Probabilitatea eta Zoria

Egunero erabiltzen ditugu probabilitatearekin zerikusia duten kontzeptuak: etxetik irtetzean zer arropa jantzi erabakitzen dugu eguraldi iragarpenaren arabera, zorizko- eta estrategia-jokoetara jolasten gara, estatistikak eta galdeketak irakurtzen ditugu prentsan…

Kapitulu honetan probabilitatearen oinarrizko kontzeptuak ikasiko ditugu. Bestalde, konbinatoria eta zuhaitz-diagramak arlo honetako galderei erantzuteko zein baliagarriak diren ikusiko dugu.

Azken finean, probabilitatea, ongi zenbatzea besterik ez da. Ezagutza horien jabe bagara berrietan manipulatutako estatistikak identifikatzeko gai izango gara eta jakintza horrek erabaki aproposak hartzen lagunduko digu.