عليه كل قنوات النايل سات و العرب سات المشفره كل حاجه مفتوحه عليه مفيش اى قناه مقفوله و شويه من الهوت بيرد للعلم هنا النايل سات لا يمكن استقباله ولو جبت طبق سبعين متر و العرب سات برضه كذلك

اشتارك الاى بى تى فى بيعمل اقل باقه 2500 فى السنه غير تمن الجهاز نفسه الجهاز لوحده ب 2000 تقريبا لو الموديل الاخرانى و فيه موديل اندرويد منه هايل اصراحه جهاز عبقرى بيعمل 3400 لوحده من غير الاشتراكات

او بقى تدفع للشركه بتاعت التى فى اللى بتغطى منطقتك وتتفرج على القنوات الغلسه بقى بتاعتهم

نيجى بقى للعفش و الموبيليا

دول امرهم مش صعب بجد يعنى هنا الشعب جميل جدا فى موضوع الساكند هاند فى المستعمل فى ناس غاوياه كأنتيكه و ناس تانيه بتحبه عشان اوفر لكن الاساس هو ان كل الناس بتحب المستعمل و كل الطبقات بتشريه بمختلف بقى الاهتمامات

فالاسعار جميله و مش غاليه يمكن قريبه من مصر و اوقات كتير ارخص و اوقات اصلا بتلاقى حاجات ببلاش بس انتا عليك النقل

وده طبعا يفسر معاناه النقل واسعاره الخياليه ( فينك يا مواقف مصر كنت تروح تقف بس فى الموقف و السواقين يتلموا عليك عشان توصيله ب 50 جنيه و تاخد عربيه نقل تنقل بيها عمارتكو كلها ايييه ايام بقى ) يعنى تلاقى واحد عارض مكتبه تلفزيون حلوه كده ببلاش عشان هو مش عارف ينقلها حتى عشان يرميها يقولك هات عربيتك و تعالى شيل

الاسعار عموما فى الموبيليا بالنسبه للمستعمل هى معتدله يعنى و فيها صفقات جامده ممكن تفرش بيت اوضتين و مطبخ فى حدود 20 او 25 الف كورونا بس حتتين عفش حلوين يعنى و ميزه محلات الثاكند هاند ان النقل عليهم و سعره معقول جدا يعنى فى حدود 400 كورونا للنقل و بيزيد حسب الكميه و المسافه لكن ده الاساس يعنى فده هايل طبعا و راحه بال بتدفع و الحاجه تتفك و تجيلك و تتركب فى شقتك

اه نسيت اقول ان التلاجه و البوتجاز و المطبخ كل محتوياته دى الشركه اللى بتسلمهولك ولو فى اى حاجه بايظه او باظت الشركه بتغيرها بجديد يعنى تلاجه و بوتجاز و المطبخ نفسه الخشب و كده

بالنسبه للعفش الجديد لو المحل سويدى الاسعار مبالغ فيها الى حد ما يعنى كنبه اقل واجب 5000 كورونا و عامله زى ما يكون بلاستيك تبقى خايف و انتا قاعد اخرها ديكور يعنى و النضيف بيبدا من 10000 كورونا

فى طبعا ايكيا ده اكبر محل على كوكب الارض فى حاجات المنزل و العفش و الفرش و كل ملتلزمات المنزل و المكتب و البيت و الفيلا و الحديقه وكده يعنى فروعه فى الدنيا كلها فى المنطقه العربيه موجود فى الامارات و الكويت اظن مش متأكد

ده اسعاره معقوله و الجوده محترمه جدا و فيه عروض من وقت للتانى و فيه تقسيط

بالنسبه للاجهزه المنزليه ده انتا بقى و زوقك يعنى كل حاجه موجوده كل اللى عليك هو انك تختار اللى يناسبك من الاجهزه و تشتريه على قد فلوسك مع العلم ان كل حاجه اغلى من مصر اى لاب توب شوفته على الاقل 800 كورونا اغلى من اسعار مصر و هكذا بقى فى كل الاجهزه بتبقى اغلى شويه عن مصر

الملابس و المتعلقات الشخصيه

بص هو بيبقى فى عروض بس اصراحه يعنى العرض اه مثلا البنطلون معفن يقرف و تمنه 800 كوورنا نزل عليه عرض بقى ب 600 يا حالولى

يعنى كده كده هاتلبس و كده كده هاتشترى فأشترى و خلاص بقى اقل جاكت يدفيك فى الشتا هنا يعمل 1500 مستريح و تلبس تحته تلاتين حاجه عشان تدفى ولو عاوز جاكت عدل من اول 3000 كورونا بقى و انتا طالع البناطيل لو عليها عرض ممكن تلاقى سعر كويس فى محلات حلوه بتعمل عروض كويسه بجد تلاقى التيشيرت البولو مثلا ب 250 كوورنا و ده سعر خيالى هنا و طبعا كله خامه درجه اولى مفيش تهريج هنا فى الكواليتى بتاع اى منتج

و تلاقى القميص فى العروض ب 200 مثلا ده اقل حاجه على فكره اللى عندنا فى مصر ميكملش 30 جنيه و لسه كمات هاتفاصل قبل ما تشترى الجزم بقى انا مش وش كلاسيك فمش عارف الكلاسيك دول تمنهم كام ولا عمرى لبستهم و الكوتيشهات بقى الفلاتات و الكلام ده و الاندور و الماركات اللى زيها بتتراوح ما بين 800 كده و انتا طالع برضه اسعار عمرك ما هاتسمع عنها فى اى حته تانيه نااااااار و اجراااااااام رسمى .

غالبا لو انتا اتخنقت قضيها اون لاين هات كل حاجتك من انجلترا فى مليون محل هناك هايل جدا فى الاسعار يعنى الجزمه هنا تعمل 800 كوورنا تلاقيها بتلاتين جنيه فى انجلترا فهات كل حاجتك من هناك افضل بكتير للفرق الرهيب فى السعر احنا كلنا بنعمل كده يا راجل دحنا بنجيب كل حاجه حتى الرفايع و المتعلقات الشخصيه حتى الغيارات من انجلترا عشان فرق السعر و الكواليتى هو هو

الحاجات الطبيه

هنا كل حاجه تقريبا متغطيه بالتأمين بتاعك و ده بيغطى كل الناس اى حد شغال او مش شغال كله ليه الحق فى العلاج حتى لو هربان تتعالج برضه بس طبعا البوكس واقف بضهره بره مستنيك تقوم بالسلامه

المهم

حاجتين اصتدمت بيهم و هما بره التأمين و مفيش اى شغل او حاجه بتأمن على دول

النظر و الاسنان

النظر يا حاج اولا متقدرش تخش المستشفى تشكف فى اى حال من الاحوال بدون ما تكون عملت كشف عند محل نظارات لان هما عندهم فنيين و اجهزه متقدمه و بيعملوا كشف كامل ليك ولو فيه مرض لا قدر الله بيقولك بقى روح المستشفى طبا الكشف ده اقل واجب و اقل سعر 400 كورونا و بعدين لو رحت المستشفى هناك ببلاش بقى يعنى المحل اخره نضاره ميقدرش يكتبلك على نوع قطره ولا دوا دول مش دكاتره دول فنيين بصريات مش اكتر لو الموضوع اكبر منه بيبعتك للمستشفى

لو الموضوع فى ايده يبقى هاتشترى نضاره و فى الحاله دى خير الله ما اجعله خير بقى

الشنابر من اول 1000 كورونا وانتا طالع بقى فى شنابر ب 50 الف يا معلم ابو الف ده حاجه معفنه فى مصر اخره 20 جنيه

العدسات بقى على حسب بقى ما الفنى يقولك انتا محتاج انهى نوع و يوريك المتوفر و كده بس يعنى مش اقل من 2000 كوورنا للعدسات بالزات لو عينك حساسه و محتاجه عدسات معينه لو عدسات استندارد و دى مش موجوده بس يعنى هاتبقى اقل شويه

يعنى لسه واحد صاحبى عامل نضاره بسيطه خالص كلفته 7000 كورونا من غير الجراب بس عليها تأمين يعنى وتمام و خد الجراب فى نهايه المطاف هديه بحمد الله

الحاجه التانيه بقى الاسنان

بص يا حاج

الاسنان هنا برضه تبع الحكومه بس ليها دايما مبنى منفصل مش عارف ليه المهم يعنى

الكشف فقط بدون اى حاجه تانيه ولا هايعملك اى حاجه خاااااالص مجرد كشف بس يشوف فيه ايه ده 800 كورونا دول زى ورقه البوسطه استندارد تروح تدفع ال 800 كورونا و تحجز بس المشكله ايه بقى الحجز يعنى ممكن يكون على الاقل اول ميعاد فاضى بعد شهرين او اكتر يعنى لو تعبان اوى استحمل بقى عشان مفيش مستعجل كده كده هاتستنى شهرين او اكتر لحد ما ميعادك يجى لو رحت عياده خاصه الموضوع اسهل بس الاسعار اغلى

الاسعار بقى

لو هاتدفع لحد 3000 كورونا بتشيل لوحدهم لو هاتدفع اكتر من 3000 الحكومه بتساعدك ب 50% من الفاتوره فوق التلات الاف يعنى لو هاتدف مثلا 5000 كورونا انتا هاتدفع التلاته و هما هايساعدو فى 50% من اللى فوق التلاته يعنى الفين انتا تدفع منهم الف و هما يدفعولك الف يبقى انتا فى الاخر دفعت اربع الاف صافى

طبعا محدش خالص بيتكلف علاجه خمس الاف كورونا دى عمرى ما شوفتها خالص

اخر مره واحد صاحبى مراته عملت حشو عصب و حاجه كمان كده دفعوا 30 الف كورونا و دى الاسعار او ده الرينج الطبيعى من اول 20 الف كورونا و انتا طالع بقى فى اى حاجه تافهه بتعملها فى سنانك فالافضل تعملها فى مكان تانى بره السويد

على فكره بالنسبه للنضاره و السنان انا متأكد من الارقام لان دى تجارب شخصيه و فعلا هنا معاناه بسبب الموضوعين دول

فى حاجه بقى لازم تعرفها هى ان البنك ممكن يقسطلك اى حاجه و لاى فتره يعنى تشترى اى حاجه قسط و تمام و كل الاجرائات فى ثوانى بتخلص مجرد بياخدو البرسونال نمبر و بيكشفوا عليه و البنك بيوافق او بيرفض فى ساعتها و غالبا بيوافق

بس فى شروط

اولا ميكونش عندك علامات فى تاريخك المصرفى و دى من اهم النقط اللى عايو يعيش فى السويد لو انتا اتعلم عليك مش هاتعرف تشترى خط تلفون حتى هاتفضل منبوز طول عمرك و متقضرش تشترى اى حاجه بأقتراض ولا البنك حتى البنك بتاعك هايسعدك فى اى حاجه و مصيبه كبيره وممكن يكون السبب عشره كورونا مش اكتر و بسببهم اتعلم على ملفك فى البلد حتى الجنسيه هايخنقوا عليك فيها لو عندك علامات و دخلت بلاك ليست

العلامات دى عباره عن فلوس انتا اقترضتها بشكل او بأخر ززى مثلا اشتريت اون لاين و استلمت و الدفع بعدين و هكذا و مدفعتش بقى الفاتوره دى بيفضلوا وراك شركه مسؤله للتحصيل بتتابعك لو خلاص مش عارفين ياخدو منك الفلوس بيعلموا بقى عليك وخلاص و بكده انسى حياتك فى السويد تماما و ممكن تتسجن كمان بس ده بياخد وقت يعنى لحد ما يتعلم عليك ممكن تصلح الموقف قبل العلامه بس بعدها خلاص انسى

الشرط التانى عشان تشترى قسط هو مرور اكتر من سنتين عليك عايش فى السويد و مقيد و تكون شغال و مرتب ثابت او ليك معونات ثابته لفتره لا تقل عن سنه على الاقل دول اغلب الاماكن بتطلب كده بس فى بنوك جديده صغيره كتير مش بتطلب موضوع يكون سنتين و مرتب و كده بس للحاجات الاليكترونيه و بيبقى تعاملهم مع محل يعنى انتا بتشترى من محل معين اون لاين مثلا و البنك ده بيحصل منك و فوايد بسيطه جدا جدا جدا و بتدفع بعد شهرين من الاستلام لو دفعت فى خلال اول شهرين بتدفع من غير فوايد خالص مجرد رسوم 29 كورونا مش اكتر

و اخر طريقه هى الماستر كارد بس ده بقى بيرجع لحجم مرتبك و العائد السنوى بتاعك و البنك اللى انتا بتتعامل معاه و عروضه و كده و الماستر زى فى مصر بتشترى بيه اى حاجه و بتدفع بعد 60 يوم من غير فايده و اى حاجه تشتريها بيه بيبقى عليها سنه تأمين و ضمان زياده عن الفتره بتاعت المحل نفسه و عروض تانيه كتير على حسب بنكك ايه

متفرقات بقى فى الشارع

كوبايه القهوه اقل حاجه ب 20 كورونا

الدونات او الكورواسون اقل واجب 15 كورونا للواحده

الموزايه او التفاحه الواحده ب 10 كورونا على الاقل لو موسوم

ارخص علبه لبان هنا ب 20 كورونا

علبه السجاير بيتراوح سعرها من 40 كورونا لحد بقى 60 كورونا ده فى السجاير الطبيعيه زى اللى فى مصر ماركات متشابها و ماركات زياده عشان كم الاجنب المهول يعنى اللى ب 40 دى اسمها بالم ميل حاجه كده و اللى ب 60 دى المارلبورو

السيجار بقى والكلام ده معرفش سعرهم كام

اه معلومه السجاير هنا ممنوع تداولها بأى شكل من الاشكال منعا باتا الا او فى تصريح رسمى يعنى مش سهل خالص انك حتى تتاجر فيهم او تعمل ناصح وتجيب معسل و انتا جاى عشان تبيعه منتجات التبغ هنا مفهاش تهريج قوانين صارمه و غاليه بطريقه بشعه يمكن من اغلى دول العالم

وده يفسر ليه ان السويد اقل نسبه سرطان رئه فى الرجال فى اوروبا و قريت انها كمان فى العالم كله بس مش متأكد لكن متأكد من اوروبا ده تقرير رسمى

ازازه المياه المعدنيه او الميا يعنى ب 20 كورونا لو ضربت بيتزايه مش هاتعمل اقل من 70 كورونا طبعا وسط البلد عموما كل حاجه غاليه هنا مفيش سعر ثابت حتى السجاير الشركه بتكتب عليها اقى سعر ممكن توصله او يعنى اقصى رقم المحل يقدر يبيع بيه لكن ممكن تاخده اقل من الرقم ده فى مكان ميكونش فى وسط البلد

ما عالينا يعنى

لو رحت الملاهى هنا جميله جدا لو اسره صغيره تلات افراد مش اقل من 2000 كورونا هاتتصرف فى اليوم ده

كل الارقام اللى كاتبها انا و محمد اتأكدنا منها و اصلا كلهم من تجارب شخصيه لينا و خبره من الفتره اللى قضيناها هنا طبعا مع اختلاف المدينه بتختلف الاسعار بس احنا كاتبين الاسعار اللى فى يوتيبورى يعنى مدينه كبيره فالاسعار ممكن تكون اعلى شويه لكن على العموم دى فكره عامه تقدر تفهم نظام الحياه ايه هنا

السويد مش جنه

نسبه الانتحار اللى المتخلفين بيقولك بسبب ارتفاع مستوى المعيشه ده كلام هراء و كلام فارغ

نسبه الانتحار اللى بيتكلموا عليها دى بسبب الاكتئاب بلد مفهاش صيف و الشمس بتيجى زياره و الليل فى الشتا طويل جدا يعنى المغرب فى الشتا بيدن تلاته و نص و نا كمان فى مدينه جنوبيه يعنى يعتبر توقيتى مناسب لباقى العالم تخيل انتا لو فى الشمال مش هاتشوف نور لمده ست شهور فلو فيه انتحار ده بسبب الاكتئاب مش بسبب ارتفاع مستوى المعيشه

هنا فى شحاتين برضه و فيه ناس بتنام فى الشارع و فيه سكارى و فيه اللى بيلم كانزات البيبسى والبيره من الزباله و يروح يبدلهم فى المحلات بفلوس او بحاجه ياكلها او بخمره يطفحها

فى ناس هنا مديونه وفى ناس برضه بتسرق يعنى معاه و مبيدفعش و بياخد من خير البلد و بيستنزف مواردها و بيجيب اجهزه و مبوايلات ويرمى !!!! ابسط مثال الساكن اللى كان قبلى فى الشقه اللى انا فيها عليها 29 الف كورونا و جوابات البنوك و الدائنين بتجيلى على العنوان و سابت البلد وهربت و عليها ايجارات بالهبل و حتى لما رحت اعمل اشتراك الكهربا لقيت عليها فلوس فى الكهربا برضه 4000 كورونا مدفعتهمش و و اسأل العمال يقولوى لا دول كان عندهم عفش جديد و بتاع يعنى حراميه و بيسرقوا حاجه مش حقهم و هما ماشيين خربوا البيت حتى الارضيات خرموها و حرقوها.

فى ناس من النوع الحقير ده كتير و ده السبب فى ارتفاع اسهم التيارات و الاحزاب المتطرفه و ان الاوربين بقوا يلجؤا للاحزاب دى لانها الملاز من التتار دول فى سبيل انهم يخلصوهم منهم او على الاقل يسطروا عليهم عاملين زى يأجوج و مأجوج يعنى و فى الاخر يقولك بيعاملونا وحش لا منبى وانتا بتعامل البلد بما يرضى الله

منتا متبقاش جاى بلد ناس و هما مستواهم محترم و تفضل تخرب فى البلد و عايزهم يحبوك كفايه انك خسرتهم مزايا كتير بسبب تصرفاتك منها سهوله الاقتراض و الفوايد و الضريبه

يا راجل حتى التأمين على الاجهزه بقى فيهتلاعب بياخدوا الحاجه يعملوا بيها عزومه و يفرجوا الاقارب على المشترايات و بيوظوها و يرجعهوا يقولك مش شغاله او بعد ما يخلص العزومه يروح يرميها فى المحل يقوله مش عاجبانى و ميدفعش

عموما الناس اللى من النوع ده هو السبب الرئيسى للمشاكل كلها اللى بتواجه اى حد بيتقدم فى سفاره و اى حد بيحاول يجى يعيش حياه كويسه و يدور على لقمه عيش و فى الاخر ععامل الناس زى ما تحب ان تعامل عشان ربنا يفتحها عليك و يكرمك

و التوفيق يا رب لكل واحد نفسه يعمل حاجه كويسه لمستقبله فى السويد او فى اى مكان و لو فى معلومات تانيه تحب تعرفها يا ريت تبقى هنا على العام بلاش الخاص عشان الكل يستفيد لو حاجه شخصيه تحت امرك على الخاص

وبالتوفيق للجميع بأذن الله

رد متداخل:

السلام عليكم ...بصراحة موضوع ممتاز جدا و يعتبر انك لميت جانب كبير من الحياة فى السويد و بالارقام فا دى حاجة ممتازة جداا لاى حد مقبل على السفر للسويد و شكرا لمجهودك الكبير فى كتابة الموضوع و مشاركة بقية الاعضاء بخبراتك و تجاربك الشخصية!

بس بعد اذنك انا عندى كذا استفسار....ما هو الحد الادنى للمرتبات ؟ طبعا الشعب السويدى معروف عالميا بمستوى المعيشة المرتفع و الحياة المرفهة بس بعد ما قرأت الموضوع دة حسيت ان كل دة كلام و الناس بتعانى جامد من غلاء الاسعار انا بصراحة اتصدمت!! فهل دة صحيح؟؟

شكرا علي المعلومات المفيده والمفزعه في نفس الوقت هو بعد كل الاسعار اللي الواحد قراها دي الواحد لازم يكون بيعمل 30الف ودول ولا حاجه برضه ههههههههه

وشرط انه ميكونش نظره ضعيف(انا -7 يعني تقريبا اعمي:) ولا سنانه

توجعه وده مستحيل :)

دلوقتي انا بفكر بجد اني اجي السويد ومعنديش مشكله ان شاء الله اني اتعلم سويدي

والانجليزي بتاعي تمام

انا في بكالريوس هندسه مدني السنه دي ادعيلي اخلص علي خير

دلوقتي انا ازاي ممكن اجي السويد بعد ما اتعلم اللغه طبعا

هل ممكن ادرس مثلا كورس mpa او لغه

وهل لازم اعمل معادله للشهاده عشان اشتغل

وهل هعرف اشتغل اصلا كعربي مسلم كاجنبي عامة (اكيد الشركات مش هيجرو ورايا عشان اشتغل عندهم)

يعني من الاخر كده اعمل ايه عشان اشتغل مهندس في السويد باقامه؟؟؟؟؟؟؟؟؟؟؟ :)

معلش انا عارف ان السؤال غلس شويتين

بس مستني رد حضرتك بجد

Tack pa forhand

موضوع رائع جداً ومفيد لاقصى درجة ويشمل كل شىء

والاروع انه خلاصة تجارب شخصية من وقت قريب

ورغم انى عايش فى السويد من فترة كبيرة الا انى استفدت من الموضوع

حقيقة وبدون مبالغة اللى يقرأ الموضوع كويس ويفهمه هيوفر على نفسه شهور بل سنين علشان يفهم الحياة هناك

اى مغترب جديد فى السويد محتاج فترة كبيرة لحد ما يفهم الحياة ماشية ازاى

وموضوعك اختصر كل الوقت ده..

وانصح اى شخص بيفكر فى السفر للسويد انه يقرأ موضوعك كويس وياخده بعين الاعتبار

أشكرك على الموضوع وأتمنى لك التوفيق والنجاح بأذن الله

تكملة المقال:

متشكر يا استاذ كينج وبرضه ارجع و اقولك ميجيش اى حاجه فى اللى حضرتك ساعدت بيه الاعضاء طول السنين اللى فاتت دى كلها مش عن السويد بس

عندى فكره بقى طالما كل واحد هايسأل عن حاجه محدده فى دماغه انا هارد عليه بالشرح و التفصيل عن الحاجه دى و بكده يبقى هانغطى مجالات اكتر بكتير جدا من مجرد انى اكتب من دماغى اكيد هانسى و اتلغبط و متشكر لكل الردود و الاهتمام بالمتابعه

الاول هاضيف رد جديد عشان نوضح بعض الحاجات التانيه لما بتيجى بقى السويد و خلاص هاتقول يا هادى طبعا بعد ما تطلع البرشون نومر من السكات وده مصلحه الضرايب هنا و بعدين تعمل البطاقه بتاعتك وتخلص ورق الميجراخون مصلحه الهجره يعنى بتبقى جاهز بقى للتفاعل مع المجتمع

طبعا اول حاجه اللغه قبل اللغله بس هاضيف نقطه و هى معادله الشهاده بتاعتك : دى سهله لو شهاده جامعه بتبعتها ل Hogskoleverket وده وزاره التعليم العالى يعنى الجامعى ولو شهاده ثانويه عامه تبعتها ل -verket for hogskoleservice ودى مختصه بكل الشهادات ما قبل التعليم العالى يعنى الاندر جراتويد و الثانويه و اى بروجرام تانى ميكونش ليه بكالريوس على الاقل بترجم الشهادات انجلش و تبعتها و الرد بيجى فى خلال تلات شهور بالمعادله للاستندارد السويدى بالنسبه للثانوى لازم تكون مقيم فى البلد لكن بالنسبه لشهاده الجامعه مش مهم حتى لو بعتها من بلدك للسويد مفيش مشكله كله مجانا دوس على كل كلمه عشان تشوف الموقع الرسمى

اللغه بقى

بتروح تقدم فى الكومفيكس و ده مصلحه تعليم الكبار و بتشمل اى حد بلغ عشرين سنه تحت العشرين ليهم اجرائات تانيه بيروحوا المدرسه و كده ولما بتروح الكومفكس بتقدم على كورس الاسفى SFI و ده ترجمه حرفيه للسويديه للاجانب و بتخش الكورس ده

الكورس ده مكون من اكتر من مرحله اول حاجه ليفل بدائى و هو السى C وده على حسب الكورس بياخد من تلات شهور الى سنه او اكتر انتا بقى و دماغك و بعدين ليفل D و ده برضه نفس الفتره من تلات شهور لحد سنين و بعدين بعد ما بتخلص دول بتبقى خلصت الكورس لو خلصت الاتنين ليفل دول و خدت الشهاده فى خلال 12 شهر و اقصى حاجه تكون داخل البلد من 15 شهر من ضمنهم ال 12 شهر بتوع الكورس بتاخد فلوس مكافئه بتساوى 12 الف كورونا دول معفى من الضرايب و ملهومش دعوه خالص بأى حاجه تانيه حتى لو بتاخد مساعدات برضه بتاخد الفلوس دى بس ليهم شروط معينه غير الوقت و هى مثلا ميكونش الفيزا بتاعتك فيزا عمل و و ليها ظروف تانيه بس بتتغير اصراحه و اللى بيقرر هو الكوميون اذا كنت هاتاخد الفلوس دى ولا لا

بعد ما بتخلص الكورس ده محدش برضه هايشغلك لازم تاخد كورس تانى متقدم بقى اسمه SAS A+B الكورس ده ترجمته السويديه كلغه ثانيه ليفل اول وتانى دول مستوى الجامعه بقى متقدرش تدرس اى حاجه على المستوى الجامعى او حتى الثانوى بدون الكورس ده و ده برضه فترته بترجعلك انتا الا طبعا لو كورس الجامعه انجلش ده بتحتاج بقى تويفل او ثانويه يكون الانجلش فيها درجته عاليه

فى بقى كزا نوع من كورسات السويدى

واحد سريع جدا اسمه هوج سكول سبورت (للاسف المنتدى مش بيقبل الحروف السويدى مش عارف اكتب الكلمه) ده كورس باكج مع بعضه بتاخد ال SFI و SAS A+B مع بعضهم فى فتره قياسيه بتخلص الاول ست شهور لو جبت درجه كويسه فى النتيجه بتخش على طول الصاص بياخد منك ست شهور كمان او اقل انتا وشطارتك وده انجاز فى ناس عشره و 15 سنه مخلصوش الكورس ده و ده طبعا بسبب انهم عايشين على المساعدات فمش عاوزين يخلصوا عشان مكتب العمل يقولهم يلا دوروا على شغل

( الكورس ده مش فى كل حته فى السويد كانت جامعه واحده اللى بتعمله اسمها فولك يونفيرستيت و دلوقتى فى شركتين دخلوا معاها لكن برضه لسه مش منتشر لانه من اختراع الجامعه دى و بتبيعه للكوميون يعنى الكوميون بيدفعلهم على كل طالب مبلغ معين )

لو مجبتش درجه كويسه فى الكورس الاول بتخش صاص بس جروند يعنى اساسى تانى و ده بياخد فتره زياده بيخش فى سنه او اقل على حسب شغلك برضه

و النوع التانى هو SFI Intensiv 1 وده برضه كل يوم مكثف و يعتبر كورس كامل يعنى دوام كامل و فترته مشابهه للاول بس على حسب تقدمك برضه

و بعدين بقى الكورس العادى بتاع اصحابنا الحلوين وده بياخد معاهم سنين ما شاء الله بيحبوا العشره هما بقى

فى خلال الكورس ده ليك الحق فى طلب انك تنزل براكتيك تدريب يعنى و ده بيساعد على تنميه مهاراتك اللغويه و بيفرق التدريب على حسب تخصصك و طبعا على حسب الكوميون لان لو الكوميون غنى بيبقى هو اللى بيتحايل عليك تنزل تدريب و تاخد فلوس لكن لو كوميون فقير كحال كل المدن الكبيره منبى لو اتنطط مش هايدوك حاجه هايقولك دور انتا و ابقى قابلنى لو حد قالك تعالى الا لو عاوز يستغلك و بالطبع مش هايكون سويدى هايكون من اصحابنا الحلوين و طبعا مش هاتتكلم سويدى لانه مريض بطبعه و عاوز يستغلك فمش هايعلمك اصلا حاجه !! ربنا يحميك منهم و يبعدهم عن طريقك

بعد ما بتخلص الكورس ده بتشوف بقى الخطوه الجديده ايه

عندك اختيارات كتير اوى تختار منها منهم انك تتعلم حرفه معينه او تخش تدرس ماستر لو معاك بكالريوس من بره السويد او تشوف شغل لو انتا جاهز ( وده غالبا مش هايبقى هو الحال للاسف لازم تخش النظام بتاعهم الاول)

لو فكرت فى تعليم

عندك بقى الجامعى و فى حاجه جميله اوى اوى و اسمها YRKESUTBILDNING دى بلا منازع الانضف على مستوى العالم من وجهه نظرى اصراحه و ده لانها موجهه بالتحديد لتأهيلك لسوق العمل مش دراسه اكاديميه و فيها كل المجالات حتى الغطس و الطيران المدنى و الهليكوبتر و كله لدرجه فيها برضه لو حبيت تبقى مدرب كوره يعنى جميله جده دوس على الكلمه و شوف كميه الكورسات المتاحه فى كل مجالات الدنيا تتخيلها و كورسات مكثفه فى المجال بتاعها بس مفيش اى دراسه بعيده عنها و كمان الاحلى من كده انك اجباريا الكورس بيبقى على سنه او اتنين و لازم على الاقل نصهم يكون فى مكان العمل نفسه يعنى جوه المصنع نفسه او فى المكان نفسه اللى بيقدم الكورس و المدرسين كمان بيكونوا اصلا شغالين الشغلانه دى فى المصانع و الشركات و بيوريك عمليا كل حاجه تتخيلها و تعملها بنفسك جوه مكان العمل الحقيقى مش نظرى خالص

ده غير الشركات المشتركه فى التعليم ده هى اكبر شركات فى العالم فى المجالات دى يعنى فولفو- اريكسون - تيليا و غيرهم كتير كتير جدا اكبر اسماء فى العالم

الكورس ده فى الاغلب مجانا و بيبقى فيه ضواط اختيار للطلبه صعبه شويه لكن لو انتا عندك خلفيه عن المجال كويسه هايختاروك و طبعا يكون مخلص صاص اللى قولنا عليه بتاع اللغه و بعض الكورسات بتطل منك كمان رياضه وانجلش و كيميا و فيزيا على حسب المجال يعنى

للعلم كورس الطيران ده مش مجانا ده بفلوس بيتكلم حوالى مليون كورونا فى الكورس و مش بتشتغل بيه اول ما تخلص الا على طيارات مش كوميرشيال بتشتغل على طيارات صغيره و سياحه لازم تأجر طيار و طياره عشان تعمل ساعات طيران بقى عشان تعرف تلاقى وظيفه كويسه و انتا وحظك ممكن شركه تقولك تعالى و تبقى كوبايلوت فتره و كده مفهمش فى التفاصيل بس هما كاتبين كده عموما اقروا بنفسكوا و اعرفوا كل حاجه فى الموقع

بالنسبه للفلوس ممكن الحكومه تدفعهالك و كمان بتبعتك تتعلم فى امريكا و بيصرفوا عليك لحد ما تخلص و بترجع الفلوس تانى بالتقسيط المريح على سنين طويله من مرتبك لما تشتغل

و نوع التعليم بقى الجامعى و ده مش محتاج شرح كلنا عارفين نظامه ايه

و البقيه تأتى ان شاء الله

الشكر لله يا باشا الحد الادنى للمرتبات دى كلمه بتاعت جرايد والناس بتوع السياسه مش بتاعت ناس عاوزه تاكل عيش دى بتاعت افلام مش اكتر يعنى المفروض انه 12000 كورونا بعد خصم الضريبه ولو ده مرتبك ليك الحق فى مساعدات من الدوله بس فى اعتبارات كتير يتغير الارقام دى

مفيش حد ادنى لان فيه طرق كتيره للدخل مختلفه عن المرتب بس فمحدش يقدر يديك رقم لان كل واحد ظروفه مختلفه عن التانى لكن المهم انك مش هاتبقى جعان ولا قاعد فى الشارع حتى لو مش شغال و عندك ظروف قاسيه

بالنسبه لمستوى الحياه المرتفع دى حقيقه ملموسه هنا فى كل حاجه انا لسه متكلمتش على مميزات البلد خليك متابع و انتا تشوف بنفسك وهاحاول اجيب صور على قد ما اقدر

المعاناه سببها الازمه العالميه مش اكتر لكن بغض النظر عن الازمه الاقتصاد السويدى قوى جدا و فلت بطريقه ناجحه جدا جدا من الازمه العالميه لم ينهار و مفيش ديون ولا حاجه ده امريكا مديونه و السويد لا

تحت امرك يا باشا اولا بالتوفيق فى شهادتك ثانيا انا غطيت اكبر جزء من التعليم و المعادله و كده فى مشراكاتى السابقه يا رب تفيدك و بالنسبه لطريقه المجئ هنا بعقد عمل هو ايجاد فرصه العمل و طبعا انتا هاتكون لسه متخرج يعنى هايبقى الموضوع صعب شويه الا لو التخصص بتاعك مطلوب جدا و فى نشره التخصصات اللى فيها عجز فى السويد غير كده هايبقى الموضوع صعب حبتين فى ايجاد فرصه عمل من وانتا لسه بره البلد حتى لو بتتكلم اللغه وكله لانه هو اسهله انه يشغل حد اقل منك فى السويد ولا انه يعمل فيزا لموظف من بره وهو كده كده بيعلم موظفينه و بيديهم كورسات دوريا فعادى حتى لو مستواه قليل بيديله كورسات كتير بيخليه فى المقدمه

بالنسبه لعربى و مسلم دى مش مشكله خالص هنا مديرين كبار و ناس فى الاجزاب و البرلمان عرب و مسلمين يعنى مفيش مشاكل انا بتكلم على المشاكل اللى نوع معين من الناس بتعملها لكن على العموم الشعب جميل جدا جدا و متفاهم جدا جدا و بيتقبل الاخر بشكل كبير

يا جماعه انتا ممكن و انتا ماشى فى الشارع تخبط فى كتف حد هايقولك انا اسف و يعتزرلك و يقولك انتا كويس و يسلم عليك و يمشى و بعدين تكتشف انه رئيس الوزرا او وزير محدش بيمشى بتشريفه ولا عربيات كله مواصلات عامه زيه زى الناس مفيش فرق بين غفير ووزير و لو لقيته وقفه و قوله انا عندى مشكله و حكيله و غصب عنه هايقف يسمعك ولازم يناقش مشكلتك مع المختصين ميقدرش يكبر دماغه الصحافه و الاعلام يمسحوا بيه الارض و يطير فى ساعتها

يا راجل ده رئيس المانيا طار فى مجرد ان البنك اداله دور مش دوره فى طابور الانتظار بس مش اكتر مجرد ان البنك عمله معامله شيك عن باقى العملاء لمره واحده فقط تخيل مش عندنا ابن الباشا يخش يسب الدين للموظفين و يتعملوا حاجته

يا باشا واللهى الناس بتعيش زى الفل و كله بيقدر يظبط اموره عاجلا ام أجلا عارف الحلو هنا برضه ولازم يتقال هى المساواه و حتته الرعايا و حقوقك الاساسيه بتاخدها فعلا بغض النظر حتى لو مجرم بس هى المشكله الوحيده الجزء بتاع الامثله السيئه من بعض الجنسيات فى حق جنسيتها و عرقها لما يقولك ده فلان عمل كزا بس الاسهل هايقولك المصرى ده عمل كزا او العربى ده عمل كزا هى دى المشكله و هاعمل مشاركه دلوقتى و اقولك على كارثه برضه حصلت بسبب قله الخبره فى البلد هنا !!

ومتشكر على الدعوه وربنا يوفقك يا صاحبى

و نتمنى ليك كل خير يا باشا و ربنا يديك و يزيدك و يوفقك ان شاء الله فى قصه اكيد انتا تابعتها و قولت لضياء انى هاحكيها من كام اسبوع كده على الاس تى فى

جابو كام واحده لبسوها نقاب و بعتوهم لجوامع فى حتت متفرقه و بيقوله للشيوخ هناك انهم ازواجهم متزوجين عليهم شرعى بس من غير ورق و انهم الزوجات التانين و انهم معاهم اطفال و ازواجهم بيضربوهم و مش عارفين يعملوا ايه بس مش عاوزين يودوا ازواجهم السجن

فطبعا الكارثه ان الشيوخ قالولهم لا روحى البيت لجوزك و متعمليش حاجه طبعا القصه كلها معموله كيديا للشيوخ و الجوامع عموما من التلفزيون السويدى متعرفش مين صاحب الفكره اكيد حد غتت من اللى بيكره المسلمين المهم يعنى ان الشيوخ جاهلين بالقانون القانون بيقول ان فى حاله التعدى الاسرى او العنف الاسرى فى تليفون مخصوص لاستقبال الحالات دى و فى رعايه نفسيه و ماديه للاسر اللى من النوع ده بالزات اللى فيها اطفال و الموضوع ده يأخذ محمل الجد بكل معنى الكلمه علشان مصلحه الاسره و الاطفال

شيخ واحد ربنا يباركله اللى عرف يسكت الناس دى لانه الوحيد اللى فاهم ده جه وقال يعنى واحده جايه تقولى انا مش عاوزه اسجنه و لا عاوزه نبعد عن بعض انا المفروض اقولها ايه واضح انها جايه تلبسنى مصيبه مش جايه تستنجد بيا الوحيد اللى ناقش و بهدلهم و عرف يفرض وجهه نظره ربنا يباركله و بالفعل بدأو يطوروا من الموضوع و يعلموا الناس دى تتصرف ازاى فى المواقف دى

هاحاول اجيبلكو نص الحوار ده

اهو ده نص المشكله و حصلت ازاى

ستة من أصل عشرة مساجد تقدم نصائح تتعارض مع القوانين السويدية - arabiska - العربية

واتمنى ان المعلومات تكون مفيده ليكو و يا رب كل واحد يدور برضه ورايا و يقرا و يعرف و يتعلم مش عيب تطلب النصيحه او تكون متخبط فى الاول انا ناس ساعدتنى و اتعلمت كتير و غلطت كتير فى فتره قليله بس مش مهم المهم انى بعرف الدنيا ماشيه ازاى

و بالتوفيق للجميع و تحت امركوا و هاضيف برضوا مشاركات جديده و اشرح فيها كل جانب من جوانب الحياه هنا من خلال تجاربنا

رد متداخل:

يعنى افهم انه من الاخر يا معلم صعب الواحد يشتغل فى السويد :) .. ممكن يجى يتقتل و يرجع مصر تانى

طب بالنسبه لدخول السويد اساسا هو ايه ظروفه ؟ .. ممكن ادخلها اصلا ؟

تكملة المقال:

الموضوع مش موضوع مستحيل الفكره هى بس انك محتاج خطوات معينه قبل ما تكون قادر على الدخول فى سوق العمل و يبقى ليك مرتب و صلاحيات كويسه بص

من فكرتى او يعنى من وجهه نظرى و من الناس الكتير جدا الى شوفتهم هنا

لو انتا جاى دراسه على الاقل هاتاخد خمس سنين لحد ما تقدر ترستق امورك يعنى و تقدر بقى تحس بأن فى فرق فعلا

لو جاى متزوج هاتاخد من سنتين الى تلاته فى المتوسط

لو جاى اسود وهربان مش اقل من سبع سنين الا لو حالتك اتغيرت فى الفتره دى يعنى اتجوزت او ورقك اتظبط و فى الاغلب ده مش هايحصل و هاتكون النهايه وحشه

اللى بقوله ده مجرد ملاحظات عن ناس هنا مختلفين فى الامكانيات و الظروف و دى مجرد متوسط و انا مش خبير ولا حاجه ولا متخصص فى الكلام ده ده مجرد تعليق شخصى يعنى على مواقف شوفتها بالنسبه لتفاوت الفترات

واحب اقولك الرزق بتاع ربنا و السعى اهم حاجه ورا لقمه العيش و متزهقش من الاستعداد الكتير هنا فى السويد

احب اضيف حاجه

لو طلبت شركه عشان تعلقلك صوره على الحيطه و ده بيحصل كتير يعنى مجرد مسمار هاتدقه فى الحيطه العامل اللى بيجى يشتغل ميقدرش يمد ايده على اى قطعه عده الا لما يلبس لبسه بالكامل و هو لبس مناسب و خاص للشغل ده فيه كل وسائل الحمايه و السبورت و يلبس الجاونتى و يجيب العده المحدده و يظبط كل حاجه و فى الاخر هايدق دقتين بالظبط على المسمار و يروح يعنى الاستعداد ممكن ياخد ساعه لعمل هاياخد خمس ثوانى بدون كل الاستعدادات دى

هى دى السويد !!!

الناس دى زكيه و عاوزه تحافظ على وجودها فى صداره العالم بالنسبه لمستوى المعيشه العالى و عشان كده لا تهاون و لا استهتار بالاستندارد السويدى

يا راجل ده فولفو عامله عربيات كهرباء و افكار ثوريه بقالها اكتر من سبع سنين منزلتهاش السوق كل ده بتختبرها و بتطور فيها ده انا بتجنن لما بخش المصنع بتاعهم و المتحف و اشوف عندهم ايه و مش بينزلوه السوق يقولك ده لسه فى مراحل التطوير و الاختبار و العربيه مفهاش الهوى اصلا جاهزه للعميل ( ده فى عربيه فيهم هاجبلك فيديو ليها العربيه بتنزل فيها ارع محركات كل عجله فى العربيه فيها محرك لوحدها عربيه تغير وجه العالم فى وسائل النقل و المواصلات و من 2007 وهى معروضه ديمو فى المعارض و يقولك لا برضه لسه نستنى نتأكد من انها على المستوى المطلوب !!!!!) ادى يا سيدى العربيه شوف الوهم

Electric Car with In-Wheel Motor Volvo ReCharge concept - YouTube

بس هو المانتاليتى السويدى كده لازمن يحافظ على اعلى مستويات فى كل حاجه

بالنسبه للدخول وكده ده بقى موضوع اتهرس فى المنتدى قبل كده لان الفيزا بتاعتها شنجن زى اى فيزا شنجن و فترات الانتظار اطول شويه

رد متداخل:

ياريت ياباشا تقول لنا ايه هى المدن الصغيرة اللى الواحد يروح ليها وايه هى افضل المدن مفيهاش انتظار كتير فى الحصول على تعليم اللغة السويدية وهل لو حد معاه اقامة فى ايطاليا ممكن يستفيد من كل اللى حضرتك قلته ويعيش فى السويد وياخد جنسية بالاقامة ولا لازم زواج برضه

تكملة المقال:

يا باشا مع احترامى لسؤالك انتا مش بتحجز تزكره سياحه وطالع رحله انتا بتقول عاوز تعيش يعنى مش مجرد انى اديك ليست بالمدن الصغيره بص جغرافيا كل لما تطلع فوق فى البلد ناحيه القطب و كده الحياه اسهل و ارخص و المدن اغنى و فرص ايجاد مكان فى الكورسات و فى الجامعه اسهل بكتير بالعكس مع المدن الكبيره المشهوره زى استوكهولم و يوتيبورى و مالمو و بعض المدن التانيه اللى حوالين دول برضه واخده الطابع بتاع المدن الكبيره دى و خلى بالك البلد كبيره جدا يعنى

مقدرش انصحك بمكان معين انتا و ظروفك و على حسب المكان اللى فيه فرصه ليك لان مش هاينفع تيجى ترمى نفسك و تأجر مكان وتعد كده هاتصرف الفلوس على الفاضى الافضل تشوف دايره معارف كويسه تثق فيهم و تنطلق من النقطه دى حتى لو محدش هايساعدك بالشغل وكده على الاقل المساعده بالمعلومات

الجنسيه الايطالى تسمحلك بالعمل من اليوم الاول لوصولك السويد و تسمحلك بالاقامه تلات شهور لغرض السياحه و ممكن تعد ست شهور تدور على شغل مفيش مشاكل لكن ملكش اى امتيازات خالص بدون البيرسونال نمبر و ده مش هايطلع الا لما يبقى فيه عقد عمل او متزوج والدراسه ليك حاجات محدوده جدا غير كده انتا مجرد سائح ملكش اى حاجه فى البلد ولا كورسات ولا غيره بتتعامل زى اى سائح

مفيش بيرسونال نمبر يعنى انتا كده مش مقيد يعنى انتا مجرد سائح

مفيش بيرسونال نمبر مفيش حياه هنا فى السويد

بعد ما تتسجل وتاخد بيرسونال نمبر لو متزوج بعد تلات سنين اقامه بتاخد اقامه دايمه و بعدين جنسيه لو حبيت لكن لو مش متزوج على الاقل خمس سنين اقامه عاديه و بعدهم اقامه دايمه و بعدين تقدم على الجنسيه براحتك بتاخدج فتره فى حدود 7 سنين تقريبا بغض النظر عن الاعتبارات المختلفه لحالتك و دى بترجع لتقدير الحكومه

وبالتوفيق يا باشا

اضافه بس انا مخدتش بالى انتا معاك اقامه مش جنسيه بينطبق عليك برضه نفس الشروط و الحاجات لكن مع الحذر شويه فى التعامل معاك و مش بسهوله بيعملولك الاوراق و الاقامه الا لو شغال شغل حقيقى و كويس مرتبه محترم و ملكش الست شهور البحث عن العمل تقريبا بس محدش بيسأل يعنى ولا حد بيعرف انتا داخل امتى لكن كده كده مش هاتستحمل تعيش ست شهور من غير دخل هنا اى كان مستواك لان لو مستواك عالى كده مكنتش اصلا قررت تنقل السويد بحث عن حياه افضل من وجهه نظرى يعنى عشان المصاريف الرهيبه هنا كفايه الايجارات !!

