Die Knollenas is in Meenz bekannt wie en bunte Hund. Als Mitglied vum MCV spielt er seit Jahr'n in de Posse als Scheierborzeler mit. Des kimmt von dem hochdeitsche Wort „Scheunenpurzeler", was määnt, es sin Komödiante, die uff de Tenne vun de Scheiern ihr Späßjer treibe. Er is en lustige Vogel, der en Regisseur zur Verzweiflung treibe kann, weil er nie sei Texte auswennig kann. Trotzdem klappt's fast immer, hängegebliwwe is er nochnie, weil er nit uffs Maul gefalle ist. Er hat sogar die Fassung bewahrt, als er bei 'ner Vorstellung ään hat fahr'n lasse, was alle Leit gehört hawwe. Da hat er geistesgegenwärtig zu seiner Partnerin gesagt: „Settche, ewe hat's gedunnert!"