މިއީ މާސްޓަރ އޮފް އެޑިއުކޭޝަންގައި ދިވެހި ލޭންގުއޭޖު ޓީޗިންގ ކޯހުގައި އަޅުގަނޑު ކިޔަވަމުންދާ މާއްދާއެއްކަމުގައިވާ އައިސީޓީ އިން އެޑިއުކޭޝަން (އައިސީޓީ 535) މާއްދާގެ މޮޑިއުލްގައި ހިމެނޭ 4 ކީ އޭރިޔާއާއި އުނގަންނައިދިނުމުގައި ބޭނުން ކުރެވިދާނެ 4 ޓޫލެއް (ވަސީލަތެއް) ހިމަނައިގެން އެސައިންމެންޓެއްގެ ގޮތުގައި ތައްޔާރު ކުރަން ޖެހުނު މަންސައެކެވެ. ދުނިޔެއަށް ކުރިމަތިވެފައިވާ މި ނުރައްކާތެރި ދަނޑިވަޅުގައި އުނގެނުމާއި އުނގަންނައިދިނުމުގެ ދާއިރާއަށް ބޮޑެތި ބަދަލުތައް ގެނެވި އިޖުތިމާޢީ ގައިދުރުކަމުގައި ދަރިވަރުންނަށް ތަޢުލީމު ފޯރުކޮށްދޭންޖެހުނު ހިނދު މިފަދަ މާއްދާއެއް ތަޢާރަފުކޮށް، މުދައްރިސުން މާއްދާއަށް އަހުލުވެރި ކުރުމަކީ ވަރަށް މުހިއްމުކަމެކެވެ. އެގޮތުން މިފަދަ މަންސަ ހެއްދުމުގެ ބޭނުމަކީ މުދައްރިސުން މާއްދާއަށް އަހުލުވެރިކޮށް ދަރިވަރުންނަށް އުނގެނުމަށް ފަހި މާހައުލެއް ގާއިމުކޮށްދިނުމަށް މަސައްކަތް ކުރުމެވެ. އެހެންކަމުން މިއީ ވަރަށް މުހިއްމު އަދި ވަރަށް ބޭނުންތެރި މަސައްކަތެއްކަމުގައި އަޅުގަނޑު ދެކެމެވެ.

މި މަންސައިގައި ދެ ބައެއް ވެއެވެ. ފުރަމަ ބައިގައި ހިމެނެނީ މާއްދާގައި ކިޔެވި ހަތަރު ކީ އޭރިޔާއާއި އުނގަންނައިދިނުމުގައި ބޭނުންކުރެވިދާނެ ހަތަރު ޓޫލެކެވެ. ދެވަނަ ބައިގައި ހިމެނެނީ

މި މާއްދާގައި ކިޔަވާ ބައިތަކުގެ ތެރޭގައި ހަތަރު ކީ އޭރިޔާއެއް ހިމެނެއެވެ. އެއީ އުނގެނުމުގައި ތަފާތު އައިސީޓީގެ ވަސީލަތްތައް ބޭނުންކުރުމާއި އުނގެނުމާއި އުނގަންނައިދިނުމަށް އައިސީޓީގެ ވަސީލަތްތައް ބޭނުންކޮށްގެން ފިލާވަޅު ކުރިޔަށް ގެންދާނެގޮތާއި ފެންވަރު ވަޒަންކުރާނެގޮތާއި އުނގެނުމާއި އުނގަންނައިދިނުމާއި ފެންވަރު ވަޒަންކުރުމުގައި އައިސީޓީ ރިސޯސްތައް އިޚުތިޔާރުކުރާނެ ގޮތުގެ އިތުރުން އުނގެނުމަށް ފަހި މާޙައުލެއް ގާއިމުކޮށް ކުލާސްތަކުގައި ޓެކްނޮލޮޖީ ބޭނުންކުރުމާއި ވާޗުއަލްކޮށް އުނގަންނައިދޭނެ މާޙައުލެއް ގާއިމުކުރުމެވެ.