رد متداخل:

العفو يا غالى , وما شاء الله عليك

كمية المعلومات اللى عندك محتاجة حد عاش فى السويد مش اقل من 5 سنين علشان يقدر يحصل المعلومات ديه كلها .. وانا شخصيا مستمتع بالموضوع وبستفيد منه كتير ..

ربنا يبارلك ويكتبه فى ميزان حسناتك ..

انا اللى عاجبنى بعيداً عن اى شىء و عن المعلومات الرائعة اللى انت كاتبها ، اسلوبك فى الرد ، الواحد لما بيسألك سؤال بتجاوب عليه من كل جوانبه و بتدى معلومه شامله متكامله .. انت شكلك بقيت سويدى صرف يا ريس :) ... تشكر جداً على المعلومه و الافاده يا غالى

تكملة المقال:

بسم الله الرحمن الرحيم انهارده فكرت اكتب عن ايه من اصبح و بعدين وانا فى المترو كده شوفت موقف قولت لازم انقله لان ده موضوع مهم اوى و بحاول اتابعه و ادرسه من يوم ما جيت هنا و مش لاقى تفسير !!!

كان فى واحد طالع المترو سكران و قاعد بيغنى و اخر روقان وولد وبنت شباب فى حدود 22 سنه مثلا قاعدين وراه و مع نفسهم كعاده اى سويدى !

المهم الراجل شعشعت معاه و قالك اشاركهم الحوار ولف ليهم و بدا بقى يرغى و يطوح و يجى ناحيتهم ويرجع و بتاع عامل زى البلاص ده بتاع البولينج لما يتخبط وميقعش يفضل يلف زى العبيط كده المهم يعنى لما ركزت مع الولد والبنت متحركوش بعيد عنه ملى متر واحد وافتكرت تكرر الموقف ده كتير !

الغريب ان عمر ما حد سويدى جالوا واحد من السكارى دول و فضل يتكلم و يطنطط قدامه او حتى يلمسه عمرى ما شوفت السويدى بيتعامل بعدائيه او حتى بيبعد عن الشخص ده بالعكس ده بيرد عليه بكل أدب اكنه واحد فى وعيه و طبيعى مش حتى بيتريق عليه !

لما كلمت المدرس بتاعى فى المدرسه قالى احنا مش بنتعامل مع الناس دول على انهم تهديد ليا احنا بناخدهم طبيعى لانه ممكن يكون انسان كويس جدا بس حصله مشكله اترفد من الشغل مثلا وراح قعد فى بار و طالع مشعشع لكنه هو انسان كويس ليه اتعامل معاه على انه تهديد او اتجنبه !

حبايبنا الحلوين بقى

لو فى اخر الشارع يشتمه و يقوله يا سكير يا مش عارف يا ايه و يستفذه و يحاول يجر شكله ولو مش هايعمل كده يتعمل معاه على انه مريض مرض معدى يسيبه و يجرى يبعد عنه و يبصله بقرف و يعاملوا اقذر معامله ده بغض النظر عن ان دى اصلا بلده و البيه اللى بيشتمه ضيف فى البلد دى

للعلم حصلت مره قدامى ان واحد بنفس المواصفات دى مكانش سكير خالص ده كان مريض و محتاج يروح المستشفى البهوات زقوه وقعوه و شتموه واحده بنت سويديه جت جرى عليه بتقوله مالك فى ايه قالها بطنى و دايخ اتصلت بالاسعاف و جت خدته غالبا أكل حاجه او حصله مشكله هبوط او حاجه موقفتش اسأل المسعفين هو ماله!

لما هاتسافر بره هاتشوف حاجه

هاتشوف اسلام بلا مسلمين و مسلمين بلا اسلام

صدقت المقوله للاسف

القصه ممكن تكون رخمه شويه بس واقع ولازم نصلحه

عموما اللى بيقول على السويدى انه عنصرى لا خالص البلد دى مش عنصريه خالص مكانتش فتحت ابوابها لكل الناس دى وعارفين انهم بيتسرقوا وكله ويقولك مهو كده كده الفلوس هاتفضل فى البلد هايشترى بيها حاجه و اديها جوه البلد مراحتش بره!

الناس اللى تفكيرهم عنصرى او نازى او مختلف موجودين فى كل مكان لكن فى السويد مش ملحوظين طيب من يومين واحد قتل شاب عنده عشرين سنه بيقولك جريمه شرف عشان كان على علاقه مع بنت القاتل طيب متربى بنتك وانتا مستنى ايه منها لما تخش عليك وانتا ماسك الكاس و انتا باعتها تجبلك بيره و منزلها بميكرو جيب و شورتات ولا عمرك قولتلها ان فى ربنا او غيره وجاى تعملى دكر دلوقتى و تموت واحد.

للاسف تناقض رهيب فى التصرفات غير مبرر؟

عموما برضه نصيحه خليك سفير لبلدك و دينك فى الاول ممكن تتعامل بنفس الطريقه العامه لكن لما تثبت وجودك كله هايحترمك بس الفرق انهم من اول لحظه هايتعامله معاك على انك انسان كويس لحد ما تثبت العكس و انتا وشطارتك انك تثبت انك كويس و قد المسؤليه.

وفكر كويسه اوى فى موضوع الاسره ده بالزات فى بلد زى السويد من اكتر الدول العلمانيه فى العالم فكر كويس اوى لعواقب كل حاجه فى تربيتك و تعاملك مع اسرتك عشان النتيجه تكون كويسه ان شاء الله.

و متشكر على الردود الجميله وان شاء الله هاضيف حاجات اكتر و برضه اللى محتاج يعرف حاجه يسألنى و بكده نغطى نقاط اكتر ممكن انا اكون ناسيها.

رد متداخل:

طبعا كلامك صح علشان كده الدول دى سبقونا بكتييييير

بنيه تحتية وحرية وعدالة اجتماعية ومفيش رشوة ولا محسوبية

وبالنسبة للعرب والمصريين خصوصاّ فأنا وشفت بعينى فى ايطاليا

مواقف كتير تعطئ انطباع سئ مش للشخص نفسه للاسف لبلده

زى اللى بيركب القطر بدون تذكرة والاتوبيسات

واللى بيلعب قمار ليل ونهار

واللى مأجر شقة ومبيدفعش بالسنين لحد ما صاحب البيت

يدفع للمحامى علشان يرفع دعوى ويتم طرده وطبعا صاحب البيت مش هيتخانق معاه

ولا هيضربه ..

واللى برضه مشترى شقة عن طريق البنك ومبيدفعش بالسنين

واللى واخد قرض ومدفعوش وعادى جدا ومواقف كتيييير

مشكور يا باشا على المعلومات الروعة دى بس اول حتة ابتديت بيها ان موضوع الفيزا دة اتهرس فى خمسين توبك قبل كدا فانا اول مرة اشوف توبك للسويد فياريت تقولنا يا حبى اية اسهل و ارخص وسيلة الواحد ياخد بيها تأشيرة السويد واقامة بالنسبة لواحد معاة باكلرويس جامعى غير انة يتجوز سويدية

تكملة المقال:

الشكر لله يا باشا ايوه فعلا موضوع الفيزا و التأشيرات و السفر و الاستعداد للسفر والاوراق و شرح مفصل لكل حاله على حدى و نصائح كتير جدا فى اكتر من موضوع فى منتدى المغتربين لان فيزا السويد هى هى اى فيزا شنجن ملهاش فيزا لوحدها كل الشنجن زى بعضه فى كل الاوراق و كل حاجه حتى الخطوات اللى بيفرق بس عنوان السفاره مش اكتر و فترات الانتظار فى فيزا السويد اطول حبتين

كل المواضيع دى بتتكلم عن نفس نوع الفيزا و خطوات السفر نفسها

¤۩۞۩¤هولنـــــدا ۝ معلومـات عامــة ۝ اجـراءات التأشيـرة ۝ استفسارات السفـر¤۩۞۩¤

¤۩۞۩¤لو مالقتش اللى انت محتاجة فى موضوعات القسم اكتب استفسارك هنا¤۩۞۩¤

۞…۝…۞ شرح وخطوات طلب التقديم للفيزا السياحية انجلتــــــــرا بالصور...۞…۝…۞

¤۩۞۩¤ انجلتــــــــــــرا ۞…۝…۞ كيفية الحصول على تأشيرة دخول ۝ استفسارات السفر¤۩۞۩¤

¤۩۞۩¤الحاصلون علـى تأشيـرة سياحــة لـدول الاتحــاد الاوروبي (شنجــن)¤۩۞۩¤

¤۩۞۩¤ارشـيـف المـواضيع الهامـة والممـيزة لدول الاتحاد الاوروبي وانجلترا¤۩۞۩¤

وده الموصوع الرسمى اللى فيه كل معلومات تأشيره السويد بأنواعها مع تجارب ناس كتير اوى فى التأشيرات

¤۩۞۩¤قهوة المصريين فى السويد¤۩۞۩¤

مفيش طريق سهل يا صاحبى و لا كلمه اسهل و ارخص طريقه احنا جنسيتنا مش بالسهوله دى نحصل على تأشيرات و اوروبا تفتح لينا دراعتها

يعنى ان حتى مفهمتش انتا معاك بكالريوس ايه بالظبط طيب انا اجوابك ازاى وعموما اى كان البكالريوس لازم خبره قويه فى شركه عالميه مش هاينفع اى شركه وخلاص الا لو نوع شغلك تقدر تقدمه على بورتوفوليو تطبيقى يعنى و اللغه السويديه طبعا الا لو انتا سوبر فى مجالك يعنى مفيش زيك على مستوى العالم زى الناس مصممين و مهندسين العربيات فى فولفو دول من اكتر من جنسيه مش شرط سويدى و الشركه كلها بتتكلم انجلش و برضه اريكسون كده عشان كل اللى فيها يا باحثين اجانب او علماء و مهندسين من كل حته فى العالم

(هل انتا شايف انك على نفس مستواهم قدم حالا و ربنا يفتح عليك )

غير كده لازم تدخل المعمعه السويدى و تتعلم اللغه و بعد كده تاخد كورسات و دورات تكميليه فى مجالك زى ما شرحت قبل كده و دى فى حد زاتها متعه لو انتا تقدر تصبر ده كله بغض النظر عن تخصصك

ممكن تعمل ماستر بس ده غالى شويه السنه بتخش فى 150 الف كورونا مصاريف و رسوم بس غير بقى باقى مصاريفك سكن و تأمين و اكل وشرب و مواصلات و علاج و مصاريف شخصيه و خلافه

لو تقدر تمول الماستر يبقى هايل و ممكن بعدها تلاقى شغل لو عملت علاقات كويسه و خلى بالك انها ممكن مش اكيد عشان ليا اصدقاء كتير اخدوا ماستر و برضه مشتغلوش فى مجالهم خالص واحد معاه ماستر كيميا و شغال فى مصنع حديد و التانى معاه ماستر هندسه و شغال فى حاجه مختلفه خالص برضه فى التجاره و كده يعنى الموضوع مش مضمون مش معنى ان البلد وحشه لكن دى ناس عايشه بطولها فى البلد مش هاتقدر تستحمل الانتظار لحد ما تيجى شغلانه محترمه تناسب قدراتهم فبينزل اى حاجه عشان اقامته متضيعش و يبقى لازم يسيب البلد و بعدها ربنا يحلها بقى

اتمنى تكون مستفيد و ارجوك اطلع على المشاركات كلها و جمع اكبر كميه معلومات مفيش اسهل ولا ارخص طريقه !!!

و بالتوفيق يا رب دايما

رد متداخل:

موضوع رائع جدا بصراحة وكمية المعلومات الموجودة فى الموضوع تختصر الكثير من الوقت لاى حد عايز يسافر السويد للتعرف على الحياة هناك.

تكملة المقال:

السلام عليكم هانتكلم انهارده عن النقل من شرق اوروبا للسويد تحديدا

بسم الله الرحمن الرحيم

من خلال تجربتى الشخصيه و تجارب اصدقائى الحياه فى اوروبا الشرقيه اصعب كتير عن الجزء بتاع اسكندنافيا او السويد الفرقو واضحه مش محتاجه كلام كتير للناس اللى عاشو فى دول اوروبا الشرقيه

اول حاجه هاتلاحظها هى الناس نفسها فى اوروبا الشرقيه بعد الشيوعيه الناس كانت بتخون بعضها محدش فاهم يعنى ايه اصلا اختيار ولا حريه الجيران كانوا بيبلغوا على بعض لو حد سمع التانى بيسمع اجنبى امريكى او بيلبس من ده او حتى معتنق اى فكره من افكار الغرب و كان بيعمل كده فى سبيل لقمه زياده فى التموين بتاعه و اوقات كتير مش بياخدها كانت غابه و كان النظام الشيوعى حتى متعرفش تطلع منه دنتا عشان تعدى الحدود لازم تصاريح و اوراق عشان بس تخرج من بلدك و يقولك ليه عايز تروح بره محنا عندنا كل حاجه هنا

لدرجه فى التمانينات فى حادثه تشرنوبل الاعلام منقلش الحادث اصلا للدول المجاوره و الناس بقت بتعيا و بتموت و الدكتور ميقدرش يقول التشخيص الحقيقى انه بسبب تسمم اشعاعى كانوا بيرموا احدى مركبات البوتاسيوم مش فاكر اسمها ايه كده فى المياه عشان التسمم الاشعاعى و من غير ما يقوله لحد ده غير كميه الاطفال اللى اتولدوا مشوهين او متولدوش اصلا و ماتو فى بطون امهاتهم بسسبب اللى حصل و حتى لو كان ليك اقارب بره الدول دى و بعتلك جواب البريد مش بيوصلهولك عشان يضمن انك متعرفش اى حاجه عن اللى حصل التلفونات مراقبه الاعلام طبعا حصريا للحكومه و للحزب الشيوعى مفيش حاجه اسمها تتملك اى حاجه كله بتاع الحكومه اخرك تبقى مدير عندهم ده غير تجنيد شباب صغيرين فى الجيش المهم يعنى حياه جحيم

الناس دى دلوقتى بدأت تخرج من الحوار ده بعض الدول بالفعل عملت خطوات كويسه عندها عوائق كبيره وهى بقايا الحزب الشيوعى المتمثل فى العائلات الشيوعيه اللى كانت تدير شئون البلاد ايام الحزب و دلوقتى طبعا ورثوا كل البلد تقريبا بعد انهيار السوفيت و انتقل اسمهم من الحزب الشيوعى لعائلات المافيا

مسيطرين تماما على مجريات الامور

بعضهم عمل لبلده ولو حاجات بسيطه لكن برضه مش كفايه لان فكرهم الاول هو الربح بغض النظر عن الوسيله و ده حرفيا خلى بالكوا !!!

الامثله كتير جدا اغلبها مضحك لكن ده مش موضوعنا دلوقتى

فى السويد بقى على العكس تماما

ناس كانت بتموت من الجوع من زمن قريب مش من بعيد يعنى بس مدخلوش حروب بقالهم كتير بيقدروا الحريه جدا جربوا الشيوعيه شويه لكن منفعتش معاهم لانهم اقرب الى العادات و النظام الامريكى فى الحياه يعنى الناس اختارت لنفسها طريق محدد تمشى فيه و حطوا قوانين صارمه على نفسهم لاحترام الحريه و الديموقراطيه

من الطريف ان الملك السويدى اصلا مش سويدى و مش من عائله ولا اصول سويديه خالص الملك ده اصوله فرنسيه كان مجرد ظابط وكان الحكم ملغبط فى البلد و الحاكم ضعيف راح نابليون بونابرت نصبه والى او واصى يتعبر على السويد و بعدين هما نفسهم انتخبوه ملك عليهم و بعدها فى الاربعينيات كده جه الملك الحالى اللى هو جوستاف ده الملك اللى العائله المالكه دلوقتى هى اسرته و اولاده عموما ده اقتباس عن العائله المالكه

السويد.

تنحدر العائلة المالكة السويدية الحالية من جين بابتست برنادوت (1763 - 1844م) الضابط الفرنسي الذي حكم السويد وصيًا على البلاد عينه نابليون. وفي سنة 1818م انتخبه البرلمان ملكًا باسم تشارلز الرابع عشر.

يرأس العائلة المالكة السويدية كارل جوستاف السادس عشر (1946م - ) الذي جلس على العرش سنة 1973م. وله أربع أخوات أكبر منه سنًا وهن مارجريتا وبرجيتا وديزيري وكريستينا. وقد تزوج الملك سيلفيا سومرلاث (1943م - ) سنة 1976م وكانت تعمل مضيفة ومترجمة في كاتدرائية ستوكهلم وأنجبا ثلاثة أولاد هم: ولي العهد فكتوريا والأمير كارل فيليب والأميرة مادلين. وبوصفه ملكًا دستوريًا فإن وظيفته تعتبر رمزية بصورة رئيسية.

البلد مستقر الى ابعد الحدود بالمقارنه بشرق اوروبا

الرحله من الشرق للغرب سهله و مفهاش مشاكل

كله بيعتمد على نوع اقامتك فى شرق اوروبا و هل الدوله اتحاد اوروبى او شنجن ولا بره الاتحاد خالص

لو انتا معاك اقامه عشان فرد عائله مواطن يعنى متجوز. لو بلد المدام شنجن مفيش مشاكل تقدر تسافر عادى لان اقامتك شنجن لكن لو اقامتك اتحاد اوروبى مش شنجن لازم تسافر مع المدام متقدرش تعدى من المطار من غيرها الا لو معاك فيزا طبعا هنا فى المطارات ولا حد هايكلمك طالما جاى من ترانزيت شنجن لانك بتتفتش و بيتعمل تشييك على اورقاكك فى اول نقطه تفتيش شنجن بس بعد كده جوه المنطقه محدش بيعرف عند حاجه اصلا ولا بتختم دخول اساسا

لو هاتسافر مع المدام لازم تترجم عقد الجواز انجلش يكفى مش لازم لغات تانيه و تاخده معاك عشان لازم يشوفوه و هاتبقى سعيد الحظ لو وقعت فى مطار زى مطار بودابيست الجميل بهدله ما بعدها بهدله ناس زى الفل يا خال يعنى اصراحه مشوفتش ادب بعد كده حقيقى يعنى و مع كل الجنسيات يعنى متقلقش كانوا هايشعوا عليا الطياره و البت بتاعت الجوازات كانت عايزه تولع فيا لما الظابط اعلى منها احرجها عشان مش عارفه انك بتعدى بعقد الجواز و البطاقه و الباسبور طالما مراتك معاك المهم يعنى دى تفاصيل فرعيه

اول غلطه هاتعملها فى السويد هى السكن و دى لازم تعملها محدش بيفوت سليم

تخيل ان العثور على سكن مثل حرب الغابات بين الحيوانات المفترسه تخيل بقى انتا اصلا بره البلد يعنى محدش هاعبرك ولا يعيرك اى اهتمام الا ناس محدده

ودول عالم زى الفل

دول شويه شباب عسل كده من نيجيريا شغالين زى الفل و الاف الناس اتنصب عليهم بسبب الحوار ده بيعمل اعلان فى مواقع السكن عن شقه تمام و مش اى حد بيتكلم معاه بيتكلم بس مع الجديد اللى لسه مدخلش البلد !

انتا طبعا دايخ و مترممط هاتلاقى ميل رد عليك بيقولك انا اسمى كزا كزا و انا لسه سايبه شقتى دلوقتى و شوفت ايميلك و انا اتطلقت و سبت البلد ورجعت بلدى و يقولك اى بلد بقى و فى الاغلب بيبقو ضاربين صور بطايق و باسبورتات لناس و يبعتهوالك عشان تتأكد انهم فعلا حقيقين و العرض حقيقى هايجى يقولك ايه

لو انتا عبيط خالص

هايقولك ابعتلى الفلوس على الحساب ده و غالبا بيبقى ويسترين يونيون

لو انتا عامل ناصح برضه ليك نصيب من الاشتغاله متخافش

هايقولك ايه يا صاحبى بقى

هايقولك ابعت الايجار انا باخد شهر مقدم و شهر ايجار وابعتلى الفلوس لاى حد معرفه انتا تعرفه فى العالم ابعتله الفلوس وورينى الوصل بس خدلى اسكان من الوصل و ابعتلى صوره الوصل عشان اتأكد انك معاك المبلغ و انا هابعتلك المفتاح فورا مع دى اتش ال هايوصل فى يومين تقوم انتا مثلا باعت الفلوس لاخوك مثلا و تبعت الوصل للبيه

يروح واخد الوصل و يضرب اى دى بأسم اخوك و يروح يستلم الفلوس هو من اى فرع عندهم واضح ان هما ليهم سكه معينه مع فروع ويستيرن يونيون هناك فى نيجريا !!!

و دى حادث اتكرر مئات المرات فعلا و اعمل بحث بسيط و هاتلاقى مليون حكايه واحد يقوله ابعت الفلوس للمحامى التركى بتاعى كده كده عليا فلوس ليه تبعت و يقولك هوووووب عشان الدمعه متفوطش و اخر مسخره يعنى غابه يابا !!!

نصيحه لوجه الله متعملش ناصح عشان هاتتروق

حاول موضوع السكن ده قبل ما تيجى يكون متظبط مع حد معرفه غير كده متحاولش او يكون بقى فنادق و كده و ده اسعار الكفار مش ناس طبيعيه و فيه بيوت الشباب بس ده صيفى و خلطبيته بقى

اول ما جيت قولت انا ايه بس أأجر اى حاجه المهم بالصدفه واحد باكستانى ناس تعرفه المهم ادانى اوضه طلبه كده ب 350 كورونا فى الليله ابن الجزمه فى سكن طلبه كمان اوضه غريبه كده وريحه امها كلها كارى وبتاع و كان فى رمضان المهم ربنا ستر و رحت اوضه تانيه بعد كام يوم فى شقه مع واحده من الكاميرون الشقه بتاعت واحد عراقى و السعر رخيص جدا للاوضه بتاع 2800 فى الشهر بكله بالكهربا و النت و التلفزيون وكله و البنت كانت نضيفه لولا اكل امها الخنازير و القرف ده كنت بقرف استعمل الحلل والاطباق بعدها

يعنى و بتعزل من مكان لمكان بعد كده لحد مكانى دلوقتى الحمد لله افضل كتير الشكر لربنا و فضل من عنده

اتعود تكون خفيف كده فى التنطيط عشان حوارات الشقق هنا ليله كبيره

يعنى بص فكك بقى من الاستندارد لو معاك طفل ادخل البلد شوف اكل عيشك و رجع مراتك تانى تشوف العيال لو لوحدك ارحم كتير ممكن تتعرف على ناس تشير شقه مع تلاته اربعه غيرك و كل واحد يدفع 2000 كورونا اكتر او اقل على حسب المكان يعنى و التجهيزات

تنزل بقى يا بطل تدور على شغل

طبعا مفيش لغه يبقى فكك بقى حتى لو دكتور لان انتا ليك تلات شهور بس و ست شهور تدور على شغل هاتنزل تلف بقى المنطقه الصناعيه مصنع مصنع و محل محل و مكان مكان طبعا لازم تكون بتتكلم انجلش كويس جدا عشان تقدر تقدم نفسك بطريقه كويسه و بعد المنطقه الصناعيه عليك بالمطاعم بقى غير كده هايبقى صعب يبقى تغير المدينه على طول

اوعى تستنى فى السويد لان الانتظار مكلف اجرى على مكان على طول تانى على مدينه تانيه و اعمل نفس اللفه دى التلفونات هنا تعتبر ببلاش متعتقش اى معرفه او اى حاجه و عموما احنا بقالنا سنه بنعمل كده و مش لاقيين برضه اى حاجه و اللى تلاقيه بيبقى شغل عشان يستفيد من ال 80%مساعده مكتب العمل ليه فى المرتب بتاعى و بيمشينى بعدها و موال مقرف كده و التدريب بقى حتى النضافه مش عارفين بنلف على اى حاجه مع انى كنت شغال فى بلغاريا كويس ومنصب كويس بس عادى هنا برضه احلى و فى مصر كنت مدير الانترتينمت فى فنادق خمس و اربع نجوم و كان سنى لا يتعدى ال 23 سنه تقريبا بس كل ده مش مهم المهم بكره هانعمل ايه و المهم نرضى ربنا اى كانت الظروف و فيه ناس بقالها تلات سنين و فى نفس الوضع بنلف على رجلنا و بننكلم سويدى اهو كويس و برضه مش نافع بس الرزق بتاع ربنا و المعارف اهم حاجه و ربك بيبعت من وقت للتانى كده مصالح وشغلانات اهى بتمشى الحال لحد ما نلاقى شغلانه ثابته لان خلى بالك عضو اسره مواطن الاتحاد الاوروبى ملوش صلاحيات يعتبر و لا ليه مساعدات ولا اى حاجه خالص الا بعد فتره و ده طبعا قرار هايل و منطقى جدا و زكى جدا لان ببساطه لو هو بيديك صلاحيات كتير و مساعدات كتير كله هايتجوز اى بنت غلبانه من شرق اوروبا بسهوله و يجى هنا و يرميها هى وعيالها و يستمتع بالصلاحيات بقى و المساعدات بتاعت الحكومه و يقضيها عشان كده هما بيحموا بنات اوروبا بالزات الدول الغلابه انهم يتبهدلوا هما و عيالهم بالقوانين الاحترازيه دى و دى حاجه ايجابيه جدا جدا و تمنع التفكك الاسرى .

لان هما بيعانو من بنات اوروبا الشرقيه بسبب الدعاره و الاتجار بالبشر و التهريب و الكلام ده و كله بيبقى بسبب حالات استغلال مشابهه و بكده بيحموا البنات دى من البهدله .

هنا يقولك الريفرينس مهم جدا فى العثور على وظيفه لازم الريفرينس بس مش زى الواسطه فى مصر لا مجرد ريفرينس بس يضمن انك بتاع شغل مش اكتر ده بيكون المدرس بتاعك او موظف مكتب العمل او مديرك السابق لو كنت اشتغلت قبل كده انما اى شهاده خبره من بره السويد و بره اسكندنافيا عموما ملهاش لزمه الا لو شركه كبيره اوى المانيه مثلا او انجليزيه كده يعنى و يكون تخصصك كويس اصلا مش شهاده انك اشتغلت فى النضافه او المطاعم !

و فى بقى كزا سكه تانيه كل دول بيرجع الى رزقك انتا لكن انا بتكلم تحديدا فى المشاركه دى على اللى جاى يدور على حاجه ياكل منها عيش و معاكش بيرسونال نمبر ولا غيره لسه بتدور على شغل الاول عشان تعمل اوراق و متقلقش اول ما يطلعلك البيرسونال نمبر البلد خلاص مش هاتسيبك هاتاخد رعايه كامله ليك ولاسرتك المهم انك تكون مجتهد عشان المسؤلين عنك فى الهجره و مكتب العمل يساعدوك لكن لو مش بتاع اجتهاد و شغل هاينفضولك و احسلنك تسيب البلد ساعتها مش هاتعرف تعيش.

و اتمنى التوفيق و هانكل تانى باقى التفاصيل.

و اللى بيشجع اسبانيا يا ويله من اللى هايحصله لو كسب البرتغال بتاعت رونالدو ابو فازلين هايقبل المرعبين اى كان الفائز منهم بس افضل المانشافت

رد متداخل:

اولا حابب اشكرك على الموضوع

وعلى مجهودك وعلى تعبك عشان تسهل على الناس اللى ناويه تسافر وتهاجر

ثانيا حابب استفسر منك بس على حاجه

ايه اخبار مهنه العلاج الطبيعى فى البلد وعليها طلب ولالا

لانى دورت كتير وملقتش بصراحه حاجه بتكلم على العلاج الطبيعى فى السويد مثلا او حاجه متعلقه بالموضوع عكس دول تانيه لاقيت عليها كلام

كتير عن مهنه العلاج الطبيعى وانها مطلوبه وكده فهل نفس الموضوع بالنسبه للمهنه فى السويد ولا مفيش اهتمام بيها ولا فى كفاءات عندهم ومش محتاجين

والف شكرليك على تعبك ومساعدتك لناس وربنا يوفقك ويوفقنا جميعا باذن الله

تكملة المقال:

متشكر على الدعوه و اتمنى ليك التوفيق فعلا دورت شويه من فتره كده على نفس الموضوع لواحد صاحبى مكانش فيه خالص التخصص مش مطلوب خالص الا لو دارس فى السويد و فى الاغلب بتبقى شغال فى الطب الرياضى عموما مش فى مستشفيات اسمها غريب كده .. عموما ده لينك ليك و للجميع ده فيه الوظائف اللى فيها عجز فى سوق العمل السويدى و مطلوب متخصصين فى المجال ده

Sweden's labor shortage list - SWEDEN.SE

بس خلى بالك برضه اللغه قبل كل حاجه دى نظريا فعلا فى عجز شديد فى الوظايف دى لكن عمليا مش هايشغل حد الا يكون بيتكلم اللغه عشان كده بيديك كورس قوى لمده سنتنين للغه و بعدين كورس تانى سنتين تأهيل و تدريب او لو محتاجك جدا بيشغلك و بتدرس لغه مع الشغل

و كمان فى بعض الوظائف هنا فى السويد وظائف ليها ضوابط و قوانين مختلفه عن الباقى لازم تتابع بنفسك الشروط الواجب توافرها عشان تكون مؤهل لممارسه الوظائف دى

وده ليست بالوظائف من النوع ده

Regulated professions - SWEDEN.SE

بتدخل على وظيفتك و الاتحاد الوظيفى او النقابه يعنى الخاص بيك و بتشوف ايه الشروط اللى لازم تكون متوفره عشان تمارس وظيفتك يعنى مثلا المدرس لازم يعمل كارنيه مدرس و ده قبل سنه 2015 و عشان تعمله لازم لغه مستوى صاص بى و بعدين يكون معاك شهاده فى مجال التدريس و تكون متخصصه عشان تدخل نقابه المعلمين

كله فى الاغلب بيطلب شهاده معتمده و تعادلها فى السويد زى ما شرحت قبل كده بتبعتها ازاى عشان تتعادل و بعدين بتشوف موضوع اللغه و بعدين بتشوف بقى تدور على وظيفه لكن لو وظيفتك فى الليست دى مش هاينفع تدور على وظيفه الا لما تستوفى الشروط المكتوبه الاول للاسف

زى ما قولت قبل كده و بكرر الاستنادرد السويدى عالى جدا جدا لا يمكن التحايل عليه و ليه شروط صعبه جدا جدا فى كل حاجه فعلا ولازم تتسوفى الشروط دى عشان تقدر تندمج فى السوق!!!

المهم بس متضيعش وقت و تبدأو ربنا يسهل ان شاء الله كله يتظبط

و بالتوفيق يا معلم

رد متداخل:

جزاك الله كل خير يا باشا على المعلومات دى

انا بكالريوس تجارة انجليزى

وفكرة انى اخد ماستر هناك حتكون مكلفة جدا عليا

لو على اللغة ممكن اخد كورسات مفيش مشكلة

فا اية فرصة انة يكون معايا لغة والمؤهل دة وانزل السويد بدعوة ادور على شغل هناك ؟

يسقط يسقط حكم العسكر

طب كويس والله المحاسب فى الليستة بتاعتهم بتاعة العجز :d

اقدر اعادل شهادتى ازاى بقى عن طريق السفارة ولا اية ؟

تكملة المقال:

متشكر يا باشا

المحاسبه و الاقتصاد فى السويد دول صفوه المجتمع و اعلى مرتب يمكن ان تتخيله هو مرتب رجال الاقتصاد ودى حقيقه من زمان لان البلد بتعتمد عليهم فى النمو و يعتبروا هم اللى بيخططوا للحفاظ على مستوى الدوله وسط العالم

و ده بسبب ان السويد اصلا بلا اى مصادر طبيعيه اعتمادها الاساسى على الواردات الضريبيه و القوه الشرائيه بتاعت مواطنيها و ثقتهم فى النظام البنكى و الاقتصادى بتاع بلدهم و كمان طبعا الصادرات الصناعيه و التقنيه اللى بتصدرها للخارج

لكن عموما حتى لو مبتدأ فى السوق و المحاسبه برضه مرتبك بيبقى اعلى من اى وظيفه تانيه

ولكن

زى ما قولت و بعيد تانى و عاشر

الاستندارد السويدى مقرف جدا و ليه شروط طويله جدا يعنى مش اى حد يشتغل اى حاجه حتى بعد اللغه لازم كورس تتأهل كويس فى المجال بتاع المحاسبه و ده مفيش كورسات اللى هى سنتين لازم تدرس تلات سنين فى الجامعه تانى او تكون متخرج من جامعه اوروبيه او تبعت الشهاده بتاعتك بس برضه لازم تخش كورس معين لان نظام الاقتصاد هنا مختلف شويه انا مش متخصص بس صاحبى محمد ribery_france_22

فى نفس الموقف و معاه خبره كبيره جدا و هايله فى مصر فى مجال المحاسبه و فى شركات عالميه لكن برضه هنا بقالو اكتر من سنه و مش عارف يقرب حتى من المجال لازم يلف كل اللفه دى من الاول لازم يخلص اللغه العاديه اللى هى الصاص بى و بعدين يدخل لغه اكونومى و بعدين كورس تأهيل الراجل بيدور معايا على اى شغل وخلاص لان الوقت هايبقى طويل اوى و فى نفس الوقت تدرس بقى كل ده مع العلم ان الفيزا بتاعته مريحاه برضه انتا عشان تيجى لازم يكون فيه عرض عمل و كمان ملكش كورسات لو جاى عمل ليك حاجات محدوده!!!

الكورس ده عباره عن لغه متخصصه اسمها سفننسكا اكونومى بس ده بيتاخد بعد ما بتخلص الاسفى و الصاص بى بتخش بقى الكورس المتخصص ده, وده مش هاتلاقيه بره السويد ده بتاخده فى السويد بس و بعد ما بتخلص الكورس ده بتبقى قادر انك تشتغل هاتنزل تدريب طبعا غير مدفوع اكتر من مره و بعدين تدريب مدفوع و بعدين ان شاء الله بتتعين هاتاخد فتره طويله حبتين بس العائد بتاعها جميل جدا بعد كده فى المرتب و مستوى معيشه محترم

بالنسبه لتفاصيل المعادله و الكورسات بالتفصيل الممل اكيد انتا اصلا مقريتش الموضوع كله عشان كده مشوفتش انى ذكرت كل نقطه بالتفصيل الممل حتى بالعنواين و بطريقه سير العمليه خد نظره على الصفحات السابقه و انتا تلاقى كل المعلومات اللى انتا محتاجها عشان تبدأ فى اوراقك

و زى ما قولتلك قبل كده مفيش مجرد طريق سهل و خلاص فى طريق محدد و استندارد معين لازم توصله عشان السوق يقبلك حاول متكسلش فى القرايه على الاقل انتا لسه قدامك مشوار طويل و محتاج مجهود وصبر اقرا الموضوع و انتا تعرف التفاصيل و اسماء الكورسات اللى انا كاتبها دى يعنى ايه و بتتعلمها ازاى !

وبالتوفيق يا باشا بأن الله

رد متداخل:

بقولك ايه يا غالى ... ليا سؤال كدا

انا هقدم على تأشيرة اسبانيا كمان كام يوم لكن مش بأهداف انى اشتغل هناك و كدا .. انا رايح ان ووالدتى لغرض معين وراجعين بعد 10 ايام

هل ينفع بعد كدا لو خدت فيزا اسبانيا تانى ادخل منها السويد و اشوف اى اكل عيش ؟ ولا لازم عشان اخد اقامه فى السويد اقدم من مصر ؟

تكملة المقال:

ازيك يا باشا حتى لو غرضك تشتغل فى اسبانيا يبقى وفر مجهودك الناس مش لاقيه تاكل و البنوك بتطرد الناس من بيوتها حتى كبار السن و المعاقين يعنى الحال من سئ الى اسوأ واسوأ كل يوم فعلا و غير كده ناس كتير جدا جدا جدا جدا دخلوا السويد قادمين من اسبانيا بعد ما فقدوا وظائفهم و خسروا كل حاجه هناك و دلوقتى بيدورو على شغل منهم اتنين كانوا ساكنين عندى و معاهم أسر و اطفال و جايين بيدوروا على شغل هنا و طبعا بدون لغه حتى مش بيتكلموا انجلش فالحاله صعبه اوى ربنا ما يوريك يعنى.

بالنسبه لفكرتك انك تخش السويد من اسبانيا و تدور على شغل مفيش مانع بس حاول دائره معارفك تقويها شويه عشان الموضوع ميبقاش صعب عليك و حاول انك تتوقع اسوأ الظروف و انك تتحمل بقى الفتره الاولانيه و اعمل خطه محدده للتدوير عشان متوهش فى البلد و جمع اكبر قدر ممكن من المعلومات عن كل مدينه على حدى ده ميعتبرش مجهود انك قاعد على الكمبيوتر و بتدور لان ده هايوفر عليك كتير جدا لما توصل ان شاء الله على الاقل تبقى عارف و اللغه لو قدرت تتعلمها ( اينعم صعب من غير ممارسه بس فى مركز ثقافى فى شبرا تقريبا سمعت عنه ده فيه اللغه بس معنديش اى معلومات تانيه عن الكورس نفسه او كده ) الموضوع هايبقى اسهل كتير و لو اخدت شهادات عالميه معترف بيها ( مش منح و كلام فاضى من بتاع مصر بتكلم على شهادات فيندور محترم و عالمى زى اى بى ام او اتش بى او الشركات بالحجم ده يعنى فى مختلف المجالات ) الموضوع ان شاء الله هايبقى اسهل كتير

لو لقيت شغل فى خلال فتره اقامتك فى الشنجنن:

بتروح على اقرب مكتب اسكات و بتقدم على رقم شخصى مؤقت و بتقولهم السبب ان فيه عرض وظيفه ولازم تقدم ورقه من الشركه فيها جواب التقديم يعنى هما بيبقوا كاتبين ان الراجل ده هاينعينه عندنا فلو سمحتوا اعملوا معاه الاجرائات

بعد ما بتاخد الرقم الشخصى المؤقت ده بتروح تمضى بيه عقد اولى

طبعا اى عقد هنا فى السويد مدته لا تتعدى التلات شهور وبعد كده الشركه بتقولك لو هاتجدد ولا لا ! وبعد كده بيبقى فى عقد دائم لكن مستحيل تتعين بعقد دائم فى الاول لازم التلات شهور دول.

و بعد ما بتمضى العقد الاولى بتروح بيه على الاسكات هايقولك افتح حساب بنكى تاخد باسبورك و تفتح حساب بالعقد ده ( ده لان مفيش اى بنك هايرضى يفتحلك حساب بنكى من غير ما تكون عندك مصدر دخل و معاك بيرسونال نمبر رسمى مش مؤقت ) و بعدين بتروح الاسكات تانى بيقولك بقى اوكى و بعد اسبوعين بيطلعلك الرقم الدائم بقى خلاص كده انتا خلاص مشاكلك كلها تقريبا اتحلت بعد صدور الرقم ده بقيت تعامل زى اى مواطن و ليك حقوق كتير جدا طبعا فى حدود على حسب نوع اقامتك

و بعدين بتدفع 400 كورونا و بتتصور و بتطلع بطاقه رسميه من الاسكات نفسه و بتستلمها بعد اسبوعين كده بيجلك ورقه بتفوت على الاقل خمس ايام و بتروح تستلم البطاقه

خلى بالك ان البطاقه دى مش بس حتت بلاستيك لا دى كمان بتتعامل بيها فى اى معاملات اون لاين فيها شريحه كده و بتحطها فى كارد ريدير معين و بتتعامل بيها لتعريف شخصيتك على الانترنت و عمل كل حاجه اون لاين كل حاجه تتخيلها حتى ادق التفاصيل بتعملها اون لاين

وبرضه الكارت الفيزا بتاع البنك فيه نفس الخاصيه بيستخدم لتعريفك على النت الاتنين نفس الوظيفه.

على فكره قبل كده كانت الجهه المسئوله عن اصدار بطاقات الشخصيه هى البنوك ( تخيل !! ) و بعدين من سنتين كده قالو لا ملهاش لزمه خلاص البطايق تطلع من الاسكات ( اللى هى مصلحه الضرائب) و ده يؤكد كلامى و هو ان البلد دى عباره دافعى ضرائب بيكونوا مجتمع متامسك نظام عجيب ولكنه ناجح!

و بعدين بتروح الهجره بتقولهم على الموقف بيحددولك ميعاد بعد فتره تقريبا شهر و بعدين بتروح وانتا واقف بيتعملك الاقامه فى خمس دقايق و بيتعتلك كارت الاقامه على البيت بعدها بيومين و كله ببلاش طبعا

ده تقريبا اللى بيحصل مع اى حد فى نفس الظروف اللى انتا بتسأل عنها بالتحديد

ابعد عن شهر 7 فى السويد عشان البلد كلها فاضيه الشعب كله مسافر مقضيها رحلات و مفيش حاجه شغاله عامل زى السعوديه فى نهار رمضان كده !!

