5. ޢާއިޝަތު ނަފާ: އަޅުގަނޑު މިމަސައްކަތުގައި ކުއިޒް ހެދި ކުއިޒިޒްއަކީ އަޅުގަނޑުގެ ހަޔާތުގައި އަލަށް ބޭނުންކުރި ސައިޓެކެވެ. މިހެންވުމުން މިމަސައްަކަތުގެ ސަބަބުން އެސައިޓް ދަސްވެ ސައިޓްގެ ބޭނުން ހިފޭނެގޮތްގޮތް ދަސްވިއެވެ. ކުއިޒިޒްއަކީ ދަރިވަރުންނަށް ކުއިޒެއް ތައްޔާރުކޮށްލުމަށް ވަރަށް ރަނގަޅު ސައިޓެކެވެ. މިމަސައްކަތުގެ ތެރެއިން ކުއިޒްތައް ހަދާނެ ގޮތާއި ކުއިޒްގެ ސުވާލުތައް ބައްޓަން ކުރާނެ ގޮތް ދަސްވިއެވެ. މިހެންކަމުން ، އޮންލައިން ކުލާހެއްގައި ނުަވަތަ ކުލާސް ނިންމާލާފައި ނުވަތަ ހޯމް ވާރކް ގޮތުގައި ވެސް މިފަދަ ކުއިޒެއް ތައްޔާރުކޮށްފައި ދަރިވަރަށް ލިންކް ހިއްސާކުރެވިދާނެއެވެ.

ޢާއިޝަތު ނިޔާޒާ: މި މަސއްކަތަކީ ކިޔަވައި ދިނުމުގެ ދާއިރާގައި ބޭނުންތެރި މުހިންމުކަންކަން ދަސްވި މަސައްކަތެކެވެ. އެގޮތުން އޮންލައިން ކްއިޒް ހެދުމާއި ރުބްރިކް ތައްޔާރުކޮށް މާސްކު ދިނުމާއި މި ފަދަ ޝައުޤްވެރި މަސައްކަތްތަކެއް ކުރެވުނެވެ. އަދި މަސައްކަތް ފަރުމާކޮށްފައިވާ ގޮތުން އެހެން ދަރިވަރުންގެ މަސައްކަތްތައް ބަލައި އެ މަސައްކަތްތައް ރާވާފައިވާ ގޮތް ބަލައިލަން ވެސް ފުރުޞަތު ލިބުނެވެ.

ރާވިޔާ: މި މަސައްކަތަކީ ވަރަށް ގިނަ އައު ކަންކަން ދަސްވެގެން ދިޔަކަމެކެވެ. ކިޔަވައި ދިނުމުގައި ބޭނުންކުރާނެ ތަފާތު އުކުޅުތައް ދަސްވެގެން ދިޔައެވެ.

ރާމިޒް: ކޮލަބޮރޭޓިވްކޮށް ކުރިޔަށް ގެންދިޔަ މި މަސައްކަތަކީ ގްރޫޕްގެ ކުދިންނާއި ކިލާހުގެ އެހެން ދަރިވަރުން ވެސް ވަރަށް ބޮޑަށް ގުޅިގެން ކުރެވުނު ފައިދާހުރި މަސައްކަތެކެވެ. މި މަސައްކަތުގައި ގްރޫޕް ލީޑަރު އަޅުގަނޑާ ހަވާލުކުރި މަސައްކަތަކީ ސުވާލުތަކުގެ ޖަވާބުތައް އެހެން ގްރޫޕެއްގެ ދަރިވަރުން ލައްވާ ލިޔުއްވުމެވެ. މި މަސައްކަތަށް ގިނަ ކުދިންގެ އެއްބާރުލުން ލިބުނުކަން ފާހަގަކޮށް އެ ކުދިންނަށް ޝުކުރުދަންނަވަމެވެ.