Mae'r adnodd hwn yn dangos sut mae'r sgiliau sydd eu hangen i gyrraedd safon uchel yn cael eu datblygu'n raddol o gam un hyd at gam cynnydd pump. Defnyddiwch hyn wrth gynllunio gweithgareddau i sicrhau bod cynnydd mewn sgiliau a her briodol yn ganolog i unrhyw dasg.

📊 Cronfeydd Data

Trin data yw’r broses o gasglu, trefnu, dadansoddi a dehongli data. Mae’n golygu casglu gwybodaeth o amrywiaeth o ffynonellau, megis arolygon, arbrofion neu arsylwadau, ac yna ddidoli a dosbarthu’r data mewn ffordd sy’n eu gwneud yn hawdd eu deall a’u dadansoddi. Yna dadansoddir y data i chwilio am batrymau, tueddiadau neu berthnasoedd, a defnyddir yr wybodaeth i ddod i gasgliadau neu i gael canlyniadau rhesymegol.

Nod trin data yw echdynnu gwybodaeth ystyrlon a defnyddiol o’r data. Gellir defnyddio meddalwedd megis j2data, Google Sheets a Microsoft Excel ar gyfer tasgau trin data. Mae i bob un ohonynt ei chryfderau a’i gwendidau, a gall defnyddwyr ddewis yr un sy’n gweddu orau i’w hanghenion a’u dewisiadau. Mae’r cyflwyniad hwn yn dangos y modd y gellir datblygu’r sgiliau sy’n gysylltiedig â chronfeydd data o gamau cynnydd 1 i 5. Gellir ei ddefnyddio i gefnogi eich gwaith cynllunio ar gyfer eich gweithgareddau trwy sicrhau bod y cynnydd priodol mewn sgiliau a lefel yr her yn addas ar gyfer y dysgwyr.

⭐ ARCHWILIO!

Sicrhau cyfleoedd all-lein i archwilio a chasglu data (dan do ac yn yr awyr agored), yn ogystal â’r cyfle i ddidoli a dosbarthu’r gwrthrychau yn ffisegol.

⭐ BYWYD GO IAWN!

Dylai data fod yn berthnasol i ddysgwyr er mwyn cynyddu dilysrwydd y dysgu.

⭐ MODELU AC YMARFER!

Bydd modelu ac ymarfer gan ddefnyddio'r offer yn gwella annibyniaeth dysgwyr.

⭐ CYMYSGU’R CYFAN!

Defnyddio ystod eang o offer a llwyfannau meddalwedd i ehangu'r profiadau dysgu.

⭐ DEWCH I NI SIARAD!

Rhoi amser i'r dysgwyr esbonio'r hyn y maent wedi'i wneud a pham. Caniatáu i gymheiriaid werthuso a holi eu gwaith.

Awgrymiadau 🔎

JiT

j2create

j2data

j2office

Google Sheets

Microsoft Excel

Pic Collage

Numbers

Microsoft Access

Dyma rai apiau a meddalwedd y gallwch eu defnyddio i ddatblygu sgiliau cronfeydd data. Detholiad bach yw'r rhain - mae LLAWER mwy ar gael. Mae’n hanfodol eich bod yn dewis yr apiau a meddalwedd sy'n addas i'r dysgwyr a bod pob dysgwr yn profi ystod o’r cymwysiadau hyn wrth iddynt gymhwyso a datblygu eu sgiliau digidol.

CC1 - Casglu a chyflwyno

Sut mae da yn edrych?

Gall y dysgwyr gasglu a didoli gwybodaeth am wrthrychau cyfarwydd a geir yn yr ystafell ddosbarth ac o'u chwmpas. Gall y dysgwyr ddidoli a dosbarthu'r wybodaeth hon gan ddefnyddio un maen prawf. Cyflwynir y data ar ffurf pictogramau, a bydd y dysgwyr yn gallu eu dehongli a dod i gasgliadau priodol, e.e. yr anifail anwes mwyaf poblogaidd yn y dosbarth.

Beth am...

Creu pictogram ar j2data o drychfilod bach a geir yn yr amgylchedd awyr agored.

Casglu gwybodaeth am hoff anifeiliaid anwes y dosbarth, hoff ffrwythau, gweithgareddau a hobïau etc.

Didoli dail yr hydref yn ôl lliw, maint a math.

⭐ Sgiliau ⭐

Casglu gwybodaeth (Rhifedd)

Casglu data sydd yn yr amgylchedd e.e. nifer o wrthrychau penodol, a chofnodi ar ffurf syml megis siart rhicbren / pictogram.

Dehongli data (Rhifedd)

Dehongli gwybodaeth a gyflwynir mewn siartiau a diagramau, a dod i gasgliadau priodol. e.e mwyaf / lleiaf

Didoli (Rhifedd)

Didoli setiau o wrthrychau neu luniau drwy adnabod yr hyn sy'n debyg gan gyfleu fy newisiadau.

CC2 - Ffocws a diben cynyddol

Sut mae da yn edrych?