و بالتوفيق ان شاء الله يا معلم ولو فى معلومه تحب تعرفها انا تحت امرك و امر الاعضاء

رد متداخل:

واضح انك مش ناوى تبطل ابهارى :) .. اجابه نموذجيه حسيت وانا بقرأها انى سافرت السويد و رجعت :)

انا مش عارف حاسسها مخاطره بعد ما قريت كلامك بعنايه .. خاصة انى مليش حد نهائياً فى السويد ، و قرايبى الوحيدين اللى ليا فى الخارج معظمهم فى دول عربيه و واحد فى امريكا و التانى فى لندن .. لكن اوروبا الشنجن للاسف و بكل اسف مليش اى حد فيها

انا عايز اشتغل وادفع ضرايب و اعيش حياه نضيفه ، انا حياتى مش سيئه اوى فى مصر لكنها مش متميزه او مش الطموح اللى الواحد قعد يتعلم عشانه من حضانه لحد ماتخرج من الكليه و خد الليسانس بتاعه رماه فى الدرج .. انا مثلا ًخريج كلية حقوق عين شمس ، و بشتغل صحفى !!!!! ... اضطريت بالمعاشره انى احب المهنه بتاعتى ( على اساس الحب بيجى بعد الشغل :d ) .. انما مضطر احبها و خلاص ، مش عايزك تستغرب لما اقولك انى لا اساسا كنت عايز اخش حقوق ولا نيله انا من وانا صغير بحب المهن اللى فيها شغل يدوى ، بس نظراً للظروف الاجتماعيه و الوالد و الوالده فا الواحد لو اشتغل حاجه يدويه هيقولو عليه ضاع يا عينى و هزأهم و كدا ( بالمفهوم العربى ) .. و دى احد الحاجات اللى مخليانى عايز اخلع من مصر .. نفسى كدا اشتغل شغلانه يدويه و يكون دخلها حلو مش لازم ابقى مليونير بس عايز اجمع بين حب الوظيفه و الدخل و الحياه فى مكان نضيف ، و دا مستحيل اعمله فى مصر لانى لو اشتغلت صنعه يدويه و كسبت فلوس هخسر احترام اهلى و اصحابى و هتبوظ حياتى !!! متفهمش ليه انما هو كدا ... خلاصة القول يعنى عشان موجعش دماغك :) انا محتار ، عارف ان ملكش الا فى السويد بس فى نفس الوقت عايز ارمى بلايا عليك و اقولك تنصحنى اعمل ايه يعنى ؟ ... انا رحلة اسبانيا دى هكون خلصتها على اخر شهر 8 مثلاً ، و دى اغراضها زى الزياره مش عايز اشتغل هناك لان الناس هناك كل ما اقرأ عنهم الاقى ان شويه شويه هيشحتو .. عايز بس دليل .. اعمل ايه ؟ ابدأ منين ؟ اسافر سياحه للدوله اللى نفسى اشتغل فيها ولا ابحث عن عقود عمل من ام 80 و 100 الف جنيه ولا اعمل ايه ؟ .. قالولى هنا فى المنتدى اعمل سجل تجارى و بطاقه ضريبيه عشان المهنه و عملت .. قالولى اعمل حساب فى البنك و خليه يفوت عليه 6 شهور .. عملت حساب فى البنك الاهلى .. قالولى اودع فيه بحرفنه و متحطش المبالغ مره واحده .. اودعت 5 فى 10 فى 2 فى 8 فى 1500 فى 3 لحد ماوصل فيه دلوقتى 60 الف جنيه سالف 90% منهم ... بس بعد كل دا اعمل ايه يعنى ؟ ايه السكه يا جدعان !!! ... اعمللللل

تكملة المقال:

اهلا بيك يا باشا موضوع انه يعملك بيزنيس ب 150 الف كورونا ده وهم و كله نصب لان محدش هايعرف يعملك حاجه و انتا مش موجود فى البلد لان مكتب العمل و الاسكات لازم يعد معاك تتناقشو فى المشروع على الاقل ست شهور الا لو هاتمول المشروع كله من حسابك وده طبعا مش ب 150 الف كورونا خالص لان اصلا عشان بس تاخد رقم اسمه اورج نومور و ده رقم الشركه يعنى زى الرقم الشخصى بتاعك لازم بتدفع رسوم 50 الف كورونا و تأمين على حسب النشاط بقى و تأمينات و نقابه برضه و بعدين بقى بتشوف مكان و بتشترى العده و بتعمل عقد و عشان تلاقى محل ده درب من الخيال اصلا فى اى مدينه كبيره اخرك هاتأجر اسود من حد تانى و هايبقى روحك فى ايده يا اما تستنى دورك سنين لحد ما تعرف تلاقى محل فاضى.

ولازم تكون بتتكلم لغه البلد عشان المعاملات الورقيه كلها بالسويدى وعشان متوديش نفسك فى داهيه يعنى لازم تيجى البلد الاول و تتعلم كل حاجه و بعدين تعمل لنفسك مشروع لكن ب 150 الف دول هايتنصب عليك بيهم اكيد !

و الحاله الوحيده اللى البلد هاتسحملك انها تديك اقامه فى السويد بغرض اقامه بيزنيس او كده هو انك تحول حد ادنى 5 مليون كورونا ( وده قانون اوروبى و هو ان اى حد عاوز اقامه بغرض البيزنيس لازم يحول فى حساب البلد ما لاا يقل عن 500 الف يورو للحصول على تصريح اقامه عمل ) فى حساب سويدى و يعملولك بقى الاقامه و لازم الفلوس دى تشغلها فى البلد

يعنى المبلغ ده مش حقيقى

بالنسبه للصنعه نفسها هى هايله طبعا و اى شغل حرفى هنا بيبقى دخله كويس و اصاحبه مبسوطين بس خلى بالك حتى دى ليها كورس و لازم تعديه لو حبيت تشتغل عند حد فى كورس للحلاقين لمده سنه ده غير اللغه و من غير الكورس ده متقدرش تشتغل اى كان مستواك عشان ده فيه غير الفن نفسه بتاع تصفيف الشعر فيه كمان تعليم الهايجين و الكلام ده اهم كتير من اللمسه الجماليه ( الاستندارد السويدى تانى )

على فكره انا بس حابب اوضح حاجه كل كلامى ده هو الكلام القانونى و الطريق المظبوط لكن فى ناس بتقضيها اسود و بطرق غير شرعيه انا اصراحه معنديش فكره قويه وحتى لو اعرف مش هاقدر افيد اى حد فى السكه دى خالص هو براحته بقى بس خلى بالك ان الندم فيها وحش هنا مش زى ايطاليا الدنيا مفتوحه على البحرى هنا فى قوانين قمه فى الصرامه انتا اصلا متعرفش تحمل برنامج ولا لعبه ولا كتاب من على النت من غير ما تدفع مفيش تهريج هنا فى القانون و لسه من كام شهر طفل اتغرم 1500 كورونا عشان حمل فيلم من بايرت باى فى المدرسه بتاعته و دى اول مره فى تاريخ السويد انه يتحكم على طفل أى كان نوع الحكم بس عشان يبقى مثال لباقى الناس ان فى الحقوق و حقوق الملكيه و القانون مفيش تهريج خالص !!

عموما اتمنى ليك و للجميع التوفيق و خلى بالك ان الرقم المعروض فى الموضوع ده رقم خيالى و مش صحيح و عموما ادينى بفهمك الطريق ازاى و انتا اساله تانى و هو هايقولك الكلام ده صح ولا غلط و ممكن تدخل على موقع الاسكات و تعرف منه على القوانين بالانجلش و كمان فى عربى !

Andra spr ï ده معلومات عامه عن الاوراق و كده و التسجيل وفيه فيديو عربى برضه

Employers, businesses and corporations | Skatteverket [NS4 version]

وده فيه كل الملعومات ازاى تسجل شركه و المصاريف و الطرق القانونيه و تشوف بنفسك هلى كلامى صح ولا ال 150 هما اللى صح

و اتمنالك كل توفيق يا باشا

رد متداخل:

ميرسى جدا ع الرد

هو قاللى هاديلو الاول 50 الف جنية مصرى وانا فى مصر وهايقدملى ع البيزنس ودة الجزء الاول دة يدينى انى ممكن اجى ازور السويد واتعرف ع البلد وكدة

وبعدين 100 عشان الاقامة

تكملة المقال:

يا باشا كتبتلك فى الرد الموقع الاخرانى ده فيه كل المعلومات اللى هاتحتاجها لعمل بيزنيس هناك بدون ما تحتاج لحد انه يعملك اى ورق انتا ممكن تعملها بنفسك اقرا الاوراق وشوف هنا فى السويد كل حاجه لازم تكون مكتوبه وواضحه عشان يتفادى الاخطاء و انك تقول ان امكنتش اعرف لما تحصل مشكله عشان كده كل الاوراق دى مكتوبه بالتفصيل الملل هاتعمل ايه بالظبط و محتاج ايهوانتا راجل متعلم و خريج جامعه محترمه يعنى مش هاتتعب فى انك تقرا الاوراق دى على الاقل تبقى مطمن و نفس الوقت متبقاش ندمان انك سبت الفرصه ( بغض النظر عن انها غالبا مش حقيقه) و برضه تقرا بنفسك و تعرف الحقيقه فين

عموما انا مش خبير ولا بفهم فى اداره الاعمال كل معلوماتى هى من تجارب شخصيه ليا ولأصدقائى وبحب اقرا القوانين و اوقات مبفهمش منها حاجه بس على الاقل بعرف تفاصيل بسيطه عشان كده بجيب المصدر و انتا تشوف بنفسك من المصدر مفيش مصدر تانى بعد الاسكات فيركيت و ده الموقع تانى

Employers, businesses and corporations | Skatteverket [NS4 version]

يا رب اكون قدرت افيدك و نتمنالك التوفيق يا باشا

واللهى يا صاحبى انا مقدرش اقولك اعمل حاجه محدده لان كل واحد ليه ظروف و ليه رزقه اللى ربنا كاتبهوله انا بس ممكن اشرحلك الحاجات اللى انتا عاوز تعرفها عن الحياه هنا و فى الاخر زى ما قولت الرزق بتاع ربنا اقدر برضه اقولك شويه عن شرق اوروبا انا كنت عايش فى بلغاريا بس مش هاتستفيد حاجه من هناك لان عشان تشتغل لازم اللغه و ورقهم قمه فى القرف السويد ارحم كتير ( تحس انك داخل الجنه فى بلغاريا ولازم مليون ورقه حاجه تقرف).

بس هى النصيحه الوحيده اللى مش هابقى خايف انها تضرك هو انك تتعلم على قد ما تقدر مفيش حاجه اسمها نفسى اعمل حرفه يدويه فى حاجه اسمها انا بعرف اعمل الحرفه الفلانيه و لكن الموضوع كله يتوقف على ميولك عموما بص لما اشتغلت فى السياحه ابويا عملى فيلم و امى و بتاع و قالك هاتقضيها رقص ومسخره ( وده حرفيا كان بيحصل على فكره لانى اشتغلت انيميشين لو تعرف ايه يعنى الشغلانه دى او اى حد اشتغل سياحه هايفهم على طول ) و كانت حياه الواحد شقلبه و دقلبه و هيصه و طبل و زمر و مفيش اى هدف بتاكل وتشرب فى المطعم الرئيسى التلات وجبات كل يوم زيك زى احسن جيست فى الفندق اللى بيدفعوا فوول بورد و بتنام فى اوضه من اوض الفندق و كبيره كمان زيك زى اى جيست برضه لا و الهاوس كيبينج كل يوم ينضفلك و يعملك يعنى عايش برنس و بتاخد مرتب مقابل انك تلعب طول النهار و تهزر و باليل بتعمل شوو على المسرح و بعدين ديسكو يعنى حياه هيصه بلا اى هدف حتى لو مقيم اقامه دائمه فى فندق خمس نجوم برضه دى مش حياه انا فاهم انتا بتتكلم على ايه بس برضه لازم تخلى بالك ان البلد مش هاتقبلك بالطريقه دى خالص يعنى هاتقبلك مثلا وانتا متجوز و بكده هايساعدوك او جاى لاجئ انما اى طريق تانى مش هايبقى فيه مساعده و الفرص صعبه و ممكن بفيزا الشنجن تلف اوروبا كلها تدور ما عدا انجلترا ممكن اقولك عندى اصحاب بيقولوا النرويج احلى فى المرتبات و ده معروف لكن ارخم فى المصاريف و ناس تقولك الدنمارك افضل و اسعارها احلى و سوقها واسع و تعتبر قريبه من كل حته مش مرميه فى اخر الدنيا بس برضه فى الاخر الرزق بتاع ربنا و كل مكان فيه مميزات و فيه عيوب

نصيحه مترميش الفلوس لحد يقولك هاجبلك عقد عمل يعنى منطقى كده هايجيبه منين اصلا و ازاى اصلا الموضوع مش بالبساطه دى

عشان يعين حد زى ما شرحت قبل كده مواااال كبير لو الحد ده من بره البلد وكمان مش اوروبى اجرائات و اوراق و ليله كبيره و لو الوظيفه قليله صغيره يعنى مطاعم و كده مستحيل مكتب العمل يوافق لو وقف على دماغه مش هايوافق مكتب العمل هايقوله عندى بدال الواحد عشر الاف اختار منهم حد يشتغل و احنا هانساعدك !

و لو مؤسسه كبيره و شركه محترمه مش هاتعمل الموضوع ده اصلا و تدخل نفسها فى سكه ملهاش لزمه حتى لو ابوك صاحب الشركه مش هايعمل كده فى نفسه !

يعنى ابعد عن الناس دى

فكره انك تيجى سياحه هو القانون مش معقد اوى فى النقطه دى يعنى مش زى اى دوله تانيه لازم تدخل بفيزا عمل عشان تعرف تشتغل انتا ممكن تكون جاى زياره من اى دوله تانيه و تلاقى شغل بس ليها اجرائات مختلفه شويه و بتاخد وقت اطول من الطبيعى عشان يتأكدو من كل التفاصيل هاحاول افهم الوضع ايه بالظبط فى النقطه دى تحديدا و اقولك

خلى بالكو يا جماعه من نقطه معينه

نصوص القوانين هنا حاجه و الحياه العمليه مختلفه شويه

فى الحياه العمليه القانون لا يطبق على كله سواسيه فى اعتبارات انسانيه كتير زى الاسره و الاطفال و دول الاهتمام الاول هنا يعنى لما بيكون فيه طفل بيظهرلك فرص كتير من البلد نفسها مكانتش موجوده قبل كده غير مرتب الطفل الهايف اللى بيعمل 1000 كورونا فى الشهر لحد ما يتم 18 سنه

يعنى فى حالات انسانيه القانون بيختلف فيها و بترجع لتقدير الموظفين المسؤلين و برضه بيتبعوا اجرائات معينه و متعارف عليها لكن لا يعلن عنها فى منشور منفصل عن القانون عشان يحافظ على الصلاحيات دى و انها لا يساء استخدامها

بس ده فى حالات مش كتير يعنى و بتبقى فى صالحك فى كل الاحوال

بص جمع اكبر قدر من المعلومات قبل اى حاجه و بعدين قرر براحتك و متقلقش السعى مش وحش بالعكس كل ما تسعى اكتر كل ما تشوف ابواب كتير اتفتحت قدامك مكنتش تتخيل انها اصلا موجوده

و بالنسبه للحرفه طريقتك اللى بتفكر بيها دى هاتتعبك فكر فى حاجه محدده فى الحرفه او المهنه عشان متتسوحش لان فى اوروبا الغربيه مفيش حاجه اسمها فهلوه و سبع صنايع لازم تكون بتجيد حرفه معينه محدده و هما بيساعدوك لتطويرها و مش مطلوب منك تعمل اى حاجه جنبها المهم تركز فى شغلك و تتخصص فى مجالك

و بالتوفيق ليك و للجميع ان شاء الله

رد متداخل:

هى القضيه مش فهلوه قد ماهى انى شايف الحرفه اللى انا بتقنها لا تصلح فى اوروبا ، عشان كدا بقولك اى حرفه يدويه على اساس تكون قريبه منها، انا عندى هوايه من الصغر محترف فيها يعنى بمعنى كلمة محترف و كنت بعمل حاجات و ابيعها ، شغل النحت .. فا معتقدش ان دا هينفعنى فى اوروبا و العلم عند الله يعنى ... انا بعرف اعمل ارابيسك ، نحاس ، نحت .. حاجات كدا ممكن لو شوفت مسلسل حسن ارابيسك تفهمها ... فا عشان كدا بقولك حرفه يدويه على اساس لو لقيت نجار يبقى قشطه :) ... متهيألى وضحت الروؤيه :)

تانى حاجه انت اكيد فاهم ان اى حد قبل ما يسافر بيكون محتار حيرة الدنيا والاخره والسبب انك مضطر تسمع للاخرين لانك لم تسافر من قبل .. فا واحد يقولى السفر بقى شبه مستحيل وهو اساسا برا .. طب مستحيل ازاى وانت نفسك سافرت ؟ .. وواحد تانى يقولى السفر بياخد وقت اقوله سافرت فى قد ايه يقولى فى 5 شهور .. طب ليه انت سافرت فى خمس شهور ومعايا انا هياخد 5 سنين .. ناس تانيه تقولك الحياه فى اوروبا وامريكا مش زى مانت فاهم ، و هو راكب عربيه نضيفه و ساكن فى بيت كويس و بياكل كويس و يخرج و يحوش .. .نفسى اعرف ليه الناس بتتعامل معانا ( احنا اللى مسافرناش قبل كدا يعنى ) على اساس اننا فاهمين اوروبا كنز على بابا ... انا عارف ان السفر لازمله تعب و مجهود ، اللى بيضايقنى طبعا احباط الناس .. والحمد لله انك مش من المحبطين :) و عشان كدا انا ارتحت و بسألك براحتى

تكملة المقال:

بص برضه بأختصار الرزق بتاع ربنا و متعرفش مكتوبلك فين المهم تسعى حاجه باقه مهمه

ان اللى مسافرش فاكر ان اللى سافر مرتاح و اللى سافر فاكر انه ضيع سنين عمره من غير استفاده وكله بيقول يا ريتنى فانتا اسمع من التجارب و اتعلم وخلاص بس عموما هو السفر لاوروبا يا اما انتا متجوز يا اما بتدرس و دى محتاجه مصاريف يا اما هربان و دى موال كبير غير كده الموضوع صعب عشان كده كل واحد بيسأل بيتقاله ان الموضوع صعب اقرا المواضيع و انتا تفهم هاتلاقى ان اللى متجوز مشاكله كلها تنحصر فى تحضير ورق و يقطع تزكره و يعمل انتر فيو و يركب طيارته و يمشى بس مش اكتر و بعدين بقى لما بيوصل بيبدأ يشوف حاله.

الباقى كله بقى بيدور على مليون طريقه تانيه و دى طرق صعبه غير اللى معاه فلوس وقادر يصرف على فتره دراسه غير كده بالعقل يعنى لما البطاله بالهبل هنا فى اوروبا و دوله اقتصادها قوى زى السويد ليه الحكومه هاتسمح لشركه انها تستقدم عماله من الخارج و كمان من خارج اوروبا ؟؟!!!

بص فى حاجه اسمها كوتا

دى الدول الاوربيه بتتعامل مع بعض بيها ولازم غصب عنهم يعملوها بمعنى انه لازم فى العماله الاجنبيه يكون فى عدد من جنسيه البلد و عدد اوروبى و عدد بسيط جدا من الاجانب اللى من بره اوروبا و اجرائات اختيارهم صعبه و شروطهم برضه صعبه

نرجع تانى نقول قشطه مهم طالبين ناس كتير اقولك ايوه فعلا عندهم تخصصات مش لاقيين اى حد

يعنى اول تخصص مطلوب جدا فى السويد و فى كارثه بسببه هو المدرسين عاوزين مدرسين بأى شكل لان فى الفتره القادمه عدد مدرسين رهيب هايبطل شغل معاش بقى و ظروف تانيه فى خلال الخمس سنين القادمه و البلد فيها عجز رهيب لدرجه انهم بيتحايلوا على الطلبه تدخل باداجوكك فى الجامعه عشان يبقوا مدرسين و الطلبه بترفض عشان المرتبات مش حلوه و النقابه عماله بتحارب عشان تزود مرتبات المدرسين و تخليهم ليهم صلاحيات و حاجات حلوه عشان تجزب الناس للوظيفه و برضه لسه موصلتش لحاجه

طبعا ده كله على الورق

تيجى بقى تقدم يقولك فين كارنيه التدريس و معاك صاص بى ولا ممعاكش ولو هاتدرس انجلش مفيش مانع المهم تكون شهادتك متعادله بس فرص محدوده يعنى بس موجوده و طالبين ناس من كل الجنسيات

طبعا الكلام هنا على مدرسين الفوشكولا دول يعنى اللى هما الاطفال لحد ست سنين تقريبا يعنى ما قبل المدرسه العاديه باقى التخصصات متوفره بس محتاجين بس اعداد بسيطه مش اكتر

ارجع تانى لموضوعنا و اقولك ببساطه تصنيف العماله فى العالم واضح و صريح

دوله زى السويد لما بتختار عامل يجى يشتغل عندها اولويات اولا زى ما قولت للاوروبى عشان الاتفاقيات و بعدين الاولويه اللى بعد كده الاجنبى بقى اللى مش اوروبى و ده شرحه يطول لكن عموما احنا كعرب او مصريين مش فى اول الليست دى خالص يعنى اى حاجه تقنيه بعد الهندى متشغلش حد اصراحه يعنى مدير فولفو القادم هندى على فكره و كل اريكسون دلوقتى هنود و خلاص احتله مجال التكنولوجيا بكل فروعه لا مفر من الهندى لانه مؤهل تأهيل عالى جدا جدا جدا و سمعته كويسه و مش مقرف زى العربى فى شغله بتاع التزام العربى مش بتاع شغل و اى حد فى اوروبا عارف الكلام ده كويس !.

و بعد الهنود بيجى بقى باقى الاجانب بس الاسيوى يمكن الاعتماد عليه لانه برضه مجتهد و كمان خبراتهم فى بلادهم تؤهلهم للعمل فى سوق كبير زى السويد لكن المصرى مثلا خبرته فى بلده ايه محاسب اشتغل امين مخازن طيب جاى مقدم على شغله محاسبه طيب ده انتا لو راجل بتاع اتش ار هاترد عليه تقوله ايه و متقدم واحد صينى شغال خمس سنين محاسبه و تجاره و تصدير و استيراد مثلا

او مهندس ميكانيكا مصرى متخرج و شغال فى قهوه او حتى شغال فى مجاله فى شركه صغيره هاتقبله و لا هاتقبل الهندى اللى واخد منحه فى فولفو و اشتغل فى مصانع تصنيع ماكينات و سيارات فى الهند !! بالعقل يعنى يا صاحبى سوق العمل مش زى زمان كله كان بياكل عيش. دلوقتى بقى العرض اكبر من الطلب بقى العماله اكتر كتير من الوظائف وده بسب دخول الميكنه فى كل حاجه يعنى خط الانتاج فى دوله صناعيه زى السويد كان بيشتغل عليه الف عامل مثلا من عشر سنين دلوقتى ممكن يشتغل فى الخط كله عشر عمال مش اكتر و كمان مش عمال دول بس بيراقبوا المكن يعنى اوبريتور مش عامل اصلا ولا حرفى!.

عشان كده الاختيار بقى صعب و بقى فى اولويه للمؤهل تأهيل كويس زى الهندى او الاسيوى

و برضه من الاحاجات اللى بهدلت سمعه العرب فى سوق العمل هو بعض الاخوه اللطاف اللى حكيت عليهم قبل كده.

ده ببساطه تفسير الموقف اللى انتا شايفه غامض انا هنا اهه و قالب الدنيا على تنضيف حمامات حتى و مش لاقى لا و ايه مكتب العمل بيساعد كمان فى مرتبى لما اشتغل بيدفع جزء كبير من مرتبى لصاحب العمل عشان يشغلنى يعنى صاحب الشغل مش هايدفع حاجه يعتبر هايدفع كلام فارغ و برضه مفيش و بنشتغل اى حاجه لفترات متقطعه كده جنب الدراسه لحد ما ربنا يكرم و نقف على رجلينا و الحمد لله نعمه و رضا من عند ربنا طبعا.

فيعنى الامور مش زى منتا متخيل خالص ليا اصحاب هنا من اربع سنين و مش لاقيين شغل و معاه لغه و معاه كل حاجه و ليا ناس تانيه شغاله فى فولفو وزى الفل اينعم اتبهدلوا خمس سنين لحد ما وصلوا لشركه زى دى بس برضه اهو الحمد لله ربنا يباركلهم ويزيدهم.

ادخل على موقع اللى انا حطيته اللى فيه ليست العجز فى الوظايف فى السويد و شوف بنفسك الوظايف و شوف طلبات كل وظيفه ايه

يعنى اللى معاه رخصه ايي بتاعت المقطوره دى يشتغل برنس هنا بس طبعا لازم لغه يعنى الفكره بص لقدام بص لتلات اربع خطوات قدام و اعرف ان هنا من غير لغه هاتتعب جامد و بعد اللغه شهاداتك و خبرتك و اعترافهم بيها يبقى اللى عليك تجهز نفسك

على فكره ابن خالتى فى لندن كان بيتحايل عليا اروحله قبل ما اجى هنا و قعد يقولى اسهل و مش عارف ايه بس عشان بيعاملوا البلغار و الرومانين وحش جدا و عاملينلهم قوانين خاصه غير باقى خلق الله مرضتش اروح قولت مش طالبه مرمطه و امرمط بنت الناس اللى معايا دى فى انجلترا

لو حبيت تروح الموضوع هايبقى اسهل هناك عشان اللغه بس خالى بالك البلد بقت بالفعل مومباى مش اوروبيه خالص بقت مستعمره هنديه كله بقى هندى انجلترا بقيت تطلع من المطار تلاقى ريحتها كارى

و بالتوفيق يا معلم و يا رب تستفيد و تحت امرك يا باشا

رد متداخل:

بصراحة بارك الله فيك وربنا يوفقك وييسر لك الامور اللهم أمينبجد معلومات هايلة وكأن القارئ عايش هناك.. بالرغم انى مسافر لأنجلترا بس انا بصراحة أستفدت من معلوماتك وخبراتك وكنت أتمنى لو فيه حد عنده الخبرات والمعلومات عن أنجلترا .

انت قولت انك كنت مدير الأنيميشن فى مصر ياترى الغردقة ولاشرم لانى عايش فى الغردقة.

بالتوفيق بإذن الله ونسمع عنك كل خير وجزاك الله كل خير ويجعله فى ميزان حسناتك

اكيد مستفيد جداً من ردودك يا كبير :) .. ربنا يخليك على الافاده الروعة دى و الاستفاضه فى الشرح الدقيق يعنى

انا حتى شميت ريحة كارى وانت بتحكى و عطست كمان

وان شاء الله لو ربنا كرم و روحنا اوروبا اكيد همشى على نصايحك الذهبية دى و اقرأ مواضيعك بإستمرار يا كبير :) بس دعواتك يعنى انها تفك معانا و نعرف نسافر اى حته ناكل فيها عيش

تكملة المقال:

الشكر لله يا باشا و متشكر جدا على الدعوه الجميله .هى بدأت من ثانويه عامه سافرت فى اولى جامعه الغردقه اشتغلت فى مكادى باى فى صان مارين و مكادى ستار لفتره قصيره و بعدين اشتغلت فى توكيل باندا كنت بتاع مبيعات بس عربيه حقيره اكيد انتا سمعت عنها اللى هى الميكروباص الصغيره و النقل الصغيره دى اللى عامله زى السوزوكى مبعناش ولا عربيه كانت مسخره يعنى و بعدين سافرت شرم اشتغلت شويه بتاع سنه فى البارون فى الغرقانه مع شركه ايطالى و بعدين اشتغلت فى سافيتا مع شركه ايطالى و بعدين مع ترافكو فى بعض فنادقها و بعدين مع البى توورز ايطالى فى اغلب فنادقها كله بيبقى شهر فى كل مكان او شهرين بالكتير هما نظامهم كده

وبعدين رجعت الغردقه اشتغلت مع علاء خليل الله يمسيه بالخير بقى ودانى الاول علاء الدين و الياسمين اشتغلت فى علاء الدين شويه دى جى مش انيميتور و بعدين اشتغلت فى شيراتون سوما باى و بعدين كرايزى بس اتخنقت منهم مكملتش اسبوع و رجعت شيراتون تانى و بعدين رجعت القاهره و بعدين رحت مرسى علم اشتغلت مع شركه تونسى و بعدين مع شركه مصرى و بعدين مع شركه ايطالى و بعدين بقيت مدير الانترتينميت فى الفندق و كان معايا فندق تانى كان تحتى الناس بتوع سوان توور الايطالى و الناس بتووع تييز و شركه سويسرى صغيره بتجيب اوضه ولا اتنين كل كام اسبوع يعنى كان تحتى بتاع 15 جنسيه بس كان معايا كل حاجه فى الفندق ده كان معايا حتى صيانه الاجهزه بتاعت الانتريتمنت كلها مكنتش بخلى بتوع الهندسه و الصيانه يتعبوا نفسهم خالص حتى اخترعت ليهم استاند و مسرح متحرك كده بوحده اضائه بتتفك و تتركب بمساعده الصنايعيه كانوا اصراحه شباب زى الفل دماغهم تتوزن بدهب يعنى (لانى غاوى اليكترونيات و عندى خبره كويسه فى التصليح و الابتكار ده حتى انا عملت كارت صوت لكل السماعات غير الاصلى و طورته بقى جامد جدا و كل ده مكلفش الفندق 150 جنيه فى 12 سماعه دبل يعنى كان المدير طاير بيا و برضه عملت فيه سينما و المسرح بنيته كله حرفيا من التراب و الديكورات و الكاستوم و الاجهزه و كل حاجه انا اللى عملتها الفندق كنت مستلمه خرابه فى اربع شهور بقى الاقوى فى الانتريتمنت فى المنطقه كلها بقى اكنه كلوب مش ريزورت وكان معايا تيم ايطالى معاهم شيف انيميشين شاب كويس جدا لسه اصدقاء الى الان انسان جميل اصراحه ) وكمان استلمت اوضه كانت مخزن للخرده فى الفندق عملت منها كيدز كلوب على اعلى مستوى فيه كل الامكانيات كان جميل جدا و كان المدير بيتباهى بيه فى كل حتى هو و الاوونر بتاع الفندق و ساعدت فى تصميم مطعم جديد للسمك غير المطعم الرئيسى كانو ناس طيبين جدا جدا و افتكرهم بكل خير يعنى و ادونى كل الامكانيات لما لقونى عاوز اشتغل و عملت حاجه انا افتخر بيها اصراحه من خرده و شويه مهملات مكسلين حتى يرموها.ممكن ابقى اوريكو شويه صور للشغل اللى عملته فى الفندق ده لو حبيته تشوفه قبل ما اشتغل و بعد ما اشتغلت بقت عامله ازاى؟!

وعملت برضه تصليحات كتير و ابتكارات فى الفنادق اللى اشتغلت فيها ده اللى خلانى اعمل اللفه الكبيره دى و نفس الوقت اترقيت بسرعه و انا عمرى صغير جدا لانى ابقى مدير و مسؤل عن كل ده او يعنى بالاستندارد المصرى يقولك ده عيل بس الحمد لله كانت رحله جميله من المزيكا و هندسه الصوت فى القاهره لانى اروح شرم و الغردقه العب مزيكا و دى جى و عملت حفلات كويسه يعنى و بعدين انيميتور و بعدين شيف انيميتور و بعدين كوردينيتور و بعدين مدير انترتينميت مانجر رحله مش بطاله فى سبع سنين يعنى من 2003 الى 2010

بس الحمد لله بقى بعدت عن العك و التنطيط و انتبهت لحياتى و بحاول بكرم ربنا و توفيقه انى اعمل حاجه كويسه لنفسى ان شاء الله و ميكونش فلوس فيها شبهه حرام زى الشغل بتاع السياحه و اهى خدنا خبره و اتعاملنا مع جنسيات بالهبل و عملنا فلوس وصرفناها و الغريب انى مفتكرش ان فى حتى جزمه ولا تيشيرت اشتريته من الفلوس دى و موجود سبحان الله فلوس ملبوسه ما تفهم ولا متعفرته بس الحمد لله ربنا يباركلى بس فى طريقى و ستره و رضاه اهم حاجه

و بالتوفيق يا باشا فى رحله انجلترا و تبقى خطوه جميله فى مستقبلك و فاتحه خير ان شاء الله عليك

يا باشا مش عارفين نودى بس جمايلك فين يا رب الناس تسفيد من الموضوع و يوضح ليهم طبيعه الحياه عندنا عامله ازاى بس صحيح يا بوص هو انا ملاحظ انى رغاى اوى المشاركات بتطلع طويله اوى طيب منكهرب ام المشاركات دى و نطلع منها المفيد بدال ما انا حاسس ان الناس بتوه منى من كتر التفاصيل و الرغى بتاعى ده !!

ولا انتا شايف انه حلو التفاصيل الكتير ؟ يعنى اشوف رأيك ايهو متعدى كده عامل بسطرمه و العيال هايقيمو عليا الحد لو مخدوش متيجى تاخدلك حته انتا كمان بسطرمه بلدى يا معلم قلبت ريحه ام الشالارر بالتوم بقى و الحلبه حاسب !

رد متداخل:

مفيش احلى من مصر

والله احسن ما فى الموضوع طريقة سرد حضرتك والتفاصيل الدقيقة وبالنسبة لعملك فى السياحة فى مصر هو حضرتك استفد بالخبرة دى فى بلغاريا او السويد

ربنا يوفقك ويكرمك ويجعل الموضوع المميز فى ميزان حسناتك

صراحة موضوعك كان يستحق التثبيت لفترة

لكن لو اتثبت فيه اعضاء كتير مش هياخدو بالهم منه ..

علشان كده تركته زى ما هو...

خليك على طبيعك انا شايف انى افضل شىء فى الموضوع هو انك بتشرح كل حاجة بأستفاضة وبأدق التفاصيل وده شىء كويس جداً..

لا اعفينى من البسطرمه المرة ديه .. وخلينى فى الجبنة الرومى ..

والف هنا يا غالى

مش عارف اقولك اية يا باشا على الاستفاضة فى الشرح ربنا يجزيك كل خير بجد

بس من كلامك كدا الموضوع شكلة صعب ومقفول فى السويد وعايز مشوار طويل عشان توصل فية

يعنى انا كنت عامل خطتين لنفسى انى اطلع على اوروبا (مش شرط السويد)

اطلع اخد ماستر فى البلاد اللى تعليمها مجانى وبيكون ليا تصريح عمل(5 ساعات فى اليوم تقريبا وهما كمان اللى بيشغلونى) وبعد ما اخلص الماستر اقدر اشتغل فى البلد دى فى مجالى

تانى حاجة اتعلم لغة بلد معينة واعادل شهادتى واروح البلد دى زيارة ادور على شغل هناك

فانا درست اكتر من بلد للخطتين دول وطلع اصعبهم السويد بصراحة :d

فانت اية رأيك يا حبى وتنصحنى باية بما انك بقالك فترة برة ودايس وقاطع على الدنيا فى اوروبا

تكملة المقال:

اتمنالك التوفيق يا باشا حاول بس تبزل مجهود اكبر شويه لان فى نقاط كده مهمه انتا واضح انك متعرفهاش !!

لان انتا تخصصك مش علمى تخصصك اقتصاد و ده فى الاغلب (كما اظن او زى ما شوفت فى اكتر من دوله فى اوروبا) بيكون بلغه البلد مش انجلش ولو انجلش بيبقى مدفوع مش مجانى و ده الحال فى مثلا فنلدنا و المانيا برضه اظن مش متأكد انها فيها اصلا اقتصاد انجلش عموما انصحك بالبحث فى مواقع الجامعات نفسها مش فى اى مكان تانى و جهز اوراقك ترجمها انجلش و خليك مستعد على طول اى حد يقولك ابعت ورقك ابعته على طول لحد ما تاخد موافقه وعلى فكره حتى لو التعليم مجانى و الماستر ببلاش فى رسوم بسيطه بتدفعها ده غير التأمين و السكن و مصاريفك انتا بقى و التأمين مش قليل على فكره حاول تعمل حساب بنكى فى مبلغ يغطى التأمين و زياده و يكون قديم.

برضه حاجه كمان موضوع ان الجامعه هى اللى هاتشغلك ده مش حقيقى حاول تتأكد من الموضوع ده مفيش جامعه فى اوروبا هاتقولك انزل اشتغل و ليك مبلغ كزا فى اليوم او كده مفيش الكلام ده

بص بالعقل كده

رحت انتا المانيا او السويد او اى دوله اوروبيه تاخد ماستر فى الاقتصاد هانفرض انك هاتدرسه بالانجلش ( وده صعب اظن)

بالنسبه للماستر انتا ممكن تنزل تدريب او شغل و ده بيساعدك فى التعليم و ده الجامعه بتساعدك فيه ولكن بالعقل يعنى الدوله لغتها مش انجلش هاتنزل انتا تشتغل ازاى و هايدربوك فى انهى شركه بقى بالانجلش و دى مش لغه البلد ولا لغه اوراقها و لا اقتصادها ولا اى حاجه دى مجرد لغه اضافيه مش اكتر لكن الورق الرسمى كله بلغه البلد ؟

اوزنها كده و اعقلها عشان تعرف ان المعلومات دى غلط

مفيش اولا تخصصات زى دى انجلش الا قليل جدا و بتبقى شهادات عالميه تجاره عالميه و حاجات كده مفهمش فيها اصراحه لكن زى ما بقولك اتأكد من المعلومات كويس جدا عشان متتفأجش لما تسافر ان كل الكلام غير الحقيقه اى كانت وجهه سفرك.

يبقى ابدا بالحساب البنكى و تظبيط اوراقك و ابعت للجامعات و اللى يرد عليك امشى فى الاجرائات على طول

ممكن تجرب بقى انجلترا بس ده التعليم فيها مش مجانى ممكن تدور على دبلومه او حاجه لان دى اسهل دوله تعتبر عشان اللغه بس مش اكتر.

او جرب كندا و امريكا بس دى بتاخد فتره اطول شويه عن اوروبا فى اجرائات السفر عموما زى ما قولتلك اتأكد من كل معلومه كويس عشان الحاجات دى مفاجأتها وحشه وانتا فى الغربه!

وربنا يكرمك يا باشا فى الخير و يصلحلك الحال

رد متداخل:

بص يا باشا فية 3 دول بالظبط يعتبر معلوماتى فى السكة دى عندى برفكت

اول حاجة النمسا ومعلوماتها مش جايبها من عندى جايبها من واحد صاحبى هناك هو اللى ماشيلى فى الموضوع دة وعارف قصة الحساب البنكى انهم يكونوا عارفين انك حتعرف تغطى مصاريفك هناك ولازم اتعلم المانى قبل ماطلع عشان الشغل و الدراسة هناك بالالمانى

تانى حاجة فنلندا و النرويج وهناك بتدرس بالانجلش عادى وانا على فكرة تخصصى محاسبة مش اقتصاد وفنلندا بالذات فيها موضوع ان الجامعة تشغلك دة لو مقدرتش تغطى مصاريفك و الكلام جيبتة من مرسالاتى مع الجامعة ذات نفسها فى انجلترا الموضوع حيكون صعب شوية لان متهيألى التعليم هناك مش مجانى الا لو الواحد ربنا كرمة بمنحة ولا حاجة فانا الكارير بتاعى مش صعب عشان يطلب شهادات معينة ولا لغة معينة واستنادر معين دة حسابات وتكاليف مش اكتر مش اقتصاد واحصاءيات وموارد بشرية زى مانت فاهم عموما اللى فية الخير يقدمة ربنا وربنا مع الجميع وربنا معاك فى غربتك يا باشا

تكملة المقال:

يا باشا فى ناس كتير بتدخل تقرا و متعلقش و بتاخد معلومات من المنتدى و كل اقسامه المعلومه بتاعت فنلندا دى غير صحيحه يا باشا الجامعه مش هاتشغلك بالعكس انتا اقامتك اصلا بتسمحلك ببارت تايم مش فول تايم و دى صعب تلاقيها فى فنلندا من غير ما تكون بتتكلم فنلندى او سويدى ( فى بعض المناطق بتتكلم سويدى)

و ده نص الموضوع من الموقع الرسمى بتاع الدراسه فى فنلدنا

While it may be possible to cover part of your living expenses doing part-time work (see section "

working during studies

"), note that such part-time

employment may be hard to find

if you do not speak any Finnish or Swedish. Because

students can not be guaranteed to find employment

during their studies, you should not plan your finances on the basis of a mere possibility of finding employment. In other words, it is recommended that you "prepare for the worst scenario" and plan the financing of your studies so that you can get by without any income from Finland. Then, if you should eventually find a part-time job, the earnings from this will then be a welcome bonus for you, and not something that you would totally depend on.

و حوار انهم يعملولك تدريب معين او سكولارشيب بروجرام كامل ده للطلبه الباحثين فى مرحله الدكتوراه عشان يساعدهم العمل على تطوير ابحاثهم و ده مش معناه ان السكولار شيب ممكن تغطى كل الشهاده زى ما مكتوب اهه

If you are coming to Finland as a

Doctoral-level

student or researcher, then CIMO may have scholarship options for you. Please see the section "

CIMO scholarships

" for more information. Note however that the CIMO scholarships are not "full scholarships" that could cover a whole PhD in Finland.

و ده من الصفحه التانيه بتاعت هل انتا ينفع تشتغل ولا محتاج اوراق وتصاريح معينه

During studies

Many higher education students in Finland work part-time at some stage of their studies. This can mean part-time work either in the evenings, or during weekends. Additionally, most students try and find a summer job for the months from June to late August, outside the term times.

Remember however that it is not necessarily easy to find a part-time job, especially if you do not have Finnish language skills (or Swedish language skills, in some areas of Finland). Generally speaking, you should not count on part-time work as your sole source of student financing, since it cannot be guaranteed that you will be able to find a part-time job. But please do not let this discourage you from trying!

Am I allowed to work during my studies?

If you are a Nordic or EU/EEA national, you do not need any special permits for working in Finland during your studies. There are no restrictions as to how many hours per week you are allowed to work, but you should take care that work does not get in the way of your study progress.

Non-EU students can work within certain limits on a student residence permit if the work is practical training included in the degree or if the amount of part-time work does not exceed 25 hours a week. There are no limits in terms of hours on full-time work outside term times (summer and Christmas holidays specifically).

For more information about work regulations concerning international students, see the web service of the

Finnish Immigration Service MIGRI

.

طبعا كاتبين كل الشروط و كل المعلومات اللى تحتاجها

بالنسبه للنرويج من رأيى انها افضل اينعم الحياه اغلى بس استحمل شويه فى الاول و اظن ان قوانينها اسهل و مش زحمه زى السويد و فنلدنا ( و السمك ارخص هناك كمان ) عموما ركز كويس و انتا بتختار عشان الابليكيشين بتاعك يتقبل وم تعتمدش على موضوع انهم هايوفلوك كل حاجه لانك مش الطالب الاجنبى الوحيد الطلبه بتيجى من كل العالم عشان الدراسه ببلاش فأكيد مش هايشغله كل دول راسل الجامعه واتأكد منها من النقطه دى زى منتا شايف الموقع الرسمى بيقول لا ملناش دعوه دور انتا و متعدمتش على انهم هايشغلوك او انها مجرد تحصيل حاصل

ابعت تانى وتالت لكل الجامعات و فكر كويس مع كل عرض على حدى و فكر فى الشهاده نفسها هل هى بالمقارنه بأى مكان تانى افضل ولا لا

و ربنا يكتبلك اللى فيه الخير المهم متبطلش انتا سعى و مثابره لحد ما توصل لهدفك ان شاء الله

رد متداخل:

السلام عليكم ورحمة اللهموضوع رائع وجيد كل التقدير لصاحب الموضوع وعلي المعلومات الوفيرة

ان شاء الله اتابع معكم الموضوع

انا حاليا مقيم بالسويد في مدينة كالمر والسويد بلد راقي فعلا ومتقدم ومنظم بها ايجابيات كثير وبة ايضا سلبيات ...وفي كل الاحوال هو مكان مناسب جدا لمن اضطرتة الظروف للغربة فتعتبر السويد من افضل البلدان للاغتراب اذا توفرت شروط الهجرة والعمل

بالتوفيق للجميع

رد متداخل:

يا أخي أنا عندي حالة انبهار غير طبيعي بالموضوع بتاعك ده ...

تخيل أنا أصلا دخلت أقرأه بالصدفة لأني متابع قسم السفر لأمريكا فقط ومش بدخل قسم الاتحاد الأوربي غير نادرا....

لما شوفت موضوعك وبدات أقرأه لقيت نفسي قضيت حوالي أربع ساعات لحد ما خلصته مرة واحدة من غير ما أحس بنفسي ....

معلومات رائعة جدا وطريقة سرد غاية في الجمال .... وأكتر حاجة عاجباني إنك بتجيب من الاخر..... ربنا يوفقك في غربتك ويحميك يارب...

أنا فعلا استفدت من موضوعك الشيق كمعلومات عامة وجميلة في نفس الوقت وكنت مستني أشوف صور للحياة هناك وأقرأ الجزء اللي انت قولت هتكتبه عن مستوى معيشة الناس في السويد وجمال الحياة هناك...

بالتوفيق يا كبير وربنا يسعدك دايما ويحقق أمانيك في الخير يارب...

تقبل تحياتي ومروري

تكملة المقال:

motshakreen ya basha 3la elrad elgameel beta3k isa lma arga3 tany hakaml elmawado3 ana now fe agaza we 7ta mesh ma3aya labtop bektb 3arbi lel2asef we 7ta mafesh printed letters :S we rage3 isa a5er elshahr we hakml elmawdo3 we aktb 3an igaybyat el7aya fe Sweden isa

we motshaker tani 3la el mosharka elgamila we ta7t amrak ya m3alm we beltawfe2 lelgamee3

رد متداخل:

ترجع من أجازتك بالسلامة إن شاء الله وربنا يطمنا عليك دائما.

