Mae'r adnodd hwn yn dangos sut mae'r sgiliau sydd eu hangen i gyrraedd safon uchel yn cael eu datblygu'n raddol o gam un hyd at gam cynnydd pump. Defnyddiwch hyn wrth gynllunio gweithgareddau i sicrhau bod cynnydd mewn sgiliau a her briodol yn ganolog i unrhyw dasg.

🖨️

🎚️ Cynhyrchu Cerddoriaeth

Mae cynhyrchu cerddoriaeth yn sgil sy'n cyfuno technoleg a chyfansoddi. Mae'n galluogi disgyblion i recordio a chreu cerddoriaeth heb orfod chwarae offerynnau o reidrwydd. Gellir syntheseiddio recordiadau gan ddefnyddio gwahanol offerynnau rhithiol neu reolwyr midi. Mae sgiliau cynhyrchu cerddoriaeth yn amrywio o recordiadau sain syml i gynyrchiadau mwy cymhleth y gallai artistiaid eu rhyddhau. Bydd dysgwyr yn datblygu sgiliau trosglwyddadwy fel golygu, haenu, rhannu, cydweithio a pherchnogaeth o gynnyrch digidol. Efallai y bydd dysgwyr am ddilyn gyrfaoedd mewn cynhyrchu cerddoriaeth neu dechnoleg cerddoriaeth; technegydd sain, artist cerddorol, peiriannydd stiwdio, cynhyrchydd...

⭐ HAWLFRAINT!

Ystyriwch hawlfraint cerddoriaeth wrth droshaenu trac ar unrhyw gynhyrchiad.

⭐ MEDDALWEDD!

Gwnewch yn siŵr bod y feddalwedd a ddefnyddiwch yn briodol i'r oedran a bod ganddo ryngwyneb addas.

⭐ CYDWEITHIO!

Dylech annog cydweithredu ac adborth gan gymheiriaid. Gallwch hyd yn oed gysylltu dyfeisiau i greu perfformiadau grŵp yn eich dosbarth!

⭐ ARDDANGOS!

Rhowch gyfleoedd i ddysgwyr arddangos ei gwaith!

⭐ AMRYWIAETH!

Dylech annog y dysgwyr i greu amrywiaeth o wahanol genre's: Jazz, Pop, Roc, Jingls etc.

Awgrymiadau 🔎

GarageBand

Logic Pro (Mac)

Chrome Music Lab

Voice Recorder

Audacity

Sonic Pi

Micro:Bit

Sibelius

Dyma rai apiau a meddalwedd y gallwch eu defnyddio i ddatblygu sgiliau cynhyrchu cerddoriaeth. Detholiad bach yw'r rhain - mae LLAWER mwy ar gael. Mae'n hanfodol eich bod yn dewis yr apiau a meddalwedd syn addas i'r dysgwyr a bod pob dysgwr yn profi ystod or cymwysiadau hyn wrth iddynt gymhwyso a datblygu eu sgiliau digidol.

CC1 - Recordiadau syml

Sut mae da yn edrych?

Gall disgyblion ddefnyddio dyfais i recordio clipiau sain gydag annibyniaeth gynyddol. Gallai disgybl recordio ei hun gan ddefnyddio gwahanol offerynnau corfforol trwy eu chwarae a'u recordio o fewn ap. Dylai dysgwyr archwilio creu synau gwahanol gyda gwrthrychau y gallent ddod o hyd iddynt yn yr ystafell ddosbarth. Bydd cynhrychiadau ar lefel syml gyda geiriau hawdd i'w dilyn a phatrymau ailadroddus.

Beth am...

Arbrofwch gydag amrywiaeth o synau gan ddefnyddio Chrome Music Lab.

Cofnodwch seiniau o fewn yr amgylchedd neu eich llais gan ddefnyddio botymau sain/meicroffonau.

Arbrofi ac archwilio'r offerynnau rhithiol gan ddefnyddio Garageband.

Defnyddiwch Chatterpix i ddal llais/canu.

⭐ Sgiliau ⭐

Recordio

Recordio synau gyda dyfais - defnyddiwch synau naturiol o'ch cwmpas neu offer hawdd i'w defnyddio fel tambourines, siglwyr a drymiau.

Arbrofi

Experiment with different sounds/instruments on a device using software such as Garageband/J2E.