Mae dysgwyr yn cyfoethogi eu gwaith trwy gasglu a threfnu data i wahanol grwpiau. Byddant yn dechrau dehongli ac adeiladu pictogramau, siartiau cyfrif, diagramau bloc a thablau syml. Gall dysgwyr ddefnyddio eu siartiau i ateb cwestiynau penodol a chreu eu cwestiynau eu hunain i ofyn i’w cyfoedion. Yna datblygir cwestiynu i ddidoli data i wahanol grwpiau gan ddefnyddio cronfa ddata ganghennog, taenlen neu gronfa ddata syml.

Beth am...

Creu graff i gofnodi canfyddiadau ymholiad gwyddonol e.e. arolwg traffig - nifer o gerbydau amrywiol sy'n pasio'r ysgol. Dehnogli'r wybodaeth a chyflwyno canfyddiadau drwy weithgaredd dilynol.

Mewnbynnu data i daenlen am ddisgyblion yn y dosbarth e.e Enw, mis penbwlydd, maint esgidiau, taldra etc. Didoli'r data i ateb cwestiynau penodol e.e sawl plentyn sy'n cael ei benblwydd yn mis Ionawr? Creu graff bar i ddangos hoff chwaraeon plant y dosbarth.

⭐ Sgiliau ⭐

Creu tablau syml

Creu tabl a mewnbynnu data yn gywir i greu cronfa ddata syml.

Dehongli data (Rhifedd)

Echydynnu a dehongli gwybodaeth a gyflwynir mewn siartiau/graffiau/tablau.

Cynrychioli data (Rhifedd)

Trosi data i ffurf gweledol e.e siart bar/bloc a ble'n bosib cynrychioli'r data fesul 2,5 a 10.

Didoli a dosbarthu

Mae'r dysgwyr yn defnyddio rhaglen ganghennog/tabl mewn taenlen i ddidoli a dosbarthu data i grwpiau penodol gan ddefnyddio mwy nag un maen prawf.

Casglu data (Rhifedd)

Mae'r dysgwyr yn casglu gwybodaeth drwy bleidleisio neu drefnu ac yn cofnodi mewn rhestrau/siartiau cyfrif/tablau a diagramau.

CC3 - Cymhlethdod Cynyddol

Sut mae da yn edrych?

Bydd y dysgwyr yn dylunio ac yn creu ystod o gronfeydd data sy'n cyflawni nodau penodol. Bydd hyn yn cynnwys casglu, dadansoddi, gwerthuso a chyflwyno data/gwybodaeth mewn ystod o raglenni meddalwedd. Mae'r dysgwyr yn gallu creu cronfeydd data gyda meysydd testun, rhifau, rhestrau, lluniau a meysydd Boole. Mae soffistigeiddrwydd a maint y data mae'r dysgwyr yn ei gasglu a'i ddefnyddio wedi cynyddu.

Beth am...

Creu cronfa ddata gyda sawl math o ddata, e.e. ffeithiau am wledydd yn Ewrop, ffilmiau Disney, cerbydau, cymeriadau mewn llyfrau. Defnyddio chwiliadau cymhleth i ddidoli'r wybodaeth.

Chwilio cronfeydd data o fywyd go iawn am wybodaeth benodol i gefnogi gwaith yn eu pynciau/themâu.

⭐ Sgiliau ⭐

Dylunio cronfa ddata

Mae’r dysgwyr yn creu cronfa ddata wreiddiol drwy ddefnyddio data amrywiol a chasgliadau cynyddol o wybodaeth.

Ymholi (Rhifedd)

Didoli data er mwyn dehongli ac echdynnu gwybodaeth gan drwy chwiliadau cynyddol gymhleth e.e defnyddio 2 neu fwy maen prawf.

Defnyddio'r wybodaeth (Rhifedd)

Dod i gasgliadau o ddata a defnyddio canfyddiadau a phatrymau yn gywir ac yn bwrpasol e.e arwain at dasg cynhyrchu / ysgrifennu / llafar ble mae'r dysgwyr yn defnyddio'r wybodaeth.

Gwerthuso a mireinio

Mae’r dysgwyr yn gwella eu cronfeydd data trwy ailystyried y modd y maent wedi eu trefnu, pa mor ddefnyddiol yw’r data a gynhwysir, ac ansawdd/dibynadwyedd y samplau data a gasglwyd.

CC4 - Dadansoddi Data

Sut mae da yn edrych?

Bydd y dysgwyr yn dylunio ac yn creu ystod o gronfeydd data at nifer o ddibenion, gan ddefnyddio data o sawl ffynhonnell. Bydd hyn yn cynnwys setiau data mwy o ffynonellau a fewnforiwyd. Bydd y dysgwyr yn cael cyfle i ddefnyddio meddalwedd cronfeydd data gynyddol gymhleth. Bydd y dysgwyr yn cynllunio, creu ac addasu cronfeydd data i ystyried mathau priodol o ddata ac allwedd(i) cynradd. Bydd y dysgwyr yn holi setiau data i sefydlu tueddiadau, a hynny trwy ddidoli, chwilio a defnyddio chwiliadau cymhleth.

