Mae'r adnodd hwn yn dangos sut mae'r sgiliau sydd eu hangen i gyrraedd safon uchel yn cael eu datblygu'n raddol o gam un hyd at gam cynnydd pump. Defnyddiwch hyn wrth gynllunio gweithgareddau i sicrhau bod cynnydd mewn sgiliau a her briodol yn ganolog i unrhyw dasg.
Embedded Files
🤖 LEGO Spike
🤖 LEGO Spike
Mae LEGO Spike Essential yn offeryn addysgol arloesol sy’n helpu i ddatblygu sgiliau codio mewn ysgolion cynradd ledled Cymru. Mae Spike Essential, a ddyluniwyd ar gyfer disgyblion iau, yn cyflwyno cysyniadau codio sylfaenol trwy brofiadau ymarferol diddorol o adeiladu a rhaglennu. Trwy ganiatáu i ddisgyblion adeiladu a theilwra eu modelau eu hunain, gallant archwilio egwyddorion allweddol fel dilyniannu, dolenni, a datrys problemau sylfaenol mewn ffordd chwareus a rhyngweithiol. Wrth iddynt ddefnyddio’r rhyngwyneb codio llusgo a gollwng greddfol i roi bywyd i’w creadigaethau, bydd y disgyblion yn gwella eu creadigrwydd a’u sgiliau meddwl cyfrifiannol wrth weithio ar y cyd. Mae Spike Essential yn cyd-fynd yn berffaith â’r Cwricwlwm i Gymru, gan ddarparu amgylchedd dysgu gweithredol sy’n hyrwyddo meddwl yn feirniadol ac yn paratoi disgyblion ar gyfer heriau codio mwy cymhleth mewn camau dilyniant i ddod.
Mae LEGO Spike Prime yn llwyfan addysgol amlbwrpas a ddyluniwyd i ddyfnhau sgiliau codio a meithrin arloesedd ymhlith disgyblion mewn ysgolion cynradd ac uwchradd yng Nghymru. Gyda’i gyfres gadarn o synwyryddion, motorau, ac elfennau adeiladu, mae Spike Prime yn annog disgyblion i fynd i’r afael â chysyniadau codio mwy cymhleth fel amodau, swyddogaethau, a dadansoddi data trwy gymwysiadau byd go iawn. Wrth i’r disgyblion ymwneud â phrosiectau ymarferol – fel adeiladu robotiaid, dyfeisiau rhyngweithiol, neu systemau awtomataidd – byddant yn datblygu dealltwriaeth ddyfnach o sut mae codio’n effeithio ar fywyd pob dydd. Mae amgylchedd rhaglennu’r platfform sy’n hawdd ei ddefnyddio yn cefnogi codio wedi’i seilio ar flociau a thestun, sy’n addas ar gyfer gwahanol arddulliau dysgu a galluoedd. Trwy integreiddio Spike Prime i’r cwricwlwm, gall addysgwyr ddarparu profiadau codio ystyrlon i ddisgyblion sydd nid yn unig yn cyd-fynd â’r Cwricwlwm i Gymru ond sydd hefyd yn ysbrydoli creadigrwydd, cydweithio, a meddwl yn feirniadol, gan roi sgiliau hanfodol iddynt ar gyfer ymdrechion technolegol yn y dyfodol.
⭐ AMSER ARBROFI!
⭐ AMSER ARBROFI!
Rhowch amser i’r disgyblion ‘archwilio’ cydrannau a’u defnyddiau heb nod terfynol. Bydd hyn yn ehangu sgiliau a syniadau.
⭐ GWNEDU CAMGYMERIADAU!
⭐ GWNEDU CAMGYMERIADAU!
Mae pob rhaglennydd da yn gwneud camgymeriadau. Mae’n bwysig caniatáu i hyn ddigwydd fel bod y disgyblion yn dysgu sut i ddatrys problemau.
⭐ RHOWCH BWRPAS IDDO!
⭐ RHOWCH BWRPAS IDDO!
Crëwch broblemau go iawn i’r disgyblion eu datrys, gan feithrin creadigrwydd a meddwl yn gwbl rydd.
⭐ INTEGREIDDIO GWEITHGAREDDAU TRAWSWRICWLAIDD!
⭐ INTEGREIDDIO GWEITHGAREDDAU TRAWSWRICWLAIDD!
Cyflwynwch gitiau LEGO Spike mewn meysydd pwnc amrywiol i annog y disgyblion i ymwneud â dysgu trawsgwricwlaidd. Er enghraifft, gall y disgyblion ddefnyddio Spike Prime i greu modelau sy’n gysylltiedig â chysyniadau gwyddonol neu ddylunio cerbyd ar gyfer prosiect hanes.
