ކަހޫޓަކީ ޓެކްނޮލޮޖީ ބޭނުންކޮށްގެން ދަރިވަރުންނަށް ކިޔވައިދިނުމަށްޓަކާ މުދައްރިސުންނަށް ބޭނުންކުރެވިދާނެ އައިސީޓީ ޓޫލެކެވެ. މިޓޫލަކީ ފިލާވަޅު ނިންމާލުމަށްފަހު ދަރިވަރުންނަށް އެނގިފައިވާ މިންވަރެއް ބެލުމަށް އަދި ފިލާވަޅު ފެށުމުގެ ކުރިން ވެސް އެފިލާވަޅަކާއި ބެހޭގޮތުން އެނގިފައިވާ މިންވަރެއް ބެލުމަށް ބޭނުންކުރުމަށް ވަރަށް ރަނގަޅު ޓޫލެކެވެ. މިގޮތުން މިޓޫލްގެ ބޭނުންކޮށްގެން ކުއިޒްތަކާއި ސާރވޭ ފަދަ ހަރަކާތްތައް ގެންގޮސް ދަރިވަރުން ޝަޢުޤުވެރިކުރުވާނެ ގޮތަށް ކުޅިވަރުގެ ތެރެއިން ކިޔެވުން ކުރިއަށް ގެންދެވިދާނެއެވެ. ކަހޫޓް ކުއިޒްގައި 100 މީހުން ބޭނުންކުރެވޭއިރުގައި މިއީ ކުލާސްރޫމްގައި ބޭނުންކުރުމަށް ވަރަށް ކަމުދާނެ ޓޫލެކެވެ.

ކަހޫޓް ބޭނުންކުރުމަށް ރަޖިސްޓްރީ ވާންޖެހޭނެއެވެ.

https://create.kahoot.it/auth/register?_ga=2.121677067.1807309078.1591353258-1704700684.1591353258&deviceId=d0c0328a-4a6c-452d-b39b-b5b7dddab1bcR&sessionId=1591353258184

މިލިންކް ހުޅުވާލުމަށްފަހު ކުރިއަށް ފުރަންޖެހޭ ބައިތައް ފުރަމުން ކުރިއަށް ދިއުމުން މި ސައިޓްގައި ރަޖިސްޓްރީ ވެވޭނެއެވެ.

ކިޔަވައިދިނުމުގައި ކަހޫޓް ބޭނުންކުރާނެގޮތް

• ފިލާވަޅު ފެށުމުގެ ކުރިން ފިލާވަޅާއި ގުޅޭގޮތުން ދަރިވަރުންނަށް އެނގިފައިވާ މިންވަރެއް ބެލުން

ފިލާވަޅު ފެށުމުގެ ކުރިން އެފިލާވަޅަކާއި ގުޅޭގޮތުން ދަރިވަރުންނަށް އެނގިފައިވާ މިންވަރެއް ބެލުމަށް ސުވާލުތަކެއް ހެދިދާނެއެވެ. އަދި ދަރިވަރުންނަށް އެނގިފައިވާ މިންވަރެއް ބެލުމަށްޓަކައި ސާވޭ ފޯމެއް ވެސް ހެދިދާނެއެވެ.

• ފިލާވަޅު ނިންމާލަމުން ދަރިވަރުންނަށް ކިޔަވައިދެވުނު ބައިތަކުން އެނގިފައިވާ މިންވަރު އޮޅުންފިލުވުން

ފިލާވަޅު ނިންމާލަމުން ދަރިވަރުންނަށް އޮޅުންފިލާފައިވާ މިންވަރެއް ބެލުމަށްޓަކައި ކުއިޒެއް ނުވަތަ މަލްޓިޕަލް ކުއިޝަން ތަކެއް ވެސް ދެވިދާނެއެވެ.

• ފިލާވަޅުގެ ހަނދާން އައު ކޮށްލުން

އެދުވަހެއްގައި ކުރިއަށް ގެންދެވުނު ފިލާވަޅެއް ނުވަތަ ކުރީ ދުވަހުގެ ފިލާވަޅު މުނާޖާކޮށްލުމަށް ވެސް މި އެޕްލިކޭޝަން ބޭނުންކުރެވިދާނެއެވެ.

• ކަހޫޓަކީ ކުލާހުގައި ނޫނަސް އޮންލައިންކޮށް ވެސް ކިޔަވައިދިނުމަށް ބޭނުން ކުރެވިދާނެ ޓޫލެކެވެ.

މި ޓޫލަކީ ދަރިވަރުންގެ ފެންވަރު ވަޒަންކޮށްލުމަށް ބޭނުންކޮށްލެވިދާނެ ވަރަށް ރަނގަޅު ޓޫލެކެވެ.

ކަހޫޓް ބޭނުންކޮށްގެން ހިސާބު މާއްދާގެ ގަޑިއެއްގައި ގެންދާ ކުއިޒެއް

ހިސާބު ކިޔަވައިދޭ ކުލާހެއްގައި ނަވަތަ ގޭގައި ދަސްކުރަން ދީފައި ދަރިވަރުން ކުޅާހަަށް ހާޒިރުވުމުން ދަސްވެފައިވާ މިންވަރު ބެލުމަށްޓަކައި މަތީގެ ކަނާތްފަރާތުން ދީފައިވާ ގޮތަށް ކުއިޒް ގެންދެވިދާނެއެވެ. އޭރުން ދަރިވަރުންނަށް ދަސްވެފައިވާ މިންވަރެއް އެނގިގެންދާނެއެވެ.

މަތީގެ ވާތް ފަރާތުގައިވާ އޭންގަލް ބަލަން ކުލާހުގައި ކިޔަވައިދިނުމަށްފަހު ދަރިވަރުން އަޑުއަހާ ކިޔަވައިދިން އެއްޗެހި އެދަރިވަރުންނަށް އޮޅުންފިލި މިންވަރެއް ބެލުމަށްޓަކައި ކުއިޒެއް ގެންދެވިދާނެއެވެ.

ކަހޫޓަކީ ކުލާސްރޫމްގައި ދަރިވަރުން ޝަޢުޤުވެރި ކުރުވައިގެން ފިލާވަޅު ތެރެއަށް ވައްދައި އަދި ދަރިވަރުންނަށް ކިޔަވައިދެވުނު ފިލާވަޅު އެނގިފައިވާ މިންވަރު ދެނެގަތުމަށް ބޭނުންކުރަން ވަރަށް ރަނގަޅު އައިސީޓީ ޓޫލެކެވެ.