روداد قمبر

ذندگی میں ناگوار چیزیں جن کے بارے میں آپ کچھ کر نہیں سکتے صرف نظر ignore کرنے کی کوشش کریں

اپنی زندگی آسان بنایں

ذندگی میں وہ چیزیں جن کے بارے میں آپ کچھ کر سکتے ہیں ضرور کر دیں

دوسروں کی ذندگی آسان بنایں

یاد رکھیں ہر عمل کا ایک ردعمل ہوتا ہے

کوئی عمل کرنے سے پہلے اس کے ردعمل کو برداشت کرنے کا ذہن بنا لیں

اور اللہ سے نیک اعمال کی توفیق مانگا کریں

اور برے اعمال سے بچنے کی توفیق مانگا کریں

لا حَولَ وَلا قُوَّۃَ اِلّا بِاللہ کا مطلب غور سے سمجھیں

و توفیق من جانب اللہ 

پاکستان کا بیٹا

بیٹا آتے ہوے میری دوایاں لیتے آنا

جی امی

سنیے منے کے میمپر اور گروسری بھی ختم ہے

اوکے ڈیئر ڈونٹ وری لیتا آؤں گا

پتر تیرا چاچا بیمار ہے

اگر وقت ملے تو اس کا پتہ کر لینا

جی ابا جی

بھیا میری کتابیں اور کاپیاں ختم ہیں وہ بھی لانی ہے

اچھا میری پیاری بہن

آج تنخواہ ملنی ہے

امی کی دوائیاں 1000 روپے

منے کے پیمپر اور گروسری 5000

بہن کی کتابیں اور کاپیاں 2000

بجلی کا بل 5000

گیس کا بل 600

پانی کا بل

400

پچھلا قرضہ 20000

موڑ سایکل کی قسط 5000

گھر کا کرایہ 20000

کل خرچہ

50000

کل تنخواہ

25000

باقی 25000 قرض کی رقم سے پورے کر لیتا ہوں

میرا پاکستان 

پاکستان کے عوام

جناب عالی کل میرا بجلی کا میٹر کاٹ دیا گیا

تم نے بل نہیں دیا ہو گا

نہیں سر بل تو میں نے مقررہ تاریخ سے پہلے ادا کر دیا تھا

پھر

سر وہ میٹر ریڈر پیسے مانگ رہا تھا

پھر

سر میں نے جب بل دے دیا تو میٹر ریڈر کو پیسے کیوں دوں

استقبالیہ والا اسے سر سے پاؤں تک غور سے دیکھتا ہے

تم کون ہو

سر میں پاکستان کا شہری ہوں

اچھا تمھارا کسی پارٹی سے تعلق ہے

نہیں سر

اچھا کسی مسلک سے

نہیں سر

کسی بااثر بندے سے کوئی تعلق

نہیں سر

اچھا کچھ پیسے ہیں تمھارے پاس

نہیں سر مہینے کے شروع میں بلوں کی ادائیگی کے بعد جیب خالی ہو جاتی ہے

باقی مہینہ کیسے گزارتے ہو

سر اللہ نے کچھ اچھے دوست دیے ہیں

وہ مدد کر دیتے ہیں

لیکن میں بھیک نہیں مانگتا

ہر مہینے کے شروع میں جب تنخواہ آتی ہے تو قرض کی ساری رقم لوٹا دیتا ہوں

استقبالیہ والا سوچ میں پڑ جاتا ہے

ایک مفت مشورہ ہے

اگر مان لو

جی سر حکم فرمائیں

دیکھو کہیں میرا نام نہ لینا

میں خود ملازم آدمی ہوں

اگر میری شکایت ہو گئ تو میرے بچے بھوکے مر جایں گے

میٹر ریڈر کو پیسے دے دو

لباس

مرد عورت کا لباس

عورت مرد کا لباس

جانتے ہو لباس کیا ہوتا ہے

وہ چیزیں جو آپ لوگوں کو نہیں دکھانا چاہتے

لباس میں چھپا لیتے ہو

جب ایک عورت اپنے مرد کی برائی کرتی ہے

تو وہ اس کا لباس اتار دیتی ہے

اور جب ایک مرد اپنی عورت کی برائی کرتا ہے

تو وہ اس کا لباس اتار دیتا ہے

پاکستان کا حکمران

آج تک ہمارے گھر کبھی بجلی نہیں گئ

سر عوام کے گھروں میں روزانہ گھنٹوں بجلی جاتی ہے

آج تک ہم کبھی بھوکے نہیں سویے

سر عوام کو دو وقت کی روٹی بھی میسر نہیں

یار اس دفعہ امریکہ سے کمر کا درد چیک کرائیں گے

سر سرکاری ہسپتالوں میں ادویات نہیں ہیں

یار وہ میں سوچ رہا تھا کہ اس دفعہ پیسے آئے تو فلاں جگہ ایک رقبہ ہی خرید لیں

سر عوام کے پاس ایک جھونپڑی ڈالنے کے پیسے بھی نہیں ہیں

یار ایک بتا لیڈر تو ہے کہ میں

نہیں سر لیڈر تو آپ ہی ہیں

اگر میں بھی تیری طرح سوچتا تو پاکستان کا حکمران نہ بنتا

بھاگنا ضروری نہیں

کبھی گر بھی پڑو گے

چلتے رہنا اصل ہے

جو انسان چلتا رہتا ہے

کبھی نا کبھی منزل پا لیتا ہے

ہمت ہارنے والا شخص کبھی منزل پر نہیں پہنچتا