⭐ MEITHRIN CYDWEITHIO A GWAITH TIM!
⭐ MEITHRIN CYDWEITHIO A GWAITH TIM!
Anogwch y disgyblion i weithio mewn parau neu grwpiau bach i gydweithio ar brosiectau gan ddefnyddio citiau LEGO Spike.
Awgrymiadau 🔎
Awgrymiadau 🔎
LEGO Spike App
Dyma rai apiau, meddalwedd a chaledwedd y gallwch eu defnyddio i ddatblygu sgiliau meddwl cyfrifiadurol a rhaglennu. Detholiad bach yw'r rhain - mae LLAWER mwy ar gael. Mae'n hanfodol eich bod yn dewis yr apiau a meddalwedd syn addas i'r dysgwyr a bod pob dysgwr yn profi ystod or cymwysiadau hyn wrth iddynt gymhwyso a datblygu eu sgiliau digidol.
CC2 - Cyflwyno Codio gan ddefnyddio Lego
CC2 - Cyflwyno Codio gan ddefnyddio Lego
Sut mae da yn edrych?
Sut mae da yn edrych?
Yng Ngham Cynnydd 2, mae LEGO Spike Essential yn darparu llwyfan diddorol i ddisgyblion wella eu sgiliau codio trwy archwilio’n ymarferol a chreadigrwydd. Ar y cam hwn, bydd disgyblion yn ychwanegu at eu gwybodaeth sylfaenol trwy raglennu eu creadigaethau LEGO i gyflawni tasgau penodol, fel mynd trwy ddrysfeydd syml neu ymateb i fewnbynnau synhwyrydd. Gan ddefnyddio’r rhyngwyneb llusgo a gollwng greddfol, gall disgyblion arbrofi â dilyniannu, dolenni, a gorchmynion syml ar yr un pryd â datblygu sgiliau datrys problemau a meddwl yn feirniadol. Mae’r profiadau rhyngweithiol hyn yn annog cydweithio a chyfathrebu ymhlith cyfoedion wrth i ddisgyblion weithio gyda’i gilydd i ddylunio, profi, a mireinio eu prosiectau. Trwy integreiddio LEGO Spike Essential i’w taith godio, bydd disgyblion yn magu hyder yn eu galluoedd, gan osod sylfaen gadarn ar gyfer cysyniadau codio mwy datblygedig mewn camau dilyniant i ddod ar yr un pryd â chyd-fynd â phwyslais y Cwricwlwm i Gymru ar ddysgu gweithredol, archwiliadol.
Beth am...
Beth am...
Archwilio’r cynlluniau uned ar yr ap neu ar https://spike.legoeducation.com/essential/unit-plans/ i ddechrau arni.
Cyflwyno’r ‘tîm’ Minifigure bios posters_en_us.indd (lego.com) a chynnwys y cymeriadau mewn gweithgareddau trawsgwricwlaidd.
Annog y disgyblion i greu drysfa syml gan ddefnyddio briciau LEGO a deunyddiau eraill. Yna, gallant raglennu eu robotiaid LEGO Spike Essential i fynd trwy’r ddrysfa gan ddefnyddio synwyryddion a gorchmynion syml.
Gall y disgyblion ddylunio ac adeiladu system larwm sylfaenol gan ddefnyddio LEGO Spike Essential sy’n actifadu pan fydd synhwyrydd symudiadau’n canfod symudiad. Byddant yn rhaglennu’r robot i ganu larwm neu fflachio goleuadau pan fydd y synhwyrydd yn cael ei actifadu.
⭐ Sgiliau ⭐
⭐ Sgiliau ⭐
Deall cydrannau
Deall cydrannau
Mae’r disgyblion yn deall y gwahanol gydrannau, gan gynnwys yr hyb, y motorau, a’r synwyryddion. Bydd y disgyblion hefyd yn cael eu cyflwyno i’r ap Lego Spike a chysyniadau codio sylfaenol.
Gwneud Dilyniannau Syml
Gwneud Dilyniannau Syml
Mae’r disgyblion yn gwybod sut i ddefnyddio motorau i greu symudiad. Gallant gysylltu motorau â’r hyb ac ysgrifennu dilyniannau syml i reoli gweithredoedd y motorau.
Defnyddio Synwyryddion
Defnyddio Synwyryddion
Gall y disgyblion ddefnyddio gwahanol synwyryddion sydd ar gael yn y cit Lego Spike Essential, fel y synhwyrydd lliw. Gallant ddewis cod i wneud i’w robot ymateb i fewnbwn synhwyrydd.