Experiment

Dewch o hyd i wrthrychau sy'n creu synau hir a synau byr. Gall y dysgwyr ddefnyddio rhannau o'u corff i gynhyrchu gwahanol synnau.

CC2 - Creu cerddoriaeth syml

Sut mae da yn edrych?

Gall disgyblion ddechrau defnyddio rhaglenni digidol (GarageBand neu Chrome Music Lab) i recordio clipiau sain, offerynnau a darnau o gerddoriaeth.

Beth am...

Recordio rhythm/cân taro corff syml.

Creu seinwedd ar gyfer stori gan ddefnyddio synau naturiol yn yr ystafell ddosbarth.

Recordio a chreu effeithiau sain i haenu dros eich cân/stori.

⭐ Sgiliau ⭐

Dolenni

Mae dysgwyr yn dechrau arbrofi gyda dolenni wedi'u gwneud ymlaen llaw yn Garageband. Dechreuwch haenu'r rhain gyda'i gilydd i greu trac sylfaenol.

Cân

Dechrau creu alawon syml a dilyniannau cordiau gan ddefnyddio'r ystod o offerynnau rhithiol sydd ar gael yn Garageband.

Arbrofi

Arbrofi gydag offer sylfaenol yn Chrome Music Lab fel; Rhythm, Gwneuthurwr Melody a Thonnau Sain.

Cydweithio

Cydweithio gyda chyfoedion i greu rhythmau syml a darnau o gerddoriaeth gyda'i gilydd.

Storio

Dechrau storio ffeiliau mewn lleoliad penodol gan ddefnyddio enw addas.

CC3 - Cynhyrchu cerddoriaeth

Sut mae da yn edrych?

Gall disgyblion gynllunio eu cynhyrchiad yn effeithiol, gan ystyried y mathau o offerynnau y maent yn eu defnyddio a'r gwahanol synau y gallant eu creu. Gall disgyblion ddefnyddio sgiliau golygu sylfaenol i gyfuno traciau amrywiol ar ôl recordio'r cynnwys. Ar ôl gwerthuso eu cynhyrchiad a'u cynnwys, gall disgyblion wella safon eu gwaith trwy ail-recordio rhai adrannau ble'n briodol.

Beth am...

Barddoniaeth - Creu darn o gerddoriaeth ar gyfer cerdd maen nhw wedi ei hysgrifennu, gan ystyried naws y gerdd.

Dawns - Creu darn cyffrous o gerddoriaeth ar gyfer sesiynau dawns yn Addysg Gorfforol.

Fideos YouTube - Creu trac sain a allai gyflwyno eu fideo YouTube / tiwtorial.

Ffilm - Gwyliwch clip ffilm a chreu trac sain i gyd-fynd â'r olygfa.

Microbit - Defnyddiwch Microbit (v2) i greu traciau cerddorol syml.

Adeiladu cylched gerddorol gan ddefnyddio MakeyMakey. (Adeiladu eich bysellfwrdd eich hun gan ddefnyddio bananas / ffoil.)

Cerddoriaeth gan ddefnyddio SonicPi.

⭐ Sgiliau ⭐

Cynllunio

Cynllunio cynnwys eu cerddoriaeth gyda sylw dyledus i'r naws, arddull, hyd a dewis offeryn.

Golygu

Defnyddio sgiliau golygu sylfaenol i docio clipiau a chyfuno traciau.

Adrannau, cymalau a haenau

Ystyried ychwanegu cymalau neu adrannau lluosog at eu cynyrchiadau.

Datrys problemau

Datrys problemau er mwyn creu sain penodol neu wrth osod gwahanol gydrannau at eu gilydd.

Gwerthuso

Gwerthuso safon cynhyrchiad gan ail recordio adrannau lle bo'n briodol. Adnabod cryfderau a gwendidau.

CC4 - Cynhyrchiadau o soffistigeiddrwydd cynyddol

Sut mae da yn edrych?

