Mae'r adnodd hwn yn dangos sut mae'r sgiliau sydd eu hangen i gyrraedd safon uchel yn cael eu datblygu'n raddol o gam un hyd at gam cynnydd pump. Defnyddiwch hyn wrth gynllunio gweithgareddau i sicrhau bod cynnydd mewn sgiliau a her briodol yn ganolog i unrhyw dasg.
Embedded Files
🤖 Tello Edu Drone
🤖 Tello Edu Drone
Mae Dronau Tello yn cynnig llwyfan cyffrous ac arloesol i ddatblygu sgiliau codio mewn ysgolion ledled Cymru, gan ganiatáu i ddysgwyr ymgysylltu â thechnoleg mewn modd dynamig ac ymarferol. Mae Dronau Tello, sy’n cyd-fynd â’r Cwricwlwm i Gymru, yn cyflwyno myfyrwyr i gysyniadau codio sylfaenol fel dilyniannu, dolenni, ac amodau ar yr un pryd â hyrwyddo’r gallu i feddwl yn feirniadol a datrys problemau. Trwy weithgareddau rhaglennu rhyngweithiol, gall dysgwyr gyfarwyddo eu dronau i gyflawni tasgau amrywiol – fel hedfan ar hyd llwybr penodol, troi drosodd, neu dynnu lluniau – a fydd nid yn unig yn gwella eu dealltwriaeth o resymeg godio ond hefyd yn meithrin creadigrwydd a chydweithio. Wrth i fyfyrwyr symud ymlaen ar eu taith godio, bydd Dronau Tello yn eu grymuso i gymhwyso eu sgiliau mewn cyd-destunau byd go iawn, gan bontio’r bwlch rhwng dysgu digidol ac archwilio ffisegol, a’u paratoi ar gyfer heriau technolegol i ddod.
⭐ ARHOSWCH YN DDIOGEL!
⭐ ARHOSWCH YN DDIOGEL!
Bydd angen i’r plant ddeall na ddylid cyffwrdd â’r propelorau tra’u bod yn symud, hyd yn oed pan fydd yr amddiffynwyr propelor yn eu lle.
⭐ ARCHWILIO TRWY CHWARAE!
⭐ ARCHWILIO TRWY CHWARAE!
Gadewch i’r plant ‘roi cynnig arni’ heb nod penodol. Rhowch amser iddynt archwilio nodweddion yr ap, ymgyfarwyddo â thechnegau hedfan a datblygu diddordeb yn y ddyfais.
⭐ BYDDWCH YN UCHELGEISIOL AC YN WYDN!
⭐ BYDDWCH YN UCHELGEISIOL AC YN WYDN!
Mae hybu annibyniaeth yn allweddol i ddysgu effeithiol o ran rhaglennu. Gadewch i’r plant wneud camgymeriadau fel byddant yn dysgu sut i ddatrys problemau.
⭐ APP!
⭐ APP!
Mae sawl opsiwn ar gael pan fyddwch yn chwilio am yr ap ‘Tello’ yn y siop apiau. Yr ap ‘Tello EDU’ sydd orau ar gyfer lleoliad addysgol, yn enwedig gyda disgyblion iau. Mae’r ap Tello ar gyfer profi cyffro hedfan a ffotograffiaeth o’r awyr, tra bod yr ap Tello EDU yn canolbwyntio ar raglennu. Er bod y ddau ap yn cydweddu â dronau Tello, dylid cau un ap yn llwyr cyn defnyddio’r llall. Dylid ailgychwyn Tello bob tro y’i defnyddir hefyd.
Sylwch, er bod y rhan fwyaf o swyddogaethau’r ap Tello EDU am ddim, mae’r ap Tello EDU yn cynnwys gemau hefyd y mae rhai lefelau ohonynt yn gofyn am dâl.
⭐ OES FATRI!
⭐ OES FATRI!
Bydd y batri’n para 13 munud yn unig pan fydd y drôn wedi’i wefru’n llawn. Bydd angen i’r disgyblion archwilio’r elfen raglennu ar yr ap cyn cychwyn y drôn. Ni fydd llawer o amser ar gael i brofi a dadfygio cod.