Cyflwyno dolenni
Cyflwyno dolenni
Mae’r disgyblion yn ymwybodol o ddolenni ac wedi archwilio defnyddio dolenni i wella cod.
CC3 - Cynyddu Cymhlethdod mewn Codio
CC3 - Cynyddu Cymhlethdod mewn Codio
Sut mae da yn edrych?
Sut mae da yn edrych?
Yng Ngham Cynnydd 3, mae LEGO Spike Prime yn darparu llwyfan cyfoethogol i ddisgyblion ddyfnhau eu sgiliau codio ac ymwneud â chysyniadau rhaglennu mwy cymhleth. Ar y cam hwn, anogir disgyblion i ddylunio ac adeiladu systemau robotaidd soffistigedig sy’n gallu cyflawni amrywiaeth o dasgau, fel symud o gwmpas rhwystrau, ymateb i fewnbynnau synhwyrydd, a chwblhau heriau rhyngweithiol. Gan ddefnyddio amgylcheddau codio seiliedig ar flociau a seiliedig ar destun, gall disgyblion archwilio cysyniadau datblygedig fel swyddogaethau, dolenni, a datganiadau amodol, gan wella eu sgiliau meddwl cyfrifiannol a’u gallu i ddatrys problemau. Trwy brosiectau cydweithredol, bydd disgyblion nid yn unig yn mireinio eu sgiliau technegol ond hefyd yn datblygu creadigrwydd a sgiliau meddwl yn feirniadol wrth iddynt weithio gyda’i gilydd i ddylunio, profi, a gwella eu robotiaid. Bydd integreiddio LEGO Spike Prime i daith godio disgyblion yn eu helpu i fagu hyder yn eu galluoedd ar yr un pryd â chyd-fynd â phwyslais y Cwricwlwm i Gymru ar ddysgu trwy brofiad a dysgu ystyrlon, gan eu paratoi ar gyfer arloesiadau a heriau technolegol i ddod.
Beth am...
Beth am...
Archwilio gwefan Lego Spike Prime i ddod o hyd i brosiectau a fydd yn gwella cyfleoedd dysgu.
Cymryd rhan yn y Gystadleuaeth Cynghrair Lego Gyntaf gan ddefnyddio Lego Spike Prime. Cystadleuaeth sgiliau bywyd wedi’i seilio ar roboteg.
Dilyn y gyfres o wersi ‘Yn Barod i Gystadlu’ i gyflwyno’r disgyblion i fyd cystadlaethau roboteg. https://education.lego.com/en-gb/lessons/prime-competition-ready/
Gall y disgyblion ddefnyddio LEGO Spike Prime i ddylunio ac adeiladu robot sy’n gallu mynd trwy lwybr rhwystrau i “achub” eitem sydd wedi’i dal (fel tegan bach neu bêl) a’i gludo/chludo yn ôl i ardal ddiogel ddynodedig. Gallai’r robot ddefnyddio synwyryddion i ganfod rhwystrau a llywio o’u hamgylch yn ymreolaethol.
Gall y disgyblion greu gardd glyfar ryngweithiol gan ddefnyddio LEGO Spike Prime, sy’n cynnwys synwyryddion i fonitro amodau amgylcheddol fel lefelau golau a lleithder. Byddant yn rhaglennu eu gardd i ymateb i’r amodau hyn, fel actifadu pwmp dŵr pan fydd lleithder y pridd yn isel neu oleuo pan nad oes digon o olau haul.
⭐ Sgiliau ⭐
⭐ Sgiliau ⭐
Datblygu dilyniannu ymhellach
Datblygu dilyniannu ymhellach
Mae’r disgyblion yn datblygu eu dealltwriaeth o ddilyniannu trwy ddatblygu dilyniannau mwy cymhleth gan ddefnyddio Spike Prime.
Dadfygio a datrys problemau
Dadfygio a datrys problemau
Gall y disgyblion gywiro diffygion yn eu cod, gan ddadfygio eu gwaith i’w wella neu sicrhau ei fod yn cyflawni canlyniad a ddymunir.
Casglu data gan ddefnyddio synwyryddion
Casglu data gan ddefnyddio synwyryddion
Gall y disgyblion ddefnyddio amrywiaeth o synwyryddion o fewn Spike Prime, fel Lliw, Pellter, Grym a Gyro, i gasglu a dadansoddi ystod o ddata.
