Barraskilo batek 25.000 hortz izan ditzake

Barraskiloek ehunka edo milaka hortz izan ditzakete. Jakina, gure hortzez oso bestelakoak dira –bestela, ez zitzaizkien ahoan sartuko–, baina gureen funtzio bera dute, funtsean.

Barraskilo batzuek ehunka hortz ilara izaten dituzte, hurrenez hurren, askotariko erabileretarako. Hortz batzuk elikagaiak mastekatzeko dira, noski; baina badira beste batzuk harrapakinei pozoia sartzeko baliatzen dituztenak (itsas barraskilo batzuk, adibidez, haragijaleak dira, eta era horretako hortzak dituzte).

ZERGATIK DIRA KOLORE ARROSAKOAK FLAMENKOAK?

Flamenkoak uretako lokatzetan aurkitzen dituzten algez eta krustazeoez elikatzen dira. Lokatza beren moko luzeaz mugitzen dute eta bertan dauden algak jaten dituzte. Jaten duten janariak lumei kolore arrosa ematen dien koloregaia du. Izan ere, jaiotzean, flamenkoak grisak dira, baina jan eta hazi ahala, arrosa kolorekoak bihurtzen dira.

BA AL ZENEKIEN...?

Koalek biziki atsegin dute lo egitea. Egunean bi orduz besterik ez dira egoten esna. Gainerako hogeita bi orduak… lo seko igarotzen dituzte!

BA AL ZENEKIEN...?

Ba al zenekien behiek eskailerak igo ditzaketela baina ez dakitela horiek nola jaitsi? Izan ere, beherantz doazenean belaunek ezin diete eutsi behiaren pisuari.

BA AL ZENEKIEN EZAGUTZEN DUGUN GAUZEKIN BAKARRIK EGIN DEZAKEGULA AMETS?

Gure ametsak sinboloak dira, eta, sinboloak izanik, gauza konkretu bati erreferentzia egiten diote, ezinbestean. Baliteke jende ezezagunarekin eta egoera ezinezkoekin amets egitea, baina ametsak beti dira gure memoriako eszenen eta pertsonen collage bat. Are gehiago; ametsetako aurpegiak eta tokiak esnaldian zehar –oro har, aurreko egunean– ikusitako aurpegien eta tokien zatiak dira, gogoratzen ez baditugu ere.

BA AL ZENEKIEN MARMOTEK EZ DUTELA GARUNIK, BAINA 24 BEGI DITUZTELA?

Marmokek ez dute, oro har, ez garunik, ezta gainerako animalienen antzeko nerbio sistemarik ere. Cubozoa edo itsas liztor deritzon marmokak 24 begi garatu zituen gorputzaren inguruan; horietako bi, giza begiak bezain aurreratuak ia …

Begien bidez lortutako informazioa garunik gabe nola baliatzen duten misterioa da, oraindik, baina marmoka horiei esker, gauza jakina da garuna izatea ez dela portaera konplexua izateko ezinbesteko baldintza.

Papiroflexia egitea nahi duzu?

Ikusi bideoa eta ea lortzen duzuen berdina egitea! Gero margotu ere egin dezakeguze!

Bidali sortzen dituzuen gauzak, asko gustatuko zaigu zuek egindakoa ikustea eta!