Mae'r adnodd hwn yn dangos sut mae'r sgiliau sydd eu hangen i gyrraedd safon uchel yn cael eu datblygu'n raddol o gam un hyd at gam cynnydd pump. Defnyddiwch hyn wrth gynllunio gweithgareddau i sicrhau bod cynnydd mewn sgiliau a her briodol yn ganolog i unrhyw dasg.
Embedded Files
🤖 mTiny
🤖 mTiny
Robot dymunol, heb sgrin yw mTiny a ddyluniwyd i gyflwyno codio i ddysgwyr ifanc mewn ffordd chwareus a rhyngweithiol, felly mae’n offeryn gwych ar gyfer datblygu sgiliau codio mewn ysgolion cynradd ledled Cymru. Mae mTiny yn cyd-fynd â’r Cwricwlwm i Gymru ac yn helpu plant i ddeall cysyniadau codio sylfaenol fel dilyniannu, datrys problemau, a meddwl yn rhesymegol trwy brofiadau ymarferol, go iawn. Trwy arwain mTiny trwy ddrysfeydd, heriau, a storïau rhyngweithiol, gall dysgwyr archwilio meddwl cyfrifiannol cynnar mewn ffordd sy’n meithrin creadigrwydd, chwilfrydedd, a chydweithio. Mae mTiny yn caniatáu i ddysgwyr symud ymlaen yn naturiol o orchmynion sylfaenol i dasgau datrys problemau mwy cymhleth, gan ddatblygu sgiliau digidol a chyfrifiannol allweddol ar hyd y ffordd. Mae’r dilyniant hwn yn sicrhau bod dysgwyr yn magu hyder yn eu galluoedd codio, gan eu paratoi ar gyfer dysgu digidol mwy datblygedig wrth iddynt symud trwy’r cwricwlwm.
⭐ AMSER ARBROFI!
⭐ AMSER ARBROFI!
Rhowch gyfle i’r dysgwyr archwilio’r ddyfais, gan ddarganfod beth mae’n gallu ei wneud. Mae ymagwedd weithredol ac archwiliadol yn hyrwyddo dysgu’n annibynnol, gan chwilio am ystod o syniadau newydd a’u gwerthuso.
⭐ PROFI A METHU!
⭐ PROFI A METHU!
Gadewch i’r dysgwyr arbrofi â’u cod a gwneud camgymeriadau. Mae datrys problemau a dadfygio’n rhan o godio a meddwl cyfrifiannol.
⭐ ANNOG FRAFOD A CHYDWEITHIO!
⭐ ANNOG FRAFOD A CHYDWEITHIO!
Rhowch gyfle i’r dysgwyr fynegi eu syniadau a’u cwestiynau wrth herio eu hathrawon a’u cyfoedion ac ymateb iddynt.
⭐ RHANNA NOD TERFYNOL/CYNNYRCH!
⭐ RHANNA NOD TERFYNOL/CYNNYRCH!
Ysgogwch y dysgwyr trwy rannu nod terfynol dyheadol sy’n gysylltiedig â’u diddordebau. Bydd y dysgwyr yn cyfnerthu’r hyn maen nhw wedi’i ddysgu a gallant fyfyrio ar y camau a gymerasant i gyrraedd y nod.
⭐ ANNOG CREADIGRWYDD A DATRYS PROBLEMAU!
⭐ ANNOG CREADIGRWYDD A DATRYS PROBLEMAU!
A oes ffordd arall o ddatrys y broblem? Anogwch y dysgwyr i feddwl yn gwbl rydd a pheidio â dilyn y llwybr amlwg tuag at ddatrys problem.
Awgrymiadau 🔎
Awgrymiadau 🔎
mTiny
Dyma rai apiau, meddalwedd a chaledwedd y gallwch eu defnyddio i ddatblygu sgiliau meddwl cyfrifiadurol a rhaglennu. Detholiad bach yw'r rhain - mae LLAWER mwy ar gael. Mae'n hanfodol eich bod yn dewis yr apiau a meddalwedd syn addas i'r dysgwyr a bod pob dysgwr yn profi ystod or cymwysiadau hyn wrth iddynt gymhwyso a datblygu eu sgiliau digidol.
