Y Ffair gan Gwenno Wood Blwyddyn 8

Wrth i mi gerdded i mewn i'r ffair brysur, mae ton o gyffro yn fy nharo. Mae'r nos yn ddu fel bol buwch ond wedi cael ei goleuo gan y stondinau yn gwerthu bwyd sbeislyd a trits melys. Wedi byddaru gan y gerddoriaeth roc sy'n atseinio o'n cwmpas, rhedaf ymlaen er mwyn dianc o'r dorf ddiamenydd ar bwys y ceir bach gwyllt herciog. Yn sydyn, dwi'n stopio o flaen helter skelter anferthol ac rwy'n estyn am un o'r matiau, garw, pigog. Gydag un llaw yn dal y mat crafog, ar llall yn dal canllaw gludog, rwy'n hedfan i fyny'r grisiau llithrig. Erbyn i mi gyrraedd ben y brig, mae fy ngwynt yn fy nwrn ond mae'r ymdrech yn werth chweil. Mae mor o olau amryliw yn fy amgylchynu ac er rydw dal i glywed y gerddoriaeth erchyll isod, mae gen i deimlad o sirioldeb fel rydw yn ofodwr yn edrych i lawr ar y ddaear bert.

Gyda'r mat anghyfforddus o danaf i , rwy'n cylchdroi o gwmpas yr Helter Skelter llyfn gyda fy ngwallt yn chwythu tu ol i mi. Mae'r lliwiau amryliw yn troi mewn i un, wrth i mi fynd yn gyflymach ac yn gyflymach gyda phob troad! Mae'r gwynt cryf yn chwythu aroglau melys yn fy wyneb oer. Yn sydyn, rydw i'n dod i stop ac rwy'n hedfan off diwedd y llithren fendigedig ac rydw i'n cwympo oddi ar y mat garw. Rwy'n disgwyl bwrw'r llawr caled ond rwy'n glanio ar beth sy'n teimlo fel cwmwl meddal.

'SGWiC!' Mae drysau annifyr y tren ysbrydion yn agor. Teimlaf yn nerfus, does dim mynd yn ol nawr. Gwelais yr edrychiad ofn pur ar wynebau'r goroeswyr ond roeddwn yn teimlo yn ddewr. Dwi ddim nawr.

I mewn i'r 'stafell gyntaf, mae wedi cael ei addurno fel coeden Nadolig- ond gyda gwe pry-cop arswydus. Mae hefyd llawn cyrff ffiaidd, gwaedlyd, erchyll. Y 'stafell nesaf; mae'n ystafell frawychus sy'n ddu fel bol buwch. Clywaf ysbrydion yn udo yn y tywyllwch. Yn sydyn, mae golau llachar yn fflachio, mae sgerbydau erchyll yn cwympo o'r nenfwd di-ben-draw ac rydw i yn clywed sgrech fyddarol! Mae'r tren hunllefus yma yn parhau, gyda throadau sydyn yn synnu fi pob tro, a beth sy'n teimlo fel pry cop enfawr, blewog yn dawnsio ar draws fy mhen.

Heb rybudd, mae'r tren yn cyflymu, poenaf bydd y tren hwn yn ddiddiwedd ond yn sydyn mae golau dydd yn fy nallu. Mae'r haul yn disgleirio yn braf ac mae gen i deimlad o ryddid a rhyddhad. Byth eto!

Yn y ciw am y rollercoaster, dwi ddim yn siwr am hyn. Gwelais y neidr o drac ond roedd yn swnio fel syniad da ar y pryd, nid nawr. Dringaf i mewn i fy sedd oer, teimlaf yn nerfus. Mae'r reid yn dechrau, a mae fy nghalon yn neidio. I ffwrdd a ni, o gwmpas clwstwr o goed gwyrdd , o gwmpas crowdiau o bobl yn syllu ar y reid beryglus yma, o gwmpas stondinau prysur, bywiog a gallai arogli candi-fflos melys. Yn sydyn, rydym yn troi cornel, ac mae'r trac yn codi mewn llinell serth.