تقبل تحياتي

موضوع جميله وبجد واضح من كلامك انك انسان محترم جدا وعايز تساعد الناس الى موجودة هنا ربنا يكرمك يا باشا فى غربتك ...وتقبل تحياتى

اللى فهمته من الموضوع ده ان اعيشه صعبه جدا بالسويد ومش ممكن تعرف تحوش شىء حتى لو انت شغال فى وطيفه كويسه

تكملة المقال:

متشكر يا باشا و ربنا يكرمك و يكرم الجميع ان شاء الله

المشاركة الأصلية كتبت بواسطة ahmedhassan1617@yahoo.com

موضوع جميله وبجد واضح من كلامك انك انسان محترم جدا وعايز تساعد الناس الى موجودة هنا ربنا يكرمك يا باشا فى غربتك ...وتقبل تحياتى

الف شكر يا باشا على الدعوه الجميله و اتمنى ان الجميع يستفيد و ان شاء الله كل اللى بيخطط لمستقبله بجديه ربنا يكرمه و يوفقه

المشاركة الأصلية كتبت بواسطة motl

اللى فهمته من الموضوع ده ان اعيشه صعبه جدا بالسويد ومش ممكن تعرف تحوش شىء حتى لو انت شغال فى وطيفه كويسه

يا باشا الموضوع مش موضوع تحويش بص فى ناس فى السويد من التمانينات دول عملوا فلوس كويسه و مشاريع و اسر كبيره و كده.

لكن دلوقتى حتى لما بتيجى تفتح مشروع اول كلمه بيقولهالك فى مكتب الاسكات او مكتب العمل هو هل انتا عارف ان مشروعك هايخسر من سنه الى اتنين و هل انتا عامل حسابك على الخساره و شايل فلوس للموضوع ده ولا لا يعنى دى اول كلمه قبل ما حتى يسمعلك انتا مشروعك عامل ازاى!

فالوضع فى المجمل مش زى زمان بالزات فى صعود الاحزاب المتطرفه اللى الاوروبيين شايفين فيهم الامل الاخير للخلاص من جحيم الاجانب و على فكره الاحزاب دى اصلا فيها اجانب كتير زى فى السويد الحزب المناهض للاجانب حزب ديمواقرطين السويد كان فيه عراقيين لفتره طويله و ده نص الخبر

ماذا يفعل عراقيون في حزب معادي للأجانب في السويد

يا ريت تقرا الخبر كله عشان تفهم الموقف حصل مع الناس دى ازاى!

و ده موضوع قديم ولكن يبين اللى بيحصل فعلا فى اطار سريع فى الفتره الاخيره

شبيبة حزب ديمقراطيي السويد تحاول حث المهاجرين على العودة الى بلدانهم. - arabiska - العربية

على فكره يا ريت اللى يشوف عنوان يدوس عليها و يقرا لان العنوان مش شرط يكون كل المعنى ادخل و اقرا عشان تعرف انهم بعيدين عن العنصريه خالص انما الهدف من كل حاجه هو جحيم المنتفعين من المساعدات لعشرات السنين بدون اى وجه حق يعنى عمره ما هايدخل عليك و انتا شغال و يقولك متروح بيتكو احسن روح بلدكو احسن مستحيل

ارجوك اقرا الاخبار مش مجرد العنوان

و نفس الخبر موجود على موقع راديو السويد اللى انا حطيته قبل كده هنا فى الموضوع

عموما زى ما قولتلك هو مش موضوع فلوس و انك تعمل مبالغ ده كلام انتهى من فتره طويله لو عاوز فلوس و تحوش يبقى الخليج و كلها كام سنه و كل الجاز بتاعهم ده هايخلص يمكن فى جيل اولادك دى حقيقه مش مجرد ترهات يعنى اللى عاوز قرشين يروح يجرب حظه دلوقتى!

و ارجع اقولك الموضوع بيختلف من شخص الى اخر فى واحد بيفكر فى مستقبله وشايف ان التحويش هو الهم الاكبر عشان يضمن مستقبل كويس له ولاولاده و فى حد تانى بيفكر من نقطه ان طالما عايش عيشه كريمه و اولاده مش محتاجين حاجه يبقى تمام اوى كده و فى مليون طريقه لتأمين مستقبلهم غير الفلوس فقط او يعنى الكاش و التحويش

نقطه احب اوضحها!

عشان تشترى شقه فى السويد مش اقل من مليون و نص او اتنين مليون كورونا فى منطقه متوسطه او اقل من المتوسطه و كمان حاجه لازم اهل المنطقه يشوفوك و يوافقوا على انك تنضم للمنطقه و تسكن فيها و كمان مش كده بس انتا بعد ما بتدفع ال اتنين مليون كورونا عشان الشقه اللى لا تتعدى 60 متر بالتمن ده لازم كل شهر تدفع تانى فى حدود 5000 كورونا!!!!

ايوه خمس الاف كورونا كل شهر وممكن يكون اكتر كمان على حسب المنطقه و بتزيد كل سنه مدى الحياه او لمده 99 سنه اللى هما حق انتفاعك من الشقه يعنى اصلا ممكن يكون ايجار الشقه نفسها اقل من الخمس الاف كورونا دول ناهيك بقى عن الاتنين مليون كورونا اللى رميتهم على الارض و برضه لسه اكنك مستأجر و بتدقع كل شهر!

لو حبيت تشترى بيت بيتتملك الارض بالبيت اللى عليها خلاص بتدفع مره واحده و خلاص على كده لو اخدت بيت فى الزحمه هايخش فى 2 مليون برضه لو فى الروقان كده و تعيش حياتك هايعمل من نص مليون او تلات اربع مليون وانتا طالع بقى على حسب مساحه الارض وكده

ولو بيت كان معمول قبل كده مش لسه ارض بيبقى صاحبه مركب فيه نظام التدفئه و كل حاجه بتخش انتا بس تجيب شويه عفش وخلاص وعلى فكره كل السويد مش غاويين بيوت كبيره و شقق كبيره كله صغير كده و بيستخدموا المسااحات كويس جدا هما شاطرين فى الموضوع ده اصراحه

لدرجه ان فى ناس كبيره باعت بيوتها و اشترت البيت المتحرك ده اللى هو عامل زى الباص كده و فيه كل حاجه حمام و مطبخ و اوضه نوم و كله و بيفضل يلف بقى و يصرف من معاشه و عايش حياته و على فكره النوع ده من العربيات فى نفس تمن البيت العادى يعنى بيتراوح من بين نص مليون لحد تلاته و اربعه مليون على حسب التجهزيات بقى و كده .

فى يوم كنت بسأل المدرس بتاعى و بقوله هو ليه العقارات غاليه اوى هنا فى السويد يعنى بالنسبه للشقق و كده بالزات

قالى لان احنا كنا فقراء جدا جدا و جياع يعنى و كنا بنتعامل مع بعض زى الحيوانات لكن جدودنا وقفوا وقفه قويه مع الزات و عملوا قوانين صارمه و اتبعوها و كده و بنينا كل ده بلا اى مصدر ثروه طبيعيه و لا اى حاجه مجرد اجتهاد فى العمل من مصانع السكر و مصانع الحديد للسيارات للعلوم للاليكترونيات و كده

و قالى بقى احنا الاجيال اللى بعد كده بعد الفتره دى يعنى بقت عندها احساس بالامان و ثقه فى النظام و القوانين اللى اتربوا عليها و بالتالى معنديش داعى انى افضل اشترى و اتملك بالزات العقارات لان ده افعال اللى مش حاسس بالامان بيشترى و بيتملك عشان يحمى نفسه قالك انا اعيش حياتى و اتنقل براحتى و ابقى حر و عندى ثقه فى ان النظام اللى انتا بنتخبه و بحترمه هايلبيلى كل رغباتى و مش هايسبنى جعان او عيان او نايم فى الشارع

هى نظريه برضه لكن خلى بالك دى من وجهه نظر واحد فقط يعنى كل واحد اكيد عنده رأى تانى لكن برضه

طبعا احب اضيف انى انا مفهمش فى لعبه السياسه و الكلام ده و الاحزاب و كده لكن بقرأ الاخبار زى اى شخص عادى و بسمع عن حكايات كتير بتحصل منها منطقى منها خيالى و فى الاخر بقول راى بشكل عام فى النقطه دى لكن عموما يعنى يا ريت لو حد مهتم بالسويد يكون مصادره متنوعه يعنى مثلا لو عاوز اخبار عربى الموقع ده هايل

arabiska - العربية | Sveriges Radio

و اخباره كلها مضمونه و لو حبيت تعمل اى مشاركه هايرحبوا بيها جدا

و فى حاله لو انتا فى حاله فعلا صعبه تحتاج الى المساعده بتكلم المكتب المسؤل و المختص عن نوع حالتك و هما اصراحه عمرهم ما سمعنا انهم رفضوا انهم يساعدوا او يسمعوا لحد على فكره سمه غريبه فى الشعب ده انه طيب اوى !

و برضه او كانت فكرتك هى عن انشاء مشروع او استثمار فى حاجه معينه يبقى عليك بالموقع اللى فى الخلاصه كلها عن السويد فى مجال الاعمال

verksamt.se - Startpage

ده فى فعلا الخلاصه لانه بيرتبلك كل افكارك ده موقع رسمى على فكره و مربوط بكل المواقع الرسميه يعنى فى اى نقطه هايبقى فيها اوراق او فورمز تملاها وكده هايحولك على الموقع بتاع الاوراق اللى هايبقى غالبا هو الاسكات عموما

ده بيبدا معاك من مرحله الفكره الى مرحله تشغيل المشروع مرورا بكل العقبات اللى ممكن تواجهها و سيناريوهات متعدده هايعجبك جدا حتىممكن تستخدمه فى تطوير فكره فى دماغك مفيد اوى يعنى!

لو الكلام بقى على الدراسه و الجامعات يبقى عندك اولا

Study in Sweden – SWEDEN.SE

ده بشكل عام فيه كل المعلومات الاوليه و الاساسيه

و بعدين لما تيجى تختار جامعه معينه الموقع هايوصلك للجامعه على طول و من موقع الجامعه هاتعرف كل البيانات و المصاريف و كله

لو حابب تدور على كورس محدد او تراك معين تدرسه او تخصص و هكذا يبقى هاتدور فى الموقع ده

https://www.universityadmissions.se/intl/start

و منه هاتعرف كل بيانات التخصص اللى انتا بتدور عليه و بيتدرس فين و كل حاجه

طبعا الموقع ده للمقيمين فى السويد برضه

بالنسبه لمعادله الشهادات قبل ما تيجى ده موضوع اتكلمت فيه قبل كده فى مشاركه سابقه اظن فى الصفحه التانيه او التالته من الموضوع و ممكن ترجعلها و تعرف هاتعمل ايه فى اوراقك و تبعتها فين و ازاى!

بالنسبه لو انتا فى السويد و بتدور على تخصص دراسى مش اكاديمى يعنى مش بكاالريوس تلات سنين و عاوز حاجه سنه او سنتنين فيها تدريب عملى كتير و تركيزها على شوق العمل يبقى عليك و على

http://www.yhmyndigheten.se

ترجمته غريبه شويه يعنى التعليم العملى او يعنى التعليم فى بيئه العمل و ده افضل نظام تعليمى شوفته فى حياتى اصراحه ده حتى فيه تعليم طيران و غطس و اىحاجه ممكن تتخيلها فعلا حاجه جميله جدا جدا جدا بس طبعا ده مش للاجانب خالص ده للمقيمين فى السويد و يكونوا بيتكلموا سويدى كويس و معاهم صاص بى فى السويدى و كل كورس له متطلبات معينه يجب توافرها فى المتقدم عشان يتمكن من الالتحاث اغلبها طلبات سهله يعنى

و ده صفحه البحث عن الكورسات فى الموقع ده

http://ellapub.yhmyndigheten.se/sok/UtbSok.aspx

طبعا الموقع ككل مش موجه اصلا للاجانب فأى حد مقيم فى السويد هايفهم بسهوله ايه المتطلبات دى و هايعرف يتعامل مع الموقع لكن لو حبيت عليك بجوجول ترانزليت و خد فكره و يمكن لما ربنا يكرمك و توصل السويد و تظبط ورقك تكون منشن على كورس فيهم و يعملك نقله كويسه و خلى بالك فى سوق العمل الكورسات دى تتاقل بالدهب طبعا مع اللغه و طريقه كويسه تقدم نفسك و طبعا موضوع الكونتاكتس لازم يكون عندك معارف حد يضمنك كشخص انك بتاع شغل و دى مش صعبه هى بس انك تكون اجتماعى مش اكتر

لو بتفكر بقى فى اوراق و حاجات تخص شؤن الفيزا و انواعها و الاوراق بتاعتها و كده يبقى عليك ب

Swedish Migration Board - Migrationsverket [NS4 version]

طبعا فيه لغات كتير جدا بس العربى مركز على موضوع اللجوء مش مهتم بباقى النقاط فخليك فى الانجلش

من الموقع ده تقدر تعرف اى معلومه انتا تايهه منك و بتدور عليها فى شؤن الاوراق و السفر و التأشيرات و التصاريح و كل حاجه و الموقع اصراحه بيشرح كل نقطه بالتفصيل الممل لا يمكن تحتاج اى حرف زياده و كل فتره قصيره الموقع بيتحدث بأخر الاخبار و اخر التجديدات و فى نشرات كل اسبوع بالجديد و الاحصائيات و كده يعنى كل ما تتخيله موجود فى الموقع ده

لو انتا فعلا فى السويد

يبقى اكيد هاتدور على البرسونال نمبر و ده من مكان واحد لا غير http://www.skatteverket.se

طبعا الموقع ده بتاع مصلحه الضرائب لكن هى كمان المسؤله عن السجلات المدنيه و تسجيل المواطنين و بطاقات الهويه لكل المواطنين

بتديك الرقم و بتدفع 400 كورونا و بتعمل البطاقه بتاعتهم على فكره دى غير الكارت بتاع مصلحه الهجره اى كان نوعه بقى لكن ده بس للاستخدام جوه السويد لكن بتاع مصلحه الهجره ده بتسخدمه فى اى مكان على حسب نوعه يعنى

على فكره اللى كان بيعمل البطاقات بتاعت البلد الداخليه دى كانت البنوك الاول و بعدين منعوهم و خلوا الاسكات هو اللى يعملها تقولى ايه دخل البنوك و الضرايب بحوارات البطاقات و التسجيل و الكلام ده اقولك معنديش ادنى فكره بس الناس دى بسبب فكرهم عدوا الازمه الاقتصاديه باقل خسائر فى العالم و كمان من اعلى معدلات النمو فى العالم فى ظل انهيار حكومات عريقه زى اليونان و اسبانيا و غيرها فخلى عندك ثقه فيهم لانهم عارفين هما بيعملوا ايه و النتيجه خير برهان !!!

بعدين بقى فى تفاصيل تانيه و دى بتحتلف على حسب الكوميون بتاعك البلديه يعنى

يعنى الكومفوكس اللى هو تعليم الكبار ده على حسب البلديه بتاعتك مقدرش افيدك فيه بس هو بيبقى موجود فى موقع البلديه المقيم فيها يعنى و منه بتقدم على الكورسات و منهم الاسفى بتاع اللغه طبعا كل ده ببلاش!

و ان شاء الله اكتب تانى قريبا

ويا رب تكون معلوماتى مفيده و كل سنه و انتو طيبين و ربنا يعيد عليكم الايام بكل خير و سعاده و بركه و توفيق من الله

السلام عليكم

لاحظت ان فى ناس كتير اوى بتدور على ارخص طريقه للطيران و كده

بس مشوفتش خالص هنا الموقع الاهم فى الموضوع ده من وجه نظرى و هو سكاى سكانر

ده اكبر موقع فعلا تقدر بيه تدور على رحله بأقل التكاليف ده كمان لو انتا عاوز ارخص حاجه خالص الموثع ممكن يظبتلك رحله على شركتين مختلفتين بس بتعمل تشيك اوت و بعدين تشيك ان فى المطار اللى بتستنى فيه و ده بيوفرلك تقريبا 70% من تمن التزكره بس مشكلته طبعا لازم يكون معاك اقامه اوروبى و شنجن يفضل عشان تعرف تخرج و تدخل تانى منطقه الترانزيت

يعنى لسه واحد صاحبى حاجز عليه بالطريقه دى و من بولندا للسويد بما يوازى 200 جنيه مصرى للتزكره على شركه وييز اير !!!

عموما ده الموقع

Cheap flights | Free flight comparison from Skyscanner.net

فى كل لغات و عملات و دول العالم كله يعنى مش هاتتعب خالص فى حسبه الرحله

من فوق غير العمله و الدوله و اللغه زى ما يريحك

و بعدين و انتا بتختار الرحله مش شرط تكتب من مطار محدد الى مطار محدد ممكن تكتب من اسم مدينه الى مدينه تانيه او الاجمل بقى و الاروع انك ممكن تكتب اسم دوله الى اسم دوله تانيه و هو بيشوفلك ارخص تزكره من اى مكان فى الدولتين عشان يكون السيرش بتاعك احسن !!

و بعدين الاجمل بقى و الاحلى

انك وانتا بتختار التاريخ مش شرط برضه تختار يوم او اسبوع لا خالص ممكن تدوس على الشهر و من تحت تدوس على هوول مانس يعنى كل الشهر و هو بيظبتلك بيعملك كده رسم بيانى و بيوريك ارخص يوم و ارخص رحله طول الشهر بتدوس عليها يفتحلك صفحه بقى فيها شركات الطيران و تدوس على الرحله يبعتك يحجز من الشركه صاحبه الرحله الجميل فيه انه ببلاش يعنى مش بيفرض عليك رسوم ولا اى حاجه ده محرك بحث متطور و شركه عريقه يعنى !

خلى بالك من الشمال من فوق فى الصفحه بتاعت الرحلات صقحه النتايج يعنى هايكتبلك من فوق كده ارخص تمن تزكره كام لو نفس الرقم هو ظاهر فى اول رحله فى النتايج يبقى تمام لكن لو الرقم اقل يعنى مكتوب فوق 100 يورو و اول رحله قدامك مكتوب 200 مثلا يبقى دوس على الرقم من فوق و هو هايوريك الرحله الرخيصه دى و غالبا بيبقى حاجه اسمها مالتى بوكينج يعنى بتحجز تزكرتن منفصلين ممكن على نفس الشركه و ممكن من شركتين مختلفتين و بيسبلك وقت كافى للترانزيت عشان متضيعش منك اى رحله و غالبا بيبقى اكتر من 6 ساعات طبعا زى ما قولت فى الحاله دى انتا بتعمل تشيك اوت و بتاخد شنطك و بعدين بتعمل تشيك ان تانى فى ميعاد الرحله التانيه بس الفرق شاسع فى التوفير طبعا

فى حل تانى لو انتا مش عارف تتعامل مع الموقع و ده طبعا مش كويس بس المهم يعنى فى كام شركه معروفين بأسعارهم الوهميه

عنك وييز اير

اهى دى بقى حكايه شركه قمه فى الجمال و شبكه مطاراتها رهيبه و بتوصل لحد امريكا الشماليه و الجنوبيه و اسعارها خرافيه بعمنى الكلمه و كمان رخيصه جدا فى خدماتها يعنى الشنطه ال 32 كيلو بتعمل 250 جنيه مصرى تقريبا

طبعا الطيران المنخفض التكاليف كله بيسمحلك بشنطه واحده صغيره ببلاش و اى حاجه تانيه بفلوس

ده موقع الشركه

Wizz Air

و انتا بتعمل بحث لو اتزنقت و مش لاقى رحله دايركت ظبط التواريخ لحد ما يبقى الفرق ساعات او نص يوم و برضه هاتوفر كتير عن اى شركه طيران تانيه و فى الغالب هاتلاقى كل الرحلات لازم تنزل المجر او بولندا دول مركز الشركه فى رحلاتها بس عادى هما مظبوتين فى مواعيدهم و عندهم شادل محترم يوم و يوم على كل الاتجاهات يعنى مش هاتغلب

طبعا باقى الشركات زى نيكى اير و الكلام ده دول اغلبهم شركات المانى و دويتش و دول مركزهم المانيا و هولندا و كده يعنى اى حاجه لازم تنزل ترانزيت هناك الاول و ده مقرف جدا و كمان شبكه اتجاهات الطيران بتاعتهم مش كبيره وييز اير هى الافضل من وجهه نظرى لو عاوز توفر و لو معاكش شنط قضيها بقى لف فى المدينه بتاعت الترانزيت و اهو فسحه ببلاش

نصيحه لوجه الله ابعد عن رايان اير شركه قمه فى البهدله بتاعت الخدمه

اولا عشان تاخد شنطه معاك 25 كيلو بس و اوقات عشرين كمان بتدفع اقل واجب فى رحله هبله فى حدود 40 جنيه استرلينى تقريبا ضعف رسوم وييز اير و كمان الوزن اقل بكتير

ده عن تجربه شخصيه و مقارنه اكتر من مره و فى اكتر من اتجاه

ده غير فرق السعر هما اغلى كتيرمن وييز اير و كمان بيستهبلوا فى الخدمه و بيرمولك حاجتك و مليون فيديو على اليوتيوب يوريك سوء الخدمه بتاعتهم و مشاكلهم التى لا حصر لها!

خدلك فكره برضه من على اليوتيوب على خدمات الشركات المنخفضه التكاليف و انتا تقدر تقرر مين افضل و خلى دايما موثع اسكاى اسكانر هو صديقك الصدوق فى موضوع تخطيط الرحلات

اه اخر حاجه قبل ما اقفل فى مواقع تانيه اسمها لاست مينيت او فى السويد اسمها سيستا مينوت معرفض هى بتغطى قد ايه بالظبط و لكن دى حلوه اوى لو انتا حاجتك جاهزه و فاتح الموقع لانه فى اى لحظه تلاقى رحله ظهرت للمكان اللى انتا عاوزه قبلها بيوم او اتنين ممكن اكتر شويه و اسعارها تقارب الطيران المنخفض التكاليف و اوقات اقل كتير بالنظر لطول الرحله و ممكن تبقى كمان على شركه نضيفه جدا زى تركيش او القطريه و كده

بالنسبه بقى للمواقع دى انا هاتجنن و افهم هل هى واحده فى كل الدول ولا لا لان فى السويد بتبقى رحله غالبا زهاب و عوده يعنى من السويد لمصر بتبقى مثلا تزكرتين اسبوعين او تلاته ب 3000 كورونا مثلا طبعا ده كلام فارغ لان اقل واجب هاتدفع 5000 مستريح و على طيران معفن لكن دول بيبقو شارتر ولا ليهم اى دعوه بالوزن و فى الاغلب محدش بيكلمك فى مصر لانك حاجز من بره و حتى لو حد كلمك روح بدرى المطار عشان تلحق تحلها.

عموما ده الموقع

sistaminuten.se - resor, charter, sista minuten, solresor, flyg, hotell - Billiga resor till hela vأ¤rlden!

على فكره اغلب الرحلات بيبقى فيها اقامه فى فندق يعنى السعر ده بيبقى شامل اقامه فى فندق اسبوع او اتنين لو حبيت يعنى

Last Minute Deals | Expedia.com

ده برضه كويس بس حاول تخطط قبلها بفتره و كل دوله فيها موقع زى كده اعمل سيرش على لاست مينيت و هاتلاقى النتايج للمواقع فى دولتلك

و ممكن حد معانا هنا يكون بيسافر كتير يقدر يضيف معلومات او مواقع زياده بس عموما يعنى سكاى اسكانر يعتبر الاقوى من وجهه نظرى و يا رب تستفيده منه و اى حد عنده اضافه اتمنى يساعدنا بيها .

رد متداخل:

والله انت راجل محترم وربنا يوفقك ويكرمك ويجعلك تحقق كل اللى تتمناه ياباشا

تكملة المقال:

و اللهى كفايه دعواتك و دعوات الاعضاء من قلبهم و يا رب انا او غيرى نفيد حتى ولو بعلومه صغيره تسهل على حد طريقه و تحت امركوا يا باشا لو حاجه اقدر اساعد فيها و متشكر تانى على الدعوه الجميله و كل سنه و انتو طيبين

رد متداخل:

حاجه غريبه يعني لو ماعجبت الجيران ماتقدر تشتري البيت ؟؟ هذا بينطبق على كل مشتري ؟؟

نحن عندنا حاجه مماثله يعني مش في شراء البيت، لو عاوز تصلح بيتك، مش أصلاحات داخليه، يعني عاوز تبني غرفه زياده مثلا في الحديقه، لازم تأخذ أذن البلديه اللي بدورها تسأل الجيران إذا موافقين على هذه الإضافات. لكن في الشراء تقدر تشتري في أي مكان على حسب فلوسك.

وجزاك الله خير, معلومات قيمه فعلا.

تكملة المقال:

لا يا اخت ساره الموضوع بالظبط كالتالى

اولا الحوار بتاع موافقه الجيران ده على العضو الجديد فى المجتمع الصغير بتاعهم ده مش فى شراء البيوت ده فى شراء الشقق السكنيه مش البيوت زى ما قولت البيت محدش يعرف يفتح بؤه اللى معاه فلوس بيشترى البيت بالارض اللى عليها بكل حاجه بتبقى ملكه مدى الحياه و تورث

من بعده و يقدر يعمل فيها اى حاجه حتى يقلبه مشروع او مزرعه هو حر طالما محدش اشتكى و غالبا محدش بيشتكى حتى لو البيوت ملاصقه هما طيبين جدا عموما و مش اجريسيف يعنى و متفتحين جدا

لكن الكلام العجيب التانى ده بتاع الشقق مش البيوت و على فكره ميقدرش يدق مسمار الا بموافقه شركه السكن ولو مقالهمش هايدفع غرامه زى الفل و هو ماشى من الشقه

طبعا مفيش اى تعديل مسموح بيه فى الهيكل الخارجى و الواجهه بتاعت الشقه و لا حتى اى تعديل فى الهيكل الداخلى حتى لو تمليك العقود بتقول كده!

و لو عاوز تركب لمبه حتى فى الشقه لازم تجيب الشركه هى اللى تخرم فى الحيطه او السقف ولو عملتها انتا هايتعملك فيلم و غرامه طبعا انا بتكلم لو الساكن شخص محترم و بيتقيد بالقوانين لكن لو شخص من اياهم مبيهموش و يحط طبق دش و يخرجه بره البلكونه و الشركه تعد تبعتله تقوله شيله و هو يقل ادبه عليهم كل لما يجوله و فى الاخر بيسيب الشقه مدغدغه و يمشى و يروح اى بلد تانيه و ميدفعش حاجه و ده العادى بتاعهم يعنى

و على فكره هنا الغسيل فى اوضه مشتركه للمبنى كله و اوقات ممكن مبنين مشتركين فى نفس اوضه الغسيل طبعا بحد اقصى عشرين شقه مثلا ولا حاجه يعنى مش زحمه للدرجه لان اغلب العمارات قصيره اخرها تلات او اربع ادوار

الاوضه دى بيبقى فيها غساله او اتنين لكل حجز و اتنين دراير برضه لكل حجز يعنى كل واحد بيحجز وقت بيبقى له فى التلات او اربع ساعات دول غسالتين و اتنين مجفف لازم واحد يكون فيهم مجفف اللى عامل زى الدولاب ده عشان الفرش ميتكعبرش فى المجفف اللى بيلف و يطلع مفرود و شكله نضيف و طبعا المسحوق و السوفتنر انتا اللى بتجيبهم !

معرفش فى انجلترا كده برضه ولا كل واحد عنده غساله ؟

رد متداخل:

دي قوانين صارمه في الشقق،هنا في تساهل أكثر ، أعرف الاسكندنافيين منظمين. أنا كنت زرت الدنمارك وعندهم ألوان أكياس زباله لكل حاجه، الأكل لون، والبلاستيك لون. وحاجات كثيره متقسمه.

هنا يادوب بيفكروا في أعادة التدوير البلاستيك، في أكياس معينه بس مش اجباري، فامفيش اهتمام، ثم بيعتمد على كل منطقه، واهتمام البلديه.

بالنسبه للغسالات، أنا بردو شفت في الدنمارك عندكم مغسله كبيره في كل عماره للسكان، ومخزن لكل ساكن.

هنا مافيش، بيوت لندن علب سردين وفوق كده نادر ماتلاقي مخزن أما الغسالات، كل واحد بيشتري في بيته وفي ناس كثير مايشتروا. فعندنا مغاسل بالعمله، وهذه أكثر حاجه أمي استعجبت ليها لما جت هنا، تقولي هي الغساله غاليه لدرجه دي، علشان يشيلوا ملابسهم كده ويغسلوها بره .

الغسلات مش غاليه لهذه الدرجه، بس إلي عايش في لندن لو مستأجر مش بيحب يشيل غساله كل ماينقل ثاني، وكمان أحيانا البيت ضيق مايكفي غساله. وفي الطلبه الساكنين في مناطق جامعيه، لو الشقه المأجيرينها مافيها غساله بيستخدموا هذه المحلات.

تكملة المقال:

حضرتك موضوع الزباله ده اعزك الله موضوع كبير اوى هنا

اولا الورق و الميتال و البلاستيك بأنواعهم و طبعا التيكستيل برضه مينفعش يترموا فى الزباله العاديه لازم ترح للبوكسات الكبيره بتاعت المربع السكنى و تحط كل نوع فى الصندوث المخصص ليه

بس فى الاغلب كل الزجاجات البلاستيك و الميتال الكان يعنى بيبقى مكتوب عليها من الجنب كلمه كدها اسمها بانت و تحتها رقم بيبقى كورونا او اتنين بتجمعهم و تروح اى سوبر ماركت بيكون فيه مكنه كده شكلها غريب و فيها فتحه على قد الازازه و بتحط كل الازايز اللى عندك بتقبل تلات انواع زجاج و بلاستيك و صفيح اللى الكان دول طبعا ملهم مشروبات بس يعنى مش كان صلصله !

و اوقات المكنه بتبقىاكتر من واحده و كل مكنه لنوع محدد المهم يعنى بتحط كل الازايز بتاعتك و بيطلعلك فاتوره فى الاخر بتقولك ليك كام فى المحل حبيت تاخدهم كاش اوكى او حبيت تشترى اى حاجه تانيه برضه براحتك انتا بتديها للكاشير و تشوف عاوز انتا ايه

او ممكن بيبقى فى زرار تانى كده غالبا ده بتاع التبرع بتدوس عليه و تتبرع بالفلوس ممكن تكون لمساعده المتضريين من سيول او كوارث طبيعيه فى الهند او دول افريقيا المنكوبه او لمساعده حمايه الحيوانات النادره بيبقى مكتوب على المكنه التبرع ده هايروح فين !

اه وعلى فكره فى شركه معينه بتيجى تلم البوكسات بتاعت اعاده التدوير دى و كل مقطوره بتفرغ محتويات صندوق يعنى مقطوره للورق و التانيه للازاز و هكذا.

بالنسبه للغسالات عندنا مش غاليه خالص بس ملهاش لزمه الا لو عندك بيت ملك لان غساله العماره بتبقى على اعلى مستوى و قويه جدا غساله صناعيه تجاريه يعنى مش منزليه ضعيفه و طبعا المجفف كذلك ده غير توفير الكهربا فرق رهيب طبعا بالزات فى المجفف حريقه كهربا فالاحسن استخدم بتاعت السكن و لو باظت الشركه بتغيرها او بتصلحها و عمرهم ما بيسألو مين بوظها اصراحه الا لو اتقفش متلبس بقى هايدفع ربع مليون كورونا زى البرنس كده ايون ربع ارنب مقفول و فى تقسيط لو حبيت

اه و على فكره كل الاصلاحات فى البيت بتبقى ببلاش يعنى اى مشكله عندك فى الحمام او المطبخ او فى اى مكان فى الشقه بتبقى ببلاش الشركه بتصلحها وبتجبلك حتى اكسسوارات الحمام و المطبخ يعنى حتى الدش فى الحمام و كله كله هما اللى بيجيبوه انتا مبتشريش اى حاجه خالص غيرالعفش بتاعك

الا لو انتا اللى خربت حاجه بتدفعها و بتبقى ارقام خياليه مش طبيعيه ابدا يعنى لو ماسوره الصرف ضربت بسبب الكيماويات او بسبب الفريشنير اللى بيتحط تحت القعده ده بتدفع ربع مليون كورونا لتصليحها ده مكتوب عندى فى العقد و شوفته بعينى !!!

ارقام غريبه يعنى

اه ملحوظه كل اللى فى البيت بيبقى بتاع الشركه يعنى البوتجاز و التلاجه و المجفف فى الشقق الكبيره بيبقى بتاع الشركه ولو مش عاجبك بيجبولك غيره عادى جدا و حتى اثاث المطبخ الكب بورد كله بتاع الشركه .

و على فكره الميا السخنه اربعه و عشرين ساعه شغاله مفهاش اى مشاكل مش محتاج سخان الحكومه بتديك ميه سخنه و ساقعه.

و التدفئه برضه ببلاش زى المياه ببلاش برضه و شغاله على طول بس غلسه مش بتتحكم فيها التحكم مركزى و ليهم رينج معين لو انتا بتبرد مش هاتحب الموضوع و هاتشترى دفايه صغيره

بالنسبه للمخزن ده حاجه اساسيه فى كل شقه مهما كان حجمها او مكانها لازم يبقى كل شقه ليها مخزن مخصوص و كمان مكان للعجله و لعربيه البيبى فى الدور الارضى و بيبقى عامل زى اوضه كبيره كده بتفتها و تحط العربيه بتاعت البيبى او العجله و كل العماره معاهم مفتاحها هنا كل المفاتيح مركزيه بتفتح اى حاجه ما عدا مفتاح شقتك و العماير الجديده كله اليكترونى بمفتاح عامل زى الريموت كده و بتحجز بيه وقت الغسيل على جهاز كده فى اوضه الغسيل او ممكن من على النت فى بعض الشركات بتحجز الغسيل من على النت بس الاكثر انتشار هو المفتاح المكور ده بتركبه فى لوحه كده فى تاريخ و ميعاد الغسيل اللى تحبه و تقفل القفل و تشيله و يبقى انتا حجزت خلاص مانويال يعنى .

اه والطبيخ كله كهربا مفيش غاز الا لو عندك بيت و حبيت بقى تشترى انابيب بس الحكومه مبتوصلش غاز لحد كانت بتعملها زمان فى اماكن محدده و خلاص مفيش دلوقتى !

اه و حاجه كمان الشقق الكبيره لازم بيقى فيها مخزن تانى اضافى جوه الشقه نفسها بيبقى عامل زى الدولاب كده بين اوضتين بس حلو بيلم كراكيب بالهبل.

و اظن ان كل النورديك كل اسكندنافيا يعنى كده غالبا مش متأكد .!

رد متداخل:

بصراحة يا أستاذ أنجليك... الله ينور عليك ويفتح عليك يا رب...تعليقي على وصفك للسويد .... ((( لا مجال للإهمال وإحنا هنعرف نظبطلك تصرفاتك ومش بمزاجك)))....هههههههه

يا أخي برغم إني عشت عمري كله في السعودية ما عدا فترة الجامعة إلا إني مش هعرف أعمل موضوع زي موضوعك ده وأجيب كمية المعلومات دي عن السعودية... وده برغم معرفتي بالقوانين هنا جيدا وخباياها..

أنا متأكد إن في ناس عايشة في السويد بقالهم سنين طويلة ويمكن ميعرفوش معظم اللي حضرتك ذكرته....

بس أنا عندي سؤال بعد إذنك .... بتلاقي وقت منين علشان تجمع المعلومات دي وكمان ترجع تكتبها وتوصفها على المنتدى ...؟؟؟؟

مع إنه واضح من كلامك إن رتم الحياة عندكم سريع جدا ومحتاج كل دقيقة تستغلها لصالحك.... غير إن غلاء العيشة ومتطلبات الحياة محتاجة مجهود كبير في العمل.....

برضو في حاجة كنت منتظر أعرفها بعد عودتك بالسلامة .... وهي وصفك لرفاهية الشعب السويدي وكيفية تحقيق المعادلة الصعبة مع مجتمعه للحصول على غاياته...

تقبل تحياتي ومروري...

تكملة المقال:

متشكر على الدعوه يا باشا

بالنسبه لسؤالك تحت امرك هو الموضوع مش موضوع وقت او انى بجمع المعلومات !

طبيعى انك تعرف الحاجات دى فى اى مكان تعيش فيه يعنى موضوع القمامه مهو اكيد انتا فى يوم نزلت و رميت كيس القمامه بنفسك و شوفت النظام عامل ازاى موضوع الغسيل اكيد يعنى غسلت و السكن و العقود و الشغل و البحث عن شغل و التفكير فى مشروع ! و المواصلات و التعليم وكل ده اكيد احتكيت بيه فى موقف او اكتر بطبيعه الحال و لو انتا فضولى هاتسأل و هاتدخل على المواقع و تشوف اصل الحكايه ايه

بس هو انا بقضى اغلب وقتى فى البيت قدام الكمبيوتر انا غاوى تكنيك عموما و ده مجالى و حياتى كلها طالما انتا قدام الكمبيوتر بالساعات اكيد يعنى مش كل الوقت ده بتعلم او بعمل حاجه اصلا فبخش بقى على المواقع الرئيسيه فى البلد اعرف ايه حقوقى و واجباتى نوع من التفاعل يعنى مع البيئه المحيطه حتى لو تفاعل بسيط بس افضل من انى ابقى منعزل

انا مش بتفرج على تلفزيون خالص على فكره ولا عندى اصلا تلفزيون و حتى لما بيبقى قدامى بتفرج على قنوات محدده بحبها ديسكفرى و يورونيوز و ناشينوال جيوجرافيك و ممكن كوره من وقت للتانى بس بحس انها بتضيع الوقت جامد مع انى بحبها جدا غير كده علاقتى بالتلفزيون منعدمه و حتى معنديش اصحاب كتير فى السويد هو واحد بنعد مع بعض و نتكلم و كده و اغلب وقتنا بنتكلم على الفيسبوك او السكاى بى او كده و الباقى كلهم ناس اعرفهم من الاماكن اللى بتردد عليها لكن مفيش اصحاب يعنى نعد مع بعض و كده غير اسره واحده بنقابلهم كل كام اسبوع مره و خلاص على كده يعنى زى ما قولتلك جياتى كلها بين الاجهزه و التكنيك و التكنولوجى عموما.

يعنى كل حاجه حكيتها هى من موقف انا نفسى مريت بيه و اتعلمت و قريت عنه و فهمت القانون ماشى ازاى و السيناريو عامل ازاى !

معرفش بقى باقى الناس اللى فى ظروفى ازاى ميعرفوش الكلام ده كله بس انا مش بعتمد على حد فى معلوماتى طالما المصدر موجود و متاح ادخل انا عليه و اشوف بنفسى كل القصه ايه ؟

يمكن انا صح او يمكن غلط لكن ده بوجه عام يعنى اللى بعمله

بالنسبه لوقت كتابتى زى ما قولتلك انا مش ماشى فى الشارع اجمع معلومات مخصوص للمنتدى!

لا دى هى تجارب ليا و للناس اللى اعرفهم و بسأل كتير و بقرا المواقع الرسميه و فى الفتره الاخيره عندى وقت كتير فاضى و الاستاذ كينج قالى اكتب موضوع لو اقدر و عملت الموضوع اهه المهم بس يا رب حد يستفيد من المعلومات حتى لو بحاجه بسيطه و يدعلنا بس و ربنا يوفقك و يوفك الجميع ان شاء الله .

و ان شاء الله هاكتب عن المميزات الكتير اللى موجوده فى السويد قريبا ان شاء الله و يا ريت محدش ياخد صوره قاتمه عن الوضع العام لان البلد نضيفه و جميله و منظمه و اغلب الشكوى زى ما شرحت قبل كده هى من نقاط محدده لكن البلد جميله و اكيد من بين الكلام اللى انا كاتبه انتا و غيرك التمسته بعض النقاط الايجابيه حتى لو انا كنت بتكلم عن السلبيات !

رد متداخل:

وكمان معندكش أصحاب قريبين منك في السويد..... يا أخي دا إنتا أسطورة بجد ... ربنا يبارك فيك....أنا لا أقصد انك بتمشي في الشارع تجمع معلومات... أنا قصدي إنك ما شاء الله عليك منظم بتعرف تلاقي وقت لاكتساب المعلومة وتصدرها .... ودي نقطة عاجباني في حضرتك...

حاجة تانية برضو عايز أقولهالك.... إنت فعلا عندك ميزة إنك تقدر تدخل على النت وتلاقي مواقع سويدية توصلك للمعلومات اللي انت عايزها عن حقوقك وواجباتك داخل السويد وعن قوانين كل هيئة أو جهة حكومية أو مصلحة بتتعامل مع الناس... وده اللي أكيد أفادك بنسبة كبيرة.... وهو مالا يتوفر هنا في السعودية بهذا الحجم...

وللعلم موضوعك الرائع ده أنا قرأته بالصدفة زي ما قولتلك وهو بجد اللي خلاني أدخل وأقرأ هنا في قسم السفر لدول الاتحاد الأوروبي ويمكن قرأت عن معظم الدول فيه....

ربنا يبارك فيك ويوفقك في غربتك ويصلح حالنا وحالك دائما يارب... وكل عام وأنت بخير ورمضان كريم...

وفي انتظار المزيد من كتاباتك عن المميزات في السويد...

تحياتي لك وإلى الأمام....

تكملة المقال:

لا يا باشا زى ما قولتلك عندى واحد صاحبى هو اللى بنتكلم مع بعض و لما الواحد بيبقى مخنوق بنحكى لبعض يعنى هو واحد بس اللى قريب بس الباقى معارف مش اكتر !!

ما عالينا مش موضوعنا

بالنسبه للمواقع فعلا فى السويد ده يعنى نعمه كبيره اوى نشكر ربنا عليها انك مش بتحتاج حرف واحد زياده عن المكتوب فى الموقع و 100% من الحاجات اللى ممكن تتخيلها و عاوز تعملها فى مملكه السويد تقدر تعملها اون لاين بدون ما تروح اى مصلحه حكوميه فعلا اى حاجه تتخيلها يا راجل ده كشف النضاره و بتختار كمان الفريم و نوع العدسات من بيتك و بتوصلك الحاجه بالبريد يعنى حتى النضاره بتعملها اون لاين و هكذا كل خدمات البلد اى حاجه تتخيلها بتتعمل اونلاين!

الدوله منظمه جدا و كل حاجه عندهم بقت مميكنه و كله مربوط بالرقم الشخصى بتاعك و البطاقه اللى فيها ميكرو تشيب لتعريف شخصيتك على الانترنت و دى البنك اللى بيديهالك و معاها ردير شكله غريب كده هاجبلكو صور قريب و فيديوهات لكل الكلام ده

عموما معرفش دول كتير فيها نفس الموضوع ده و هو افضل وسيله للقضاء على الروتين اى نعم لسه برضه الشكوى الاولى فى البلد هى قوائم الانتظار بس بالطبع ارحم كتير من اى مكان تانى

على فكره حتى غرفه الطوارئ فى المستشفى فيها انتظار طالما انتا مش محتاج تدخل طبى سريع استنى دورك بقى بس زى ما قولت ساعه ما دورك بيجى فى اى حاجه بتاخد حقك بالكامل و على اعلى مستوى.

و متقلقش بالنسبه للميزات هاجبلك فيديهات و صور و حاجات كتير لاعلب الحاجات اللى عجبتنى فى البلد و اتمنى تعجبكوا ان شاء الله

رد متداخل:

السلام عليكم ورحمة الله وبركاته

أولا كل عام والجميع بألف خير وربنا يتقبل منا صيامنا وقيامنا ان شاء الله.

أحب أشكر الاخوة اللى هنا وخاصة anglic_devil والأخ king على مجهودهما الكبير ومعلوماتهما الوفيرة التى يحتاجها فعلا كل من يريد السفر أو سيسافر باذن الله الى السويد.

مش هطول عليكو بس عندس استفسار صغير...أنا الحمد لله اتقبلت فى جامعة لدراسة الماجستير لمدة سنة...قدمت على الفيزا والأبليكايشن اتسجل فى المايجرايشن بورد بتاريخ 15 مايو الماضى. بس لحد دلوأتى مجاليش أى رد...والدراسة فاضل عليها حوالى شهر...وأنا أعرف برضه ان القرار لو تم بالقبول هستنى مدة تانية عشان استلم اليو تى كارد.