Mae’r drôn yn rhybuddio pan fydd y batri’n isel. Gallwch naill ai wefru un batri trwy’r porth Micro USB ar y drôn neu ddefnyddio’r hyb gwefru batri i wefru tri batri yn olynol. Felly, nid oes tâl ychwanegol am gyflenwi batris, sy’n nodwedd bwysig wrth ddefnyddio cyllidebau ysgol i gynnal adnoddau ysgol.
Awgrymiadau 🔎
Awgrymiadau 🔎
Tello Edu App
Dyma rai apiau, meddalwedd a chaledwedd y gallwch eu defnyddio i ddatblygu sgiliau meddwl cyfrifiadurol a rhaglennu. Detholiad bach yw'r rhain - mae LLAWER mwy ar gael. Mae'n hanfodol eich bod yn dewis yr apiau a meddalwedd syn addas i'r dysgwyr a bod pob dysgwr yn profi ystod or cymwysiadau hyn wrth iddynt gymhwyso a datblygu eu sgiliau digidol.
CC2 - Archwilio codio gyda Dronau Tello
CC2 - Archwilio codio gyda Dronau Tello
Sut mae da yn edrych?
Sut mae da yn edrych?
Yng Ngham Cynnydd 2 y Cwricwlwm i Gymru, bydd Dronau Tello yn darparu ffordd ddiddorol i ddysgwyr wella eu sgiliau codio trwy brofiadau rhyngweithiol ac ymarferol. Ar y cam hwn, gall myfyrwyr archwilio cysyniadau codio hanfodol fel dilyniannu, gorchmynion sylfaenol, a rhesymeg amodol ar yr un pryd ag ymgysylltu â’r dronau. Trwy raglennu’r Dronau Tello i gyflawni tasgau syml, fel codi i’r awyr, hofran, neu hedfan mewn patrymau penodol, bydd dysgwyr yn dechrau deall y berthynas rhwng cod a gweithredoedd yn y byd go iawn. Bydd y gweithgareddau hyn nid yn unig yn atgyfnerthu egwyddorion codio sylfaenol ond hefyd yn hyrwyddo meddwl yn feirniadol, creadigrwydd, a chydweithio ymhlith cyfoedion. Wrth i fyfyrwyr arbrofi â’u prosiectau codio, byddant yn magu hyder yn eu galluoedd ac yn gosod y sylfaen ar gyfer heriau codio mwy cymhleth mewn camau dilyniant i ddod, ar yr un pryd â chyd-fynd â phwyslais y Cwricwlwm i Gymru ar ddysgu gweithredol, archwiliadol.
Beth am...
Beth am...
Ofyn i’r disgyblion ailysgrifennu set o gyfarwyddiadau gan ddefnyddio llai o eiriau/gorchmynion (i symleiddio’r camau).
Rhoi ystod o godau bloc i’r disgyblion i ragfynegi’r allbwn yn seiliedig ar y mewnbwn.
Annog y disgyblion i geisio glanio’r dronau ar badiau glanio gan ddefnyddio sgiliau mesur, amcangyfrif a chodio.
Rhoi cod anghywir i’r disgyblion yn fwriadol er mwyn iddynt ymarfer dadfygio cod.
Gall y disgyblion weithredu terfynau cyflymder ar eu llwybrau i gynyddu’r her wrth godio.
⭐ Sgiliau ⭐
⭐ Sgiliau ⭐
Terminoleg allweddol
Terminoleg allweddol
Mae’r disgyblion yn deall geirfa allweddol yn ymwneud â chodio ar y cam hwn, fel dilyniannu, gorchmynion, rhagfynegi, dadfygio ac ati.
Mewnbynnau ac Allbynnau
Mewnbynnau ac Allbynnau
Mae’r disgyblion yn deall mewnbynnau ac allbynnau ac wedi archwilio’r gydberthynas rhyngddynt.
Dadfygio
Dadfygio
Gall y disgyblion ddadfygio a chywiro gwallau syml mewn cod.
