Erabilera gomendioa
Ordenagailua eskola lanak egiteko izango da, bai ikastetxean bai etxean, eta tresna baliotsu bat den neurrian modu arduratsuan zaindu behar da eta modu egokian erabili.
A.- ETXEAN ORDENAGAILUAREN ERABILERA AHOLKUAK FAMILIENTZAT
Gaur eguneko teknologiek onura ugari dakartzate gure eguneroko bizitzan, eta zer esanik ez hezkuntza jardueretan, baina gehiegizko erabilerak ondorio oso kaltegarriak ekar ditzakete. Beraz, teknologia digitalekin bizitzen ikasi behar dugu, ekartzen dizkiguten onurak aprobetxatuz, baina neurriz erabilita, gizakion bizitza errealeko esparru gehienak pantailetatik kanpo bai daude.
Ikastetxeak ordenagailua ikasketa tresna moduan erabiltzea finkatu du, baina gailu hau horixe izan behar du, eskolako tresna bat, eta nagusiki horretarako erabiltzea komeni da.
Ikasleak, autonomoki, modu arduratsuan eta egokian erabiltzen badu bere gailua ez dago esku-hartzerik egin beharrik, baina familian antzematen bada ikasleak erabilera desegokia edo gehiegizkoa egiten duela, neurriak hartzea komeni da.
Gailu honen gehiegizko erabilera saihesteko honako gomendio hauek eman nahi dizkiegu familiei:
Seme-alabekin dugun edozein arazo edo desadostasunetan bezala, hitz eginez akordioetara iristea izango da biderik egoki eta eraginkorrena.
Ikasleak eskolaz kanpo duen denboraren planifikazio egiteko, asteko ordutegi bat eratzea ezinbestekoa izango da. Asteko ordutegian kontuan izatekoak:
Asteko ordutegi hau eratzeko guraso eta seme-alaben artean adostasun batera iristea da egokiena, baina, iritzien hurbilketa bat egin ondoren adostasun batera ez bada iristen gurasoak dute azken hitza, ikasleak adin-txikikoak baitira.
Finkatu den egutegia bete den aztertzeko, astero familian denbora bat eskaini beharko da (egutegian kontuan izango da denbora hori, ordu erdi adibidez) egutegia bete den edo ez, eta zergatiak, baloratzeko.
Ikastetxeko eginbeharrak burutzeko ikasleek ordenagailua behar dute, baina erabilera denbora hau mugatua izan behar du. Lanak egiteko ikasle bakoitzak denbora ezberdina beharko du, horregatik, guk ematen ditugun erreferentziak malgutasunez erabiltzea komeni da. Beraz, egunerokotasunean, azterketa garaia ez denean, ikasleek gehienez gailuarekin 2 ordu DBHn eta 3 ordu Batxilergoan egotea nahikoa dela kalkulatzen dugu.
Azterketa garaian denbora gehiago eskaintzea beharko dute. Gogoratu, GELAKO EGUTEGIAn ikasleek azterketak noiz dituzten zehaztuta datorrela.
Ikasleak bere aisialdian ordenagailua erabili nahi badu, gurasoekin denbora-tarte batzuk adostea komeni da (adibidez, egunean ordu bat). Aisialdirako ordenagailua erabiltzeko ere gune komunetan izatea egokia da.
Ikasleak kirol jarduerak edota kultur jarduera osagarriak (pantailarik gabeko jarduerak) egitea astean zehar oso komenigarria da.
Garrantzitsua da lagunarteko harreman pertsonala mantentzea, beraz, ikaslearen asteko planifikazioan lagunekin gelditzeko tarte bat zehaztea premiazko da.
Ordutegian, familian elkarrekin egoteko denbora ere sartzea egokia litzateke (jatorduak edo elkarrekin egiteko jarduerak adibidez).
Kontuan izan, adin horretako ikasle batek 8 orduko loaldia egitea ezinbestekoa dela.
Oporraldietan gailurik erabili gabe egoteko egunak, edo egun bat, izatea komeni da; horrela, pantailatik kanpo dagoen bizitzaz disfrutatzen ikasteko.
B.- ORDENAGAILUAREN ZAINTZA
Hona hemen zainketa egoki bat egiteko aholkuak:
Zaintza orokorrak
Ikaslea da bere ordenagailuaren zaintzaren erantzulea, beraz, gailua lokalizatuta egon behar da momenturo. Eskola ordutegian, ordenagailua erabiltzen ez duenean, takilan gordeko da (gelan takila egonez gero).
Ez erabili gailua elikagai edo edarien ondoan. Likido bat jausten bada teklatura ordenagailua hondatzen da.
Kargatzeko kablea eta bestelako gailu aldagarriak kontu handiz sartu behar dira gailuan, erraz ondatzen baitira konexiorako sarrerak.
Ez gehiegi berotzeko azpiko aldean dituen aireztapen irteera ez tapatu. Horretarako leku lauetan kokatuta edukitzea komeni izaten da, eta ez magalean edo ohe gainean.
Gailuen garraioa
Garrantzitsua da gailua beharrezkoa den arretarekin garraiatzea.
Oso komenigarria da gailua garraiatzeko zorro edo poltsa egoki batean eramatea.
Gailua inoiz ez da garraiatu edo mugitu behar pantailatik hartuta. Beti behealdetik helduta eta estalkia itxita dagoela, altxa edo mugitu behar da.
Gailua inoiz ez da garraiatu behar elikatze-kablea konektatuta dagoela.
Pantailaren babesa
Gailuaren pantaila erraz honda daitekeen atala da eta aseguruak ez du ordaintzen konponketa. Hortaz, oso garrantzitsua da honako argibide hauei jarraitzea:
Ordenagailua gordetzeko orduan tapa itxita egon behar da.
Ez ipini ezer teklatuaren gainean tapa itxi aurretik (hala nola arkatzak edo diskoak...).
Ez egin presiorik eta ez eseri edo bermatu ordenagailuaren gainean.
Ez ukitu pantailaren gainazala markatu edo marra dezakeen ezerekin.
Ez heldu ordenagailua pantailatik tiraka.
Pantaila maiz oihal leun eta lehor batekin garbitu (hobeto oihal antiestatikoa bada) eta ez erabili garbiketa-disolbatzailerik.
Bateria
Chromebookaren bateria ezinbestean ahitzen joango da denbora pasa ahala, baina ondo zaintzea komeni da denbora gehiago iraun dezan. Aholkuak:
Tenperatura egokian, ez oso bero eta ez oso hotz, eduki ordenagailua. Beroa oso kaltegarria da. Gehiegi ez berotzeko, aireztapen-saretak ez dira estali behar.
Ez eduki denbora guztian kargatzen ordenagailua.
Bateriak %40-60 duenean jarri kargatzen, eta urtean behin edo bi aldiz utzi deskargatzen guztiz, baina normalean ez egin hori, kaltegarria da.
Bateriaren bizitza deskarga ziklotan zenbatzen da, eta %20 baina gehiago deskargatuz gero ziklo bat gastatzen da.
Ez eduki denbora asko bateria guztiz deskargatuta.