МАТЕМАТИКА ЖАНА МАТЕМАТИКАЛЫК МОДЕЛДЕШТИРҮҮ

Илимий жана илимий-педагогикалык кадрларды даярдоо

Э.Уметов атындагы Педагогикалык факультетинин Математика жана математикалык моделдештирүү кафедрасынын 2022-2023-окуу жылында иш берүүчүлөр жана бүтүрүүчүлөр менен жүргүзүлгөн иш чараларына анализ

ИШ БЕРҮҮЧҮЛӨР МЕНЕН ЖОЛУГУШУУ ӨТКӨРҮЛДҮБ.Осмонов атындагы Жалал-Абад мамлекеттик университетинин Э.Уметов атындагы педагогикалык факультетинин жогорку математика жана математиканы окутуунун технологиялары кафедрасынын окутуучулары тарабынан иш берүүчүлөр менен жолугушуу иш-чарасы өткөрүлдү. 550200 Физика-математикалык билим берүү багытынын математика профилинин М-1-20, М-1-21 тайпаларынын студенттери окуу процессинин графигине ылайык, 2022-2023-окуу жылында кесиптик-базалык жана адаптациялык практикаларды өтөп келишкендиктен, иш-чара студенттерде практика өтөө мезгилинде кездешкен көйгөйлөргө, алардын болочок адис катары кандай көндүмдөрдү калыптандырышы керектигине, бүгүнкү күндө мектептик билим берүүдө мугалимдин кесиптик ишмердүүлүгүнө таандык иш-аракеттерге багытталды. Жолугушууга катышкан иш берүүчүлөр: Кыргыз Республикасынын эмгек сиңирген мугалими, М.Эгембердиев атындагы “Илим” билим берүү комплексинин директору Токтосунов Анарбек Адашевич, №4 гимназия мектебинин директору Мамырасулова Арал, Жалал-Абад шаардык билим берүү бөлүмүнүн адиси Эргешов Шаирбек, №75 кесиптик лицейдин окуу иштери боюнча директордун орун басары Төрөбаева Залина, Сузак районундагы Г.Бакиева атындагы №24 мектептин директору Эрмеков Асан, №11 М.Орозалиева атындагы мектептин директору Азимбаев Кумарбек, №75 Улугбек атындагы мектептин директору Тохтасинов Абдукодир. Иш-берүүчүлөр студенттерге: мектеп чын жүрөгүнөн жоопкерчиликтүү, балдарды сүйүү сезимине ээ, өз кесибин бийик көргөн, баалай билген, жакшы көргөн математик мугалим катары изденген, өздөрүнүн үстүндө иштеген, аракетчил мугалимдерди күтө тургандыгы сыяктуу баалуу сунуштарын беришти. Жолугушууда маанилүү жана замандын талабына ылайык адистердин даярдалып чыгышына байланыштуу суроолор-жооптор болду, кызуу талкуу болуп, иш-чара максатына жетти.

НЕГИЗГИ БИЛИМ БЕРҮҮ ПРОГРАММАСЫ ТАЛКУУЛАНДЫБ.Осмонов атындагы Жалал-Абад мамлекеттик университетинин Э.Уметов атындагы педагогикалык факультетинин жогорку математика жана математиканы окутуунун технологиялары кафедрасында иш берүүчүлөр менен 550200 Физика-математикалык билим берүү багытынын 1-курстарынын математика, физика, информатика профили үчүн түзүлгөн НББП талкууланды. НББПны талкуулоого катышкан иш берүүчүлөр: Кыргыз Республикасынын эмгек сиңирген мугалими, М.Эгембердиев атындагы “Илим” билим берүү комплексинин директору Токтосунов Анарбек Адашевич, №4 гимназия мектебинин директору Мамырасулова Арал, Жалал-Абад шаардык билим берүү бөлүмүнүн адиси Эргешов Шаирбек, №75 кесиптик лицейдин окуу иштери боюнча директордун орун басары Төрөбаева Залина, Сузак районундагы Г.Бакиева атындагы №24 мектептин директору Эрмеков Асан, №11 М.Орозалиева атындагы мектептин директору Азимбаев Кумарбек, № 75 Улугбек атындагы мектептин директору Тохтасинов Абдукодир. Талкуунун жүрүшүндө жогорку кесиптик билим берүү мамлекеттик стандартында коюлган талаптарга ылайык иштелип чыккан негизги билим берүү программасы жана эксперименталдык окуу планы менен таанышып, кадр жетишсиздик көйгөйүн чечүүдөн улам келип чыккандыгын стейкхолдерлер айтышты, бирок мындай кадам кандайдыр бир мөөнөттүн ичинде натыйжасын берет, бирок ошол натыйжа оң болушу күмөн, анткени 4 жылдык мөөнөттө болочок мугалим 3 профилге тиешелүү дисциплиналар боюнча минималдык билимдерге ээ болуу жемиштүү болбойт деген ойлорду билдиришти. Андыктан, мектептик билим берүүнүн мамлекеттик билим берүү стандартынын талаптарын да эске алып, болочоктогу адис жумуш ордун табуу менен бирге, компетенттүү мугалим катары даярдалып чыгуусу биздин келечектеги муундар үчүн зарыл деп айтышты.

Page updated

Google Sites

Report abuse