حاسس ان الوقت ضيق ومفيش حاجة بايدى...ممكن أقدر أعرف الوقت الطبيعى للانتظار بيبقى قد ايه؟ وهل انا كده الأمور ماشية معايا طبيعى؟

الف شكر مقدما

تكملة المقال:

و عليكم السلام ورحمه الله و بركاته حضرتك معلش هو الوقت الفعلى اللى فعلا حصل فيه شغل او بروسيسنج للملف بتاعك هو من يوم ما بعته لحد اخر شهر سته, شهر سبعه كله البلد كلها اجازه حتى اغلب المحلات قافله و كله مسافر محدش بيعد فى البلد و الحاجات الحكوميه اغلبها مش شغاله و بالزات الحاجات المتعلقه بالتعليم عموما!

ممكن تتابع مع الموقع من اول شهر تمانيه معلش تابع مع الموقع افضل اعمل كل يوم سيرش على الحاله بتاعتك برقم الكييس فى موقع الميجراخون و شوف ايه الوضع لو حسيت انك هاتتأخر كلم الميجراخون قولهم ليه التأخير؟

بس غالبا هايقولك ده الطبيعى هما بيطولو كده حتى المتجوزين ممكن بيوصل فترات انتظارهم اكتر من عشر شهور و فى ناس اكتر من كده كمان و فى حالات طبيعيه خالص مفهاش اى مشاكل ولا فى اى اوراق ناقصه يعنى بتبقى الضغط على الكوميون اللى انتا مقدم فيه بيبقى كبير و لا حاجه بالزات فى الفتره اللى قبل بدايه كل سنه دراسيه عشان الطلبه الاجانب و تصاريحهم.

ممكن استاذ كينج يضيف اكتر بخبرته عن النقطه دى انا زى ما ذكرت قبل كده موضوع التأشيرات بتاعت السويد بأنواعها و شغل السفاره و الميجراخون معنديش اى علم بيه اصراحه لانى معملتش اى تأشيرات فى السويد خالص قبل كده.

بس نصيحه اتجه افضل للميجرخون بسؤالك هما اللى عندهم المفيد مش هاتتعب فى اللف على حالتك بعد ردهم عليك. معلش كلف نفسك مكامله و ريح بالك و استاذ كينج يفيدك برضه ان شاء الله.

بالتوفيق يا باشا وربنا يجعلها فاتحه خير عليك و نقله ناجحه فى مستقبلك ان شاء الله.

رد متداخل:

Very well said

كلامك كله سليم فعلا

شهر 7 معظم العمال بيكونو اجازة حتى الاطباء

وساعات العمل بتكون اقل فى الشهر ده وفيه اماكن كتير بتكون قافلة فعلا

وايضا فترة الكريسماس تقريبا من نص شهر ديسمبر حتى نص شهر يناير

الدنيا بتكون واقفة برضه ..

افضل شىء فعلا انه يتابع الحالة بتاعته برقم برقم الكيس فى موقع migrationsverket

ود اللينك اللى بتدخل فيه الرقم

https://www.migrationsverket.se/info/2562.html

تكملة المقال:

السلام عليكم انهارده بما اننا فى الصيف الجميل و دى كلمه لا يعرف معناه من يعيش فى السويد و ترى فقط فى التلفاز و بعض الاحيان لما بيسافروا اجازه انهارده كان امطار غزيره جدا فى يوم صيفى جميل منسوب المياه وصل لقدم تقريبا تسبب فى تعطل حركه المرور لمده نص ساعه و قفلوا المول الرئيسى و مطافى بقى و فرق انقاذ و هيصه فى وسط البلد هو اصراحه تحركهم السريع فى مواجهه اى مشكله لو حتى بسيطه و بكل التجهزيات دى بتحسس الواحد انهم مسيطرين على الامور و الدنيا امان.

معلش انا مليش فى التصوير خالص و على فكره الحته الناشفه ده دى اعلى بكتير من منسوب الشارع نفسه. الحته الغرقانه دى المنسوب الطبيعى بتاع الشارع

و ده شكل السما فى يوم صيفى فى وسط النهار على فكره.

إضغط على الصورة لتكبيرها ... أبعاد الصورة الأصلية 800x450 وحجمها 43 كيلو بايت .

اللى غايظنى بقى جوجول مابس مصورين البلد كلها شمس و الدنيا منوره هاتجنن اعرف صوروها امتى دى اكيد خدت منهم سنين يا اما كان معاهم 100 عربيه بتصور عشان تلحق الجو و هو مشمس كده ؟

للعلم دى مدينه جنوبيه الشمال حاله يصعب عالكافر مقلكوش يعنى الاستاذ كينج يحكيلكو بقى على المنظر هناك.

الدنيا ممكن تبقى شمس بس الشمس فى اسكندنافيا مضره جدا و ده كرم من ربنا انها مختفيه اغلب الوقت اللى عاوز يعرف هى مضره ليه بالزات فى منطقه اسكندنافيا يا ريت يعمل سيرش عليها يعنى هو ده سؤال الحلقه

لا وفى الاخر يقولك بينتحروا من كتر الرفاهيه لا هما فعلا بينتحروا بس من كتر الاكتئاب مش من الرفاهيه خالص!!

رد متداخل:

جزاك الله خير ياأخي، المطر ده حاجه مزمنه في كل أروبا، نحن كنا حنموت من الحر الأسبوع اللي فات واليوم الدنيا مطر . أعرف أن البلاد ألأسكندنافيه أكثر البلدان انتحارا يقال من قلة الشمس والاكتئاب ولكن بصراحه أول مره أعرف حكاية الشمس. حلو حكاية al home work فكره جيده، مبتكر ماشالله عليك.

متشكر جدا على الرد..أنا فعلا بعتلهم ميل (أصلى مرة كنت محتاج أكلمهم ضرورى...ولما كلمتهم قعدت حوالى ساعة ع الهولد فا من ساعتها حرمت d:) ومجبوش جديد زى ما حضرتك قولت..يعنى قالوا ان الطلبة اللى أول مرة يقدموا بيبقى ليهم أولوية فى البروسيسينج وطبعا الأولوية الأكبر للى مقدمين بدرى, وانهم بيعملوا ما فى وسعهم عشان يخلصوا الحالات قبل الدراسة ما تبدأ.

مفيش قدامى غير الأنتظار وأنا متابع الكايس على السايت وربنا ييسر ان شاء الله.

بالنسبة لسؤال الحلقة اللى فاتت انا عملت سيرش وفعلا أول مرة أعرف ان الأوزون مدمرة عندكو كده , خلو بالكو بأه وربنا يعينكو :)

Very well said

كلامك كله سليم فعلا

شهر 7 معظم العمال بيكونو اجازة حتى الاطباء

وساعات العمل بتكون اقل فى الشهر ده وفيه اماكن كتير بتكون قافلة فعلا

وايضا فترة الكريسماس تقريبا من نص شهر ديسمبر حتى نص شهر يناير

الدنيا بتكون واقفة برضه ..

افضل شىء فعلا انه يتابع الحالة بتاعته برقم برقم الكيس فى موقع migrationsverket

ود اللينك اللى بتدخل فيه الرقم

ربنا يوفقك

تكملة المقال:

معلش يا باشا ربنا يعينك على الانتظار و ربنا يسهلك ان شاء الله بالنسبه للمكالمات هاتشحن اكونت سكاى بى بفيزا اشحن حتى عشره دولار ولا حاجه اهم دول هايدوك بتاع تلات ساعات مكالمات للرقم الارضى فى السويد ده اوفر بكتير و افضل من انك تتكلم دولى ادخل على موقع سكاى بى و خد فكره على الاسعار للسويد للارضى و الموبايل و قارن هاتلاقى الفرق شاسع!!

رد متداخل:

السلام عليكم ورحمة الله وبركاته

الوضع مايختلفشى كتير فى كندا بالنسبه للصيف عندك فى اسكندنافيا بأستثناء ان السنه دى فيه كام يوم شمس وحر يعنى 20 و21 بالنسبه لهينا حر

وطبعاً كل الجوجل مابس ايام مشمسه وخضرا ساطعه ..... سبحان الله

تكملة المقال:

كل سنه وانتوا طيبين و فى خير و صحه و سعاده معلش على الانقطاع بس الفتره اللى فاتت بس ان شاء الله هاكتب تانى من بعد العيد !

السلام عليكم بما انه فاضل بضع ساعات على صلاه العيد و كل عام وانتم بخير ممكن تتفرجوا على العمل الجميل ده http://www.goteborgsmoske.se/Gothenb...eden/index.htm

و قصه كفاح الناس القائمين على بنائه و النتيجه النهائيه بفضل الله و اجتهاد الناس دى و تمويل العائله المالكه فى السعوديه

حاجه جميله جدا فى قلب المدينه و يعتبر مركز خدمى متكامل فى قاعه مؤتمرات و كافيتريا و مطبخ و حمامات على اعلى مستوى و القائمين عليه قمه فى النشاط ده غير الانشطه الانسانيه و الاجتماعيه الكتير بتاعتهم

ربنا يباركلهم

رد متداخل:

ربنا يخليك يا باشا بجد على المجهود الرائع ده, بس أنا ليا بعض الاستفسارات عشان حاسس ان انا تايه برضه, و بحثت عن اجابات فى الموضوعات موصلتش للى أنا عاوزو

ياريت تفيدنى انا مهندس ميكانيكا انتاج حديث التخرج و الانجليزى تمام,

لو وصلت بتأشيره سياحه باذن الله أبدأ منين و لا أروح فين و أدور على شغل فين و ازاى,, و حضرتك قولت لازم لغه سويدى طب ايه العمل,, أكيد فهمتنى و مستنى اجابتك و شكرا

تكملة المقال:

حضرتك ممكن تراجع المشاركات فى الموضوع هنا و هاتعرف كل ما يخص موضوعك بالتفصيل

عموما

بالنسبه للشهاده بتاعتك لازم تتعادل الاول قبل ما تيجى عشان هاتوفر عليك وقت و مجهود جبار و ده كنت شرحته هاتعمله ازاى فى مشاركه من المشاركات هنا فى الموضوع بتبعتها مجانى و لما يسألوك ايه السبب هاتقول جايلك عرض من شركه ومحتاج تعمل تقييم لشهادتك هاتلاقى كل التفاصيل و العنواين فى مشاركات سابقه فى الموضوع فى تانى صفحه او اول صفحه على ما اتذكر

طبعا ده مجانى بترجمهم انجلش مش سويدى و بتبعتهم صور بس او لو حبيت ابعت مستخرج رسمى من الاصل.

لو مفيش شهاده خلى بالك مش هايعترفوا بيها لازم الشهاده اللى فيها الدرجات مش بيان نجاح و لازم يكون الشهاده مكتوب فيها اسم الماده بالتفصيل و الدرجات جنبها او التقديرات بس يفضل الدرجات و لو عرفت تجيب ورقه من الجامعه بتشرح كل ماده تفاصيلها او حتى نقطتين تلاته عن كل ماده تبقى هايل هاتوفر عليهم كتير. و باقى التفاصيل زى ما قولتلك فى الموضوع!

بالنسبه للغه دى انا معنديش اى علم عن مكان الكورس فى مصر بس اسمع من مشاركات هنا ان فى مركز ثقافى او حاجه كده معتمده فى شبرا تبع السفاره بيعلمك سويدى بس طبعا سويدى كلام بسيط مش لغه التكنيك بتاعتك و ده مش مفيد اوى الا بس فى التعامل اليومى عموما ممكن تسأل هناك و هما يقولولك على المفيد انا معنديش معلومات عن العنوان او غيره ممكن تستنى الاستاذ كينج هو يقولك على مكانه فين فى مصر و تروح وتسال

بالنسبه بقى انك تيجى فيزا سياحه !!

هو انا محتكيتش فى مواضيع الفيزا بتاعت السويد مقدرش افيدك فيها خالص بس لو ناوى تكسر فيزا يبقى مش هاتلاقى شغل فى مجالك و اخرك اسود و ده بهدله و محدش هايديك فلوس و لو مش عاجبك هايبلغ عنك! و القانونى محدش يقدر يعينك لو انتا كاسر فيزا .

ده كلام واللهى عن تجارب عشرات الشخصيات اللى شوفتها و سمعت عنها و قله قيمه يعنى. افضلك قدم فى شركات لو انتا درجاتك كويسه ممكن تاخد منحه لو مشروع التخرج بتاعك كويس ممكن تاخد برضه منحه من شركه كويسه زى فولفو او ايه بى بى.

دى هاتعمل منك انسان تانى خالص.

و فى الاخر التوفيق من عند ربنا و الاجرائات بتاعت المعادله هاتاخد فتره شويه من تلات لست شهور بس هاتنفعك جدا بعد كده حتى لو هاتقدم فى اى دوله تانيه فى الوقت ده بقى انتا ابعت للشركات و كده و ربنا يسهل يمكن محتاجين حد فى التخصص ده و يبقى نصيبك فى وظيفه على طول.

و بالتوفيق يا باشا و ربنا معاك ان شاء الله

و تحت امرك لو فى استفسار تانى ؟

رد متداخل:

الف شكر بجد , أنا حابب فكرة تعلم اللغه و بعدين تدريب بس أنا قصدى هل ممكن أجى سياحه و ادور على شغل أى حاجه ( مش قصدى مهندس أكيد)

وطبعا مش اسود ..ومن الشغل ده يتعملى اقامه؟؟ امال الناس الكتير اللى بتسافر اوروبا سياحه عموما و بيجى يشتغل اى حاجه لحد ميعمل اقامه ده بيبقى ازاى؟؟

و بالنسبه لموضوع فترة تعلم اللغه بمراحلها.. مش المفروض ده بيبقى جنب الشغل عشان مصاريف المعيشه ولا ايه؟ و نفس الوقت قولت مفيش شغل من غير لغه سويدى! طيب ازاى و لا كان قصدك الشغلانات الكبيرة بس؟.أنا عايزك تنصحنى بجد بالمناسب ليا.. أنا قشطه على كل الاوضاع.. آخر حاجه بقى و معلش طولت عليك.. لما اعادل الشهاده ابعت الشهادات dhl افضل حاجه صح؟..لو ينفع تقول بدايه سفرك كانت ازاى و امتى .. و ميرسى يا ريس مع خالص تحياتى

تكملة المقال:

طيب هو شكلك مقريتش كتير عن السفر و طرقه و احوال اوروبا و قوانينها هارد عليك كل جزء لوحده اولا

بالنسبه لللغه انا مفهمتش بتحبها يعنى ايه او عاوز تبدأ بيها ازاى قصدك فى مصر ولا بره يعنى لان كل بلد ليها ظروف و ليها لغه لو هاتفضل تتعلم كل لغه و انتا بتعمل ورق كل بلد مش هاتخلص و انك تتعلم اللغه و بعدين تدريب ده كويس طبعا بس هاتقدر تعيش منين طول الفتره دى هاتصرف منين ؟ حتى لو ظروفك تسمح مفيش نوع اقامه او فيزا تديك الحق ده خالص حتى فيزا الدراسه بتبقى محدده على الكورس اللى هاتدرسه و خلاص و مكلفه جدا زى ما شرحت قبل كده التلات سنين بتتكلف تقريبا نص مليون كورونا بمصاريفك بكله و كمان لما تكون شاطر فى المصاريف و بتصرف بعقل !!

ثانيا

بالنسبه انك تروح سياحه و تدور على شغل و كمان مش اسود دى حضرتك عملها محمد هنيدى و احمد زكى لكن ده مش حقيقى ده سيناريو عشان نخش نتفرج على الفيلم و نحلم !!

حضرتك بالقانون متقدرش تعمل اى حاجه فى السويد غير انك تتفسح لو معاك فيزا سياحه متقدرش حتى تشترى عقار او ارض الا لو دفعت تأمين ضعف تقريبا العادى و رصيد بنكى 500 الف يورو بالتمام و الكمال و تحطهم فى بنك سويدى دى الحاله الوحيده اللى فيزا السياحه تتحول لنوع تانى لاستثمار او مش فاكر اسمها كده !

غير كده فيزا السياحه هى لزياره البلد فقط لا غير و عشان تستخرجها لازم حساب بنكى و هيصه و شغل ثابت او سجل تجارى ويكون كل ده من فتره ميكونش قبل السفر !

يعنى بأختصار مفيش اى حد يقدر يشغلك قانونى ( مش اسود ) الا لو الفيزا بتاعتك تسمحلك بالعمل و دى مش سياحه طبعا كل فيزا ليها متطلبات و ليها فوايد و استخدامات ممكن تراجع الموقع بتاع الهجره بنفسك و تقرا كل حرف فى القوانين اللى بتدير الموضوع موجود فى الموقع !

ثالثا

اللغه بجانب الدراسه طبعا متوفره انتا فى كل الاحوال هاتتعلم اللغه ببلاش فى مدارس مخصصه للموضوع ده و فى الوقت اللى يرحيك فى مسائى و صباحى و ليلى و و بالنسبه للشغل من غير لغه سويدى ده كلام مظبوط من غير اللغه مفيش اى شغل

حتى لو قدمت على عامل نضافه هايقولك بتعرف سويدى كويس حتى لو مخلص الكورس بيمتحنك عشان يتأكد ولو متعرفش سويدى كويس يقولك لا مش هاقدر اشغلك حتى لو انتا هايل فى الشغل ببساطه بيقولك الكيماويات اللى بتتعامل معاها المفروض تبقى قادر تقرا كل المكونات و كل التحزيرات على العلبه قبل ما تستعملها لو متعرفش سويدى كويس يبقى مينفعش عشان ممكن تعمل كارثه و زى ما قولت قبل كده الاستندارد فى العمل و الحياه فى السويد مفهوش تهريج مفيش اخطاء !

و على كده كل الوظائف البسيطه و المتوسطه حتى لو عامل شحن و تفريغ او عامل فى مخزن تشيل كرتونه و تحط غيرها برضه لازم سويدى.

لسبب بسيط هنا قوانين العمل صارمه محدش يقدر يعينك و يمشيك بعد كده لما ميعجبوش شغلك ممكن يتسجن لو عمل كده لازم يدفع غرامه كبيره و يتعمله قضيه لازم انزار شفهى و بعدين كتابى و بعدين تلات شهور انزار اخير و بعدين فصل و ده بيتم بمكتب العمل مش من نفسه يعنى بمعنى اصح صاحب الشغل لما بيعين حد بيبقى اكنه اتبنى واحد او واحده ميقدرش يرميه لما يزهق منه حتى لو غلط لازم يتعاقب و يتعلم و لازم ياخد دوره تدريبيه قبل ما يشتغل ولو العامل اثبت انه متعلمش الجزء ده فى الدوره التدريبيه صاحب العمل بيتعاقب و بينزل عليه غرامات و النقابه بتبهدله و كل شويه تفتش عليه ( على فكره انا بتكلم على وظائف بسيطه جدا شركه نضافه محل غسيل عربيات محل خضار مخزن ) يعنى مواال كبير عشان حد يتيعين عشان كده اصحاب العمل بيحطوا ضوابط كتير اوى عشان يعينك و بالتالى يضمن انه اختار حد كويس و مش هايتعب معاه و يقلب شغله جحيم و قرف و مش هايعرف يمشيك !

بالنسبه لموضوع اللغه ممكن يتساهلوا فيها لو انتا كويس اوى فى مجالك و عندك خبره كويسه و دى بتبقى فى الوظائف الكبيره اللى فيها علم او دراسه كتير زى مهندسين دكاتره و مدرسين فى الحاله دى لو انتا ملكش منافس لقدراتك فى السويد الشركه بتشغلك و تعملك اقامه عمل و بتتغاضى عن اللغه و بتعلمك هى اللغه و كورسات للحاجات اللى ناقصاك و دورات تدريبيه و بتبعتك بره يعنى شغلانه محترمه و دى محتاجه خبره كبيره اكتر من خمس سنين و ماستر مثلا و دكتوراه غير كده مكتب العمل مش هايوافق يطلع تصريح العمل او الفيزا عشان هايقوله طالما مؤهلاته عاديه يبقى خد واحد من العاطلين عندى فى قاعده البيانات و هانعملك تسهيلات و هاندفعلك 80% من مرتبه و سيبك من الاجنبى( ده للوظايف الكبيره القياديه او العلميه )

تخيل بقى رد مكتب العمل لما حد يجيله يقوله انا شركه نضافه و عاوز اجيب واحد اجنبى يشتغل عندى ! طبعا هايرفض هايقوله انا عندى مليون عاطل

اختار اللى يعجبك و هاساعدك و هاعملك تسهيلات و هاساعدك فى مرتبه و هادربهولك ببلاش لكن متجبش اجنبى !

بالنسبه لمعادله الشهاده دى ممكن تبعتها دى اتش ال بس لازم تكلمهم الاول فى الهوجسكول فيركت تقولهم هابعتها لمين بالتحديد عشان تبقى تسليم باليد غير كده هايضيعوا و دى على فكره احدى مميزات السويد فى الاوراق على طول بتحصل ان الورق بيضيع

انا مسافرتش اصلا من مصر عشان كده معلوماتى قليله عن اجرائات السفاره فى مصر ولا اعرف الفيزا الشنجن شكلها ايه حتى ! انا كنت فى دوله اوروبيه تانيه و نقلت هنا الحمد لله.

و تحت امرك يا باشا و باتوفيق ان شاء الله

و خلى بالك مفيش short cut كل حاجه بتاخد وقتها و خطواتها المهم النيه بس و التركيز و ربنا يوفقك

رد متداخل:

كلامك جميل , هو أنا مش عايز أبقى رخم بس واضح انك مش فاهمنى, أنا قصدى منين بتقول ان مفيش شغل من غير لغه سويدى و فى نفس الوقت لازم و انته بتتعلم اللغه اكيد تكون بتشتغل عشان مصاريف المعيشه( يبقى ساعتها ازاى هشتغل بقى و انا اصلا لسه بتعلم اللغه!!), و انا طبعا كان قصدى على موضوع حابب فكرة تعلم اللغه و بعدين التدريب(كان قصدى فى السويد), أخر حاجه انا كده بدأت افقد الامل فى السويد كده للأسف عشان مش عارف ايه الفيزا اللى تسمحلى بالاقامه و العمل, طبعا زيارة او سياحه مش هينفع ادور على شغل, و طبعا دراسه مش نافع, مفيش غير انى اتقبل فى عمل من التخصصات المطلوبه وده بتهيألى من رابع المستحيلات, يبقى ايه الحل؟؟

الاخ simsimsimsim

Think out of the box

ما تحصرش تركيزك كله على السويد

السويد مش افضل دولة اوروبية كما يعتقد البعض ,

معظم الناس بيفكروا فى الدخل المرتفع ومحدش بيفكر فى تكاليف المعيشة المرتفعة جدا

بجانب صعوبة الحصول على وظيفة ثابتة بدون لغة جيدة + وظيفة مطلوبة ...

يوجد ملايين اللاجئين فى السويد وحاليا يتم الاستعداد لاستقبال الاف الاجئين السوريين والصوماليين

الوضع سيصبح سىء جدا بخصوص موضوع العمل وسيكون الحصول على وظيفة ثابتة امر شبه مستحيل

بجانب احتقان الشعب تجاه الاجانب واللاجئين وانتشار العنصرية فى اماكن كثيرة ....

بسبب انى اصحاب البلد مش عارفين يشتغلوا والاجئين نايمين فى البيت وبياخدوا مرتبات خيالية!!!

نصيحة راجع مواضيع تجارب الاعضاء الشخصية بخصوص السفر للدراسة واحسبها صح قبل ما تاخد اى خطوة ..

تكملة المقال:

الله ينور عليك يا كينج و دى بعض الاخبار اللى تدل على المستقبل القاتم بشده للسويد و الحياه فيها

مصلحة الهجرة تواجه صعوبات في إستيعاب تدفق اللاجئين - arabiska - العربية

هنا كاتبين حتى البلديات خلاص رافضه تستقبل لاجئين مش عنصريه ولا اى حاجه بس اقتصاديا يعتبر انتحار حتى و ان الحكومه بتدف للبلديه الايجار و كل حاجه البلديه بترفض برضه عشان مش قادره تخدمهم و تتحمل مشاكلهم !

فى اول مره فى تاريخها تبقى السويد غير قادره على استيعاب الاعداد الرهيبه دى بالزات بعد قانون لم الشمل ما شاء الله العائلات العربيه زى منتوا عارفين كبيره و بالقانون ده بقى كل واحد فى السويد بيبعت يجيب عيلته كلها بدال ما كانت الحكومه بتصرف على واحد و بتديله مرتب و هو فى بيتهم راح هو بعد ما القانون ده اتعمل جاب عيلته كلها بقت الحكومه بتصرف على خمسه و ست افراد و طبعا لازم شقه اكبر و فى الغالب محدش فيهم بيدفع اى فلوس فى اى حاجه الحكومه بتدفعلهم كل حاجه الايجار و كل الفواتير و مرتب شهرى كمان و بتعلمهم و تصرف عليهم كورسات اقل كورس فيهم بيكلف خزينه الكوميون او المدينه ربع مليون كورونا و طبعا محدش فيهم بيرضى يخلص الكورس عشان مكتب العمل ميقولوش روح اشتغل فبيروح الكورس يحضر شويه و ياخد المرتب الشهرى بتاع الكورس عشان مرتب حلو و مكأفات و ميروحش الامتحان و يضيع الشهاده على نفسه عشان لو امتحن مكتب العمل هايوقف المساعدات عليه عشان يخليه يشتغل و هايجبله شغل بس طبعا هو مرتاح فى بيتهم و بياخد فلوس على نفسه و على كل نفر عنده ليه يشتغل و يقرف نفسه و كلف الحكومه رابت شهرى و ربع مليون كورونا اترموا على الارض بلا اى نتيجه غير المساعدات اللى بياخدها كل شهر !!!!!

منح تصاريح الإقامة لطالبي اللجوء في تراجع مستمر - arabiska - العربية

الخبر ده بيوريك الحال اللى وصلت ليها الحكومه خلاص مش قادرين يستعوبوا الناس ولا يساعدوا كل دول !!!

البرلمان العراقي يصوت ضد مذكرة التفاهم مع السويد حول اللاجئين العراقيين - arabiska - العربية

هنا بقى عجب العجب

الحكومه العراقيه صوتت ضد قرار بتاع تسفير اللاجئين !! و كمان اللى بيجيلها متسفر من السويد مش بتستقبلوا ( ده ابن بلدها على فكره يعنى اللى جاى ده عراقى داخل بلده بلده تقوله لا خليك لاجئ) انا مش فاهم هما بيفكروا ازاى اصراحه يعنى داخل بلدى يقولى لا !!

رد متداخل:

السويد لعبتها غلط من الاول

السويد اعتقدت انى اللاجئين هيرفعو اقتصاد البلد ويساعدوا فى الزيادة السكانىية خصوصا السويد كان فيها مدن كتير عدد السكان فيها مش كتير (glest befolkat)

زى skane ومدن كتير فى الشمال..

لكن الاجئين وقعو الاقتصاد وهاجرو من المدن اللى مفيهاش سكان الى العاصمة والمدن الكبيرة المزدحمة وبالتالى صعبو العملية اكتر

اللاجئين اللى فعلا يستحقو اللجوء عددهم مش هيزيد عن 5% من عدد اللاجئين فى السويد ..

السويد كانت كويسة لحد 2004 مثلا قبل ما كميات اللاجئين الكبيرة دول ييجو هنا .

الايام اللى الجاية شكلها ضنك.

ربنا ييسر الحال

طيب ليه السويد مترجعش اللاجئين دول تانى وتوقف الفلوس اللى بيدوهالهم انا مش عايش فى السويد لكن من الكلام والله الواحد اتنرفز مابالك بالمواطن السويدى او المقيم الذى يسعى لعمل شريف

ماينفعش في معهادات دوليه واتفاقيات وحقوق انسان. هم يقدروا يرفضوا طلب اللجوء لو لم يقتنعوا بس اللي بيحصل، أن الحكومه بتوكل محامي مختص في الأستئناف مره واثنين وثلاثه، ولو الشخص ده عنده أطفال، يقدروا يدخلوا من هذا الباب حتى لو قضيته ضعيفه وصعب أنهم يرجعوه بلده. وغالبا الكثير منهم حسب القوانين القديمه يكون أخذ قبول وجنسيه كمان، الأن أصبحت أثار المشكله واضحه جدا ولكن فات الأوان لأصلاح مافات . مايفعلوه الأن مثل بريطانيا وجميع الدول الأوربيه أن لايجعلوا اللجوء مغري كما كان، فلوس وبيت وحياه ببلاش، الأن بهدله حقيقيه لمن أراد طرق هذا الباب وهذا قلل كثير من نسبة الوافدين.

تكملة المقال:

الموضوع مش بالبساطه اللى يقولوهم امشوا فهايمشوا دول بيعملولهم فضايح و يجيبو التلفزيون و حقوق الانسان و يرقصولهم فى الشوارع و يتظاهروا و حوار اكن ده حقهم اصلا و الغريب ان فعلا اللى يستحق بيترحل بكل هدوء ولا بيفتح بؤه و فى الاغلب بيحصله كارثه لما بيرجع بلدهم فسبحان الله اللى ميستحقش بيقف يرقصلهم قدام الاعلام والشوارع و بياخد الموضوع عافيه و بلطجه و بينجح و اغلب اللى يستحق بيترحل عشان مقدرش يثبت قصته بشكل قوى ده غير ان القوانين مليانه ثغرات طبعا مش ثغرات يعنى بايظ بس ثغرات يتلعب منها اولها حقوق الطفل و مصلحه الطفل و دى بقى لعبتهم الشهيره لو معاهوش عيل اول حاجه يعملها يخلف عيل ولا اتنين و لو معاه عيال يجرى يرميهم فى المدرسه عشان يعرف ياخد اقامه على الاطفال بيقولك لو الطفل خلاص عمل اصحاب فى المدرسه و بقى متفاعل مع المجتمع مينفعش نرجع اهله يبقى يعدوا بقى وخلاص و اللعب فى الطلاق بيطلقوا مدنى عشان ياخدوا اقامه و شقق زياده و بيفضلوا متجوزين شرعى حتى اللى معندوش شرعى فى دينه بقى يطلق و يعدوا مع بعض من غير جواز و اهى مصلحه ماشيه و الحال زى الفل و خلى بالك احنا بنتكلم فى حد ادنى اربع سنين للنظر فى القضيه فالبتالى لو معاه طفل خلاص اندمج و لو هو اشتغل خلاص و ده عادى يا ريت يشتغل اى شغلانه !!

حاولوا يقللوا من الفلوس الاحزاب اتنطط و قالك اصلا المفروض تزيد عشان بقالها كزا سنه على نفس الارقام والاسعار ارتفعت 25% تقريبا فى نفس الفتره قالك و السكن شركات السكن بتلطم منهم مبيدفعوش اى مليم فى اى حاجه و بيخربوا بس فالبتالى واحد زيك و زيى ساكن عادى بيتحمل اسعار تصليح و ايجارات مبالغ فيها عشان الشركه تعوض اللى البيه و عياله بيخربوه و مبيدفعوش مليم !!

فيعنى هى خساره فادحه للبلد و برضه بقول تانى بنتكلم على اللى جاى و هو ملوش حق لجوء و بيكدب عشان ياخد اقامه ده اوقات بيدعى الشذوذ و يبقى معاه طفل او طفله و يقولك انا شاذ انا عاوز اعيش هنا فى بعض الاحيان بيتطر فعلا انه يعمل علاقه و تبقى مسجله عشان ياخد الاقامه فيعنى البلاوى كتير اوى فى الموضوع ده و ربنا يرحمنا برحمته

فعلا يا اخت ساره كلامك مظبوط جدا دول بيستخدموا الاطفال كسبب رئيسى لضمان الاقامه و الدول الاوربيه محترمين فى النقطه دى بتاعت الاسره و الطفل و مصلحه الطفل اولا بس للاسف دول ب abuse السيستم بطريقه بشعه !بس اخر جمله على انهم خلوا اللجوء غير مغرى فى السويد للاسف ده مش صح بالعكس دول الاحزاب بتحارب عشان توفر للوافدين الجدد اماكن و عيشه كريمه .

هو يا اخت ساره المشكله كلها ان الدول زى السويد معندهاش مصادر طبيعيه و بتعتمد على الضرايب فهى كانت فاكره ان دول بنى ادمين طبيعين و لما تستقبلهم و تحتضنهم هما و اسرهم هايشتغلوا و ينتجوا و الضرايب تزيد و دخل البلد و اقتصادها يرتفع لكن فى الاول كان الاندماج سريع و الناس بتجرى على طول تلاقى شغل و تعمل بس بعد الازمه العالميه ظهر الوجه القبيح للموضوع ان الشويه اللى كانوا شغالين دول و مداريين خيبه الباقى هما كمان دلوقتى حالتهم صعبه فالطبيعى ان المشكله بدأت تطلع لسطح الاحداث و معاها ارتفاع اسهم الاحزاب و التيارات و الجماعات المتشدده ضد الاجانب بوجه عام و الاجانب الذين لا يعملون ولا يرديوا ان يعملوا بوجه خاص .

و بعد قانون لم الشمل الجديد بقى الحوار كله يتلخص فى مكالمه تلفون و اهله يبقوا عنده فالبتالى كل واحد عنده حد كبير او حاجه بيجيبها او يجيبه مفيش مشاكل كان الاب و الام عادى قبل كده بدون اى مشاكل لكن دلوقتى بعد القانون ده بقى يقدر يجيب اى حد معدى فى الشارع بس يقول انه قريبه بقت هيصه و طبعا كله مبيشتغلش

مره لقيت واحد بيقولك ايه يا ترى اسره مكونه من واحد و زوجه و طفلين تاخد كام عندك يا اخى فى السويد !!؟

طيب ده تقوليله ايه و نفس السؤال يقولك بس سمعت انه بياخد احسن فى النرويج البيه بيعمل بيان اسعار قبل ما يخرج من بلده يعنى اصلا هو فى بلده لا هو مريض و لا مطارد ولا نيله لا ده يجيب حق التزكره و هوب يروح هو عياله و يعيش ملك !

معرفش حد قالهم مال الناس دى غنيمه مثلا طيب لو ده صح ازاى و مالهم ده داخل فيه عرق ناس مسلمين و شقاهم و صبرهم و تعبهم و انتا بتاخد المال ده بقى على انه غنيمه طيب ازاى !! و يا ريته بيطلع فرد صالح

و فى الاخر ياخد الفلوس و ينزل يجيب بيهم شقه و لا حاجه فى بلده حسبى الله و نعم الوكيل فى الناس دى !

و كمان المشكله عند مرحله الغربله و لما هايقلبوا هايقلبوا على كله مش هايفرق اجنبى من اخر ربنا يستر علينا .

السلام عليكم

انهارده هاضيف كام فيديو كده بتوضح بعض المعالم حتى لو بسيطه عن السويد

كيف تكون طالباً في السويد | AR.SWEDEN.SE

ده فيديو مترجم عربى بيوريك بعض جوانب طبيعه الدراسه فى السويد و خد بالك كويس اوى من المشكله الاساسيه و هى السكن دايما دى اكبر مشكله فى السويد عموما و للاجانب خصوصا و برضه موضوع صعوبه التعرف و تكوين اصدقاء سويدين اهى ده بقى صعبه اوى عايزه مشوار طويل اوى عشان تنجح فيها !

Sweden aims to be cashless society - Europe - Al Jazeera English

ده تقرير من الجزيره عن موضوع العملات النقديه مع العلم ان السويد كانت أول دولة أوروبية تدخل الأوراق النقدية للاستخدام وذلك عام 1661، ولكنها لا تكتفي هذه الأيام بدخول التاريخ عبر اختراع الأوراق النقدية بل تذهب بعيدة هذه المرة وبالاتجاه المعاكس على طريق إلغاء هذه الأوراق ووقف التعامل بها لصالح الدفع الإلكتروني وبطاقات الائتمان، الفيزا كارد

زى ما قولت قبل كده معاملات نقديه كاش منعدمه تقريبا ملهاش اى لزمه معاك و عشان كده محدش خالص فى السويد يطمح فى كورونا واحده تبس "بقشيش يعنى" ده مستحيل منعدم تماما لان ببساطه مينفعش اصلا .

نظام لو عاوز اديك تبس اقولك ادينى رقم حسابك و احولك من الموبايل على البنك بتاعك !!

رد متداخل:

السلام عليكم آخى الكريم انا من متابعة موضع آتك انا و زوجى نخطط لسفر لفتح شركة للاستراد و تصدير لكن نحن محترون فى اختيار بين السويد و امريكا ارجوا منك المساعدة هل امكانية النجاح فى السويد أحسن من امريكا و هل عندما افتح شركة احصل على الإقامة و جميع الامتيازات انا و طفلى و زوجى ارجوا منك رد ولك جزيل الشكر

تكملة المقال:

من الموبايل

اهلا بيكى و بعائلتك الكريمه فكره الاستثمار او الهجره بغرض الاستثمار فكره هايله بس لازم حضرتك تدرسى الموضوع كويس بالنسبه للقوانين و التسهيلات اصراحه معنديش فكره امريكا خالص غير معلومات عامه مقدرش افتى فى الموضوع ده خالص اصراحه

بالنسبه للسويد اصراحه بسبب الازمه و الظروف بتاعت السوق الحكومه عامله اصلاحات كويسه اوى عشان تدعم الشركات القائمه و متزيدش نسبه البطاله انا مش بتاع اقتصاد مفهمش بالظبط هما بيعملوا ايه بس فى الاخبار بيقولوا الكلام ده

المميزات كتير و اهمها التأمينات و تأمين مستقبل الاولاد دول من اقوى الاسباب لأى حد بيختار السويد عموما برضه حضرتك شوفى المشروع هايبقى عباره عن ايه بالظبط و فى مكاتب كتير اوى فى السويد بتخلص الاجرائات القانونيه على حسب جنسيه حضرتك و ظروفك الماليه و كل شخص ليه موقفه الخاص و حالته المنفرده لكن القوانين بشكل عام يمكن الاطلاع عليها بالانجلش او بالعربى فى بعض الاجزاء.

عموما ان اكنت قاعد بجمع لحضرتك لينكات المواقع كلها عشان اضعها فى المشاركه بس بالصدفه دخلت على الموقع الرسمى بتاع السويد فى القسم العربى لقيت كل ما حضرتك ممكن تحتاجيه من معلوماتو بالعربى و سهله جدا ومفصله و بالروابط للمواقع الرسميه كلها و حتى الخطوات من اول مرحله التفكير فى المشروع لحد تشفيل المشروع و حتى تطويره فى المستقبل و كل ما يتعلق بالمالك و ظروفه برضه

ده الموقع

بيئة الأعمال التجارية | AR.SWEDEN.SE

بالتحديد الموضوع ده فى الموقع

10 نصائح للراغبين في القيام بأعمال تجارية في السويد | AR.SWEDEN.SE

بالنسبه للاستيرد و التصدير لازم حضرتك تشوفى الموقع ده عشان تقدرى تحددى حتى على وجه التقريب الرسوم بتاعت الجمارك و شرائحها

Startpage - Tullverket [NS4 version]

هما بطبعهم مش بيعملوا زحمه ملهاش لزمه فى الموقع حضرتك بخطوات بسيطه بتقرى كل المتعلق بالغرض بتاع البيزنس بتاع حضرتك

انا اسف لو المعلومات مش مرتبه او مش محدده اوى بس تجربه شخصيه فى المجال ده معنديش اصراحه و يفضل حضرتك تشوفى مواقع الحكومه و البلد و بعدين فى الاخر بتسألى حد عامل بيزنس مشابه و هو بيفيد حضرتك

بالنسبه للاقامه و الفيزا و شروط الحصول على التصاريح طبعا هو موقع الهجره الرسمى فى كل المعلومات المهمه

Starting your own business - Migrationsverket [NS4 version]

الشروط العامه المكتوبه

Self-employed

If you plan to work for a period longer than three months to start up or run your own business or become a part owner of a company, you must have a residence permit.As self-employed your are not allowed to take employment with any employer.

•Requirements to be granted a residence permit

•Applying for a residence permit

•If you are granted a residence permit

•Right to appeal

Self-employed people who plan to work for a period shorter than three months in Sweden do not need a residence permit. For work that is shorter than three months, citizens in certain countries must have an entry visa; see link in the right column.

Requirements to be granted a residence permit

To be granted a permit requires that:

•you have a valid passport. The Swedish Migration Board does not grant limited-time residence permits for longer than your passport is valid.

•you can prove that you own at least fifty percent of the company, that you run the business and that you have the ultimate responsibility for it

•your company must be expected to achieve satisfactory profits and be able to support you and your family (if applicable) during the two-year probationary period

•you are able to demonstrate that you have solid experience in the sector and you should also have previous experience running your own business

•you can show that you have enough money to support yourself and your family for the first two years. The Board estimates this to be SEK 200,000; for your accompanying spouse SEK 100,000; and SEK 50,000 for every accompanying child.

•you have Swedish and/or English language skills

•If you are a student and are here in Sweden, you must submit your application for a residence permit as a self-employed person before your residence permit for study has expired. Additionally, you must have earned at least 30 university credits or completed one term of a research programme in Sweden.

الشروط مفسره اوى فى النقطه بتاعت اعطاء تصريح الاقامه!

باقى الشروط و كل ما يهم حضرتك حتى بالنسبه للاسره و كده و تأشيراتهم موجوده فى نفس الصفحه ممكن تشوفيها برضه

على فكره المبالغ الماليه اللى مذكوره دى خاصه بالاشخاص و مصاريفهم الشخصيه لمده سنتين دول ملهمش دعوه بفلوس المشروع نفسه !

دى المؤسسه اللى بتسجل الشركات

Set up a business - Bolagsverket

عموما حضرتك ممكن تطلعى على الشروط بتاعت اوراق الفيزا الاول و بعدين لازم زى ما حضرتك شوفتى قدمى فى السفاره خطه للشركه و هما لازم يوافقوا على الفكره و على الخطه التسويقيه و كل التفاصيل دى عشان كده بقول لحضرتك لازم يكون فى حد مختص يعمل دراسه جدوى كويسه و المختص طبعا مينفعش يكون من بره السويد لازم يكون سويدى عشان يعمل خطه و هو ملم بكل التفاصيل هنا بالنسبه للمشروع او القوانين.

و يا رب التوفيق لكى و للاسره الكريمه

رد متداخل:

شكرًا آخى الكريم علي ردك السريع بنسبة لكل المكتوب ما فيش مشكلة أنى فلوس الإقامة الى هما كتبنها انا كنت عرفها و كمان عرفة راس ألمال المطلوب انا بس خائفة الى بنفكر نعملو هوا ان إحنا حنفتح شركة بكل المنتجات المصرية بداية بحاجات خان خليلى و الأقطان و وكل المنتجات المصرية و تستورد خشب علي سبيل المثال بس هل حاجة زي ممدة تمشى مع المجتمع السويدى عشان انا و جوزي متخلفين فى الحتة دى هوا شايف ان امريكا الماركت مفتوح اكتر و انا شايفة ان السويد أحسن لان الشعب رأقى و بحب الحجات العريى و عشان ابنى حيكون أحسن ارجو منك المشورة كمان هل بعد سنتين اقدر لحود الإقامة الدائمة أسفة آخى الكريم انا بتعبك معا

تكملة المقال:

الشكر لله حضرتك بالنسبه لموضوع المنتجات المصريه تحديدا هنا فى السويد فى مئات الاف المهاجرين من العالم العربى بكل اشكاله و الوانه .

بعض المهاجرين بيستوردو و بعضهم عايش على نظام تجاره الشنطه بيجيب على القد ولما يخلص بيجيب تانى لكن فى النهايه المنتجات العربى كلها موجوده هنا فى السويد فى اى مكان و ده يشمل اى نوع اكل او مشروبات اغلب الماركات المصريه كل العصائر و الاكل و الحلويات و اللحوم و المجمدات بأشكالها و ماركاتها المصريه و كذبك نفس الكلام مع التوابل و برضه مع الحاجات السورى و العراقى و حتى الحاجات بتاعت شرق اوروبا

الفكره ان هنا الاستهلاك قوى بتاع العرب احنا بنحب ناكل و اكتر بكتير من السويدين و كمان العربى بالزات مفترى شويه فى الاكل السويدى بيجيب على القد زى اى اوروبى العربى بيجيب بزياده حتى لو مش محتاج المهم يعنى ان العربى بيشترى جامد فى الاكل و الحاجات دى.