Codio manwl gywir
Codio manwl gywir
Gall y disgyblion godio’n fanwl ac yn gywir i gyflawni’r union ganlyniad a ddymunir, e.e. glanio Dronau Tello ar y padiau glanio.
CC3 - Ehangu meddwl cyfrifiannol
CC3 - Ehangu meddwl cyfrifiannol
Sut mae da yn edrych?
Sut mae da yn edrych?
Yng Ngham Cynnydd 3, bydd Dronau Tello yn llwyfan diddorol i ddysgwyr ddyfnhau eu sgiliau codio a chymhwyso eu gwybodaeth i dasgau mwy cymhleth. Ar y cam hwn, bydd myfyrwyr yn archwilio cysyniadau codio datblygedig fel dolenni, datganiadau amodol, a rhaglennu a ysgogir gan ddigwyddiad. Trwy raglennu Dronau Tello i gyflawni symudiadau cymhleth, dilyn patrymau hedfan a gynlluniwyd, neu ymateb i fewnbynnau penodol, bydd dysgwyr yn datblygu dealltwriaeth ymarferol o sut mae cod yn trosi’n weithredoedd yn y byd go iawn. Bydd y profiadau ymarferol hyn yn annog meddwl yn feirniadol a datrys problemau wrth i fyfyrwyr gydweithio i ddylunio, profi, a mireinio eu prosiectau. Trwy ddefnyddio Dronau Tello, bydd dysgwyr nid yn unig yn cryfhau eu sgiliau meddwl cyfrifiannol ond hefyd yn meithrin creadigrwydd ac arloesedd, gan eu paratoi ar gyfer yr heriau i ddod ar yr un pryd â chyd-fynd â phwyslais y Cwricwlwm i Gymru ar ddysgu trwy brofiad a dysgu ystyrlon yn yr oes ddigidol.
Beth am...
Beth am...
Ddylunio llwybr rhwystrau yn yr ystafell ddosbarth neu ar yr iard chwarae gan ddefnyddio conau, cylchau, neu eitemau eraill. Bydd y disgyblion yn rhaglennu’r Drôn Tello i deithio ar hyd y llwybr, gan gynnwys gorchmynion ar gyfer codi i’r awyr, troi, a glanio.
Gofyn i’r disgyblion greu cynllun ar gyfer cymryd delweddau neu fideos penodol o’r awyr. Gallant raglennu’r drôn i hedfan i leoliadau a bennwyd o flaen llaw, tynnu lluniau, a dychwelyd i’r man cychwyn.
Herio’r disgyblion i greu “dawns” wedi’i chynllunio ar gyfer y Drôn Tello, gan raglennu cyfres o symudiadau (e.e., troi drosodd, cylchdroi, a newid cyfeiriad) i gyd-fynd â cherddoriaeth.
Gofyn i’r disgyblion raglennu’r Drôn Tello i hedfan i wahanol uchderau a lleoliadau i gasglu data am y tywydd, fel y tymheredd a chyflymder y gwynt (os oes synwyryddion ar gael).
Gofyn i’r disgyblion ddylunio fideo neu gyflwyniad byr sy’n tynnu sylw at fater amgylcheddol lleol, gan ddefnyddio’r Drôn Tello i gymryd ffilm o’r awyr. Gallant raglennu’r drôn i hedfan dros ardaloedd penodol i gasglu delweddau perthnasol ar gyfer eu prosiect.
⭐ Sgiliau ⭐
⭐ Sgiliau ⭐
Gwella dilyniannu
Gwella dilyniannu
Bydd y disgyblion yn llunio dilyniannau manwl gywir i gyflawni canlyniadau penodol.
Datganiadau Amodol
Datganiadau Amodol
Bydd y disgyblion wedi dechrau archwilio datganiadau amodol, e.e. gan ddefnyddio ‘Os … yna …’.
Dadfygio
Dadfygio
Gall y disgyblion ddadfygio a chywiro gwallau mwy cymhleth mewn cod.