Mae'r car yn dechrau dringo. Rydym yn eistedd ar ongl anghyfforddus a mae'r car yn siglog sy ddim yn helpu. Teimlaf fel byddaf yn chwydu. Wrth i ni ddringo yn uwch mae'r bobl yn mynd yn mynd yn llai ac yn llai a dyw'r reidiau eraill ddim yn edrych mor uchel. Mae'r gerddoriaeth yn tawelu ac yr unig synau allai glywed yw'r sain o bobl tu ol i mi yn sibrwd a chyffro a'r car yn crafu yn wichlyd yn erbyn y trac.

Yn sydyn, rydym wedi cyrraedd pen yr allt. Wrth edrych i lawr gallaf weld bell i ffwrdd. Mae yna olygfeydd syfrdanol! O danaf i, gallaf weld rhesi maith gyda torfau o bobl yn siarad fel melyn bupur. Mae'r car yn dod i stop. Rwy'n gafael yn dynn yn yr harnes gludiog ac arhosaf am y reid i ddechrau. Gallaf deimlo fy nghalon yn curo yn fy mrest. Teimlaf yn frawychus, pryd bydd y car yn gostwng?

Yn sydyn, heb rybudd, mae'r car yn gostwng. Mae fy stumog yn dawnsio yn fy mol, a theimlaf wynt pwerus yn chwythu yn fy wyneb. Clywaf sgrechian byddarol tu ol i mi ac yn sydyn rydym yn dringo eto, tro yma yn gyflym. Mae hyn yn wych! Rwy allan o wynt ond llawn cyffro. I lawr a ni eto, ac rwy'n gafael yn fwy dynn ar yr harnes oer. Mae hyn yn anhygoel! Yna, edrychaf o fy mlaen a gwelaf ˜loop the loop'! Mae un rhan ohonof i yn bryderus ond mae'r rhan arall wedi cyffroi! 'AAAAAAA!' Sgrechiaf wrth i ni fynd ben i waered, ond does dim amser i edrych o gwmpas ar y golygfeydd anghredadwy oherwydd rydym yn dringo rhan arall o'r rollercoaster anferthol!

O'r diwedd, mae'r car yn arafu ac mae gen i amser i ddal fy ngwynt. Rydw i'n falch roeddwn wedi trio fe: roedd o'n brofiad anhygoel, ond roedd y cyffro yn ddigon am heddiw. Efallai blwyddyn nesaf!

Mae fy mhen dal yn troelli fel jeli ar ol y rollercoaster aferthol yna, ond rydw i yn edrych ymlaen at archwilio gweddill y ffair anhygoel. Cerddaf heibio'r cwrt bwyd ac aroglaf fwydydd o bob cornel y byd, bwyd Indiaid sbeislyd, pysgod a sglods hallt a chrempogau melys. Prynaf candi-floss pinc, danteithiol ar y ffordd i'r stondinau. Rwy'n mynd yn ling di long heibio'r 'hook a duck' prysur a'r 'hoopla' poblogaidd, cyn gweld y 'Hoop Shoots'.

Mae yna giw hir tu fas i'r 'Hoop Shoots' ond rydw i eisiau cael tro. Mae'r candi-floss blasus yn toddi ar fy nhafod. Yn sydyn, clywaf sgrech fyddarol plentyn, edrychaf draw a gwelaf ei fod wedi ennill tedi fflwfflyd fel cwmwl sydd yr un maint a fo. O'r diwedd, mae'n tro fi! Teimlaf yn gyffrous wrth i mi bigo pel i fyny, mae'n teimlo yn arw yn fy nwylo oer. Cydiaf yn dynn a thaflaf yn ofalus. Ond clywaf y bel yn bownsio off yr ymyl, o na! Tro dau, cydiaf yn dynn eto a saethaf. Tro, yma clywaf y cadwyni yn dawnsio wrth i'r bel fynd trwy'r gol. Hwre!! Dwi wedi ennill tedi meddal, ciwt. Mae gen i un tro arall i gael gwobr, saethaf a chlywaf y cadwyni yn siglo eto. Doeddwn i ddim yn meddwl byddaf yn sgorio ddwywaith! Tro yma rydw i yn ennill tegan uncorn pinc fel y candi-floss melys cefais cynt!