بالنسبه لحاجه البيت موبيليا و مفروشات شرقى برضه سوقها جميل جدا و لو عملتى بحث صغير على النت تشوفى الاسعار هاتلاقى اسعار رهيبه طبعا بالنسبه لمصر يعنى المكسب كويس و بيغطى التكاليف و الربح معقول .

حاجه خان الخاليلى برضه سوقها كويس لكن الشرقى هنا فى اسكندنافيا مش حاجه يعنى بعيده المنال او حاجه امله يعنى عشان الشرقى مرمى فى كل حته و برخص التراب الفكره التوريد يكون بجوده و لمكان محدد اظن ده افضل حل عشان المكسب يكون كويس بالنسبه للخشب مفهمش اصراحه اوى فى النقطه دى بس اسهل حاجه تعرفى كل التفاصيل هى من على النت ترجمى الكلمات للسويدى بس ميكونش جمل كويل كلمات معينه تلخص الجمله و ابحثى عنها فى جوجول دوت اس اى هاتلاقى كل ما تتخيله من تفاصيل هنا كل حاجه مميكنه و موجوده على النت حتى تقدرى تعرفى الاسعار كمان .

بالنسبه للاقامه اظن الاقامه الدايمه فى كل الاحوال بتبقى بعد خمس سنين مش سنتين و فى حاله اللجوء بتبقى اربع سنين و فى الزواج او معاشره مواطن سويدى بتبقى تلات سنين ده نص القانون !!

بس فى الصفحه اللى بعتها لحضرتك كاتبين ان بعد مرور السنتين بتوع اول تصريح اقامه بتاخدوا الاقامه الدايمه انا اصراحه اول مره اعرف المعلومه دى ممكن حضرتك تتأكدى منها تانى لما تبدأى فى الاجرائات لان فى باقى الموقع بيقولوا ان اقل حاجه خمس سنين طالما مش معاشر سويدى او لاجئ بس اظن ان الصفحه دى مظبوطه بعد سنتين بس فى نفس الصفحه فيه الحته بتاعت تمديد الاقامه و مش جايبين سيره دايمه بيقولك لو هاتمددى الاقامه يبقى قبل ما القديمه تخلص بشهرين عموما زى ما قولت لحضرتك لما بتبقى فى البلد دى تفاصيل سهله و بتتحل بسرعه جدا و مش مجهده يعنى و مفيش فرق فى كل الحالات لو عندك مشكله بيساعدوا حضرتك.

ممكن حضرتك تطلعى عليه فى نفس موقع الميجراخون اللى بعته لحضرتك !

بالنسبه للاولاد و مستقبلهم والتعليم و الرعايه و الصحه و كل التفاصيل دى طبعا الفرق شاسع بين امريكا و السويد ! مكانش الامريكان بيجوا يحاربوا عشان ياخدوا اقامه و يعيشوا فى السويد و غيرهم من كل جنسيات الدول الكبيره استراليا و نيوزلندا و غيرها حتى انجلترا !

يكفى ان فى امريكا لو علبه اكل او منتج للاستعمال الشخصى مبيكتبش حتى عليه ان فيه مواد خطره على الصحه و حتى مفيش قانون يجبره يعمل كده ! فى السويد حوار مراقبه جوده الحاجه اى كان شكلها او تفاهتها يعنى بيوصل لبعض الاحيان لملل بسبب كثره قوانين مراقبه جوده و صلاحيه الحاجه ولازم يكتب كل التفاصيل مهما كانت دقيقه و مش هامه للمستهلك و فى الاخر كله لصحه الاسره . يكفى ان من اهم اوليواتهم هى البيئه و حياه الاطفال فى المستقبل و مسؤليتهم فى ترك بيئه صحيه نضيفه للاطفال يعيشوا فيها فى المستقبل مفيش مكان تانى فى العالم بيعمل كده. الباقى احنا كبشر مجرد مستهلكين و محافظ نقديه متحركه ندفع و نشترى و خلاص مش مهم نموت ولا نولع مش فارقه مع المصننع !

السويد اقوى و افضل نظام تأمينات فى العالم ده بيخلى الاسره تشعر بأمان اكتر من اى دوله فى العالم .

البلد عمرها ما بتتخلى عن حد حتى لو كان مجرم . احسن مكان لحقوق الانسان المركز الاول عالميا نظام اقتصداى ثابت و بيعتمد بشكل كبير على ثقه المستهلك فى حكومته و بلده و بلد ديموقراطيه جدا كل ده و اكتر بكتيرمميزات لا حصر لها على النقيض بقى فى اى مكان تانى غير بلاد النورديك ده عن تجارب كتير اوى بحث صغير على النت هاتشوفى حضرتك الفروق دى كلها و كلام الناس عن بلادهم الام و عن السويد .

طبعا فى مساوئ كتير لكن المزايا بتغطى على كل المساوئ دى.

بس برضه عن امريكا انا بسمع بس مسافرتش و شوفت بنفسى بس حضرتك برضه لو اتكلمتى مع حد عاش هناك فتره طويله يقدر يشرح لحضرتك تفاصيل اكتر و افضل .

و تحت امر حضرتك فى اى استفسار تانى و ربنا يوفقكوا .

رد متداخل:

آخى اشكرك على ردك و مساعدتك جزاك الله كل خير آخى اود ان أسالك بعض الأسئلة بنسبة للايجار لو حبيت اجر شقة طبعا خارج المدينة او أدى مدينة حضرتك شايف انها رخية و مش غلية دا لو شقة و كمان لو بيت فيلا عشان اعمل الشركة تحت و بين فوق دا لو ايجار و لو حبيت اشتري بيت برضا ممكنا لأسعار انا سمعت أنى ممكن اشترى بيت فى حدود 250000 مصرة دا حقيقة و لو تملكت اقدر لحود الإقامة أسفة بتعبك معيا اصل انا أبارح قريت فى الأهرام ان فى شركة بتعرض تشترى بيت و تأسس شركة فى سويد بي 300000 انا كلمتهم قال لى بتدينها نص المبلغ و نص التانى بعد الموافقة و مدة بعد 6شهور براحة خفت تبقى نصب قتلوا انا ممكن إدي لك ماي تبت أنى تندى المبلغ دا بس مش حدين حاجة غير لما تجيب الموافقة هوا طبعا قال لا معلش دوشتك بس حبيت ان حضرتك تعرف برضا عشان تقولي هل دا حقيقي ولا لا أسفة على الإطالة بس من فضلك الأسعار الشقق و البيوت فى الحالتين و لك جزيل الشكر

أسفة بس انا من حضرتك تحدد لى المدينة الى الاقى فيها الأسعار الرخيصة سواء شراء او ايجار شكرااااااااا

تكملة المقال:

الشكر لله يا فندم بالنسبه لانى انصح حضرتك بمدينه معينه تكون ارخص و هاديه دى صعب شويه كل واحد بيستريح فى مكان مختلف فى المواصفات اللى ممكن يكون افضل حل يرضى الاسره بتاعت حضرتك انكوا تعملوا رحله سياحه الاول و منها تتفرجوا على اكتر من حاجه فى البلد و تحددوا المكان اللى عاوزين تعيشوا فيه .

بس المعروف يعنى ان الاسعار فى المدن الكبيره استكهولم و يوتوبورى و مالمو غاليه اكتر بكتير عن المدن الصغيره و ارتفاع الاسعار فى كل حاجه مش فى السكن بس !.

المدن الصغيره و الشمال بالزات الجو فيه اهدى كتير بالنسبه للعيشه بس خلى بال حضرتك للبيزنس برضه الجو هادى و نايم و الحركه قليله . على العكس بالمدن الكبيره بتبقى مليانه اجانب كتير جدا و زحمه بس فى حركه بيزنيس و شركات و حتى الوظايف اكتر بكتير عن المدن الصغيره و مدن الشمال!

اظن ده افضل حل ان حضرتك تعملى رحله للسويد و امريكا الاول و تققروا بعدين المصاريف بتاعت الرحله هاتبقى بسيطه مش هاتكلف كتير لكن المهم ان القرار يبقى مبنى على علم كويس و تبقى شوفتوا كل حاجه بعينكو .

لما حضرتك تعملى الرحله بتدخلى مكتب الاسكات فيركيت اللى هو بتاع الضرايب و بتطلبى تعدوا مع حد مختص بالمشاريع و هايجبولكوا حد و تعدوا تتكلموا معاه و تشرحوا الوضع كله بكل تفاصيله و هو دوره انه يساعدكوا فى احتمال انه يقولكو مترجعوش او على الاقل حد فيكو يفضل فى البلد و هما هايمددوا الفيزا بتاعت الزياره او السياحه ليه او ليكوا عشان تكملوا الاجرائات لان طالما هاتثتثمروا و فى فكره مشروع كويس و مقنع للاسكات خلاص مش هيرفضوا . ( بس انا للامانه مش متأكد من حوار تمديد فيزا الزياره دى هو انا اصحابى قالولى كده و حتى اللى بيستضيف اهله تلات شهور بيروح قبل ما المده بتخلص و بيطلب تمديد و بيخليهم تلات شهور كمان بمجرد زياره لمكتب الهجره و دى حصلت مع كل اهل اصحابى يعنى انا متأكد منها ).

مع العلم ان لو المشروع كويس برضه فى احتمال يدوكوا كورسات لغه و كورسات اداره مشاريع و كورس بتاع تعريف بالسوق و كده لاصحاب المشاريع بس دى بعد ما يطلع لحد فيكو بيرسونال نمبر اول ما يطلع بيرسونال نمبر خلاص يبقى الاسره كلها وضعها اتظبت بالنسبه للاوراق مع الاسكات و بعدين بتوع الهجره طالما الاسكات قال ده مستثمر خلاص بيديكو السنتين اقامه و بعدين بتجدد.

برضه ممكن و حضرتك بتعملى الرحله تكلمى مكتب مختص فى الشؤن القانونيه حتى على سبيل الاستشاره .

يعنى الرحله هاتكون ان شاء الله مجديه جدا و هاتوريكوا نقاط كتير يمكن البلد تعبكوا اكتر او تغيروا رأيكوا خالص !

بالنسبه لاسعار الشقق و البيوت المكان الوحيد اللى ممكن يبين لحضرتك حركه سوق العقارات فى الايجارات و التمليك هو الموقع ده Bost

االلينك ده بتاع العقارات فى كل السويد مش محدد مدينه معينه حضرتك خدى فكره الاول عن الاسعار و الايجارات فى مدن مختلفه و بعدين ممكن تحددى المدينه من اليمين من فوق فى مربع السيرش و تشوفى اسعار كل مدينه على حدى بس فى الاغلب زى ما حضرتك هاتلاحظى يعنى شقه مفروشه فيها كل حاجه فى مدينه صغيره 350 الف كورونا و المصاريف الشهريه بتاع 4000 كورونا ( على فكره المصاريف الشهريه دى تقارب الايجار يعنى بترمى ال 350 الف على الارض لو اشتريتى شقه اى مبلغ هاتدفعيه فى الشقه فى الاول اللى ممكن يوصل لاتنين او تلاته مليون كورونا كل ده اترمى على الارض اكنك مدفعتيش حاجه لان كل شهر برضه هاتدفعى تانى مدى الحياه رسوم ما يقارب من الايجار بتاع الشقه لو خدتيها ايجار مش تمليك !!!!!!!!) حضرتك شوفى الاسعار بنفسك و هاتفهمى انا اقصد ايه اى شقه للبيع بيتكب سعرها من تحت الصوره و جنبه المصاريف الشهريه لو قارنتى المصاريف الشهريه بالشقه الايجار بنفس الحجم و المواصفات هاتلاقى الايجار مقارب ليه .

بالنسبه للبيوت برضه حضرتك هاتشوفى فى الموقع بيوت كتير اوى للبيع لو هاتلاحظى فى البيوت بتدفعى مره واحده بس و خلاص مفيش الفلوس بتاعت كل شهر دى .

قارنى الاسعار و المدن و الموقع ده مفيش افضل منه و نصيحه متسخدميش اى موقع سويدى او عالمى غير الموقع ده فى البحث عن عقارات عشان كل الباقى نصب فى نصب و برضه يا ريت متديش لحد اى مليم الا لما تكونى فى البلد و تمضى عقد رسمى عشان ده مشهور اوى فى السويد انا شرحت موضوع النصب ده فى اول صفحه او تانى صفحه فى الموضوع ممكن حضرتك ترجعيلها تشوفى الاعيب العالم النصابه دى .

بالنسبه للشركه المصرى للاسف البلد فى مصر هايصه و محدش مركز معاهم السفاره اكتر من عشرين مره تنزل اعلانات ان الشركات دى حراميه و ان مفيش حاجه اسمها اقامه لمجرد الامتلاك عقار او غيره بالعكس تعتبر تضيع لاموالك لان الاقامه ليها اجرائات تانيه كتير .

نصب مليون % نصب خساره حتى مكالمه التلفون معاهم و فى اعلانات كتير من السفاره بتحزر من التعامل مع ناس زى دول.

عموما عشان تتأكدى بنفسك ممكن تدخلى اللينك ده بتاع موقع السويد الرسمى

أفضل الوجهات | AR.SWEDEN.SE

من تحت فى تعليقات الزوار فى زائر معلق و كاتب تعليق طويل جدا جدا بالمواقع و المستندات الرسميه عن واحد اسمه قدرى النجار و شركه اسمها سويدش كونيكشن و انهم حراميه و السفاره اكتر من مره تحزر منهم و من الاعيبهم حتى فى الامارات السفاره السويده برضه منزله منشور رسمى للتحزير من التعامل مع الراجل ده و شركته . معرفش لو هو نفس الراجل و اعلانه فى جورنال الاهرام ولا لا .

ده تحزير السفاره فى الامارات من نفس الشخص تحديدا

Warning for incorrect visa and residence | SwedenAbroad

و على فكره موضوع السويد و اليورو ده كلام فارغ عملوا اكتر من استفتاء على موضوع اليورو و الناس كلها رفضت رفض تااااااام ان البلد تتعامل باليورو و كله عاوز يحتفظ بالكورونا !

يا فندم الرسوم اللى هو هاياخدها او غيره من حضرتك لقاء خدماته حضرتك ببساطه تقدمى على فيزا سياحه و تدخلى البلد و تسألى على كل حاجه بنفسك افضل مليون مره. و لو حضرتك فى السويد صعب اوى حد ينصب او يغير من قيمه حاجه لتحقيق مكسب غير معقول السوق هنا مربوط بقوانين كتير محدش يقدر يلعب خالص .

و برده لو فى فرصه تشوفى امريكا و الولايات اللى فيها ظروف و بيئه بيزنس كويسه يمكن تطلع فى الاخر امريكا احلى بالنسبه للبيزنس محدش يعرف رزقه فين و بالتوفيق لحضرتك و اسرتك الكريمه .

حضرتك انا مقدرش افرض عليكى رأى يمكن انا خبرتى او رأيى مش هايفيد حضرتك او يضركوا ده عالم جديد كليا لحضرتك و ليا برضه انا يا دوب بقالى سنه هنا عشان كده اديت حضرتك كل معلومه بالموقع بتاعها عشان يبقى مرجع ليكى فى موضوع القرار النهائى و ممكن بس الاول تشوفى موع بلوكيت و اللينك بتاع العقارات و هاتلاقى بيوت خمس اوض ب 100 الف يعنى . يعنى الاسعار مش غاليه اوى فى اماكن الاسعار فيها حلوه و مش محدوفه طالما معاكوا عربيه خلاص ممكن تبقى 20 او 30 دقيقه بعيده عن مركز المدينه بس ليها مواصلات كويسه او عربيه و يبقى سعر العقارات معقول و كمان مكان هادى و نضيف بعيد عن الزحمه.عموما

صفحه تفتحى فيها موقع البلوكت و كل ما عرض يعجبك تدوسى على Visa var تحت الصوره و هايفتحلك خرائط وحشه اوى كده خدى بس البوستال كود و دورى بيه فى جوجول مابس و انتى تشوفى المنطقه كلها متصوره فى الجوجول مابس و تقررى لو نضيفه او لا او بعيد عن المدينه و لا لا ! و على فكره اغلب السويد متصوره استريت يعنى ممكن تلاقى صور لحد استريت فيو و تشوفى كل التفاصيل فى المنطقه بمستوى نظر الشخص العادى فى المنطقه يعنى ( معلش لو بشرح بطريقه غريبه بس انا معنديش فكره حضرتك خبرتك فى التعامل مع الموضوع بتاع الخرايط و جوجول و الكمبيوتر و كده) و بعد ما حضرتك تلاقى حاجه حلوه تعجبكوا تاخدى اسم المدينه و تعملى بحث عنها و عن الشركات اللى فيها فى نفس الموقع تغير الكاتوجورى بتاع البحث من بوستاد يعنى عقارات لمثلا جووب يعنى وظائف او ترانياستر يعنى خدمات عشان تعرفى الشركات هناك ايه اخبارها و تشوفى الطرق و المواصلات و كل التفاصيل دى مش هاتاخد منك تلات اربع دقايق على النت و تعرفى كل حاجه.

عموما هو سهل اوى يعنى و فى الاخر برضه زياره لعدد من المدن مش هاتكلفكوا كتير و هاتشوف كل حاجه فى الواقع .

بالتوفيق بأذن الله .

رد متداخل:

اتمنى ان المضوع مايكونش مكانة مخالف....و لو كان اتمنى فقط نقلة للمكان الصحيح !!!

لى اصدقاء بولنديين ( محامين ضرائب ) زوج و زوجة نعرف بعض من حوالى 11 سنة من ايام ماكنت تورليدر معاهم فى الغردقة من زمان.. حالين هم محامين مش مشهورين قوى بس شغال يعنى!! ....زارونى انا و اسرتى عدة مرات و سياتوا مرة اخرى فى فبراير القادم و هذة المرة قررنا ان نزورهم فى وارسو حيث مكان اقامتهم و مكتبهم. طلبوا منى بيانات الباسبورات( انا و المدام و طفلين ) لتجهيز الدعوة وا حضارها معهم فى فبراير القادم على ان يكون السفر فى شهر 6 .

السؤال لحضراتكم..

1- هل لو اقدمت و اخدت فيزا شنجن من حقى انى اسافر اى دولة تانية اوربية مباشرة من القاهرة وتكون اول محطة لى و ااقدم لجؤء فيها على الرغم من ان الفيزا بولندا؟

2- طيب لو مش ينفع هل ااقدر ااقدم فى بولندا اللجؤء ....وهل هى دولة تستاهل الواحد يعمل فيها لجؤء؟ يعنى انا اعرف ان مميزات اللجؤء هناك مس فوية زى السويد مثلا

ولا انتو رايكم اروح فعلا سياحة شهر و ارجع بعدها ااقدم بعد 6 شهور مثلا فى السويد و هناك اعمل اللجؤء؟ واكيد الفيزا البولندية هتساعدنى فى سفارة السويد.( المشوار دة كلة مع اسرتى مش لوحدى)

3- و هو الاهمممممم هل هناك اى ضرر على صحابى دول سواء من تقديم اللجؤء فى بولندا او اى دولة تانية

علشان انا بصراحة مش عايز اضرهم فى اى شىء. و هل لو صارحتهم بالموضوع هنا فى مصر لما يييجوا فى فبراير هل ممكن يساعدونى هناك فى حالة تقديم اللجؤء لبولندا.

رد متداخل:

السلام عليكم آخى الكريم اشكرك على ردودك جزاك الله كل خير اردت ان أخبرك ان زوجى راح سفارة و قابل هناك الحلق التجاري و كانوا فى غاية الاحترام و تعاون و بجد ناس مرحبين أوي ربنا يسهل ان شاء الله بنسبة للمدينة إحنا اخترنا جونتبرج ان شاء الله إيه اخبار الايجار هناك بنسبة لى bost مش لقية فيه الانجليزى كل بسويدى مش عرفة اقرأ حاجة سالتنى لو بعرف اشتغل على كمبيوتر طبعا من فى زمن دا مش بيعرف يشتغل عليه شكرًا لك آخى الكريم

تكملة المقال:

من الموبايل

و عليكم السلام ورحمه الله الناس بالفعل مؤدبين جدا لو قريتى باقى موضوعى الناس دى فيها ادب و اخلاق غريبه حتى مع مثيرى المشاكل. عموما خليه يمشى مع السفاره فى كل الخطوات و يشوف هما هايدلوه على ايه و هما عارفين ايه الافضل و لو عندهم اى ظن ان الفكره مش ناجحه بيقولوا مش بياخدوا فلوس حد وخلاص دول مش هايخدوا اى فلوس لتسجيل المشروع او اى حاجه الا لما يكونوا متأكدين ان الفكره ناجحه عموما ربنا يسهل و يدلوكوا على الطريق الكويس.

بالنسبه للموقع

هادى لحضرتك دلوقتى لينك الموقع ل جوتنبرج ( "يوتوبورى" بالسويدى الجى بتبقى سايلنت و بتنطق ي الا فى حالات معينه )

بالنسبه للترجمه فى حلين يا تحطى اللينك فى جوجول ترانسليت او تنزلى الكروم على الموبايل او على الكمبيوتر العادى و تخليه يبقى انجلش و انتى بتستبيه على الجهاز بالتالى اى صفحه بتفتح بلغه مش انجلش بيظهر من فوق بار كده بيقولك تحبى اترجمها لانجلش تدوسى ترانزليت الصفحه بتترجم على طول و اى لينك تدوسى عليه فيها بتترجم برضه

اللينك

Bost

او ده اللينك مترجم جاهز من جوجول Google Translate

من اليسار ممكن تختارى نوع العقار شقه او بيت او غيره و بعدين تمليك او ايجار بس لو حاجه اتغيرت فى الصفحه لازم تعيدى الترجمه تانى فأنا هاعملهم لحضرتك

ده بتاع الشقق بس

Google Translate

و ده بتاع الشقق الايجار بس

Google Translate

و ده بتاع البيوت كلها مع بعض

Google Translate

الايجار فيهم مش كتير اغلبهم تمليك لو حضرتك فى مشكله تانى عندك فى البحث فى الموقع ممكن نشوف حل تانى للترجمه .

يا ريت بلاش اى موقع تانى ! عشان النصب كتير اوى !

بالنسبه ليوتيبورى الحياه فيها كويسه الحمد لله زحمه شويه بس مش لدرجه الزحام بتاع استكهولم و مالمو و كميه الاجانب معقوله و الوظايف الى حد ما بالاحصائيات تعتبر معقوله عن باقى المدن الكبيره .

فى يوتوبرى الميناء الرئيسى بتاع البلد و اغلب شركات الشحن و الستيراد و كده شغلهم بيبقى حوالين المينا.

السكن كويس و اسعاره مش عاليه اوى زى استكهولم بس فى حوالين يوتوبورى كوميونات ( مدن اصغر) دول المسافه مش كبيره بالعربيه او المواصلات لكن الاسعار هايله فيها فى الشراء او الايجار ولو ان الايجار هناك صعب شويه عشان اغلبها بتبقى تمليك .

لو قريتى اول صفحتين عن تفاصيل الحياه دى كلها عن يوتوبورى المدينه اللى حضرتك اخترتيها لانى انا و محمد صديقى اللى كتبنا التفاصيل دى عايشين فى نفس المدينه دى فكل التفاصيل اللى اتكلمت عليها من الموضوع دى عن يوتوبورى بالتحديد الاسعار بتاعت الاكل و الشرب و الحاجات دى طبعا على حسب الموسوم و كده بس اسعار السكن الى حد ما ثابته يعنى رينج 6000 لو شقه مساحتها كويسه فى مكان معقول لو مكان فاخر شويه بيبقى الايجار ممكن يوصل ل 12000 وفيه اعلى كتيرده بالنسبه للساكند هاند. ( طبعا لازم الوضع فى الاعتبار مستوى الدخل بالنسبه للاسعار).

ممكن حضرتك ترجعى لاول صفحتين و تشوفى كل تفاصيل العقد العادى او العقد الساكند هاند اللى بنسميه فى مصر مأجر من الباطن و ده قانونى على فكره و رسمى مفيش منه مشاكل لان فى الاول يفضل ايجار و بعدين لما تستقروا يبقى تمليك . هما فى الاغلب فى السفاره هايقولوا نفس الكلام ده لجوز حضرتك الحصول على عقد فيرست هاند او من الشركه مباشره فى اول فتره ده صعب شويه و مفيش وسايط ولا حتى رئيس الوزرا يعرف يخدم فى النقطه دى كله بيستنى دوره فى الانتظار ممكن يستمر سنين على حسب المكان اللى مختارين تأجروا فيه لو مكان كويس و فاخر هايبقى فتره الانتظار سنين طويله لو مكان متوسط او عادى يعنى منطقه زحمه و كلها اجانب ممكن الانتظار يبقى بضع شهور لسنه ممكن او اكتر على حسب الوضع بتاع المنطقه المرغوبه فيها .

الحل التانى بتاع الثاكند هاند ده من على بلوكت (الموقع اللى بعته لحضرتك) كل الناس العارضه ايجار ده بيبقى ثاكند هاند مش فيرست هاند ده بتأجرى من مستأجر و ممكن يكون هو نفسه مستأجر من واحد تانى و ده قانونى برضه مفيش مشاكل!

ممكن تجيبى شقه صغيره فى حدود من 3000 الى 4500 فى الشهر مثلا بس بتبقى اوضه و مطبخ و حمام بنسميها فى مصر استوديو بس هما بيعتبروها شقه يعنى زى ما قولت قبل كده هما شاطرين جدا فى استغلال المساحات .

ده بالنسبه للايجار بالنسبه للتمليك ده مش هاينفع من مصر ده حضرتك لما تبقى موجوده هنا بتتفرجى بنفسك و تقررى لان المبلغ مش قليل! و برضه فى تفاصيل دقيقه لازم حضرتك تشوفيها بنفسك و مهندس يقولك رأيه فى البيت حتى لو كان صغير. مثلا التدفئه و السيستم بتاعها و السيستم بتاع الصرف و الميا و السقف و العزل و لو اشتريته بيت فى الصيف طبعا ممكن يكون فى مشكله مش باينه بتبان فى الشتا بس و هكذا يعنى من الموقع خدى بس فكره شامله و عامه عن المتاح و الاسعار و اعملى احصائيه عن الاسعار و مكانها على الخريطه هاتلاقى انها مرتبطه بالمسافه لحد وسط المدينه و برضه بحجم البيت و المواصلات حواليه.

بالنسبه لعربيات و القياده هنا زوج حضرتك او حضرتك لازم تاخد بالكوا ان بالرخصه المصرى (بعد ترجمتها او عمل رخصه دولى من نادى السيارات المصرى فى طلعت حرب) مش هايقدر يسوق الا سنه واحده بس و فى خلال السنه لازم يعمل رخصه سويدى و دى بتتكلف وقت و مجهود و نسبه النجاح قليله اوى من اول او من تانى محاوله فى الاختبار !

بالنسبه للعربيات مش غاليه خالص سعرها معقول جدا هى بس الضريبه السنويه و دى بتبقى محسوبه على مقدار الانبعاثات المضره بالبيئه من العربيه لو عربيه قديمه بتبقى انبعاثات اكتر بالتالى ضريبه اعلى شويه فى التسجيل و الديزل طبعا ضريبته اعلى بكتير من البنزين مع ان الديزل موفر وارخص لكن ضريبته اعلى عشان مضر بالبيئه.

فى برنامج حضرتك ممكن تحمليه لو عندكو تلفون فيه اندرويد او اى فون و اى صوره عربيه تعجبكوا فى موقع البلوكيت ده تدخلى رقم التسجيل بتاع العربيه ( النمر بتاعت العربيه يعنى بتبقى تلات حروف وتلات ارقام ) و منه بتعرفى العربيه دى تحديدا بتدفع كام ضريبه كل سنه و الرسوم و متسجله من امتى ولو شركه اللى بتمتلكها بتعرفى اسم و عنوان الشركه كمان ! و حتى فى الفحص بتاعها لما صاحبها فحصها كانت اخر مره امتى وهل كمان فى الفحص كان فيه ملاحظات ولا لا يعنى ادق التفاصيل ممكن صاحب العربيه نفسه ميعرفهاش او ناسيها و ده برنامج رسمى عادى و خدمه متوفره لاى حد و موجوده فى الاندرويد ماركت ببلاش كمان ! و كمان قيمه العربيه جديده و قيمتها على حالتها الحاليه يعنى مفيش احسن من كده و كل ده من معلومات رسميه مش من تقدير اى حد فى الشارع .

المواصلات لو ساكنين فى مدينه بعيده شويه عن السنتر بتبقى اغلى شويه و البلد متقسمه اكتر من زوون و كل زوون له سعرين سعر للتنقل جوه الزوون نفسه و سعر التنقل من الزوون و اليه من وسط المدينه او الزوون الرئيسى يعنى . بس كله بأشتراك برضه و يعتبر موفر جدا و المواصلات متوفره على مدار الساعه مفهاش مشاكل .

طبعا دى تفاصيل ثانويه بس بعد ما تكونوا ان شاء الله فى البلد كل دى بتدبر مفهاش مشاكل خالص.

دلوقتى حضرتك ممكن تجربى موضوع الترجمه بتاعت جوجول او الجوجول كروم و تشوفى العروض المتاحه على الموقع بيبقى اغلب التمليك من شركات مش من اشخاص و دول فى الغالب بيعملوا باكج كامل يعنى التمليك بالتأمين بكله و بيعمل بلان كمان لو بيتوا تغيروا حاجه فى الديكور و بعض الشقق او اغلبها بيبقى مفروش و براحتكوا لو تحبوا متبقاش مفروشه مفيش مشاكل.

بس نصيحه الشقق بغض النظر عن ان مكانها ممكن يكون فى قلب المدينه بس برضه ان الواحد يرمى مبلغ كبير مليون او اتنين مليون على الارض و كل شهر يدفع تانى رسوم تقارب قيمه ايجار نفس الشقه و كمان لمدى الحياه اظن انه اختيار مش مجدى بالمره لانى ممكن أاجر شقه من غي رما ادفع الملايين اللى فى الاول و عندى نفس الامتيازات و برضه لمدى الحياه ( العقود هنا غير محدده بمده طالما فيرست هاند من شركه السكن ) .

و ربنا يوفقكوا و تبقى نقله موفقه ان شاء الله .

رد متداخل:

يعطيك ألف عافية على الشرح الكافي الوافي ...

حقيقة ببداية الموضوع تشجعت جدا للقدوم إلى السويد لكن لما وصلت للحديث عن أعداد اللاجئين السوريين وعدم إمكانية استيعابهم بالإضافة إلى الكلام عن "مستغلي" النظام السويدي بدأ التردد جدا وبدأت فعلا بالتفكير بتغيير وجهتي إلى النرويج مع خوفي من أن يكون الوضع هناك أسوأ لمعرفتي بأن النظام في النرويج ليس بمستوى التطور الموجود في السويد ...

في العموم سأكون في السويد الشهر القادم بإذن الله لتقديم طلب اللجوء مع عائلتي "بعد الإستخارة" وإن تيسرت للسويد وإلا فالنرويج ...

شكر من أعماق قلبي والله يوفقك وييسرلك مرادك وإن تيسرت الأمور بإذن الله نلتقي

لى اصدقاء بولنديين ( محامين ضرائب ) زوج و زوجة نعرف بعض من حوالى 11 سنة من ايام ماكنت تورليدر معاهم فى الغردقة من زمان.. حالين هم محامين مش مشهورين قوى بس شغال يعنى!! ....زارونى انا و اسرتى عدة مرات و سياتوا مرة اخرى فى فبراير القادم و هذة المرة قررنا ان نزورهم فى وارسو حيث مكان اقامتهم و مكتبهم. طلبوا منى بيانات الباسبورات( انا و المدام و طفلين ) لتجهيز الدعوة وا حضارها معهم فى فبراير القادم على ان يكون السفر فى شهر 6 .

السؤال لحضراتكم..

1- هل لو اقدمت و اخدت فيزا شنجن من حقى انى اسافر اى دولة تانية اوربية مباشرة من القاهرة وتكون اول محطة لى و ااقدم لجؤء فيها على الرغم من ان الفيزا بولندا؟

2- طيب لو مش ينفع هل ااقدر ااقدم فى بولندا اللجؤء ....وهل هى دولة تستاهل الواحد يعمل فيها لجؤء؟ يعنى انا اعرف ان مميزات اللجؤء هناك مس فوية زى السويد مثلا

ولا انتو رايكم اروح فعلا سياحة شهر و ارجع بعدها ااقدم بعد 6 شهور مثلا فى السويد و هناك اعمل اللجؤء؟ واكيد الفيزا البولندية هتساعدنى فى سفارة السويد.( المشوار دة كلة مع اسرتى مش لوحدى)

3- و هو الاهمممممم هل هناك اى ضرر على صحابى دول سواء من تقديم اللجؤء فى بولندا او اى دولة تانية

علشان انا بصراحة مش عايز اضرهم فى اى شىء. و هل لو صارحتهم بالموضوع هنا فى مصر لما يييجوا فى فبراير هل ممكن يساعدونى هناك فى حالة تقديم اللجؤء لبولندا.

تكملة المقال:

السلام عليكم بص هو ان اهارد على الاستفسار بس دى تالت او رابع مره تكرره فى المنتدى و غالبا استاذ ضياء او استاذ كينج هايمسحوه بس عموما طالما عاوز تعرف الفكره اللى بتفكر فيها كويسه ولا لا !

بص يا سيدى:

اولا لو قولت لصاحبك على الموضوع ده هايخاف منك لان مستقبله ممكن يضيع فى الحوار ده بالزات بتاع كسر الفيزا و انك تروح دوله تانيه.

بولندا مش هاتقبل لجوءك و هاتبقى ترحيل و قضيه و غرامات و اللى باعتلك الفيزا ده هايتبهدل بالزات لو هو اللى ضامنك ( ممكن تعمل سيرش بسيط عن بولندا و اللجوء و تشوف بنفسك).

سفاره السويد لا تبالى بفيزا بولندا لما بتقدم على فيزا بعد كده كل اللى يهمها انتا رايح هناك تعمل ايه بالظبط فى السويد يعنى مثلا مش تبقى موظف و مرتبك عادى مش كبير و مفيش مشروع او ارض او اى املاك و تقولهم انا رايح سياحه حتى لو معاك مبلغ التأمين و حاجز الرحله .

بالنسبه للجوء من شروطه ان الدوله اللى بيجيلها لاجئ جاى من دوله اوربيه تانيه لازم يرحله و يتم النظر فى القضيه فى اول دوله اوروبيه دخل منها حتى ان كان طفل لوحده ( ده نص القانون ) وده لسه حاصل من ايام فى التلفزيون طفل افغانى جاى من ايطاليا هربان من "سوء معامله الايطاليين فى معسكرات اللاجئين" و بيطلب لجوء فى السويد و بعد ضغط الاعلام سابوه عشان حقوق الانسان

ده نص الخبر بتاع الطفل اللى بكلمك عليه و فيه توضيح للاعتداء اللى تم عليه فى ايطاليا و نص معاهده دبلن

مصلحة الهجرة تتراجع عن تسفير الفتى الافغاني الى ايطاليا - arabiska - العربية

ده خبر تانى عنه

الصبي الأفغاني قد يبقى في السويد لأسباب إنسانية - arabiska - العربية

و ده كمان

شرطة الحدود ترفض وقف قرار تسفير فتى أفغاني بالرغم من مطالب مصلحة الهجرة - arabiska - العربية

يعنى الموضوع مش تحصيل حاصل بمجرد وصول الشخص الحدود السويد بتاخده بالحضن ! لازم يكون فى سبب مقنع لاستقبال اللاجئ و بيتم التحقيق فيه .

مصر لا تشملها معاهده دبلن بتاعت اللجوء و كل المعاهدات عشان هى منطقه مستقره تعتبر و سفارات الدول الاجنبيه اللى فيها بتبعت تقارير لبلادها عن الحاله العامه سياسيه و اقتصاديه ولا يقبل منها لجوء الا فى حالات نادره جدا ( اضطهاد رهيب او مصيبه كبيره انتا مظلوم فيها ولازم تثبت ده و السفاره تأكد كلامك لان مصر فيها حكومه يمكن اثبات اى كلمه هاتقولها مش زى العراق او الصومال-ربنا يرفع عنهم الظلم- ميقدروش حتى يثبتوا الشخصيه نفسها فما بالك بالقصه - بمعنى اخر مش هاتعرف تكدب - يعنى لو عندك فعلا مشكله تستحق هايقبلوك فى دوله زى السويد لكن بولندا انسى )

وجود الاطفال معاك بهدله ليهم مش اكتر مش هايضمنوا ليك اقامه او لجوء ( خلى بالك من النقطه دى اوى )

ده نص القانون من موقع الهجره السويدى بالنسبه للاطفال

http://www.migrationsverket.se/downl...ifamilj_ar.pdf

ده مصلحه الهجره سؤال و جواب و مركزين على سوريا

2223 - Migrationsverket [NS4 version]

و ده نص معاهده دبلن ممكن حضرتك تقراها و تشوف السيناريو ماشى ازاى

http://www.migrationsverket.se/downl...dningen_ar.pdf

كده معاك كل النصوص الرسميه اقراها كويس اوى قبل ما تعمل اى خطوه و ربنا معاك

اعقلها و توكل

بالتوفيق

السلام عليكم

اضافه بسيطه بس فى البحث فى موقع بلوكت

لما حضرتك تعملى بحث و حاجه تعجبك لو المعلن حاطط ايميل بس و فى زرار ميل بس مفيش رقم تلفون ابعدى عنها خالص دى بتبقى نصب على المغتربين بالزات الناس اللى لسه بره البلد هو بيجيله بتاع 100 ايميل و بينقى اللى لسه موصلش البلد و بينصب عليه.

لازم لو حبيتى تكلمى صاحب شقه او بيت بلاش اللى بيحط ايميل بس دايما اتصلى باللى حاطط رقم تليفون و متقلقيش كل السويد بتتكلم انجلش من اصغر طفل لحد اكبر جد او جده و انجلش اميريكان مش بريتيش لو حد لقيتيه مش بيعرف يتكلم انجلش يبقى ده اجنبى مش سويدى.

و بالتوفيق ان شاء الله

رد متداخل:

سؤال فني يا صديقي ...

حسب فهمي حتى الآن أن غوتنبرغ أو يوتيبوري هي الأفضل للإستقرار لكن هل وضع العمل فيها صعب كمان؟

إن كان صعبا فهل فيه مدن أخرى في الجنوب (عدا مالمو) يمكن السكن والعمل فيها ولو كان فتح مطعم أو مقهى صغير مع العلم بأنني سأتقدم للجوء لكني أود أن أعمل في أقرب وقت ممكن فلا يمكنني الإعتماد على مساعدات من أحد ولو كانت الدولة نفسها ... فهل ممكن أن تسهّل البلدية مثلا لي أي عمل حتى لا أضطر لأخذ مساعدة؟

سمعت إن بعض العمالة تتوجه للنرويج فهل على علمك الوضع في النرويج أفضل من ناحية العمل والقوانين أم أن البلدين فولة وانقسمت نصين؟

شكرًا لك آخى الكريم على اهتمامك و مساعدتك لنا ربنا يجعله فى ميزان حسانتك ان شاء الله بنسبة لى bost شكراااااا على تنبيه بس لسة ملقتيش اى حاجة من الى إحنا بنفكر فيه يعنى إحنا عيزين بيت دورين يعنى تحت ممكن يبقى المكتب و فوق السكن و كمان يبقى فيه مكان مخزن و لو لقيت يلاقى الأسعار كبيرةةةةةةةةةة اويييي ربنا يسهل يارب رأيك ستوكهولم أحسن بنسبة لشغل ولا جتنبًرج .والله حمية شايف ستوكهولم و إحنا بنقول جتنبًرج صحيح جتنبًرج هى يوتربى مش عرفة و لك جزيلالشكر

تكملة المقال:

العمل عموما صعب من غير لغه و لو لجؤك اتقبل بيسمحوا ليك بالعمل اصراحه مفهمش اوى الضوابط ايه بالنسبه للاجئين بس هما ليهم مزايا بتاعت مساعده الترسيخ انا معنديش معلومات عنها كلها مكتوبه بالعربى فى موقع الهجره ممكن تقراها !

بالنسبه لمكان العمل ده رزقك بقى تلاقيه فى يوتوبورى تلاقيه فى مالمو او غيرهم انتا وحظك و مؤهلاتك و اللغه طبعا قبل اى حاجه و لازم رخصه برضه عشان تلاقى عمل بسرعه و دى بتاخد وقت ومجهود كتير شويتين من غيرها فرضك بتبقى ضعيفه و من غير لغه مفيش فرصه اصلا الا لو معاك مؤهل عالى و خبره كويسه و تقدر تثبتها !

خلى بالك فى قانون جديد بيجبر اللاجئ انه يسافر من منطقه معيشته لو متوفرش عمل مناسب عشان الناس بقت تعد فى المدن الكبيره و تاخد مساعدات و مفيش شغل ليهم اصلا دلوقتى بقى اجبارى تسيب البلد اللى انتا مقيم فيها و تروح تدور فى كوميون تانى لو ملقتش عمل مناسب. لسه القانون الجديد ده مش معروف اوى هايطبق ازاى ولا امتى بس ده دخل مرحله التطبيق الفتره الاخيره و كلنا سمعنا عنه .

و كمان بيقولك لو منتقلتش بيمنع عنه المعونات وده نص الخبر

المعونة قد تحجب عن اللاجئ الذي يرفض الأنتقال الى حيث تتوفر الأعمال - arabiska - العربية

بالنسبه للمشاريع الصغيره لو معاك فلوس تغطى التكاليف مفيش مانع الكوميون مش هايقولك حاجه اشتغل و مفيش مشاكل بس هى مكلفه شويه ايجارات و مرتبات و كده لكن لو مشروع كويس يبقى الربح بيغطى ان شاء الله بس برضه ده رزق ربنا .

مساعده الكوميون دى برضه بترجع لمؤهلك انتا و موقفك من الهجره هل خلاص معاك قرار ولا معكش و مستنى القضيه بتاعتك دى تفاصيل قانونيه المكتب اللى بتتعامل معاه هو اللى بيساعدك فيها بس برضه على العموم لو وظيفه عاديه او بسيطه حتى مع مساعده الكوميون و مساعده مكتب العمل فى مرتبك برضه فرصه تعتبر صعبه للغايه من غير لغه الا لو حد عربى حب يشغلك و المرتب البسيط عنده بس ده خلاص الحكومه عملت قوانين تحدد الموضوع ده عشان اصحاب العمل بقوا تانى بيستغلوا القانون لصالحهم لمه الست شهور بتاعت الميزه و بعدين بيقولك لا العامل مش عاجبنى و هكذا !

حوار العماله اللى بتروح النرويج دول مهندسين اغلبهم او بيشتغلوا فى البناء عموما و بالزات سواقين الكراين ( البتاع اللى بنسميه ونش فى مصر معديات تقيله يعنى) غير كده معرفش اصراحه حد راح هناك ولقى وضع احسن او اسهل فى الشغل الا ناس مهندسين و الوضع واحد بالعكس هناك بيعانوا من غلاء الاسعار اغلى بكتير من السويد و المرتبات مش اعلى كتير يعنى مش جايبه همها الا لو حد بقى مهندس تقيل و خبره كبيره و راجل ادارى فى مركزه ده بياخد مرتب كويس فى انجلترا او فى النرويج و السويد برضه على حسب هو ما يحب يعنى .

لما بتبقى فى البلد ان شاء الله الظروف بتبقى افضل و كله بالكونتاكت مفيش شغل من غير كونتاكت حتى لو خبير فى مجالك لازم كونتاكت و ريفرينس و لغه و رخصه و كام حاجه كده كلهم بيجوا مع الوقت فى البلد انما نيه من بره ! مش هاتنفع

ربنا يسرلك الحال و يكرمك للافضل .

متشكر لدعوه حضرتك بالنسبه للموقع مهو المعروض بيبقى اغلبه من شركات بس ايجارات فى البيوت صعبه حبتين و الشركات عشان بتسلم البيت متشطب فطبيعى بيبقى سعره عالى اوى لان المرتبات و الضرايب عاليه جدا فأى شركه طبيعى انها بتضع كل ده على السعر النهائى !