CC1 - Cyflwyniad i gysyniadau codio sylfaenol
CC1 - Cyflwyniad i gysyniadau codio sylfaenol
Sut mae da yn edrych?
Sut mae da yn edrych?
Yng Ngham Cynnydd 1, bydd mTiny yn cyflwyno dysgwyr ifanc i godio mewn ffordd gyffrous trwy brofiadau diddorol, ymarferol. Bydd y robot rhyngweithiol hwn yn annog plant i archwilio cysyniadau sylfaenol fel dilyniannu, cyfeirioldeb, a datrys problemau mewn modd chwareus a hygyrch. Trwy ddefnyddio cardiau codio gweledol ac arwain mTiny trwy dasgau a heriau syml, gall myfyrwyr ddatblygu eu sgiliau meddwl cyfrifiannol ar yr un pryd â meithrin chwilfrydedd a chreadigrwydd. Mae’r gweithgareddau codio cynnar hyn yn cyd-fynd â phwyslais y cwricwlwm ar ddysgu gweithredol, archwiliadol, gan ganiatáu i ddysgwyr ddeall hanfodion rhaglennu mewn amgylchedd cydweithredol. Wrth i fyfyrwyr ymgysylltu ag mTiny, byddant yn magu hyder yn eu galluoedd ac yn gosod sylfaen gadarn ar gyfer cysyniadau codio mwy cymhleth mewn camau dilyniant i ddod.
Beth am...
Beth am...
Y Gymraeg – A all y dysgwyr ddangos eu bod yn deall cwestiwn trwy gyfeirio mTiny at lun gan ddefnyddio’r blociau codio? E.e. ‘Oes tatws ar y fferm?’ Bydd y dysgwyr yn creu cod ac yn symud o amgylch map ar thema fferm tuag at y tatws.
Rydyn ni’n mynd ar helfa mTiny! – Llywiwch mTiny trwy rwystrau i ail-ddweud y stori ‘Rydyn ni’n mynd i hela arth’, gan ailadrodd iaith y stori wrth iddynt greu’r cod.
Rolau – Rheolwch symudiadau mTiny (trwy naill ai ysgwyd y pen tapio, defnyddio’r ffon reoli neu greu cod gan ddefnyddio teils) i ryngweithio â chynnwys y teils mawr. Bydd mTiny yn ymgymryd â rôl meddyg neu heddwas a bydd angen i’r dysgwyr wella’r claf neu ddal y troseddwr.
Yn yr ardal chwarae â blociau, crëwch ddrysfa i mTiny a llywiwch ef o’i hamgylch trwy naill ai ysgwyd y pen tapio, defnyddio’r ffon reoli neu greu cod gan ddefnyddio teils.
⭐ Sgiliau ⭐
⭐ Sgiliau ⭐
Adnabod a dilyn cyfarwyddiadau
Adnabod a dilyn cyfarwyddiadau
Gall y disgyblion adnabod dilyniant o deils cyfeiriad fel cyfres o gyfarwyddiadau i’w dilyn yn y drefn gywir i gyrraedd pwynt penodol ar fap.
Defnyddio iaith godio syml
Defnyddio iaith godio syml
Gall y disgyblion ddefnyddio’r iaith gywir i ddisgrifio swyddogaeth y teils codio (ymlaen, yn ôl, troi i’r chwith/i’r dde, mewnbwn, mynd).
Creu algorithmau syml
Creu algorithmau syml
Gall y disgyblion greu eu halgorithmau eu hunain gan ddefnyddio’r teils codio i reoli llwybr mTiny tuag at bwynt penodol ar fap.
Adnabod gwallau syml
Adnabod gwallau syml
Gall y disgyblion brofi eu halgorithm gan ddefnyddio mTiny i adnabod gwallau syml mewn cod yn glir.