Beth am...

Dylunio a chreu cronfa ddata i ddiben dilys gan ddefnyddio MS Access (gall y data gael eu

mewnforio o ffynonellau/ddyfeisiau allanol).

Dylunio a chreu cronfeydd data sy’n defnyddio amrywiaeth o fathau o ddata priodol ac allweddi cynradd ar gyfer ystod o achosion dilys.

Mewnforio setiau data mwy o ffeiliau csv, e.e. ffynonellau eilaidd neu logio data.

Holi setiau data ar gyfer senarios penodol gan ddefnyddio lluniwr ymholiadau ar gyfer un tabl a meini prawf unigol/lluosog.

⭐ Sgiliau ⭐

Dylunio cronfa ddata

Dylunio strwythur cronfa ddata i gynnwys meysydd, mathau o ddata, allwedd gynradd, ffurflenni ac ymholiadau.

Mewnbynnu data

Creu ac addasu cronfa ddata a mewnforio setiau data o ffynonellau allanol.

Dylunio ffurflenni

Creu ffurflenni cipio data gyda blychau mewnbwn priodol a ddewiswyd ar gyfer pob math o ddata.

Ymholi

Dadansoddi setiau data trwy ddefnyddio offer megis didoliadau ac ymholiadau.

Cipio data

Cipio data o amrywiaeth o ffynonellau, e.e. ffurflenni cipio data, cofnodydd data, ac ati.

CC5 - Creu ac ymholi

Sut mae da yn edrych?

Bydd y dysgwyr yn cynllunio’n strategol ac yn creu cronfeydd data perthynol i friff penodol. Dylai cronfa ddata berthynol effeithiol gynnwys allweddi cynradd ac estron. Dylai’r broses o ddylunio cronfa ddata gynnwys gwaith addasu perthnasol i wella profiad y defnyddiwr. Dylai’r dysgwyr allu cynhyrchu adroddiadau cynyddol fanwl sydd wedi’u teilwra i ddiben penodol. Bydd prosesau gwerthuso yn cynnwys rhaglen brofi gynlluniedig i gynorthwyo datblygiad a gwelliant.

Beth am...

Dylunio a chreu cronfeydd data perthynol sy’n cysylltu sawl tabl perthnasol gan ddefnyddio allweddi cynradd ac estron, e.e. tablau cwsmeriaid, gweithwyr, cynhyrchion a gwerthiannau ar gyfer menter fusnes.

Dylunio a gweithredu dulliau dilysu sy’n anelu at sicrhau natur gadarn data, e.e. gwiriadau o ran presenoldeb, hydoedd, amrediad, fformat a mathau. Ystyried hefyd lle gallai dulliau dilysu megis bysellu dwbl a phrawfddarllen chwarae rhan ddefnyddiol wrth sicrhau ansawdd data.

Holi setiau data ar gyfer sawl trywydd ymholi, a hynny gan ddefnyddio ymholiadau cymhleth ac ymholiadau paramedr, a chan wneud defnydd o weithredyddion nodchwilwyr.

Creu ac addasu ffurflenni ac adroddiadau sy’n rhoi ystyriaeth i ddyluniadau rhyngwyneb effeithiol ar gyfer defnyddwyr, e.e. ystyried gwneud defnydd o benynnau/droedynnau, lliw, botymau gorchymyn, delweddau, ac ati.

Dylunio a gweithredu cynllun profion sy’n mynd ati mewn modd effeithiol i brofi gallu’r gronfa ddata i ddychwelyd canlyniadau cywir pan fydd yn agored i ddata dilys, eithaf, a gwallus.

Mynd ati mewn modd beirniadol i werthuso effeithiolrwydd y datrysiad a’r prosesau datblygu er mwyn ystyried y potensial ar gyfer gwelliannau i gynllun y tabl/y ffurflen/ yr adroddiad, y set ddata, y cynllun dilysu a’r cynllun profion.

⭐ Sgiliau ⭐

Cronfa Ddata Berthynol

Dylai strwythur y gronfa ddata berthynol gynnwys sawl tabl, allweddi cynradd ac estron, perthnasoedd.

Adroddiadau

Llunio adroddiadau o ymholiadau, a hynny gan addasu i sicrhau bod yr adroddiad yn addas i’r diben penodol.

Dilysu a gwirio

Cyfiawnhau’r dewis o reolau dilysu sydd wedi’u cymhwyso i fathau o feysydd, gan sicrhau bod cyn lleied â phosibl o afreidrwyddau yn digwydd.

Profi

Darparu cynllun profion ar gyfer cronfa ddata, gan roi rhesymau manwl a nodi data dilys, eithaf, a gwallus. Gwerthuso llwyddiannau profi a nodi gwelliannau.

Addasu

Creu ffurflenni effeithiol, syml ar gyfernmewnbynnu data, gan wella’r gosodiadau ar gyfer briff penodol. Gall hyn gynnwys nodweddion a rheolyddion sy’n gwneud y system yn haws ei defnyddio, gan hwyluso’r broses llywio.