E' Krott is uff Hochdeitsch e Kröt, wenn ää in Meenz dezu lustig un fidel is, nennt mer se goldig Krott. Des is die, die ich eich hier zeig. Sie is immer am Lache, malt sich ihr Frätzje aa, wenn se unner die Leit geht, e Altstädtern, die mer ääfach gern hawwe muss. Sogar im Summer, wenn kääner an Fassenacht denkt, hat se es Wappe vom MCV um de Hals. Karierte Klääder trägt se atm liebste, meist in Rot-Weiß, vieecht deswege, weil se Stammgast bei de 05er ist. Im Stadion schreit se oft wie en Berserker, wenn widder mal e Spiel in die Hose geht, was ja kää Seltenheit is. Sie hat meist e Trillerpeif umhänge un peift bei alle Gelegenheite, was schon emal zum Spielabbruch geführt hat. Da hat se gelacht un gemäänt: „Bei dene Flasche rentiert sich es Hiegucke sowieso nit!"