طيب جربى الاعلانات اللى هى من اشخاص مش مكتوب اسم شركه فيها دى بتبقى اسعارها افضل لكن برضه كل ده مش الحل الحل ان حضرتك تكونى موجوده فى البلد و تشوفى بنفسك و تقررى لان شراء بيت من على النت ده اظن انه اختيار صعب حبتين و فيه مخاطره و اصلا لو شركه او مالك مش هايرضى يتعامل معاكوا الا لما يبقى معاكوا بطاقه او رقم شخصى فى البلد او يشوف بعينه اوراقكوا لان زى ما قولت فى نصب كتير و لو رضى يتعامل معاكوا بالتلفون و النت يبقى هو اللى نصاب !

ايوه هى بتنطق بالسويدى يوتوبورى لكن بالعربى بيسموها جوتنبرغ و انجلش برضه بتنطق جوتنبرج لكن بالسويدى يوتيبورى.

و اللهى الاختيار بين استكهولم و يوتوبورى اصراحه انا معيشتش فى استكهولم معوماتى عنها محدوده غير اللى فى الاخبار و كلام الناس اصحابى عن الزحمه(اكتر من ضعف عدد السكان بالنسبه ليوتوبورى ) و الغلاء بتاعها (بالزات فى العقارات) لكن اصراحه مرحتش.

حضرتك افضل حل تعملوا رحله حتى اسبوع و تشوفوا بنفسكوا كل حاجه على الواقع يمكن تعجبكوا مدينه تانيه خالص غير دول فى مدن جميله بس بالنسبه للمركز التجارى هو يوتوبورى عشان المينا و المصانع الكبيره هنا زى ساب و فولفو و اس كو اف و اغلب المراكز الرئيسيه للشركات بتبقى هنا بطبيعه الحال عشان المينا و المينا هى المركز التجارى بتاع دول النورديك كلها وكمان هى اكبر مينا فى اسكندافيا يعنى نفس المكان بيخدم النرويج و ايسلندا و الدنمارك و فنلندا .

و كله بيرجع لطبيعه المشروع هل هو محتاج يبقى جنب المينا ولا فى اى مكان و خلى بال حضرتك من النقل يعنى فى دراسه الجدوى لازم تركزوا فى الحته دى اوى ان نقل اى منتج مهما كان حجمه كارثه فى الغلاء اى كان نوعه داخل السويد نفسها و كل ده اسعار مضافه الى السلعه.

تفاصيل البيسنيس انا اصراحه مفهمش اوى انتوا ادرى بيها و كلام الملحق التجارى بتاع السفاره هو المفيد فى النقطه دى بس هاتبقى الحياه صعبه لو عايشين فى مدينه و البيسنيس بتاعكوا فى مدينه تانيه بالزات فى اول المراحل .

و ربنا يوفقكوا للى فيه الخير ان شاء الله

رد متداخل:

الحقيقة إن شاء الله موضوع اللجوء يزبط ونحنا أخدنا بالأسباب جميعها وكلو بإذن الله

بالنسبة للغة ماعندي مشكلة فيها لإني أساسا دارس أدب إنكليزي وموضوع اللغات وأصولها عندي طبيعي وبديت حبة حبة واتعلمت بعض الكلمات والجمل (يعني تسليك حال) وكل لغة بدايتها صعبة لكن حسب الشخص واستيعابه بقا .. ممكن تتعلم وتبدا خلال 6 شهور وممكن تقعد 3-4 سنين ولا تعرف غير كم كلمة ... ولا شو رأيك ؟

موضوع الشغل بالذات عندي مشكلة فيه لإني مو حابب ضل عالة ... يعني اللي عجبني بموضوعك من الأساس انتقادك ورفضك لفكرة الناس اللي بتستغل نظام وقانون بلد اخترع أساسا لحماية "المقيم" قبل المواطن ... وبالتأكيد أنا أرفض فكرة الإستغلال لأنها بتسئ لسمعة الإسلام ... والمشكلة إنو وظيفتي القديمة هي إدارة عمليات تجارية Retail وعندي خبرة 5 سنوات فيها وبعرف إنو البداية أو إيجاد عمل بهالسرعة رح يكون صعب لكن ما عندي مشكلة بأي عمل ولو كان يدوي وبأي مكان .... لكن الشي الوحيد اللي ممكن يسببلي مشكلة هو إني عندي بنتين صغار وممكن الجو يكون صعب عليهم ...

أهم شي عندي إني إبعد أصحاب المشاكل عني خصوصا العرب وأعتقد إنو الإندماج بالمجتمع السويدي مهم لكن بنفس الوقت لازم كون قادر على ممارسة أمور ديني بدون مضايقات وإضمن تدريس بناتي بجو محافظ لكن غير منغلق على الآخر ...

بالنهاية أنا من الناس المتفائلين واللي بيعتمدو على حسن الظن بالآخرين وأتمنى أثناء رحلة البحث عن العمل والإستقرار أن أواجه ناس منفتحين على الغريب ومافي بعقولهم أحكام مسبقة ضدنا والأهم ما يكونوا عنصريين ...

عندي أقارب في مالمو لكني اتخذت قرار بالإبتعاد عنها تماما وأتمنى يكون قرار صائب

تكملة المقال:

بس انا كنت اقصد لغه سويدى مش انجلش البلد كلها بتتكلم انجلش الا اغلب الاجانب و انجلش بيرفيكت و كمان بأكسنت وسرعه زى الامريكى بالظبط لكن فى الشغل لازم سويدى مش انجلش عشان اى خدمات هاتقدمها طبيعى هاتقابل اجانب كتير ولازم تكملهم سويدى لان دى اللغه اللى اتعلموها فى البلد غيرها ميعرفوش ! ده غير قراءه و كتابه التعليمات و المعاملات الورقيه طبعا بالسويدى مفيش انجلش و يعنى ابسط مهام عملك بتطلب انك تكون ملم باللغه السويده اْلمام تاام عشان تقدر تباشر عملك كويس حتى لو كان عملك بسيط بتشيل و تحمل يعنى شغل عضلى برضه لازم لغه عشان تقرا التعليمات ! ده الحال الواقع و مش هايتغير لان ببساطه انتا بتقدم على الشغل وانتا اللغه ضعيفه بس غيرك جاهز و لغته تمام و مستنى و مش لاقى شغل و مكتب العمل عاوز يشغل اللى حاله واقف بقاله فتره و يركن الجديد شويه لحد ما دوره يجى او هو ورزقه بقى يعنى كلام منطقى و طبيعى بعيدا عن اى توقعات متفائله او متشأمه .

بالنسبه للاندماج و كده ده موضوع بيختلف من شخص الى اخر على حسب تقبلك للبيئه الجديده و تقبل الناس اللى حواليك لتصرافتاك و غيره تفاصيل مش ينفع تتشرح دى بقى ممارسات يوميه .

ممارسه امور دينك اى كان دينك ده بيتم فى حريه تامه لان كميه الاجانب الرهيبه هنا جابت معاها طبعا كميه معتقدات مختلفه بقى ديانات و معتقدات يمكن اكتر من اى مكان فى الدنيا ده لسه ديانه جديده بتاعت قراصنه الكمبيوتر الهاكرز يعنى و اسمها "كوبيميزم" و الحكومه اديتهم تشريع انهم يعملوا كنائس بأسمهم و بمعتقدهم و ده الخبر

السويد تعترف بديانة جديدة | AR.SWEDEN.SE

و كمان عاوزين يعملوا حزب القراصنه

فالنقطه متخافش منها خالص اى حد بيمارس طقوسه و معتقداته زى ما هو يحب طالما مش بيضر حد عندنا الحمد لله جوامع من ارقى ما ممكن تشوفه فى حياتك و خدمات على اعلى مستوى تتخيله يعنى الجاليه الاسلاميه الحمد لله قايمه بالواجب و اكتر.

بالنسبه لتعليم البنات متخافش عليهم التعليم واحد و عادل للجميع لدرجه ان فى مدرسه اتحاسب مديرينها و اتعملهم كارثه لمجرد انهم دخلوا اليوجا فى التمارين الرياضيه و اليوجا تعتبر ديانه او معتقد دينى وغير مسموح بتاتا تدريس او نشر اى معتقد دينى اى كان فى المدارس بتاعت البلد عشان تحقق العدل بين الاطفال لان اغلب الاطفال اجانب و كل واحد ليه معتقد عشان كده بيمنعوا تدريس اى معتقدات عشان محدش يتظلم و برضه نفس الوضع بالنسبه للاكل فى المدارس.

و ده نص الخبر

بلاغ ضد مدرسة في أوسترمالم بسبب ممارسة اليوغا - arabiska - العربية

يعنى متقلقش لو حبيت فى مدارس اسلامى بس لما تشوفها الاول تبقى تقرر لو حبيت تخلى البنات تدرس فيها .

متقلقش من موضوع العنصريه طالما انا عاوز تجتهد كله هايحترمك ان شاء الله

وربنا يوفقك

رد متداخل:

أما حزب القراصنة ودين الهكرجية فـ .... عجيييييييييب

كلامك بيطمن لكن زي ما قلت ... كلو على أرض الواقع ممكن يكون أوضح

المهم قريت شوي عن يوتيبوري وشفت شوية صور بس حسيتها مدينة شغل وبس يعني حتى طبيعتها لا تقارن بستوكهولم أو مالمو ... ما رأيكم دام فضلكم؟

وعلى علمك .. عطل نهاية الأسبوع أو العطل الطويلة وين عادة بيقضوها أهل يوتيبوري؟

تكملة المقال:

وعلى علمك .. عطل نهاية الأسبوع أو العطل الطويلة وين عادة بيقضوها أهل يوتيبوري؟

واللهى انا معرفش طبيعه مالمو او استكهولم بس انا كنت فى شرق اوروبا لفتره و يوتوبورى تعتبر مليانه مناظر طبيعيه على عكس المدن اللى كنت فيها يعنى بتركب مركب من اى محطه فى وسط البلد و بتروح تاخد لفه على مجموعه الجزر حوالين المدينه كلها مزارع و بيوت شكلها عتيق كده و جميله اوى و مفيش اى عربيات هناك خالص الهوا ريحته غريبه نضيف زياده عن اللزوم.

ده غير المتاحف و الحدائق و الجبال و حاجات كتير بس انا اصراحه مش غاوى الكلام ده يعنى مقدرش افتى اوى لكن فى اماكن كتير تروح فيها.

بالنسبه لاهل المدينه كل واحد و اهتمامته بقى بس عشان الصيف قليل اوى هنا يمكن منعدم و السنه دى مجاش اصلا و تعتبر اطول شتاء فى تاريخ السويد و ابرد صيف فى تاريخ السويد برضه هو السنه دى و كمان متوقع نسبه الاكتئاب تبقى قياسيه السنه دى بسبب قله الشمس

و ده نص الخبر

قد تكون الاصابة بإكتئاب الخريف عالية هذه السنة بسبب الصيف الممطر - arabiska - العربية

يعنى نسبه الانتحار السنه دى شكلها هاتبقى اعلى من اى سنه تانيه ربنا يستر

اغلب الناس عموما بيجرى على اى مكان فيه شمس يعنى من اكتر الدول فى الرحلات السياحيه كل سنه فى الصيف اغلب البلد بتبقى فاضيه كله مسافر مكان فى شمس.

فيه برضه ناس بتروح تعمل بيكنيك او ناس بتروح الدنمارك فى رحله بحريه ب 100 كورونا كل الرحله و فى رحلات بحريه لمدن الشمال و فى رحلات بحريه لانجلترا و فى رحلات برضه لألمانيا و فيه لبولندا و فيه للنرويج كلها بتبقى اغلبها على خطوط ستينا لاين بواخر حلوه اوى و فيها كل حاجه يعنى وفى برضه رحلات كتير بريه بالباص او حتى طيران بيبقى نفس تمن الرحله بالباص تقريبا و اوقات ارخص من الباص و القطر كمان كل واحد و دماغه ملهاش يعنى كاتالوج انتا و ميولك بقى بس عموما كل حاجه غاليه شويه .

رد متداخل:

آخى الكريم إحنا فعلا خدان بنصحتك جوزي حي طلع قبل العيد هوا و حماية عشان يشفوا الدنيا هناك بس إحنا دل فتى لنقول فى الاول حنشوف حاجة ايجار لغاية مستقر الاول و نشوف شغلنا حيمشى ولا لا و بعد كدة تشتري بنسبة للايجار كل الي انا يشوفوا مفروش و إحنا عيزين حاجة فاضية ممكن تساعدنا لوا فى شركة او موقع .........بنسبة ان شاء الله للمدينة حندور فى جونتبرج ان شاء الله عشان الميناء عشان شغلنا أسفة بتعبك معيا شكرااااااااااااااا

تكملة المقال:

ان شاء الله ربنا ييسر ليكوا الامور بس تقريبا حضرتك لم تلاحظى الرسايل عموما هانقلهم هنا عشان تتطلعى عليهم

السلام عليكم

السلام عليكم متأسف لو استخدمت الرسايل بس عشان بلاش تفاصيل ماديه على العام قدام الجميع حضرتك انا سألت انهارده بالصدفه واحد صاحبى فى بنك هنا قالى بالنسبه للمورتاج ( اللى هو القروض العقاريه يعنى ) ليهم سيستم خاص للناس بتوع الاعمال اللى عاملين شركات و بيدفعوا اسكات كويس ( ضريبه يعنى ) عموما هنا التقسيط فى اغلب الاحوال بيبقى بعد سنه او اتنين او تلاته حسب البنك او الشركه اللى بتمول القسط لكن بالنسبه للمورتاج فى الغالب لازم اقامه دايمه لكن ممكن حضرتك تسألى فى السفاره المره الجايه لما تروحوا و تشروحوا الوضع انكوا مش عاوزين تحطوا مبلغ كبير اوى فى البيت من الاول كده عشان يبقى فى سيوله كافيه لاداره المشروع و بالتالى لو فيه حل فى المورتاج ان البنك يوافق حتى لو بعد سنه انه يعملكوا قرض مورتاج للبيت اللى تختاروه يبقى كده افضل بكتير لان بتدفعوا بس الربع او 15 % على حسب البنك و البنك بيكمل الباقى و كده كده اكنه ايجار بس ده ملك يعنى بدال ما تدفعوا ايجار فى شقه او مكتب هاتفعوه قسط البيت و يبقى ملككو هو و الارض

او ممكن لو قبل الفتره ما تعدى يعنى قبل السنه كمان لو خلاص الورق مظبوط و الشركه شغاله و تمام البنك يوافق بس بمقدم اعلى لكن دى بتبقى على حسب البنك اللى بتتعامله معاه

عموما افضل بنك تتعامله معاه هو بنك نورديا ده محترمين اوى بالزات فى القروض و كمان البنك قوى جدا فى اسكندنافيا

المعلومه اصراحه انا مش متأكد منها اوى بس ده موقع البنك

www.nordea.se

بيقول ان مده القرض بتبقى لحد خمسين سنه و اول خمس سنين مش مطالبين انكوا تدفعوا اى فلوس من قيمه القرض انتو بس بتدفعوا الفايده بس لكن مش بتدفعوا اى فلوس من القرض نفسه يعنى دى بتديكوا فرصه كويسه لتظبيط الاحوال و التجهيز براحتكوا لدفع قيمه القرض و لو حبيته ترجعوهم مره واحده او على كام مره مفيش مانع بنك محترم جدا

ده لينك القرض العقارى

http://www.nordea.se/Privat/L%C3%A5n..._product_bolan

و الفايده بسيطه جدا هو القانون فى السويد كده الفوايد بتبقى بسيطه اوى على الايداع او حتى على القروض

عموما لما سألت لقيت ان كل الموضوع بيرجع الى تقدير البنك و ان لما بتتقابله مع البنك و تتكلموا معاه فى الموضوع ده و هو بيحدد ايه المطلوب لان طبيعى الحاجه بتفضل تحت تصرف البنك لحد ما مده القرض بتخلص لكن ده كويس عشان التأمين بيبقى عليهم فى اى مشكله لا قدر الله و يفضل يكون نفس البنك اللى بيدير مدخراتكوا و البيزنيس بتاعكو يكون نفس البنك اللى واخدين منه المورتاج هنا فى السويد المورتاج او القرض العقارى اسمها Bolan بس حرف ال a المفروض يبقى عليه دايره صغيره كده لكن المنتدى مش بيسمح بالحروف دى.

عموما شوفوا موضوع البنك ده و شروطه و محتاجين وقت قد ايه عشان كل الانجليز اللى اعرفهم اشتروا عقارات بالطريقه دى عادى بس مش عارف هل ده عشان هما مواطنين اتحاد اوروبى ولا لا بس السؤال يبقى بأيميل للبنك على طول و هما على فكره فى برنامج على موقعهم بيحسب ليكو القرض لو حبيته اوتوماتيك او ابعتوا ايميل للبنك فيه كل الظروف و هما بيردوا عليكوا فى اقرب وقت ان شاء الله

حاجه تانيه بالنسبه للبيوت

و برضه لمعلومات حضرتك لو شركه اللى بيتبيع البيت بيبقى عندهم معلومات كفايه اوى عن موضوع القروض و كده ممكن حضرتك لو بيت عجبكوا تبعتوا للشركه و هى بتهتم بقى بالتفاصيل دى بس برضه محدش هايخد الموضوع بجديه طالما انتوا مش موجودين فى البلد لكن برضه التجربه لا تضر و ان شاء الله ربنا يوقفلكوا ولاد الحلال .

اغلب البيوت اللى على الموقع بيبقى فيها بدروم و البدروم بيبقى عباره عن شقه اصغر او يمكن بحجم البيت نفسه فممكن تستخدموه مكتب ليكوا !

انا مفهمتش هو حضرتك مش لاقيه البيت اللى بتفكروه فيه ازاى هو المطلوب حاجه كبيره اوى ولا ينفع البيت العادى الاستندارد اللى فيه بدروم ممكن يبقى شقه او مكتب ؟

و فى الغالب بيبقى فيه جراش كمان و ينفع مخزن !

حضرتك ممكن تقوليلى المساحه و المكان بالتقريب و السعر اللى حضرتك عامله حسابك عليه و احاول اساعد حضرتك فى البحث على الموقع لو تحبوا ؟

و ربنا يوفقكوا ان شاء الله

ودى الرساله اللى بعدها

السلام عليكم مره اخرى

السلام عليكم انا سألت صديقى دلوقتى (هو واخد قرض بنفسه من نفس البنك اللى بعته لحضرتك) قالى لا الاكيد البنك مش بيطلب تكون حضرتك مقيمه فى البلد بقالك كتير ولا حاجه ممكن من اول يوم اول ما يطلع ليكوا رقم شخصى خلاص ممكن تقدموا على القرض المهم البنك يوافق على الدخل بتاعكوا و تدفعوا المقدم وخلاص على كده لان البنك مش خسران حاجه البيت بتاعهم لحد ما الاقساط تخلص بالعكس بعد فتره لو لقدر الله تعثرتوا و سبتوا البيت هو بيبيعوا اغلى فعشان كده بيوافق طالما فى دخل ثابت و كويس او شركه وليها دخل.

و ان شاء الله التفاصيل دى كلها تتدبر بعد ما تاخدوا الفيزا و تيجوا البلد البنك ممكن يخلى حد يتفرع لمساعدتكوا فى التجهيز و الترتيب لكل المشروع و السكن و كده بس الاول خليكوا فى الايجار لحد ما بس الامور تستقر شهرين تلاته كده و بعدين تشوفوا حوار البيت و متقلقوش من مقر الشركه مش لازم مقر مادى عادى بتبقى على عنوان صاحب الشركه اى كان عنوانه حتى لو مأجر من الباطن مفيش مشاكل .

و لو عرفت معلومات تانيه عن الموضوع ده هاقول لحضرتك برضه .

بالنسبه للمفروش طبيعى اول فتره تبقى كده مفروش لحد ما تشوفوا حاجه تانيه فاضيه على مزاجكوا و تفرشوها براحتكوا اول بس كام اسبوع كده تبقى بأى وضع لحد ما مشاوير الاوراق تخلص لانها بتبقى كتير و بعدين لما تفضوا بقى لفرش و الكلام ده تتدبر ممكن تنزلوا الفرش الموجود فى المخزن و تفرشوا براحتكوا بموافقه صاحب الشقه وطبيعى بيبقى اريح لصاحب الشقه انها تبقى فاضيه بس ده لو الايجار لمده طويله و ده مش كتير اغلب الموقع زى ما حضرتك شوفتى الايجار ممكن ايام او شهر ولا اتنين او سته بالكتير هو للاسف اصعب ما يكون فى السويد فى موضوع ايجاد سكن مناسب مشكله المشاكل هنا فعلا بس ده فى اول فتره بعد كده الموضوع ده خلاص بينتهى مع الاستقرار بقى ان شاء الله

طبيعى مش هاتقدروا تعملوا عقد من الشركه على طول عشان لسه متسجلين فى المدينه و فتره الانتظار بتبقى طويله حبتين ممكن من ست سبع شهور لحد سنين طويله على حسب الاولويه.

فالمتوفر حاليا هو الثاكند هاند بس لحد ما الامور تستقر و بعدين ربنا يسهل عموما الموضوع ده هايتحل بسهوله ان شاء الله مع رحله زوج حضرتك متقلقوش من حاجه ان شاء الله خير.

و تحت امر حضرتك فى موضوع الشقه قوليلى بالتقريب المساحه و الايجار او يعنى المواصفات عامه و هادور معاكو ان شاء الله .

وربنا ييسر الحال ان شاء الله

رد متداخل:

السلام عليكم شكرًااااااااااا لك آخى الكريم حلو أوي موضوع البنك ان شاء الله جوزي لما يروح السويد حي روح ليهم بس انا عندا سؤال لما ان شاء الله نعمل الشركة و وأخد الإقامة ابنى حيبقى ليه نفس الامتيازات السويدين يعنى تامين الصحة التعليم ...... بصراحة انا مش عرفة يعنى لما حتبقى معنا الإقامة حنحصل على امتيازات ولا لا ؟بنسبة بشقة إحنا فى دمغنا حاجة مش كبيرة بس تبقي دورين عشان الشغل بس بعد ماقريت كلمك معاك حق فى الاول الواحد ياخد مفروش لغاية مخلص الورق ' شكرًا لاهتمامك و رود دك جزاك الله كل الخير

تكملة المقال:

ان شاء الله زى ما قولت لحضرتك رحله زوج حضرتك هاتوضح الامور كلها على ارض الواقع و فى الاخر يبقى القرار مبنى على معرفه حقيقيه و علم بكل التفاصيل و شافها بعينه

بالنسبه لابن حضرتك انا عمال اقرا فى الموقع بس الموضوع غامض هو لو اتسجل و خد رقم شخصى خلاص بيبقى ليه الحقوق كلها وكمان اكتر منكوا شخصيا فى بعض الامور لان هنا مصلحه الطفل اولا بس مش لاقى حاجه فى موقع الهجره بتقول بالتحديد اسره المستثمر هاتتعامل ازاى !

يا ريت حضرتك تسألوا فى السفاره لما زوج حضرتك يروح يعمل الفيزا بتاعت الزياره عشان يعرف ايه الصلاحيات اللى هاتاخدوها بالفيزا بتاعت المستثمر او صاحب المشروع بس اظن ( ان لم اكن مخطأ) ان لما بيطلع ليكوا رقم بيرسونال نمبر خلاص بتبقى كل الصلاحيات زى اى مواطن تانى زى التأمينات و الصحه و التعليم وكله و غيرها من خدمات الحكومه عموما يا ريت تتأكدوا من النقطه دى عشان انا مش فاهم ليه مش جايبين سيرتها فى الموقع هل لانها بديهيه او انها مش مشموله بنوع الفيزا دى معلش بس اسف مقدرش افتى فى حاجه معرفهاش اصراحه !

بس اغلب الظن ان الصحه و التعليم دول مفيش فيهم كلام اى حد بيتلقاهم حتى لو لسه موقفه القانونى من الهجره لسه لم يتحدد بس برضه السؤال فى السفاره هاينفعكوا كتير لتوضيح النقطه دى.

بالنسبه للشقه لو خلاص نويتوا ايجار يبقى يبدأ التجهيز ليها قبل السفر فورا عشان محدش هايصبر عليكوا فتره لحد ما توصلوا لو لاحظتى ان مده عرض الاعلان لا تتعدى دقائق معدوده و بيختفى او صاحبه بيقفل تلفونه او مش بيرد على الميل عشان زى ما قولت حرب ضروس هنا الحصول على خرم ابره حتى حد يسكن فيها فطبيعى صاحب الشقه بينهال عليه سيل مكالمات و ايميلات بمجرد نزول الاعلام على الموقع لدرجه انهم بقوا يخافوا يحطوا العنوان بالظبط عشان الناس بقت تيجى تحوم حوالين البيت و يسألوا ويخبطوا على الناس بنفسهم و واحده ست قالتلى كده بالحرف حصل معاها كده هى و بنتها و اتصلت بالبوليس خايفه من الناس اللى بتحوم حوالين البيت من ساعه ما الاعلان نزل كل دول عاوزين يأجروا بالزات لو الشقه فى مكان نضيف و سعرها كويس .

قبل السفر فتره بسيطه جدا الموضوع ده بيدبر متقلقوش لما زوج حضرتك يجى البلد هايشوف بنفسه الموضوع بيمشى ازاى .

و ربنا ييسر ليكوا الامور

رد متداخل:

موضوع جميل وشيق جدا جدا ومكنتش متخيل انى هلاقى شرح بالطريقة المستفيضة دى بس ليا سؤال لحضرتك

هو كورس كهرباء كنترول من معهد الدن بوسكو (مختوم من السفارة الايطالية ) ليه لزمة وشغل ولا يعتبر لا شىء فى السويد ؟؟؟؟

تكملة المقال:

ربنا يخليك يا باشا لازم اللغه السويدى قبل اى مؤهل و بعدين بقى الخبره و المؤهل و عرض عمل مناسب ممكن تقرا باقى صفحات الموضوع و منها تشوف استفسارات كتير مشابهه و الردود من الاعضاء.

بالتوفيق ان شاء الله

رد متداخل:

متشكر جدا جدا جدا لحد اخر السنه

بصراحه انت جباااااااااار ومعلومات هااااااااايله وانا عايز ابوسك انت وفرت عليا 100 الف جنيه

انا منمتش الا ما قريت كل مشاركاتك وانت انسان مجتهد وانشاء الله ربنا هيجزيك خير على مجهودك وسعيك دا

انا اصلى كان واحد معرفه عندو شركه سياحه قالى انا هجبلك عقد عمل من السويد مختوم من النقابه هناك وسليم بس مفيش وظيفه هناك حقيقيه (مضروب يعنى) وهتروح السفاره وتقدمو انك مطلوب هناك وجايلك عرض عمل علطول هيدوك التأشيره وتصريح عمل لمده سنه

لا وايه والمرتبات هناك ايييه 25000 وبالميت 13000 لو اشتغلت اسود وعليهم اقامه وتصريح عمل للاسره فرى وهياخد منى 100000 جنيه وعملى البحر طحينه وكان هيغرقنى فيه ! وانا اصلا كنت مخنوق ومتعلق بأشايه عشان اطييييير

بس مشاركتك دى وضحتلى حاجات كتييييير اووى ---- انا صحيح كان نفسى اسافر مش بس عشان احسن المستوى المعيشى لكن نفسى اعيش قى بلد منظمه ومتحضره وفيها عداله وفيها اسلام بلا مسلمين زى ما انت قولت كان نفسى اكبر ابنى فى بلد محترم وتعليم ليه قيمتو ؟

اصل مصر دلوقتى بقى حالها صعب اوووى والمستقبل ملوش ملامح كلو صراعات سياسيه ومصايب مبقاش فى حتى الاخلاق بتاعت زمان (الا قليلا) وانا مش عارف مستقبل ابنى هيبقى عامل ازاى فى البلد دى ؟؟

مكنتش متخيل ان الموضوع بالصعوبه دى !!!

بجد ربنا يكرمك وانا هدعيلك حتى من غير ما اعرف اسمك ان ربنا يوفقك ويساعدك زى ما بتحاول تساعد اهل بلدك

ومتشكر جدا جدا جدا لحد اخر السنه

السويد من احس دول اوروبا مهما حد يقلك السويد بلد مش حلوة لاتصدقة السويد من احسن الدول اوروبا بس الواحد يعرف يروحها

أنا من مصر وأفكر فى السفر الى السويد وسوف تكلفنى مبلغ كبير ولكن بعد عرض هذا الموضوع أحسست بتشاؤم . ولكن أنا لا استفسار أنا مع كورس mcitp (Microsoft information technology professional وأريد أخرف ما مدى جيده العمل بهذا الكورس فى السويد وانا معى شهادات من امريكا ؟؟ ارجوا الرد عليا فى اسرع وقت ؟؟؟؟؟وشكرا على الاهتمام.

تكملة المقال:

ربنا يباركلك يا باشا و ان شاء الله يوفقك للاصلح ولو ليك نصيب فى اى مكان هاتروحه السفر فى الاخر توفيق من ربنا زى الرزق و ربنا يكرمك ان شاء الله

مكناش نقصد خالص ان حد مقبل على السفر يشعر بتشائم او يغير رأيه لكن ده الوضع الحالى و بنقوله بكل وضوح فى مميزات كتير جدا عن اى دوله تانيه بس صعوبه ايجاد العمل هى المشكله و اهم حاجه اللغه لازم تكون بتتكلم سويدى كويس عشان تعرف تلاقى اى شغل حتى لو تنضيف و ده منطقى اى دوله كده حتى لو اهلها بيتكلموا انجلش كويس جدا برضه لازم لغه البلد ده طبيعى اظن و ربنا يوفقك

رد متداخل:

ياراجل ده انا كنت بسمع شباب كتير بيقولو السويد السويد

ايه العذاب ده تقعد من سنة ل15 سنة عشان تلاقي سكن

عمار يامصر

انت بردة مردتش عليا فى خصوص الكورس وامكانية الشغل بيه هناك ....؟؟؟؟؟؟؟؟؟

تكملة المقال:

يا باشا قولتلك من غير اللغه الدنيا صعبه لازم لغه سويدى و بعدين تثبت خبرتك و يبقى عندك ريفرينس او لو خبرتك قويه اوى فى مجالك بيتغاضوا عن تفاصيل كتير بس اى تيكنيكال سبورت لازم سويدى عشان مفيش اى شركه بتعين اى تى دلوقتى كله بيشتغل اوت سورسينج بيعمل عقد مع شركه تيكنيكال سبورت و لما يحصله مشكله بيكلمهم و خلاص و يوفر مرتب الاى تى اللى مش بيحتاجه الا كل فتره مره لمده دقايق و خلاص .و اظن ده بقى الاتجاه العالمى زى الاستغناء عن وظايف كتير اوى من خلال الاوتوماشين فى المصانع و الشركات لتوفير المرتبات لان المرتبات عاليه اوى و غير المرتب نفسه الشركه بتدفع التأمينات و غيره كل ده حمل زياده فلو اى وظيفه يمكن الاستغناء عنها الشركه طبعا بدون تفكير بتوفر على طول.

ده طبيعى لو تابعت الاخبار وشوفت حاله اوروبا كلها هاتفهم كل التفاصيل دى و فى الاخر الرزق بتاع ربنا و عموما جرب تبعت للشركات و تشوف يمكن حد فعلا محتاج تخصصك و ربنا يوفقك ان شاء الله .

رد متداخل:

آخى الكريم ارجوا ان تكون فى أحسن حال اما عن جديد تقدمنا انا و زوجى و ابنى للسفارة تم قبول زوجى لكن تم رفضة انا و ابنى و سبب ان القنصولة العنصرية بتقول ان النية بينة آوى ان انتوا مش حترجعوا انتوا معاكوا فلوس فتروحوا و مش حترجعوا قالت لجوزى انت روح و عمل الشركة لكن مش شرط مراتك و ابنك جوزى حاول بس من غير فائدة. هو دلوقتى حيروح لهناك عندى سؤال هل أدا عمل الشركة يقدر يبعتلى انا و ابنى ولا لا انا كنت قريت ان ممكن يعمل الورق فى مصلحة الهجرة هناك و كمان لو ممكن عنوان free zone هوا حاجى هوا و أونكل عشان يشوفوا الوضع و يشوفوا محامى عشان نعرف ..... ارجوا لو عندك أى معلومات بنسبة للفيزا بتعاتى ..... و شكرًا

تكملة المقال:

ربنا يباركلك ان شاء الله طبعا بعيدا عن طريقتهم فى السفاره انا معنديش علم بيها خالص مقدرش افتى بس بالنسبه للمعلومات سألت لحضرتك و قالولى اى حاجه ممكن تتحل طالما حد خد اقامه .

كل المشاكل هاتتحل ان شاء الله اول ما زوج حضرتك يوصل بالسلامه و يبدأ يمشى فى الاجرائات و هنا فى ناس كتير قمه فى الاخلاق و عاملين جمعيات مسجله ممكن يساعدوه بكل الخدمات و بدون مقابل على الاقل بالمعلومه الصحيحه و الموثوق منها.

و ان شاء الله مفيش محامى ولا حاجه ده موضوع مش معقد متقلقوش ان شاء الله ربنا هاييسر الامور لما زوج حضرتك يوصل و يمشى فى اجرائات شركته.

و على فكره برضه فرصه و خير ان شاء الله ان زوج حضرتك هايروح الاول عشان الدنيا بس فى الاول بتبقى ملغبطه هو لوحده هايتصرف بحريه و بسرعه فى اول الايام و يظبتلكوا الدنيا .

و انا مفهمتش الحته بتاعت فرى زون معرفش معناها ايه قصدك المنطقه الحره بتاعت التجاره و المينا و كده ولا ايه بالظبط ؟ اظن النظام هنا مختلف فى الحكايه بتاعت المنطقه الحره !!

عموما العنواين و الحاجات دى سهله مش صعبه ممكن اسال لحضرتك حد متخصص فى الموضوع ده و هو لما يروح مكتب الاسكات و يعد مع المسؤل هو هايديله كميه كونتاكت كبيره تخدم نوع عمله بس برضه هاشوف كده الوضع ايه بالنسبه للموضوع ده و اقول لحضرتك لو فى جديد.

ده موقع وزاره الزراعه و هى المسؤله عن موضوع الخشب ده و بالتحديد دى صفحه تصدير الخشب لخارج دول الاتحاد الاوروبى اظن ممكن تستفيدوا كتير من الموقع ده فيه القوانين الخاصه بالموضوع ده

Export till l

و الموقع ده برضه متخصص لتجار الاخشاب و بيتكلموا مع بعض فى كل التفاصيل ممكن تتابعه منه جميل جدا و مليان معلومات و خلاصه خبره الناس لانه برضه عامل زى منتدى و كله بيساعد بعضه بالمعلومه و العروض و غيره كتير اتمنى انه يفيدكو

exportera virke till nordafrika | skogsforum.se

ده برضه مهم

Trأ¤riket - Om Trأ¤riket

و و لو احتجتوا معلومات محدده تانى تحت امرك و ربنا يوفقكوا و يتمملوكوا على خير ان شاء الله

رد متداخل:

السلام عليكم ياخ جزيل الشكر لك ولمجهودك فى تبصيرنا بابعاد السفر الى مملكة السويد ولكن ارجو منك استفسار انا طبيب اسنان مصرى كنت قد راسالت national board of health and welfare وابلغونى بامكانيه الاختبار هناك زوانا ع علم بضرورة اللغة ولكن كيف لى ان اقدم ع الفيزا او ما الخطوات للحصول عليها وكذلك كيف ترى مهنة طب الاسنان هناك بالمملكه انتظر جوابك واحسن الله اليك

تكملة المقال:

و عليكم السلام ورحمه الله وبركاته انا مبصرتش حد لابعاد فكره السفر خالص ولا كنت اقصد تصعيب الامور و الموضوع كبير جدا و ممكن تقراه لو عندك وقت و بعد كده تقرر !

بالنسبه لدكاتره السويد من افضل الوظائف و افضل المرتبات فى اوروبا او يمكن فى العالم و طب الاسنان فى السويد فى المقدمه فى الجوده و التجهيزات و برائات الاختراع.

بالنسبه للغه طبيعى ده منطقى اى حاجه فيها تعامل مع عملاء او مرضى لازم لغه و لغه قويه كمان عشان دى مهنه حساسه و مينفعش فيها اى لحظه سوء تفاهم بين المريض الدكتور المعالج ممكن تؤدى الى كارثه و ده شغل حضرتك واكيد انتا عارف.

ليا صديق عراقى ما شاء الله عليه انسان مجتهد جدا خلص اللغه فى ست شهور و نزل تدريب و الدكتور اللى بيدربه وداه لصديق و اتعين مساعد و ما شاء الله عليه دلوقتى حاجه كويسه ربنا يباركله.

مرتباتها كويسه الوظيفه دى و النقابه بتاعتهم هايله اصراحه و دى من اهم مميزات اى وظيفه فى السويد هو موضوع النقابه وهل هى قويه ولا لا.

فى كمان اطباء كتير من السويد بيروحوا النرويج يشتغلوا عشان مرتباتها اعلى شويه لدرجه ان فى مستشفى فى مدينه صغيره هنا هاتقفل بسبب هجره الاطباء للنرويج عشان مرتبهم عالى و بيشتغلوا اسبوعين بس و اربع اسابيع اجازه يعنى اخر دلع فطبعا كله بيروح على هناك

وده نص الخبر

إنتقال الأطباء للعمل في النرويج يشكل ازمة لمستشفيات سويدية - arabiska - العربية

و ده كمان خبر تانى عن انتقال العماله الى النرويج

زيادة كبيرة في عدد العاملين السويديين في النرويج - arabiska - العربية

بالنسبه للفيزا للاسف انا معنديش اى معلومه عنها غير انها زى اى فيزا شنجن و السبب يكون مقنع بس مش اكتر ممكن فى مواضيع كتير فى المنتدى بتغطى نقطه الفيزا دى بس انا ضخصيا معنديش اى فكره عنها خالص اصراحه.

ربنا يوفقك ان شاء الله

رد متداخل:

السلام عليكم آخى الكريم بجد ربنا يكرمك و يبركلك يارب على اهتمامك و مساعدتك هما ان شاء الله حبيجوا الاسبوع الجاى يعنى على 28 ان شاء الله حينزلوا ستوكهولم و يسألوا يعنى حضرتك شايف أنوا يرحوا مكتب الاسكات الاول مش عرفة بس حابة أسئل هل جوزى يشتكى القنصلية السودية الى هنا انها علمتنا بعنصرية و مرضيتش تدينا الفيزا عشان حاسة ان إحنا مش حنركع بناء على الإحساس و كمان قالت انتوا بلدكوا الوضع مش مستقر و دا أكيد سبب .............ولا لا ميشتكيش عليها .و بنسبة لفري زون أونكل كان عايز يشوف لو ينفع يهاجر فيها ......عشان كدة كنا عيزين العنوان و الأسعار لو عارف و كمان هل ستوكهولم. أحسن بسنة للتجارة و جونتبرج أحسن .شكرًا للمرة 123457ربنا يوفقك يا رب

السلام عليك آخى فى جملة اتكتبت خطا مش يهاجر. ياجر فئة الفري زون عيزين يشفوالمكانية الايجار فيه أسفة على الإزعاج

يعنى إيه مكتب الاسكات و فين عنوانه أسفة انا مش عرفة

تكملة المقال:

ربنا يبارك لحضرتك ويوفقكوا .

هو طبعا افضل مكان لحاجات بتاعت البينيس هو مكتب الاسكات لان ده هو المسؤل عن البلد و مواردها بشكل اساسى تقريبا.

موضوع الشكوى بلاش من اول يوم يعنى هو بس يروح يشوف اوراقه و شركته و تسجيلها و كده و بعدين لما ورقه يتظبط و يبعتوه الميجراخون ( وزاره الهجره ) عشان يعمل ورقه يبقى يحكيلهم على اللى حصل و اظن ممكن فعلا يعمل شكوى رسميه بس لو الموضوع اتحل من غير شاكوى يبقى افضل عشان هاتبقى عمليه ممله اوى و طويله بس طبيعى حقه مكفول فى الموضوع ده.

بالنسبه للفرى زون برضه انا مش فاهم هو ايه المطلوب منها بالظبط لانى سألت و محدش جاونى اجابه مقنعه بس اغلب الناس بتقولى لا ده نظام مختلف مفيش حاجه كده الحكومه مش بتعمل تسهيلات من النوع ده دى بتاخد رسومها و ضرايبها من الملك نفسه حتى لما شركه "ساب" بتاعت السيارات الحكومه رفضت تساعدها غير بالقرض بس و افلست و عمال بأعداد مهوله بقوا فى الشارع بتقول عشان المساواه انا مقدرش اساعد شركه و شركه لا و بالتالى ساب انهارت و قفلت مع انها كانت من علامات السويد!!

عموما انا مش متأكد يمكن فى حاجه تانيه بأسم تانى و بشكل تانى قريبه من فكره المنطقه الحره دى بس انا نفسى او اللى سألتهم محدش فيهم يعرف اصراحه! معلش متأسف بس ده افضل من انى افتى فى حاجه معرفهاش و عموما لو حد قالى معلومه مؤكده هاقول لحضرتك.

بالنسبه للفرق بين يوتوبورى و استكهولم هو انا معيشتش فى استكهولم بس اعرف انها اغلى شويه فى المعيشه بكل تفاصيلها لكن تفاصيل البيزنيس تحديدا مش متأكد لانى بسمع لخبرات ناس كتير و محدش فيهم قريب بأى شكل من مجال زوج حضرتك, كل اللى اعرفهم بتوع تكنيك و كمبويتر و حاجات زى كده و دول كويسين شغلهم ماشى مش وحش بس الضرايب عاليه شويه و المصاريف عاليه برضه .

هما لما يوصلوا بالسلامه ممكن يشوفوا براحتهم.

يعنى إيه مكتب الاسكات و فين عنوانه أسفة انا مش عرفة

مكتب الاسكات ده هو مكتب الضرايب و ده المسؤل عن اغلب شؤن البلد بالنسبه للموارد الماليه بتاعتها و حتى تسجيل المواليد و البطاقه الشخصيه نفسها برضه فى الاسكات هو المعنى باعطاء اى حد بيرسونال نمبر بغض النظر عن موقفه من الهجره و الفيزا طالما يستوفى شروط مكتب الاسكات و بعدين مرحله التسجيل و الاقامه بتيجى بعد مرحله الرقم الشخصى الاول وده فى الحالات الطبيعه اللى زى فيزا العمل بأشكالها اظن باقى انواع الاقامات بتتم الاول فى الميجراخون !

الاسكات ده ملوش عنوان محدد ده موجود فى كل مدينه و كل ضاحيه فى المدينه و لو المدينه كبيره بيبقى فى اكتر من مكتب بيخدم كل جزء فيها هو زوج حضرتك بيشوف اقرب فرع و بيروحله.

ده موقع الاسكات الصفحه بتاعت الكونتاكت و العنواين بيكتب بس اسم المنطقه اللى هو نال فيها و بيجبله اقرب مكتب ليه

Vi tar emot bes

وربنا يتمملكو على خير بأذن الله

رد متداخل:

ياAngelic انا مقيم في ايطاليا ومعايا فيزا بمده 6اشهر ومش معايا المفتوح اي بمعني الاقامه المفتوحه في البلد وبعد 6 اشهر هبقا قاعد اسود في البلد لا يوجد فرص للعمل والموضوع هيبقا اصعب واصعب وريد الذهاب الي النرويج ولكن لا يوجد معايا فيزا اتشنجن معايا فيزا ايطاليا بس وساريه انا في ايطاليا بعد شهور هبقا عايش في البلد من غير ورق يبقا اروح في اي بلد تانيه وقعد فيها برضو من غير ورق علي الاقل ربنا يسهل واجد فرص العمل افضل ولا ايه رئيك ياصحبي الافاده والله العظيم انا بقالي شهر تفكير كثير ماذا افعل اريد المساعده ياجماعه اللي انا خايف منو النرويج الشرطه خايف لترحني لو رحت هناك. طيب لو طلبت اللجوء هيبقا للجوء ايه من انوع اللجوء وطبعا لازم اثبتات للقبول اللجوء ولو اعطيهم جوازي سفري هيرحلوني طيب طيب ياجماعه انا مش عارف اعمل ايه بجد المساعده ارجوكم .