CC2 - Dyfnhau dealltwriaeth o god
CC2 - Dyfnhau dealltwriaeth o god
Sut mae da yn edrych?
Sut mae da yn edrych?
Yng Ngham Cynnydd 2, bydd mTiny yn adnodd amhrisiadwy ar gyfer gwella sgiliau codio dysgwyr trwy weithgareddau rhyngweithiol a diddorol. Gan ychwanegu at eu gwybodaeth sylfaenol, gall myfyrwyr archwilio cysyniadau codio hanfodol fel dolenni, datganiadau amodol, a rhesymeg raglennu sylfaenol wrth weithio gyda’r robot chwareus hwn. Trwy ddefnyddio cardiau codio gweledol i greu dilyniannau a phatrymau, bydd dysgwyr yn dyfnhau eu dealltwriaeth o sut i greu gorchmynion sy’n arwain mTiny trwy heriau a rhwystrau cynyddol gymhleth. Bydd y profiadau ymarferol hyn nid yn unig yn hyrwyddo meddwl yn feirniadol a datrys problemau ond hefyd yn annog cydweithio a chreadigrwydd ymhlith cyfoedion. Wrth i fyfyrwyr symud ymlaen ag mTiny, byddant yn cryfhau eu sgiliau meddwl cyfrifiannol, gan eu paratoi ar gyfer tasgau codio mwy datblygedig a meithrin cariad at dechnoleg sy’n cyd-fynd â nodau’r Cwricwlwm i Gymru.
Beth am...
Beth am...
Roi ‘Problem Parsons’ i’r dysgwyr – rhowch yr holl deils cyfeiriad cywir iddynt, ond yn y drefn anghywir. A allant eu trefnu i gyrraedd pwynt penodol ar y map? Gall y dysgwyr brofi eu datrysiad a dadfygio fel y bo’r angen.
Rhaglennu mewn parau – bydd y dysgwyr yn gweithio mewn parau ac yn ymgymryd â rolau gyrrwr a llywiwr. Bydd y gyrrwr yn gyfrifol am ysgrifennu’r cod a thapio’r pen. Bydd y llywiwr yn canolbwyntio ar y dasg ehangach, gan ddadfygio’r cod a datrys problemau.
Defnyddio’r Dull PRIMM (Predict, Run, Investigate, Modify, Make) – rhagfynegi canlyniad cod penodol, rhedeg y cod i brofi eu rhagfynegiadau, ymchwilio i’r cod trwy naill ai anodi neu ddadfygio, addasu’r cod i newid ei swyddogaeth wreiddiol ac, yn olaf, gwneud cod newydd â swyddogaeth newydd ond gan ddefnyddio’r un strwythurau â’r un gwreiddiol.
⭐ Sgiliau ⭐
⭐ Sgiliau ⭐
Dilyn Algorithm
Dilyn Algorithm
Gall y disgyblion ragfynegi diben a chanlyniad algorithm trwy ei ddarllen neu ei ddilyn. Byddant yn sylweddoli pwysigrwydd cywirdeb mewn algorithm.
Addasu algorithm i gyflawni gwahanol ganlyniadau
Addasu algorithm i gyflawni gwahanol ganlyniadau
Gall y disgyblion newid eu llwybr i gyrraedd yr un man er mwyn bodloni maen prawf penodol neu wneud eu llwybr yn fwy effeithlon.
Defnyddio’r teils ailadrodd a dolen
Defnyddio’r teils ailadrodd a dolen
Gall y disgyblion adnabod camau ailadroddus a symleiddio eu halgorithm gan ddefnyddio teilsen ddolen/ailadrodd.
Dadfygio gwallau
Dadfygio gwallau
Gall y disgyblion adnabod gwallau yn eu halgorithmau trwy brofi, ac awgrymu datrysiadau i gywiro eu gwallau.
