Embedded Files
Uger-uger Panganggé Tengenan
Jadwal
Jadwal
5A Senin, 14 Agustus 2023
5A Senin, 14 Agustus 2023
5B Senin, 14 Agustus 2023
5C R-
5D Selasa, 15 Agustus 2023
Panuntun Paplajahan
Panuntun Paplajahan
1) Kawitin paplajahan antuk nguncarang doa.
2). Kapertama indayang plajahin Materi Ajar .
3). Sasampune ngresep materi sane wenten ring Materi Ajar, durus plajahin Media Ajar mangda mikolihang kaweruhan lan pangresep sane becik nganutin undagan paplajahan.
4). Risampune ngamolihang kaweruhan lan pangresep sane becik, durus lanturang ngaryanin evaluasi. Yening rumasa durung waged antuk ngaryanin evaluasi, durus palajahin malih Materi Ajar mangda kaweruhane sayan nincap lan prasida muputang evaluasi punika.
5). Durus cingakin pikolih nilai evaluasi sementara ring Temporary Result.
Note : Durus laksanayang panuntun ring ajeng mangda mikolihang pikolih sane becik!
Media Ajar
(Media Ajar wantah piranti anggen nlatarang materi mangda sayan karesepang)
Materi Paplajahan
(Materi Ajar wantah materi sane ring buku teks sane prasida kanggen panuntun rikala malajah)
BUKU BAHASA BALI KELAS 5 - 2.pdfEvaluasi
(Durus karyanin latihan soal ring buku pengayaan alit-alite)
LKS (MODUL) BAHASA BALI KELAS 5 -2.pdfKasusastraan
Resepang Satua Bali Beten ene!
Bé Jeleg Tresna Telaga
Ada koné tuturan satua bé jeleg ané nongos di telagané. Dugasé pidan ada telaga ané madan Telaga Alpasara. Kacerita telagané asri, linggah, dalem, tur yéhné ening. Di tengah telagané ada bé jeleg, bé mas, lélé, yuyu, udang, muah ané lénan.
Kacerita jani, ada Bé Jeleg manyama ajaka telu, ané madan I Gancang, I Gancing, tekén I Gancung. Makatelu sing ja taén makisid uli telagané ento. Nuju Sasih Katiga kangkang Telaga Alpasarané ngancan ngaes-ngaesan. Ditu lantas Gancang ngrembug mapaitungan ngajak adinné makadadua ngorahang lakar magedi uling telagané ené ulian yéh telagané lakar nyat. I Gancing tusing nyak magedi krana marasa yéh tlagané tondén madan nyat, sing ja nyandang sangsaya. Lénan tekén ento sing ja ada jadma ané nawang patekan ujané. I Gancung masi patuh papinehné ngajak I Cancing sawiréh ia marasa di telaga Alpasarané tongos pelekadané, papa dosa koné kaucap yén anaké ané tuara tresna tekén kawitan, tekén tanah palekadan.
Sawiréh kéto pasaut adin-adinné makadadua, I Gancang marasa paineh nyamané beneh. Makatetelu sumuyug tusing lakar magedi uli Telaga Alpasarane. tusing ja lémpas tekén tresna manyama, tur tresna tekén tanah palekadan. Di subané kéto, sing ja kanti nyat yéh telagané, saget suba magrudugan gulem di langité lantas ujan.
Nah kéto kaceritayang I Bé Jeleg manyama ajaka tetelu, nyalanang tresnané manyama, tresna tekén kawitan utawi tanah palekadan, tur setata pageh mayasa. Ulian tresna tur pageh mayasa lakar nemuang rahayu.
Page updated
Report abuse