من الموبايل

ممكن لو ينفع طبعا وبدون قلق او ازعاج الايميل لصديقك طبيب الاسنان افهم منه الوضع ماشى ازاى ده بعد اذنك وانذنه وانا شاكر ليك جدا

تكملة المقال:

و اللهى يا معلم ما عنده ولا بيستعمله بيستعمل بس البتاع اللى فى النوكيا ده اللى عامل زى السكاى بى ده بس مش اكتر ولا عنده فيس بوك ولا غيره!على فكره هو متجوز سويديه عشان كده عرف يعيش فى السويد متجوز بنت قريبتهم عراقيه سويديه فوضعه مختلف عنك.

هو مش مستحيل انك تقدم من بره و يقبلوك و تروح على شغل على طول بس هو صعب شويه لكن لو عندك خبره او مهاره مش موجوده فى الناس اللى موجوده فى البلد و بتدور على شغل طبعا هايعملولك كل حاجه عشان تشتغل عندهم. الفكره بس تقدم نفسك بطريقه كويسه.

كان بيحكيلى ان فى اتنين من اليونان شغالين فى المعمل ده بتاع السنان مفهمش فى شغلكوا اوى بس اظن الناس اللى بتعمل السنان و التركيبات و كده اظن اسمهم فنيين, المهم يعنى مرتباتهم رهيبه الناس دى ما شاء الله و عايشين ملوك يعنى. منهم واحد جاى من بره على شغل و التانى عايش فى البلد من زمان.

اتكل على الله و شوف عندك ايه مميز و خبره محترمه و حاول تقدمه بطريقه كويسه و ربنا يسهلك الحال بس خلى بالك من موضوع اللغه لانه عامل اساسى لو هاتشتغل مع المرضى لكن لو فنى او كده اظن مش مهم اوى مش اولويه يعنى و ربنا معاك ان شاء الله .

رد متداخل:

مفيش حد عايز يرود علي موضوعي اشكركم علي حسن تعاونكم باالتوفيق ياجماعه اطلب الدعاء فقط منكم واشكركم مره اخري في حفظ الله .

طياب الله يكرمك انت اه رايك ابدا ازاى بعد اللغه انا راسلت موقع اسمهglobal visas علشان احصل ع فيزا دخول ب قالى مش متاكدين انك ممكن تاخدها فانت اه رايك اقدم انا هنا ف السعوديه وعندى تلات دبلومات بعد البكالوريوس اقدم ازاى و لا ادور ع شغل الاول وادور عليه فين ول اه نوع الفيزا الل اقدم عليها واى ورق او خطوات تدعم موقفى انا قولتلك قبل كده انى راسلت مكتب national board of health and welfare ف السويد وقالى انك ممكن تمتحن هناك انا اسف بس بالله عليك نورى الطريق

احسن الله اليك

تكملة المقال:

التقديم و الاوراق بتاعت الفيزا زيها زى اى فيزا شنجن مفيش اى فرق مش معقده ولا حاجه بس الفكره سبب السفر ايه. عمل او زياره او سياحه او غيره .انا مفهمتش تمتحن ايه بالظبط ؟ ده فى حاله التعليم ولا ايه مش فاهم ؟

التدوير على شغل مش معقد هاتخش على المواقع بتاعت العمل و تجرب تبعت على قد ما تقدر السى فى بتاعك و جرب يمكن ربنا يكرمك و يكون ليك نصيب.

مواقع الشغل

Lediga jobb - S

وده موقع مكتب العمل الحكومى الرسمى

Arbetsf

شوف المتطلبات ايه و هل تتوفر فيك ولا محتاج تطور حاجه معينه و ربنا يكرمك ان شاء الله .

رد متداخل:

الله يكرمك يارب بس انا طبعا هدور و زى ما قولتلك انا فعلا بدور بس الفكرة انى صعب الاقى شغل ف مهنتى لانى مش مصرح لى العمل هناك فيبقى نوع الفيزا اه واقولهم اه ف السفارة والمكتب ده ف السويد اللى انا راسلته مكتب المسوول عن تسجيل الاطباء وقالى ان انا ممكن امتحن هناك امتحان لمزاوله المهنه

هلا مثلا لو ما لقيتش شغل اقدم ع فيزا سياحى ولا اه نوع الفيزا و اقول اه رايح سياحه ولا شغل ده قصدى

انا جد متشكر وربنا يسدد خطاك دائما

اخوك احمد

تكملة المقال:

يا باشا الكدب فى موضوع الاوراق ده مش هايفيد لانه ببساطه حتى لو انتا رحت سياحه و كسرت الفيزا مفيش اى مخلوق هايخليك تلمس مريض الا بكارنيه الطبيب عشان دى اسمها مهنه منظمه هنا فى السويد دى مهنه ليها ضوابط!يبقى ازاى هايتعملك اى ورق رسمى و انتا كاسر فيزا او داخل البلد بغرض تانى غير العمل !

حكم العقل و اقرا القوانين كويس و شوف ايه المتاح و ركز عليه و ربنا يوفقك

رد متداخل:

معلش انا تعبك معايا بس انا كنت سجلت ع الموقع اللى انت بعته من فترة طويله بس مجنيش منه حاجه اللى هو eures بس انا عندى استفسار انا راسلت ال socialsteryn او مكتب المسوول عن تسجيل الاطباء هناك وقالى انى ممكن امتحن طيب لو حبيت امتحن اه الطريقه واالتقديم ع الفيزا يكون ازاى وانا معايا الخطاب منهم

بارك الله فيك اخي الكريم

تكملة المقال:

بص الافضل ليك انك تسألهم هما قولهم امتحانكو ده بيضمنلى فيزا دخول و بعد ما انجح فى الامتحان هل بتضمنولى اقامه ولا لا !!

ابعتلهم تانى و شوف هايردوا يقولوا ايه انا معرفش بيشتغلوا ازاى اصراحه! هل هما زى الجامعه و انتا مقدم على ماستر بيدوك ورق عشان الفيزا ولا لا. اصراحه كل اللى سألتهم محدش يعرف اى معلومه عن الناس دى و بتشتغل ازاى حتى فى الاتحاد بتاعهم برضه محدش يعرف موضوع الامتحان ده ! لان لما بتيجى من بلدك على انك دكتور بتعادل شهادتك الاول من الهوج سكولا فيركيت .

المفروض بتبعت كل شهاداتك للهوج سكولا فيركيت عشان تتعادل و يجيلك ورقه رسميه مكتوب فيها انك فعلا درست طب و مؤهل. ( كتبت كل الخطوات فى الصفحات الاولى فى الموضوع ).

و بعدين اى اجراء تانى بتعمله زى التقديم على شغل او غيره .

و خلى بالك موضوع المعادله ده بيخش فى ست شهور لسنه. ليا اصدقاء فى تلات شهور خلصوا المعادله و جالهم الرد و ناس تانيه اكتر من 11 شهر لحد ما خدوا النتيجه و دى بترجع للضغط اللى عليهم .

من غير المعادله محدش هايعترف بأى حاجه هاتقولها حتى لو بتعرف فعلا تعملها و ده اصلا لان محدش هايسمحلك تلمس اى حاجه او تعمل اى حاجه او حتى تدريب الا لما يشوف شهادتك المتعادله فى السويد و يتأكد انك درست ده ( حتى لو كنت نجار او سباك او كهربائى او حتى فنى لحام , محدش يقدر يلمس حاجه من غير شهاده اى كانت وظيفته سهله و بسيطه )

ابدأ الاول مع الشهاده لان من غيرها مفيش اى خطوه مفيده هاتعرف تعلمها و ربنا يوفقك ان شاء الله و يجيلك الرد بسرعه

رد متداخل:

الله يكرمك انا هاقولك اللى عندى بعد ما شفت اللينكات اللى انت بعتها مكتب العمل هتلاقى ف الللينك ده قايل انى اخاطب .socialstyrelsen اللى انا قولتلك انى بعتلها وردو على بس الرد قايل ان مش هيدونى فيزا وانا هعملك اتتاش للقرار وده لينك بيقول ان التقييم الشهادات للافراد داخل السويد فقط

الله يكرمك انا هاقولك اللى عندى بعد ما شفت اللينكات اللى انت بعتها مكتب العمل هتلاقى ف الللينك ده قايل انى اخاطب .socialstyrelsen اللى انا قولتلك انى بعتلها وردو على بس الرد قايل ان مش هيدونى فيزا وانا هعملك اتتاش للقرار وموقع

للهوج سكولا فيركيت

بيقول ان التقييم الشهادات للافراد داخل السويد فقط من

Evaluation of Foreign Secondary Qualifications

2010-10-04

VHS provides evaluation of foreign upper-secondary qualifications, a service we offer free of charge.

We have information on foreign school systems, and evaluate foreign credentials for interested individuals, employers and universities in Sweden. After our assessment, the individual is provided with a written evaluation of foreign credentials, which can be used for planning continued studies or future work opportunities. Evaluations allow us and higher education institutions to correctly determine student eligibility.

This service is provided free of charge and is only available to individuals currently living in Sweden.

السلام وعليكم اخي وشكرا على الموضوع الرائعالحقيقة انا ابحث من مدة طويلة في مواقع كثيرة ومتخصصة عن معلومات عن السويد ولكن لم اجد مثل هذا الموضوع الشامل

واتمنى ان يكون لديك صبر للاستفسار عن معلومات مهمة جدا وجزاء الله كل خير

في البداية انا مغربي مقيم بالمغرب حاليا ومتزوج من مغربية مقيمة في ايطاليا ولديها اقامة دائمة في ايطاليا وليس جنسية

ولدينا النية ان شاء الله للهجرة للسويد بدلا من ايطاليا

اخي الكريم حسب الموقع Long-term residents in another EU country - Migrationsverket [NS4 version]

فانه يحق لاصحاب الاقامة الدائمة في منطقة الاتحاد الاوروبي طلب تصريح الاقامة دون الحاجة الي تصريح العمل

والوثائق المطلوبة هي صورة من جواز السفر وصورة من الاقامة الدائمة ووثائق تتعلق بالعمل

وبالتالي يكون حق زوجتي الانتقال والعمل في السويد بدون اي مشكلة فالمرجو تاكيد هذه المعلومات

وبالنسبة لي يكون من حقي مرافقتها للسويد

واود ان اسالك هل يجب انتظار الحصول على فيزا التجمع العائلي لايطاليا وبعدها نسافر من ايطاليا

او يمكن من الان طلب تصريح الاقامة لنا معا

بالنسبة للسؤال الثاني هو اني اريد منك نصيحة حول بعض المدن الصغيرة التي تعرفها رغم انك اجبت عن هذا السؤال

ولكن اتمنى منك المساعدة

اخي الكريم انا عندي دبلوم تقني متخصص في تدبير المقاولات وهو دبلوم يؤهل للعمل كمحاسب ولدي فترة تمرين تتعدى 6 شهور في احد مكاتب المحاسبة

لهذا اريد ان ادرس في احد المعاهد الخاصة بالتعليم المهني الموجودة في الموقع http://www.yhmyndigheten.se

والتي ذكرتها سابقة في موضوعك ايضا

فما هي المدن الصغيرة والتي فيها اسعار الكراء مناسبة وتقدم تعليم مهني خاص بالمحاسبة

وهل توجد مدن صغيرة قريبة من مالمو او لاند او غيرها حتى اذا كانت في الشمال

بالاضافة الى ذلك فانا حامل لماستر في القانون العام وانوي دراسة الدكتوراه ان شاء الله بعد ان تستقر الاحوال

او ربما دراسة الماستر من جديد في السويد

فهل هناك نصائح بهذا الموضوع وماذا يجب ان نفعل عندما نصل للسويد

هل يحق لي العمل بجانب الدراسة وهل ساجد عمل مع العلم ان لغتي الانجليزية جيدة

ماهي هي الخطوات الاولى التي يجب القيامة بها للاستفادة من اي مساعدة تقدمها البلديات سواء في التعليم او السكن او العمل

وهل يمكن لنا كمهاجرين جدد المشاركة في برامج خاصة بسياسات سوق العمل والاستفادة من المساعدة

ومرة اخرى ااكد على نصيحة بخصوص المدن الصغيرة القريبة من لاند لاني لدي النية في التقدم لجامعتها لدراسة الماستر في السنة القادمة

تكملة المقال:

فى حاجه بس ان فى هو اس دى مش بتاعت شهادات الجامعه دى بتاعت المدارس عشان كده لازم يكون معاك اقامه فى السويد و بيرسونال نمبر عشان تعملك المعادله .الجهه المسؤله عن معادلات الدراسه الجامعيه و الدراسه بعد الجامعه بكل اشكالها اى كان التخصص هى الهوج سكولا فيركت , HVS ممكن تكون انتا اتلغبط بينهم عشان نفس الاختصار!

وده بيناتها هى دى المسؤله عن الدراسه الجامعيه و الدراسات العاليه فقط ملهاش دعوه بالثانوى و المدارس

Contact us - Swedish National Agency for Higher Education [NS4 version]

و هاتلاقى فى نفس الموقع كل البيانات اللى انتا محتاجه للاعتراف بشهادك و خبرتك رسميا.

اللى انتا بعتلها دى اسمها فيركت فور هوج اسكولا سيرفيس يعنى حاجه تانيه خالص!

شوف الموقع ده و انتا تعرف كل المعلومات اللى انتا محتاجها بالتفصيل الممل

و ربنا معاك ان شاء الله

و عليكم السلام و رحمه الله

هاجوب عليك فى الاقتباس نفسه بلون مختلف عشان اعرف اجاوب على قد ما اقدر ان شاء الله

السلام وعليكم اخي وشكرا على الموضوع الرائعالحقيقة انا ابحث من مدة طويلة في مواقع كثيرة ومتخصصة عن معلومات عن السويد ولكن لم اجد مثل هذا الموضوع الشامل

واتمنى ان يكون لديك صبر للاستفسار عن معلومات مهمة جدا وجزاء الله كل خير

في البداية انا مغربي مقيم بالمغرب حاليا ومتزوج من مغربية مقيمة في ايطاليا ولديها اقامة دائمة في ايطاليا وليس جنسية

ولدينا النية ان شاء الله للهجرة للسويد بدلا من ايطاليا

اخي الكريم حسب الموقع Long-term residents in another EU country - Migrationsverket [NS4 version]

فانه يحق لاصحاب الاقامة الدائمة في منطقة الاتحاد الاوروبي طلب تصريح الاقامة دون الحاجة الي تصريح العملفى بعض الاستثنائات اقرا النصوص كلها .

والوثائق المطلوبة هي صورة من جواز السفر وصورة من الاقامة الدائمة ووثائق تتعلق بالعمل

وبالتالي يكون حق زوجتي الانتقال والعمل في السويد بدون اي مشكلة فالمرجو تاكيد هذه المعلومات

وبالنسبة لي يكون من حقي مرافقتها للسويد

اى حد معاه اقامه دايمه فى اوروبا يقدر يدخل السويد و يعيش فيها مده تلات شهور بدون ما يحتاج اوراق و بعد كده لازم يروح مكتب الهجره لتسجيل نفسه و اعطاء سبب مقنع للبقاء فى البلد الا فى حالات معينه زى ما بين الدول الاسكندنافيه مش بتحتاج اى اوراق و ممكن تعيش اى مده بين الدول الاسكندنافيه لو انتا معاك جنسيه واحده منهم

بس لازم تاخد بالك ان بعد تلات شهور لو مفيش شغل يبقى الاقامه بتترفض ! لازم تبقى شغال او فى سبب لتواجدك زى دراسه او غيره فى البلد حتى لو معاك جنسيه بلد اوروبى مش اقامه بس.

واود ان اسالك هل يجب انتظار الحصول على فيزا التجمع العائلي لايطاليا وبعدها نسافر من ايطاليا

او يمكن من الان طلب تصريح الاقامة لنا معا

هى مش هاتقدر انها تعملك تصريح اقامه و انتا فى المغرب و هى لسه داخله البلد فى السويد بدون شغل او حتى فى وجود شغل لكن لسه مش ثابت, لازم شغل و سكن و الموضوع هاياخد وقت حبتين لحد ما يوافقوا او يرفضوا.

بالنسبة للسؤال الثاني هو اني اريد منك نصيحة حول بعض المدن الصغيرة التي تعرفها رغم انك اجبت عن هذا السؤال

واللهى يا باشا النقطه دى صعبه شويه انا معنديش فكره خالص عن طبيعه الحياه فى المناطق دى للاسف.

ولكن اتمنى منك المساعدة

اخي الكريم انا عندي دبلوم تقني متخصص في تدبير المقاولات وهو دبلوم يؤهل للعمل كمحاسب ولدي فترة تمرين تتعدى 6 شهور في احد مكاتب المحاسبة

لهذا اريد ان ادرس في احد المعاهد الخاصة بالتعليم المهني الموجودة في الموقع http://www.yhmyndigheten.se

والتي ذكرتها سابقة في موضوعك ايضا

بالنسبه للدراسه فى المعاهد دى لازم يكون معاك سويدى متقدم و بتمتحن امتحان قدرات او قبول يعنى و مقابله شخصيه و تفاصيل كده بس لو انتا ملم بالسويدى و ملم بمجالك و عندك خبره تقدر تثبتها يبقى مفيش مانع عندهم انك تتقبل بسهوله .

الفكره كلها تخلص بس السويدى لحد صاص بى فى اسرع وقت ممكن ياخد معاك سنه او اكتر ده بيرجعلك انتا.

فما هي المدن الصغيرة والتي فيها اسعار الكراء مناسبة وتقدم تعليم مهني خاص بالمحاسبة

وهل توجد مدن صغيرة قريبة من مالمو او لاند او غيرها حتى اذا كانت في الشمال

بالاضافة الى ذلك فانا حامل لماستر في القانون العام وانوي دراسة الدكتوراه ان شاء الله بعد ان تستقر الاحوال

او ربما دراسة الماستر من جديد في السويد

فهل هناك نصائح بهذا الموضوع وماذا يجب ان نفعل عندما نصل للسويد

قبل ما تعمل اى حاجه لازم تعادل شهاداتك عشان تبقى واقف على ارض صلبه بالنسبه للقانون اصراحه مقدرش افتى لانى اظن كل دوله ليها قانون و دستور يعنى محامى مصرى ميقدرش يشتغل فى امريكا مثلا محامى من غير دراسه عشان ده نظام مختلف ( او انا اظن كذلك يمكن انا مخطئ و الموضوع ابسط من كده الله و اعلم ) عموما مش هاتخسر حاجه يمكن يطلع دراسه تكميليه بسيطه بس برضه باللغه السويديه فأول خطوه اللغه و الشهادات تتعادل و بعدين تفكر فى اى حاجه تانيه لان من غير دول مش هاتقدر تعمل حاجات كتير.

هل يحق لي العمل بجانب الدراسة وهل ساجد عمل مع العلم ان لغتي الانجليزية جيدة

ممكن طبعا تشتغل جنب الدراسه مفيش مشاكل طالما الفيزا بتاعتك مش فيزا دراسيه و ايجاد العمل بقى انتا ورزقك بس اللغه السويدى اهم حاجه. ركز عليها جدا.

ماهي هي الخطوات الاولى التي يجب القيامة بها للاستفادة من اي مساعدة تقدمها البلديات سواء في التعليم او السكن او العمل

دى بترجع لنوع اقامتك و ظروفك الشخصيه محدش يقدر يديك تقرير او منيو تختار منوا كل واحد ليه ظروف شخصيه محدده و ليه حقوق و حاجات معينه لظروفه هو بس و دى بتحددها الحكومه لما بتبقى عايش فى البلد و عندك مشكله ماديه او غيرها بتروح للمكتب المختص و هو بيدلك على الحلول بس محدش هايرميك فى الشارع متخافش المهم انك متكدبش عشان ربنا يفتح عليك.

وهل يمكن لنا كمهاجرين جدد المشاركة في برامج خاصة بسياسات سوق العمل والاستفادة من المساعدة

ومرة اخرى ااكد على نصيحة بخصوص المدن الصغيرة القريبة من لاند لاني لدي النية في التقدم لجامعتها لدراسة الماستر في السنة القادمة

دى اظن فعلا تقدر تشارك فى برنامج من البرامج بس خلى بالك

انتا قررت انك تعيش فى مدينه صغيره بالتالى هاتبقى حياتك صعبه جدا جدا فى الاول لانك مش هاتلاقى شغل بسهوله و كمان الاهم ان كل الحاجات اللى انتا بتقرا عنها و تفكر فيها زى مساعده مكتب العمل او الكوميون دى مش هاتبقى موجوده فى المدن الصغيره يعنى اخرهم هو كورس اللغه غير كده لازم تسافر لاقرب مدينه كبيره عشان تاخد كورس او برنامج متخصص من مكتب العمل.

اعقلها و خد بالاسباب و توكل على الله و ربنا يكرمك ان شاء الله

رد متداخل:

صحيحه عن النبي - صلى الله عليه وسلم – أنه قال: (من نفَّس – أي فرَّج – عن مؤمنة كربة من كرب الدنيا نفّس الله عنه كربة من كرب يوم القيامة، ومن يسر على معسر يسر الله عليه في الدنيا والآخرة، ومن ستر مسلمًا ستره في الدنيا والآخرة، والله في عون العبد ما كان العبد في عون أخيه).

انا في كربه ياجماعه والله واريد المساعده الواحد مايكذب علشان ربنا يفتحها عليه طيب. ممكن الواحد يكذب علشان لو مكذبش ممكن مستقبلو يضيع السؤال هو ياجماعه واريد الرد عليه في اسرع وقت ربنا يحفظكو اللجوء لي اي بلد ولا لازم يكون فيها حرب ؟ طيب لو قال هو بيقدم بااسم مزيف ومن بلد تانيه تغير شخصيتو لكي لا يغادر البلد واخذ حق اللجوء ؟ الافاده وشكرا

شكرا اخي على الاجابة الوافيةممكن تشرح لي يعني ايه سويدي صاص بي وهل يوجد مواقع انترنت تعليم سويدي

اذا كانت اللغة السويدية مهمة لهذه الدرجة فيجب ان ابدا دراستها من الان

على الاقل نختصر بعض الوقت

سؤال اخر اخي العزيزبعض المعاهد المهنية في الموقع

http://www.yhmyndigheten.se

تطلب فقط الانجليزية B والرياضيات B و الادارة B ولا تذكر مستوى اللغة السويدية وكل ما سبق متوفر بالنسبة لي

فهل هي فقط المتطلبات ام ان معرفة السويدية تحصيل حاصل فلا يتم ذكرها في بعض المعاهد

تكملة المقال:

هارتبهالك عشان تفهم النقطه دى بالظبط

اولا كل الدرجات و نظام القبول المعمول بيه دلوقتى فاضله شهر و يتوقف

و كل اسماء المواد فى المرحله الثانويه و المدارس المهنيه و حتى المعاهد اتغير

و فى مواد بدال ما كانت ( ايه و بى و سى ) بقت ( 1 و 2 و 3 و 4 ) يعنى فى مواد كمان زاد فيها ليفل مش اتغير اسمها بس

و ده الشرح من الموقع على ان المواد اتغيرت و نظام القبول اتغير من اول شهر يناير

أ„ndrade tilltrأ¤desregler 2013 | Yh-myndigheten

و ده طريقه الاختيار لان دايما المتقديمن اكتر بكتير من العدد المسموح بيه فى الكورس

Urval | Yh-myndigheten

و هاتشوف فىها كمان بعض الامثله و انهم ازاى بيختاروا الناس المؤهلين كويس و عندهم خبره كويسه و الكورس فعلا هايفيدهم.

و المتطلبات العامه حاجه و المتطلبات الخاصه بكل كورس دى حاجه تانيه خالص

يعنى بيقول العام هو جروند نيفو ثانوى بس بعد كده مثلا كورس نظرى زى التجاره مثلا او الاقتصاد مش هايطلب منك مواد علميه هايطلب يبقى عندك درجات عاليه فى الثانوى فى مواد نظريه.

على العكس لو كورس هندسه هايقولك عاوزين فيزيا 3 مثلا و رياضه 3 او 4 فبالتالى لازم يكون معاك المواد دى و الفيزيا تحديدا لو مش معاك فى شهاده الثانوى بتاعتك يبقى هاتتعلمها و لو حبيت تتعلمها الفيزيا محتاجه انك يكون معاك صاص بى او السويدى صاص ايه و بى او بقى اسمه دلوتى صاص 1 و 2 و3

SAS 1 , 2 , 3 SAS - Svenska som andrasprak

و خلى بالك كويس من نقطه الثانوى دى و تشوف شروط الالتحاق و اقراها كويس.

و لو انتا فى مواد ثانوى ناقصاك ممكن تتعلمها فى كورسات و تاخد بيها شهاده تكمل الشهاده الثانوى بتاعتك

بس شهاده الثانوى بتاخد على الاقل ست شهور عشان تتعادل ( انا شخصيا خدت سبع شهور من مارس لحد اكتوبر و كل اللى اعرفهم اخدت نفس المده تقريبا و بعضهم اكتر )

ولازم تكون مقيم فى البلد و ليك بيرسونال نمبر عشان يتعادل شهاده الثانوى متقدرش تعملها قبل ما تيجى البلد

بيقول ان التقييم الشهادات للافراد داخل السويد فقط من

Evaluation of Foreign Secondary Qualifications

2010-10-04

VHS provides evaluation of foreign upper-secondary qualifications, a service we offer free of charge.

We have information on foreign school systems, and evaluate foreign credentials for interested individuals, employers and universities in Sweden. After our assessment, the individual is provided with a written evaluation of foreign credentials, which can be used for planning continued studies or future work opportunities. Evaluations allow us and higher education institutions to correctly determine student eligibility.

This service is provided free of charge and is only available to individuals currently living in Sweden.

شهادات الجامعه تقدر تبعتها قبل ما تيجى لو فى سبب مقنع زى عرض شغل او كده او دراسه ممكن تتصل بيهم و تسأل عن التفاصيل دى كلها.

عشان برضه ابقى وضحت بالظبط

كل كورس ليه متطلبات و كل كورس ليه طريقه قبول و انتا بتقرا الكورس و متطلباته و الواد المطلوبه و بتشوف هل هى عندك ولا لا

السويدى ده اساسى فى اى كورس حتى ان كانت لغه الكورس انجلش و طالبين انجلش متقدم لسبب:

اغلب مواد الثانوى متقدرش تاخدها من غير السويدى يعنى مش هاتتعرف تتاهل للكورس نفسه من غير المواد دى فطبيعى لازم سويدى.

و بعد ما الشهاده بتجيلك بتشوف مكتوب فيها ايه و متطلبات الكورس ايه و بتجهز نفسك

فى الوقت ده اظن انه كافى تتعلم السويدى و تجهز نفسك

و لكن لو مثلا لقيت انك ناقصك ليفل او ماده من بتوع الثانوى عشان تبقى ملائم للكورس يبقى لازم تتعلمها فى كورسات الكوموكس اللى هو تعليم الكبار و كل كورس من دول ليه متطلبات معينه يعنى مثلا عشان تاخد فيزيا متقدمه لازم يبقى معاك رياضه متقدمه و سويدى اعلى ليفل يعنى كل كورس فى الكورسات ممكن يكون مبنى على كورس تانى او على السويدى اعلى ليفل او اليفل الجروند اللى هو بعد الاسفى اسمه ساس جروند او دلوقتى بقى اسمه صاص 1 .

فأنتا اختار كورس محدد و ركز عليه و على متطلباته ( ومكان الكورس طبعا لان فى كورسات مش موجوده الا فى اماكن معينه زى بتوع الطيران ) و بعدين شوف المعادله نتيجتها ايه و بعدين شوف انتا تكمل اللى ناقص ازاى

للعلم

حتى لو متأكد من ايه اللى ناقصك فى الثانوى و حبيت تكمله قبل ما المعادله تطلع مش هاينفع لازم تستنى المعادله لان مثلا:

لو انتا عارف ناقصك رياضه 3 مثلا يبقى متقدرش تدخل الكورس ده الا لو معاك ما يثبت انك معاك رياضه 1 و 2 و بالتالى لو مفيش ورق و انتا لسه مستنى ( حتى لو فعلا درستهم و معاك شهاده بيهم لكن لسه متعادلتش ) لازم تتعلهم من الاول كلهم فى الكومفكس لو حبيت و لكن كل ليفل هايخد كام شهر يبقى بتضيع وقتك على الفاضى لان فى الاخر شهادتك هاتطلع و انتا فى لسه اول ليفل فيبقى ملوش لزمه الوقت اللى ضاع فى حاجه اصلا انتا عاملها من زمان.

اقرا كويس اتعب شويه فى القرايه و افهم كل المتطلبات و كل الشروط عشان تبقى عارف انتا تقدر تعمل ايه

موضوع الوقت طبعا طويل شويه فى كل الاجرائات و لكن هاتتعب شويه فى الاول و بعدين ربنا هايكرمك ان شاء الله

رد متداخل:

بسم الله ماشاء الله

معلومات رائعة ومجهود اروعبارك الله فيك

بس معلشي انا عندي سؤال

انا ممكن اغير الاقمه بتعتي من ايطاليه

الي سويده وازي اعماله وانا لسه في ايطاليا

وشكرا

تكملة المقال:

ربنا يبارك فيك اللينك ده فيه كل المعلومات اللى ممكن تحتاجها على الموضوع ده وهل تنطبق عليك ولا لا

Rules for residence permit - Migrationsverket [NS4 version]

بيقولك لو انتا موظف او طالب او مكتفى ذاتيا و مقدم خدمه او شغال اعمال حره ممكن تاخد اقامه دوله اوروبيه تانيه لو معاك اقامه طويله فى بلد فى الاتحاد!

عموما انا اول مره اعرف المعلومه دى اقرا كل الشروط و ربنا يوفقك ان شاء الله ملحوظه

خلى بالك من كلمه طويله دى و الكود بالتحديد المفروض يبقى مكتوب كده على البطاقه اللى معاك من ايطاليا

Soggiornante di lungo periodo – CE يعنى كاتبين بالحرف الدايمه متنفعش هو نوع الاقامه ال CE دى بس اللى ينفع تتحول ليه مش فاهم اصراحه بس اقرا تانى و يمكن اكون انا فهمت غلط

رد متداخل:

مساء الخير ياجماعه يارب جميعا تكونو بخير

والله انا لسة واصل السويد من 10 ايام والدنيا معايا مش متظبطة خالص

وارجو من يفيدنى بمعلومة وجزاكم الله خيرا

تكملة المقال:

حمد الله على السلامه بالنسبه للبطاقه زى محضرتك سألت هى بتتعمل برضه فى الاسكات فيركت لما يطلعلك الرقم بتعمل بطاقه على طول بس لازم تكون ورق الاقامه خلصان و سارى عشان من غيره متعرفش تعمل بطاقه من الاسكات عموما لما تروح تاخد الرقم بتاعك قولهم على البطاقه هى بتتكلف 400 كورونا بتحولهم لحسابهم و بتاخد برينت من التحويل عشان تديهملهم و يعملولك البطاقه

بتاخد تقريبا 15 يوم ولازم تستلمها بنفسك دى مبترحش على البيت لان دى اهم ورقه ليك فى السويد ز

بالنسبه لموضوع الاعانه ده كل واحد و ظروفه يعنى لو انتا المدام شغاله بمرتب كويس اعلى من الحد الادنى اللى هو تقريبا 12 او 16 الف ( مش متأكد اصراحه من الرقم) خلاص بيبقى ملكش حق فى اى مساعدات الا فى طروف معينه و دى بترجع لتقدير السويسال بقى ممكن تروح و تسألهم بنفسك لكن عموما و القانون نفسه طالما المدام شغاله خلاص ملكش

باقى التفاصيل كلها مكتوبه هنا فى الموضوع زى بتاعت التعليم و غيره و حتى موضوع البطاقه كل التفاصيل اللى مريت بيها و شايفها مهمه مشروحه بالتفصيل الممل فى الموضوع ده اقراها و ربنا يكرمك ان شاء الله

رد متداخل:

صباح الخير كن عاوز اسألك انا بشتغل في مصر في بنك اجنبي area sales manager for life insurance و خبرتي اكتر من 5 سنين في مجال التأمين البنكي انا متجوز و عاوز اهاجر للسويد علما بان اخت مراتي هتتجوز كمان شهر و هتسافر تعيش مع جوزها اللي عايش في السويد من 18 سنة و معاه الجنسيةعاوز اعرف ايه اسهل الطرق اللي ممكن اسافر بيها انا بتكلم انجليزي كويس و عندي استعداد اخد كورس سويدي هنا لو ده هيساعد

تكملة المقال:

السلام عليكم

حضرتك ممكن تقرا كل الموضوع ده لما يكون عندك وقت و منه هاتعرف كل التفاصيل عن ازاى تعادل شهاداتك و تقدم بعد كده على شغل و ربنا يوفقك ان شاء الله.

رد متداخل:

السلام عليكم ورحمه الله وبركاته

اتمني من الله ان تكون بخير دائما انا قرأت موضوعات الجميله المفيده ربنا يوسع عليك انا لم اعرف اسم حضرتك ولكن انت في القلب وبدعيلك علشان بتحب تساعد الناس ربنا يعطيك العافيه ويوسع عليك . ياThe Angelic Dev

اريد ان اعرف اسم الكريم علشان ادعيك .

اريد المساعده في موضوعي وهو يااستاذي الفاضل / انا عايش في النرويج حوالي شهر ولا يوجد لي اقرباء ولا اصدقاء بل يوجد الواحد الاحد رب العباد اريد ان ابحث عن عمل ولا اعرف عنوين المواقع علي النت معلش لو تكرمت ياعزيزي وشكرك وسنه سعيده علينا وعليك بي اليمن والبركات يارااااااب وعلي المسلمين اجمعين وعلي مصر

تكملة المقال:

السلام عليكم اسمى محمد

متشكر جدا على دعواتكم الجميله

بالنسبه للنرويج و اللهى يا معلم معنديش معلومات كتير بس دول اللى لقيتهم ممكن تشوفهم

Jobb i Norge

Hjem | Jobbnorge.no - stillinger i Norge

Velkommen til Norgejobb, en unik karriere portal | European Internet Recruitment

بس اظن فى مواقع فيها قاعده بينات اكبر بس دى بتبقى مشهوره فى داخل البلد ى بولكيت كده فى السويد و هنا مثلا عاملين وظايف للسويدين فى النرويج بالزات الدكاتره

Lediga jobb i Norge

فى مستشفيات فضيت فى السويد مبقاش فيها دكاتره من كتر اللى بيمشى يروح يشتغل فى النرويج عشان متعه و راحه ( اسبوعين عمل و اربع اسابيع اجازه ) و مرتب اعلى بكتير.

عموما هأسال لو لقيت حد عنده فكره عن الموضوع ده هاقول لحضرتك ان شاء الله

و ربنا يوفقك ان شاء الله

رد متداخل:

بجد مشكرا جدا ياستاذ/محمد جزاك الله كل خير انت ذوووووق بجد ربنا يحفظك ويبارك فيك وربنا يوسع عليك وكل عام وانتم بخير وسنه سعيده عليك ان شاء الله وعلي الامه العربيه .

السلام عليكم و رحمه الله و بركآته

انا متآبع من فتره لـ منتدآكم الجميل الذي اعطاني الآمل لأمضي قدمآ الى اوروبآ

انا ارتري الجنسيه لكني ولدت و عشت في السعوديه 23 سنه لم اذهب إلىَ بلدي بـ سبب أن وآلدي معآرض و ايضا للنظام الديكتاتوري السآئد في البلآد حيث ارتريا تقارن كثيرا بـ كوريا الشمآليه و تتسآبقآن هذه الدولتين في قمة الدول الأكثر دكتاتوريا لشعوبها

لن أطيل عليكم فأنا ولدت في السعوديه ولم اخرج منها ولـكن ليس لدي أي حقوق و إني معرض للترحيل في أي لحظه للمجهول

استفساري ي اخوان الحمدلله المال متوفر لكن اريد ان استعين بـ خبرتكم و اتمنى ان تتفآعلوا معي بآرك الله فيكم

انا أريد السفر الى السويد او النرويج لأطلب اللجوء اختياري لهذي الدولتين اولآ لـ جودت المعيشه فيها و لوجود معارف هناك و ايضا كانت قد قبلت بكثير من الارتريين للجوء فيها في السآبق . سؤالي هل تغير الحال الآن ؟؟

وماهي طريقة السفر الى هذه الدول من السعوديه ؟؟

فى واحد زميلى من السويد عايز يبعتللى حولة فلوس يعنى ازاى هو يحولة هو مش عارف

تكملة المقالة:

دى اسهل و ارخص دوله فى الدنيا انك تبعت منها فلوس لبره بالزات لمصر!

ازاى يعنى مش لاقى اى خدمه !

عندك باى بال طبعا فى لحظه وتوصل او ويسترين او مونى جرام او لو اى حد عنده ليه اكونت فى بنك نورديا هايبعتلك اى مبلغ مهما كان حجمه لو حتى مليون جنيه و هايكلفه 30 كورونا رسوم بس !!

دول الخدمات السريعه و المتوفره باقى البنوك رسومها اعلى و بتاخد وقت شويه.

ربنا معاك يا باشا

رد متداخل:

سؤال لاهل الخبرة...

انا اخدت فيزة بولندا تشنجن سياحة انا و الزوجة + ( طفلين ) . دلوقتى انا مش فى دماغى الرجوع و لا فدماغى بولندا اساسا..فهل من حقى احجز طيران ل السويد مثلا مباشرة و اقدم لجوء هناك ولا اساسا مينفعش انى اسافر مباشرة الا لبلد اصدار التاشيرة ( بولندا) ؟

ام احجز اى خط طيران ل وارسو بس يكون ترانزيت فى اى دولة اخرى قبل وارسو ( مثلا استكهولم / كوبنهاجن ) و اول ما انزل ترانزيت ااقدم على الجوء؟

بمعنى هل يجب ان يقدم اللجوء فى بلد اصدار التاشيرة الاوربية ام فى اول مطار اوربى حتى و لو كان ( مطار ترانزيت )؟

انا شايف في اشيء كتير غلط في كلمكم

الكل بحط اسعر من عندو ههههه

و قصة الجامعه قصه حديثه

ياريت اخى الكريم كده تعرفنا بنفسك بس الاول ومغترب بقالك أد ايه

وياريت يانجم متبخلش علينا وأكتبلنا المعلومات الصح الله يكرمك بدل ماالمعلومات غلط

وياريت تيجبلنا الاسعار لو عايش فى السويد

ياريت كمان تكتبلنا موضوع عن الجامعه علشان الواضح ان حضرتك خبير فى مملكه السويد

ممكن حضرتك توضح تقصد أيه

موضوع رائع لدى شركة تعمل فى تدوير الاطارات المستعملة فى مصر وارغب فى تاسيس شركة مماثلة فى السويد واريد معلومات عن تدوير الاطارات فى السويد شكرا

باالنسبه الموضوع بتاعك يااستاذ/ الفاضل الفيزا تشنجن عادي مفيش مشكله اي بلد اوربيه تذهب اليها ولكن المشكله في الجوء لا يحق لك في الاقامه اللجوء لان حضرتك معاك فيزا اروبيه وهذه مشكله ويقمو بترحيل الي البلد اللي عليها الفيزا

ربنا يوفقك

تكملة المقال:

السلام عليكم بالنسبه لموضوع التدوير

الاسبوع اللى فات كنت فى شركه اسمها رينوفا RENOVA دى المسؤله عن اعداه التدوير و الطاقه و الزباله و كل ده

هما شغلهم عجيب شويه ممكن تخش موقعهم

Renova.se — Ett ledande miljöföretag inom avfall och återvinning

و تقرا بنفسك عنهم لان ملهمش منافس دول بينتجو طاقه تدفئه و غاز طبيعى و كهربا برضه و بيضخوا كل ده فى الشبكه العموميه بتاعت المنطقه الغربيه من السويد

حتى تدوير كل الاجهزه الكهربائيه و المنزليه و الاليكترونيات و البطاريات و اللمبات و غيره , هما اللى بيعملوا كل ده.

بالنسبه للسيارات فى تلات او اربع شركات بياخدوا العربيات القديمه و بيحولوها لبلوك معادن و بتدفع عليها فلوس او ساعات بيدوك هما مبلغ قليل اوى لو العربيه بعد موديل 2000 تقريبا 300 كورونا حد اقصى فى عربيتك يعنى تقريبا ما يوازى خمس علب سجاير او 10 علب لبان زى تشكلس كده .

كان فى ناس اعرفهم بيعيدوا تدوير السلك اللى فى الكاوتش و بيدخل فى تصنيع الاسمنت المسلح بس النظام ده مش شغال فى السويد لان نظام البنا مختلف مش ى الدول العربيه .

خد فكره عن رينوفا و ربنا معاك ان شاء الله

معلومه مهمه

رينوفا دى بتكسب مليارات و لكن مش بتدفع ولا مليم ضرايب !!!!

هنا اى حد او اى شركه بتشتغل فى مجال بيرعى البيئه و صديق للبييئه بتعفى جزئيا او كليا من الضرائب

حتى لو اشتريت عربيه صديقه للبيئه بتاخد خمس سنين باركينج ببلاش فى اى مكان الا لو مكان خاص او مخصص لزوى الاحتياجات الخاصه. و كمان مش بتدفع ضريبه عاليه و رسوم اقل بكتير. بس عرض العربيه خلص خلاص عشان الحكومه كانت عامله حسابها فى 10 الاف عربيه و اللى اتسجل اكتر من تلاتين الف فى الفتره الاولانيه فالحكومه لغت بسرعه العرض ده عشان تفضل مسيطره على الوضع.

ربنا يوفقك يا معلم ان شاء الله

رد متداخل:

والله العظيم <br />

اني مخليتش موقع عن السويد وا اي احد من السويد الا وسألته عن اشياء بس ماشفت ولاسمعت شرح مثل ما انت شارح انت انسان طيب ومو عارف انت كم تساعد ناس بموضوعك هذا واتمنالك كل الخير والموفقية والنجاح لان المثلك يستاهل انو يندعيله . لاني حسب الي شفته بالسويد الناس تكون عارفه كثير اشياء بس متنصح احد او يوجه على الطريقة الصحيحة .<br />

اتقبل مني كامل الحب والاحترام يا أخي العزيز.

تكملة المقال:

متشكر لدعوات حضرتك الجميله واتمنى ان الجميع يستفيد ان شاء الله من الموضوع اهم حاجه الواحد ميحاولش ياخد طرق ملتويه للحصول على اى حاجه عشان عاجلا ام اجلا كل ده هاينهار فى اى لحظه و ساعتها الندم لا يفيد

حتى بالنسبه للقصص الى بنسمعها عن الطرق الملتويه اللى بعض الناس بتعملها بل بعض الشركات و غيرها برضه مفيش اى حاجه مؤكده لنجاحها.

القانون كده كده بيحمى اى حد محتاج للحمايه او مساعده فمفيش داعى لاى طرق ملتويه.

و بالتوفيق لحضرتك و للجميع

رد متداخل:

اتمني منكم الاهتمامانا وزوجي قررنا السفر الي السويد للظروف المأساوية في مصر اقتصاديا واجتماعيا

عايزة اعرف ابدا منين؟؟؟

هل اذهب للسفارة مباشرة؟

عايزين نفتح مشروع تجاري هناك ؟؟ما تقريبا التكلفة لمشروع تجاري متوسط

وهل يوجد ايضا مشكلة في شراء الشقق مش ايجار ولكم جزيل الشكر

شكرااااااااااا علي الشرح المفصلبس اتمني انك تساعدني بتجربتك في السويد

من اين نبدا لو عايزين نقيم في السويد وعمل مشروع

وكم تكلفة المشروع التجاري المتوسط؟

و كمان اسعار التمليك للشقق و المحلات في الاماكن المتوسطة؟؟

ومتوسط الدخل المناسب لاسرة من 4 افراد

ولك جزيل الشكرررر

إنتهى المقال المنقول.

أنا أيمن أبو صالح أشكر الأخ المصري الذي كتب هذه المعلومات عن تجربته الشخصية في السويد وأعتبر هذه المعلومات هي الوصف الحقيقي والواقعي عن الأوضاع في السويد عملياً بالنسبة للأجانب.