Gall disgyblion ddefnyddio sgôr graffig / dilyn cyfarwyddyd cerddorol syml neu amlinellu'r prosiect cynhyrchu cerddoriaeth sy'n cynnwys syniadau ar gyfer strwythur, tempo, alaw, harmoni ac offeryniaeth y gerddoriaeth. Dylai dysgwyr ddefnyddio amrywiaeth o synau, offerynnau ac effeithiau i greu darn o gerddoriaeth gydlynol unigryw. Dylent gynnwys defnydd effeithiol o ddolenni, samplau a golygu digidol i adeiladu cyfansoddiad wrth ystyried haenu meddylgar seiniau ac offerynnau i greu ymdeimlad o ddyfnder a chyfoeth i'r gerddoriaeth. Dylai dysgwyr ymgorffori technegau gwahanol i greu diddordeb ac amrywiaeth yn y gerddoriaeth megis, newidiadau mewn tempo, allweddi neu offeryniaeth.

Beth am...

Dechrau creu cerddoriaeth ar gyfer gwefannau'r ysgol, gorsafoedd radio a vodcasts/podlediadau.

Creu jingle ar gyfer podlediad/vodcast/video.

Cynhyrchu cerddoriaeth mewn arddull neu genre penodol.

Ystyried cerddoriaeth mewn cyfnodau hanesyddol a chynhyrchu darnau cysylltiedig.

⭐ Sgiliau ⭐

Theori cerddoriaeth

Dangos dealltwriaeth dda o gymhwyso theori cerddoriaeth, gan gynnwys rhythm, alaw, harmoni, a thymbr. Bydd dysgwyr yn datblygu sylfaen gref mewn theori cerddoriaeth wrth iddynt greu a thrin synau yn Garageband neu meddalwedd tebyg.

Cynhyrchu

Defnydd effeithiol o sgiliau technegol wrth recordio, golygu a chymysgu cerddoriaeth. Bydd dysgwyr yn datblygu sgiliau wrth iddynt arbrofi gyda gwahanol nodweddion a swyddogaethau'r feddalwedd.

Datrys problemau yn greadigol

Mae creu cerddoriaeth ddigidol yn cynnwys llawer o dreialu a gwneud camgymeriadau wrth i ddysgwyr arbrofi gyda gwahanol synau, melodïau a threfniadau. Bydd dysgwyr yn datblygu sgiliau datrys problemau creadigol wrth iddynt weithio i gyflawni eu canlyniadau cerddorol dymunol.

Cydweithio

Gall cydweithio ag eraill ar brosiectau cynhyrchu cerddoriaeth helpu dysgwyr i ddatblygu sgiliau gwaith tîm a chyfathrebu pwysig. Byddant yn gallu rhoi a derbyn adborth, trafod syniadau, a chydweithio i gyflawni'r nod.

CC5 - Cynhyrchiadau safon uwch

Sut mae da yn edrych?

Dylai dysgwyr ddewis a chasglu adnoddau a deunyddiau sydd eu hangen ar gyfer y prosiect, megis samplau sain, dolenni, ac offerynnau rhithwir. Creu bwrdd stori neu fraslun o'r cyfansoddiad cerddorol i'w greu. Yna dylai dysgwyr greu cyfansoddiad cerddorol strwythuredig a chydlynol sy'n bodloni nodau a gofynion penodol y prosiect sy'n ymgorffori amrywiaeth o synau, offerynnau ac effeithiau i greu cynhyrchiad cerddorol gyfoethog a deinamig. Dylai dysgwyr hefyd ddefnyddio technegau cymysgu a meistroli uwch i gydbwyso a mireinio'r cynnyrch terfynol, gan sicrhau bod y cyfansoddiad cerddorol yn wreiddiol, yn greadigol ac o ansawdd uchel.

Beth am...

Creu cyfansoddiadau cerddoriaeth ar gyfer darnau arholiad.

Parhau i ddatblygu cerddoriaeth ar gyfer podlediadau/vodcasts.

⭐ Sgiliau ⭐

Cynhyrchu o safon

Cynhyrchu cerddoriaeth gan ddefnyddio caledwedd a meddalwedd safonol y diwydiant gan wneud defnydd da o nodweddion mwy cymhleth y meddalwedd.

Golygu

Defnyddio sgiliau golygu uwch i haenu cerddoriaeth, traciau cefndir, jingles ac i wella ansawdd eu sain lle bo hynny'n briodol.

Creu jingls

Creu / cyfansoddi jingles neu ddod o hyd i glipiau sain ffynhonnell agored / di-hawlfraint y gallent eu defnyddio.

Gwerthuso

Gwerthuso ansawdd y cynhyrchiad a'r cynnwys trwy gynulleidfaoedd ehangach o fewn a thu allan i'r ysgol.