Dolenni
Dolenni
Gall y disgyblion ddefnyddio dolenni’n effeithiol i ailadrodd elfennau o god, gan wneud eu cod yn fwy effeithlon.
CC4 - Defnyddio dronau i ddatrys problemau byd go iawn
CC4 - Defnyddio dronau i ddatrys problemau byd go iawn
Sut mae da yn edrych?
Sut mae da yn edrych?
Yng Ngham Cynnydd 4, bydd Dronau Tello yn darparu llwyfan cyffrous a heriol i fyfyrwyr ddatblygu eu sgiliau codio trwy gymwysiadau byd go iawn. Ar y cam hwn, gall dysgwyr archwilio cysyniadau rhaglennu mwy cymhleth, fel amodau aml-lefel, swyddogaethau, a phrosesu data amser real, i reoli llwybrau hedfan ac ymddygiad dronau. Gallant raglennu dronau i gyflawni tasgau soffistigedig, fel osgoi rhwystrau, mapio o’r awyr, neu lywio’n ymreolaethol, ar yr un pryd ag integreiddio mewnbynnau o synwyryddion i wella manwl gywirdeb a’r gallu i addasu. Bydd y gweithgareddau hyn yn annog meddwl yn feirniadol, cydweithio, a datrys problemau wrth i fyfyrwyr weithio mewn timau i ddylunio, profi, ac optimeiddio eu teithiau drôn. Trwy ddefnyddio Dronau Tello, bydd dysgwyr nid yn unig yn datblygu dealltwriaeth ddyfnach o godio ond hefyd yn cymhwyso’r sgiliau hyn i senarios byd go iawn, gan eu paratoi ar gyfer heriau technolegol i ddod a chyd-fynd â phwyslais y Cwricwlwm i Gymru ar greadigrwydd, arloesedd, a chymhwysedd digidol.
Beth am...
Beth am...
Ddefnyddio problemau Parsons (cyfarwyddiadau algorithm cywir yn y drefn anghywir) i fagu a datblygu hyder y disgyblion.
Defnyddio’r dull PRIMM i ganiatáu i’r myfyrwyr brofi codio’n llawn a gwella eu sgiliau datrys problemau. Bydd hyn hefyd yn caniatáu iddynt weithio fel tîm.
Trwy ddefnyddio gwahanol ieithoedd/rhaglenni, gallai’r disgyblion ddatblygu sgiliau algorithmig i brofi a mireinio eu halgorithmau.
Rhoi amrywiaeth o broblemau i’r disgyblion eu datrys a gofyn iddynt ddylunio algorithmau i’w datrys. Dylai’r problemau gynyddu mewn cymhlethdod ac amrywio mewn gwahanol gyd-destunau.
⭐ Sgiliau ⭐
⭐ Sgiliau ⭐
Termau amodol
Termau amodol
Mae’r disgyblion yn gwybod y termau pwysig ar gyfer algorithm ac yn ystyried y termau mynegi amodol, Os, Cysylltu, Ymlaen, I Ffwrdd
Dadfygio
Dadfygio
Mae’r disgyblion yn gwybod ac yn deall gwahanol fathau o wallau ac yn gallu cywiro algorithmau sy’n eu cynnwys.
Ailadroddiadau
Ailadroddiadau
Mae’r disgyblion yn darllen ac yn deall patrymau ailadroddus mewn algorithm ac yn defnyddio ailadroddiadau i wneud yr algorithm yn fwy effeithlon.
Dilysu
Dilysu
Mae’r disgyblion yn ymwybodol o ddilysu a’i ddiben mewn algorithm.
Offer mesur
Offer mesur
Mae’r disgyblion yn gwybod sut i newid mesuriadau a defnyddio offer mesur yn gywir.
Created in partnership with...
Created in partnership with...
The Federation of Gilfach Fargoed and Park Primary
The Federation of Gilfach Fargoed and Park Primary
The Federation of Gilfach Fargoed and Park Primary
The Federation of Gilfach Fargoed and Park Primary
Ysgol Gyfun Cwm Rhymni
Ysgol Gyfun Cwm Rhymni
Page updated
Report abuse