މާއްދާގައި ބޭނުންކުރަން ދަސްކުރި ކޮންމެވެސް ހަތަރު ޓޫލްއެއްގެ ބޭނުމާއި އެ ޓޫލް ބޭނުންކުރާނެ ގޮތާއި ދަރިވަރުންނާއި މުދައްރިސުންނަށް އެ ޓޫލްތައް ބޭނުންކޮށްގެން ކުރެވޭނެ ކަންތައްތަކަކީ ކޮބައިތޯއާއި އެ ޓޫލްތައް ބޭނުންކުރުމުން ލިބޭ ފައިދާއާއި ޓޫލް ބޭނުންކުރުމުގައި ހުރި ގޮންޖެހުންތަކަކީ ކޮބައިކަން މި މަންސައިގައި ހިމެނޭނެއެވެ.

އެހެންކަމުން މި މަންސައަކީ މިހާރު ތަޢުލީމީ ދާއިރާއަށް ފައިދާހުރި ބޭނުންތެރި މަންސައަކަށް ވެގެން ދިއުމަކީ އެކަށީގެންވާ ކަމެކެވެ.

ކީ އޭރިއާ 1

އުނގެނުމުގައި އައިސީޓީގެ ތަފާތު ވަސީލަތްތައް ބޭނުން ކުރުން

ފައިދާ

ޕެޑެގޮޖީ އާއި އައިސީޓީ

އުނގެނުމުގައި އައި ސީ ޓީ އަކީ ކޯޗެއް؟

އައިސީޓީއަކީ މަޢުލޫމާތު ބަދަލުކުރުމަށް ނުވަތަ ހިއްސާކުރުމަށް ބޭނުން ކުރެވޭ ޓޭކްނޮލޮޖީގެ ވަސީލަތެކެވެ. ނުވަތަ ރިސޯސްއެކެވެ. އައިސީޓީ ތަޢުލީމީ ދާއިރާއާއި ގުޅެނީ މި މަޢުލޫމާތު ބޭނުންކޮށްގެން އުނގެނުމާއި އުނގަންނައިދިނުން އަދި ފެންވަރު ވަޒަންކުރުމުގައެވެ.

އުނގެނުމާއި އުނގަންނައިދިނުން އަދި ފެންވަރު ވަޒަންކުރުމުގައި އައިސީޓީ ގެ ވަސީލަތްތައް

އުނގަންނައިދިނުމުގައި އައިސީޓީގެ ބޭނުން

މުދައްރިސުން އުނގަންނައިދިނުމުގައި އައިސީޓީގެ ތަރުހީބު ދިނުމާއި އުނގަންނައިދިނުމުގައި އައިސީޓީ ބޭނުންކުރުން ވަރަށް މުހިއްމު

އުނގަންނައިދިނުމުގެ ތަފާތު އުކުޅުތަކާއި ގޮތްތަކާއި ގުޅިގެން މަސައްކަތްކުރުމުން އުނގެނުމުގެ ދާއިރާ ފުޅާވެ ތަރައްގީވެގެންދާނެ

އިންމފޯމަލް ލަރނިންގއާއި ފޭސް އޮފް ލާރނިންގ ކުރިއަރައި ބޭނުން މާޙައުލެއްގައި އުނގެނުމާއި އުނގެނުމުގެ ތަފާތު ގޮތްތަކާއި ތަފާތު ފޯމެޓްތަކާއި ކުޅިވަރުގެ ތެރެއިން އުނގެނުމާއި ކުރިއެރުވޭނެ ފުރުޞަތު ތަނަވަސްވެގެންދޭ

ފެންވަރު ވަޒަންކުރުމުގެ ތަފާތު ގޮތްތައް ފަސޭހަ ކަމާއެކު ފުޅާ ދާއިރާއެއްގައި ކުރިޔަށް ގެންދެވޭ

ދަރިވަރުން ޙަޤީޤީ މައްސަލަތަކުގައި ޝާމިލްކޮށް ފެންވަރު ވަޒަންކުރުމަށް ބާރުލިބިގެންދޭ

ފަހުން ބޭނުން ކުރެވޭގޮތަށް މަޢުލޫމާތު ރައްކާކުރުމާއި ހިއްސާކުރުމުގެ އިތުރުން އޮންލައިން ކުއިޒު ތަކުގައި ދަރިވަރުން ޝާމިލްކޮށް ދަިވަރުންގެ ފެންވަރު ވަޒަންކުރުމުގެ ފުރސަތު މުދައްރިސުންނަށް ލިބިގެންދޭ.

އުނގެނުމާއި އުނގަންނައިދިނުމުގައި އައިސީޓީ ބޭނުން ކުރެވިދާނެގޮތެއް

އައިސީޓީ ގްލޯސަރީ