PS3 - Dyfnhau meddwl cyfrifiannol
PS3 - Dyfnhau meddwl cyfrifiannol
Sut mae da yn edrych?
Sut mae da yn edrych?
Yng Ngham Cynnydd 3, daw mTiny yn offeryn pwerus i ddysgwyr ddyfnhau eu sgiliau codio a chymhwyso eu dealltwriaeth o gysyniadau mwy cymhleth. Ar y cam hwn, anogir myfyrwyr i archwilio egwyddorion codio datblygedig fel algorithmau, swyddogaethau, a dadfygio, gan wella eu gallu i feddwl yn gyfrifiannol a datrys problemau. Trwy raglennu mTiny i lywio drysfeydd cymhleth, cwblhau heriau rhyngweithiol, neu hyd yn oed greu eu gemau eu hunain, gall dysgwyr arbrofi â rhesymeg amodol a dolenni mewn ffordd ddifyr a diddorol. Bydd y gweithgareddau hyn nid yn unig yn atgyfnerthu eu gwybodaeth godio ond hefyd yn hyrwyddo cydweithio a chreadigrwydd wrth i fyfyrwyr weithio gyda’i gilydd i ddylunio datrysiadau. Wrth i ddysgwyr ymwneud ag mTiny, byddant yn datblygu hyder a chymhwysedd yn eu galluoedd codio, gan eu paratoi ar gyfer yr heriau a’r cyfleoedd sydd i ddod ar eu taith dysgu digidol ar yr un pryd â chyd-fynd ag amcanion y Cwricwlwm i Gymru.
Beth am...
Beth am...
Dasg Pedair Elfen – Meddwl yn Feirniadol, Creadigrwydd, Cydweithio a Chyfathrebu. Rhannwch nod terfynol gyda’r grŵp cyfan. Rhannwch y grŵp yn bedwar tîm, a gofynnwch i bob un ohonynt ganolbwyntio ar un o’r pedair elfen. Bydd rhaid i’r grŵp cyfan gydweithio tuag at y nod terfynol, gan gadw eu rôl benodol mewn cof.
Recordio fideos neu ganllawiau defnyddwyr ar gyfer dysgwyr eraill ar bob cam dysgu i esbonio sut i godio mTiny i gyflawni gwahanol dasgau.
Llunio mapiau cysyniad ar gyfer swyddogaethau mTiny a’r wybodaeth godio sy’n ofynnol ar gyfer pob un.
Defnyddio’r dull ‘Cyfarwyddo gan Gyfoedion’ i gyflwyno mTiny. Gadewch i’r dysgwyr ymchwilio neu gael ‘amser arbrofi’ i ymgyfarwyddo â’r offer. Nesaf, gofynnwch gwestiynau amlddewis i asesu eu gwybodaeth am mTiny. Yn olaf, rhowch amser i drafod ymhlith cyfoedion.
⭐ Sgiliau ⭐
⭐ Sgiliau ⭐
Gwneud algorithmau’n gryno
Gwneud algorithmau’n gryno
Gall y disgyblion ddadfygio a byrhau eu halgorithm pan ddefnyddir llythrennau neu siapiau ailadroddus trwy gynnwys dolenni ac ailadroddwyr.
Esbonio a dadfygio
Esbonio a dadfygio
Gall y disgyblion ddarllen ac esbonio diben algorithm, gan adnabod a chywiro gwallau (dadfygio).
Archwilio swyddogaethau
Archwilio swyddogaethau
Gall y disgyblion gynhyrchu dilyniant gan ddefnyddio mTiny a’i labelu fel swyddogaeth, gan wella eu llif gwaith wrth godio.
Datganiadau amodol
Datganiadau amodol
Mae’r disgyblion yn dechrau defnyddio datganiadau amodol ‘os … yna…’ i ddatblygu eu cod ymhellach.
Created in partnership with...
Created in partnership with...
Hendre Infants School
Hendre Infants School
Hendre Junior School
Hendre Junior School
Page updated
Report abuse