Rhesymeg Amodol
Rhesymeg Amodol
Gall y disgyblion ddefnyddio’r synwyryddion i gasglu data amser real a rhaglennu eu robotiaid i ddefnyddio rhesymeg amodol i wneud penderfyniadau yn seiliedig ar y mewnbwn. Er enghraifft, gellid rhaglennu robot i newid cyfeiriad os yw’n canfod rhwystr, gan atgyfnerthu pa mor bwysig yw’r gallu i addasu mewn codio.
CC4 - Datblygu sgiliau yn ymwneud â meddwl cyfrifiannol
CC4 - Datblygu sgiliau yn ymwneud â meddwl cyfrifiannol
Sut mae da yn edrych?
Sut mae da yn edrych?
Yng Ngham Cynnydd 4, mae LEGO Spike Prime yn darparu llwyfan datblygedig i ddisgyblion wella eu sgiliau codio trwy ddatblygu prosiectau arloesol a chymhleth. Ar y cam hwn, anogir disgyblion i gymhwyso eu gwybodaeth flaenorol trwy ddylunio a rhaglennu systemau robotaidd soffistigedig sy’n gallu cyflawni amrywiaeth o dasgau, addasu i newidiadau amgylcheddol, ac ymwneud â heriau rhyngweithiol. Byddant yn archwilio cysyniadau codio datblygedig fel swyddogaethau, strwythurau data, a rhaglennu a ysgogir gan ddigwyddiad, gan eu galluogi i greu cod mwy effeithlon y gellir ei ailddefnyddio. Wrth i ddisgyblion gydweithio ar brosiectau, byddant yn gwella eu sgiliau meddwl yn feirniadol, eu creadigrwydd, a’u gallu i ddatrys problemau, gan gymhwyso codio mewn cyd-destunau bywyd go iawn. Trwy integreiddio LEGO Spike Prime i’w taith ddysgu, bydd disgyblion nid yn unig yn atgyfnerthu eu dealltwriaeth o egwyddorion codio datblygedig ond hefyd yn meithrin sgiliau hanfodol ar gyfer yr oes ddigidol, gan gyd-fynd ag ymrwymiad y Cwricwlwm i Gymru i ddysgu trwy brofiad a dysgu ystyrlon.
Beth am...
Beth am...
Gall y disgyblion archwilio pynciau roboteg mwy datblygedig fel dysgu peirianyddol a chyfuno synwyryddion. Gallant gymhwyso egwyddorion mathemategol a pheirianegol i optimeiddio perfformiad robotiaid.
Gall y disgyblion ddatblygu sgiliau meddwl arloesol mewn cymwysiadau a datrysiadau roboteg, gan archwilio technolegau a thueddiadau sy’n dod i’r amlwg ym maes roboteg.
Gall y disgyblion ddatblygu sgiliau entrepreneuraidd trwy ddylunio a chynnig datrysiadau roboteg ar gyfer problemau byd go iawn. Gallant gydweithio ag arbenigwyr y diwydiant neu fentoriaid i gael gwybodaeth am yrfaoedd roboteg.
Gall y disgyblion drafod ystyriaethau moesegol ym maes technoleg roboteg (e.e., preifatrwydd, diogelwch, effaith gymdeithasol). Gallant annog arferion dylunio cyfrifol a chynhwysol mewn prosiectau roboteg.
⭐ Sgiliau ⭐
⭐ Sgiliau ⭐
Meistroli cysyniadau codio sylfaenol
Meistroli cysyniadau codio sylfaenol
Gall y disgyblion ddangos dealltwriaeth gadarn o gysyniadau codio sylfaenol fel dilyniannu, dolenni, amodau, a newidynnau. Gallant ddefnyddio’r cysyniadau hyn yn effeithiol i ysgrifennu cod sy’n rheoli ymddygiad robotiaid neu fodelau maen nhw wedi’u hadeiladu.
Cymhwyso sgiliau meddwl cyfrifiannol
Cymhwyso sgiliau meddwl cyfrifiannol
Mae’r disgyblion yn cymhwyso sgiliau meddwl cyfrifiannol i ddatrys problemau a chreu datrysiadau dylunio gan ddefnyddio Lego Spike Prime. Gallant ddadansoddi problem, ei rhannu’n ddarnau llai, adnabod patrymau, a datblygu algorithmau i fynd i’r afael â’r her yn effeithiol.
Deall synwyryddion a motorau
Deall synwyryddion a motorau
Mae’r disgyblion yn gyfarwydd â’r gwahanol synwyryddion (fel synhwyrydd lliw, synhwyrydd gyro, synhwyrydd cyffyrddiad) a motorau sydd wedi’u cynnwys yn y set Lego Spike Prime. Maen nhw’n gwybod sut i gysylltu a graddnodi synwyryddion, dehongli data synwyryddion, a rheoli motorau i gyflawni gweithredoedd penodol.
