ޑްރޮވްޕް އަންލިމިޓެޑަކީ ހުސް ކެންވަސްއެކެވެ. އެއީ ދަރިވަރުން އަށް ކުރިއޭޓްކޮށްގެން ރައްކާތެރި މާހައުލެއްގައި މަސައްކަތް ގެންދެވޭ އޮންލައިން ވައިޓްބޯޑެކެވެ. ފުޅާ ދާއިރާއެއްގައި ގުރޫޕު މަސައްކަތްކޮށް ކުރާ މަސައްކަތް ހިއްސާކުރެވޭ ބޯޑެކެވެ. ޕްރޮޖެކްޓް މަސައްކަތް ނުވަތަ ސުވާލުތަކުގެ ޖަވާބު ހަދާނަމަ ދަރިވަރުންނަށް އެނގިފައި ހުރި މަޢުލޫމާތު ހަނދާނަށް ގެނެސްގެނާއި ޑިޖިޓަލްކޮށް މަޢުލޫމާތު އެއްކޮށް ކޮލަބޮރޭޓިވް ޕްރެޒެންޓޭޝަންތައް ހަދާލެވެއެވެ. އަދިތަސްވީރުތައް ހިމަނާލައި ސްލައިޑް ޝޯވް ހަދާލެވެއެވެ.

މިއީ މުދައްރިސުންނާއި ދަރިވަރުންނަށް ފަސޭހަކަމާއެކު ދެފަރާތަށްވެސް ފައިދާހުރި ގޮތުގައި ހިލޭ ލިެންހުންނަ ބޯޑެކެވެ. މިބޯޑު ބޭނުންކުރުމަށް ސައިޓަށް ވަނުމަށްފަހު ސައިންކުރުމުން ބޯޑު ބޭނުން ކުރެވެއެވެ. ބޯޑު ހުޅުވާލުމުން ބޭނުންވާ ކަމެއް ކޮށްލެވެއެވެ. މއިީ ކުލާސްރޫމުގައި ދަރިވަރުންނާއެކު މަސައްކަތް ކުރުމަށްވެސް ބޭނުން ހިފިދާނެ ބޯޑެކެވެ.

މޯބައިލް ލަރނިންގް

މޯބައިލް ލަރނިންގ ނުވަތަ ކޮންމެ އިރަކު ކޮންމެ ތަނެއްގައި ހުރެގެން އޮންލައިންކޮށް ކިޔަވާނަމަ މުދައްރިސާއި ދަރިވަރުންނާ ދެމެދު މުވާސަލާތު ކުރުމަށް ބޭނުންވާނެ ވަސީލަތެއް އަތްމަތީގައި ގެންގުޅުން ވަރަށް މުހިއްމެވެ. އެގޮތުން ވައިފައި ނުވަތަ އިންޓަރނެޓް ލިބޭ ރަނގަޅު ބުރޯޑް ބޭންޑެއް ބޭނުންވެއެވެ. ހަމައެހެން ސްކްރީނުން އެއްޗެއްހިތަކެއް ބަލައި ދައްކާލެވޭ ސްކްރީނަކާ ކީބޯޑެއް ވެސް ބޭނުން ވާނެއެވެ.

އުނގެނުމާއި އުނގަންނައިދިނުމަށް ބޭނުންވާ ވަސީލަތްތަކުގެ ތެރޭގައި ކޮމްޕިއުޓަރާއި ލެޕްޓޮޕް އަދި ޓެބްލެޓް ފަދަ ވަސީލަތްތައް ހިމެނެއެވެ. މީގެ އިތުރުން ރިކޯޑު ކުރެވޭނެ ވަސީލަތްތައް ވެސް ބޭނުންވެއެވެ. ސްމާޓް ފޯން ޑިޖިޓަލް ކެމެރާފަދަ ވީޑިއޯ، އޯޑިއޯ، ފޮޓޯފަދަ ތަކެތި އެޑިޓްކޮށް ބަދަލު ގެނެވޭނެ ވަސީލަތަކެކެވެ. ހަމަ އެހެންމެ ވީޑިއޯ އޯޑިއޯ އަޑުއަހައި ބަލާލެވޭނެ ވަސީލަތްތަކާއި ސްކޭން ކުރެވޭނެ ގޮތްތައްވެސް ހުރުން މުހިމެވެ. މި ބޭނުންކުރެވޭ ވަސީލަތްތައް ބޭނުންކުރުމުގައި ކޮމްޕިއުޓަރާ ގުޅޭނެ އެކަށޭނަ ކޭބަލްތައް ލިބެން ހުރުމަކީ އެހަމެ މުހިއްމުކަމެކެވެ.