Ysgol Gyfun Gwynllyw,

Heol Folly,

Pontypwl.

Torfaen.

24/4/2020

Annwyl Mr Johnson,

Rwy'n ysgrifennu atoch chi i berswadio chi i godi cyflog gweithwyr y Gwasanaeth Iechyd Cenedlaethol ac i roi mwy o werthfawrogiad oherwydd credaf fod dim llawer o werthfawrogiad yn mynd i'r gweithwyr allweddol sydd yn peryglu eu bywydau'n ddyddiol er mwyn diogelu chi a ni oll o fewn y wlad.

Fy mhwynt cyntaf yw roedden nhw'n gweithio'n galed iawn cyn bod y Coronafeirws wedi dechrau, a doedden nhw ddim efo llawer o werthfawrogiad. Mae'n anodd i gredu erbyn hyn eich bod chi, aelodau'r senedd wedi gwrthod codi tal staff GIG. Cyn roedd y pandemig wedi dechrau roedden nhw yn edrych ar ol pobl bregus yn ein cymdeithas o ddydd i ddydd heb unrhyw werthfawrogiad ond nawr rydych chi wedi cyfeirio atynt sawl tro fel arwyr ar lefel bersonol ac yn genedlaethol.

Hefyd, yn ystod yr achosion o Goronafeirws, mae eu cysegriad i bobl Prydain yn rhagorol. Maent yn rhoi eu bywydau mewn perygl i helpu pobl y genedl. Maent yn gweithio am amseroedd hir, hyd at ddeuddeg awr, ac yn gweld pobl yn marw o'u cwmpas, sydd gallu arwain at bryder a problemau iechyd meddwl.

Yn ychwanegol, mae'r staff GIG wedi ennill parch haeddianol y wlad oherwydd am 8:00 yp bob Dydd Iau, mae pawb yn clapio am y gweithwyr allweddol yma ac, mae'n para am 5-10 munud a mae pobl yn defnyddio pethau fel offer coginio a megaffonau i ddangos eu parch. Mae'n cael ei bostio i wefannau fel Facebook sydd yn lledaenu ac yn helpu pobl arall i ymuno. Ond a'i dyma'r un gwerthfawrogiad mae'r gweithwyr allweddol yn haeddu?

Rhaid gweithredu nawr oherwydd does dim digon o offer i'r gweithwyr GIG i ddefnyddio, fel masgiau i'w hamddiffyn. Os nag oes dim digon o PPE bydd y Coronafeirws yn parhau i ledaenu i deuluoedd eraill. Oes angen i eraill orfod galaru a gweld bywydau yn cael eu dinistrio oherwydd rhesymau ariannol? Yn ystod y cyfnod hwn ni allwch roi pris ar fywydau. Mae gan bawb yr hawl i fyw.

Yn ychwanegol oherwydd maen nhw'n gweithio mor hir, does dim digon o adnoddau yn y siopau iddynt brynu a defnyddio, ond, mae siopau fel Sainsbury's yn agor am 30 munud i'r staff GIG a gweithwyr hanfodol yn unig, sydd yn dangos fod Sainsbury's yn meddwl am y gweithwyr hanfodol a dylai siopau arall wneud hyn. Oes rhaid i archfarnadoedd ddangos mwy o arweiniad na'r llywodraeth?

Yn y pendraw, does dal dim digon o arian yn y GIG i gario ymlaen yn yr hir dymor ac efo dim PPE bydd llai o nyrsys a doctoriaid i weithio. Ni fydd y cylch yn torri oni bai bod y llywodraeth yn cynnig yr arweiniad sydd angen a thrin y gweithwyr allweddol yn economaidd gyda'r parch maent yn haeddu. Bydd angen y gweithwyr allweddol tu hwnt i'r pandemig yma.

Rydw i'n gobeithio fy mod wedi eich perswadio i roi mwy o gymorth a PPE fel ein bod fel gwlad yn gallu curo y Coronafeirws yn gyflymach a rhoi parch maen nhw'n haeddu i'r gweithwyr allweddol pob dydd ac nid dim ond am 8 o'r gloch bob nos Iau.

Yr eiddoch yn gywir

Finlay Hawkins, Blwyddyn 9