Y gallu i ddylunio ac adeiladu modelau cymhleth
Y gallu i ddylunio ac adeiladu modelau cymhleth
Mae’r disgyblion yn gallu dylunio ac adeiladu modelau robotaidd mwy datblygedig a chymhleth gan ddefnyddio rhannau Lego Spike Prime. Dylent allu dilyn cyfarwyddiadau adeiladu, addasu dyluniadau, a chywiro problemau mecanyddol.
CC5 - Cysylltu gwybodaeth â chymwysiadau byd go iawn
CC5 - Cysylltu gwybodaeth â chymwysiadau byd go iawn
Sut mae da yn edrych?
Sut mae da yn edrych?
Yng Ngham Cynnydd 5, mae LEGO Spike Prime yn cynnig llwyfan dynamig i ddisgyblion gymhwyso a mireinio eu sgiliau codio ar lefel ddatblygedig. Ar y cam hwn, bydd disgyblion yn ymgymryd â heriau mwy cymhleth, gan integreiddio cysyniadau fel rhaglennu modiwlaidd, prosesu data amser real, a defnyddio algorithmau i ddatrys problemau soffistigedig. Fe’u hanogir i ddylunio ac adeiladu systemau neu robotiaid ymreolaethol sy’n gallu rhyngweithio â’u hamgylchedd, gwneud penderfyniadau, a chyflawni tasgau cymhleth heb lawer o ymyrraeth gan bobl. Trwy brosiectau cydweithredol, bydd disgyblion yn dangos sgiliau datrys problemau, meddwl yn feirniadol, a chreadigrwydd, gan archwilio sut gall codio ysgogi datrysiadau arloesol yn y byd go iawn. Mae LEGO Spike Prime yn caniatáu i ddisgyblion gymhwyso egwyddorion codio ar draws disgyblaethau STEM (gwyddoniaeth, technoleg, peirianneg a mathemateg), gan eu paratoi ar gyfer llwybrau academaidd a gyrfaol yn y dyfodol, ar yr un pryd â chyd-fynd â phwyslais y Cwricwlwm i Gymru ar greu cyfranwyr mentrus, creadigol at gymdeithas.
Beth am...
Beth am...
Gallai’r disgyblion ddangos meistrolaeth ar egwyddorion roboteg, ieithoedd rhaglennu, a methodoleg ddylunio trwy ddylunio a datblygu systemau roboteg cymhleth â swyddogaethau datblygedig.
Gallai’r disgyblion gymhwyso gwybodaeth a sgiliau roboteg i brosiectau rhyngddisgyblaethol mewn meysydd STEM, ar yr un pryd â chydweithio ag arbenigwyr o wahanol ddisgyblaethau ar heriau roboteg cymhleth.
Gallai’r disgyblion archwilio heriau byd-eang lle y gall technoleg roboteg gael effaith gadarnhaol. Gallant ddadlau o blaid datrysiadau roboteg moesegol, cynhwysol, a chynaliadwy ar raddfa fyd-eang.
⭐ Sgiliau ⭐
⭐ Sgiliau ⭐
Meddwl algorithmig
Meddwl algorithmig
Dylai’r disgyblion allu rhannu tasgau cymhleth yn gamau llai y gellir ymdopi â nhw, a llunio algorithmau i ddatrys problemau’n effeithlon.
Dadfygio a chywiro problemau
Dadfygio a chywiro problemau
Dylai’r disgyblion allu adnabod a chywiro gwallau yn eu cod, yn ogystal â chywiro problemau technegol a allai godi wrth weithio gyda chaledwedd Spike Prime.
Datrys problemau
Datrys problemau
Dylai’r disgyblion allu cymhwyso eu sgiliau codio a rhaglennu i ddatrys problemau byd go iawn gan ddefnyddio system Spike Prime. Fe ddylai fod ganddynt ddealltwriaeth dda o sut i ddefnyddio synwyryddion a motorau i reoli ymddygiad eu robotiaid a’u dyfeisiau.
Meddwl yn greadigol
Meddwl yn greadigol
Dylid annog y disgyblion i feddwl yn gwbl rydd a chynnig datrysiadau arloesol i’r heriau sy’n eu hwynebu wrth ddefnyddio’r system Spike Prime. Dylent allu arbrofi â gwahanol ddyluniadau, ymddygiadau, a thechnegau codio i gyflawni’r canlyniadau a ddymunir.
Created in partnership with...
Created in partnership with...
Malpas Park Primary School
Malpas Park Primary School
Clytha Primary School
Clytha Primary School
Cwmbran High School
Cwmbran High School
Page updated
Report abuse