ÍSLENSKUKENNSLA

Það er klisja en samt mikill sannleikur að allir kennarar séu íslenskukennarar. Undir hatti námssviðsins er unnið með tungumálið og læsi í víðum skilningi og í kafla 19. íslenska í aðalnámskrá grunnskóla eru fimm flokkar:

• Talað mál, hlustun og áhorf

• Lestur og lesskilningur

• Bókmenntir

• Ritun

• Mál og málnotkun

Glætan vísar á vefinn Íslenska í Stapaskóla þar sem finna má verkefni og kennsluleiðbeiningar af margvíslegu tagi til notkunar í íslenskukennslu á unglingastigi.

Á vefnum er væntanleg námskrá sem sýnir framvindu verkefna og skipulag kennslu. Unnið er að uppfærslu efnisins til samræmis við endurskoðaða Aðalnámskrá grunnskóla frá 2024.