1. Почнете го денот со една порција свежо овошје и чаша сок. Зошто?

За да се поттикне мокрењето и да се елиминираат токсините и нуспроизводите од телото

2. Кога да јадете овошје?

Во утринските часови, како прв оброк! Овошје треба да се јаде половина до 1 час пред оброкот или 3 часа по ручекот! Зошто? Овошје е лесно сварливо и ако се јаде веднаш по оброкот гние од храната што претходно сме ја консумирале.

3. Овошје може да се јаде и навечер, но наутро како прв оброк е најпрепорачливо затоа што не е добро да јадете тешка и долго сварлива храна за појадок. Зашто?

Нашето тело има циклична структура:

а) Од 4-5 до 12 часот се чисти од сите нуспроизводи и токсини.

б) Од 12 до 20 часот нашиот организам прима храна.

в) Од 20 до 4-5 часот нашето тело ја користи храната што се внесува и хранливите материи од неа.

4. Концентрирани протеини (месо, живина, риба) не консумирајте во ист оброк со концентрирани јаглехидрати (тестенини, ориз, компири). Зошто?

Научниците откриле дека кога се внесуваат заедно имаат обратен ефект и целокупното нивно дејство е слабо. На пример, риба, месо или живина јадете заедно со порција салата, исто така тестенини, ориз или компири се консумираат со салата!

5. Секој ден јадете балансирани (биолошко ефективни) дневни оброци. Зошто?

За да ги внесете во вашиот организам потребните хранливи материи: протеини, јаглехидрати, незаситени масти, течности!

6. Кога да се земе последниот дневен оброк и зошто?

Минимум 3-4 часа пред спиење, за да се минимизира притисокот врз телото!

7. При приготвувањето оброци треба да се употребуваат т.н. ладно цедени масла, како што се маслиновото, сончогледовото и масла од соја. Зошто?

Бидејќи овие масла се одличен извор на корисни незаситени масни киселини неопходни за организмот.

8. Вашата телесна тежина поделете ја со 8 и ќе го добиете дневното количество течност (2 дл) што е неопходно да го испиете. (Ако вашата телесна тежина е 72 килограми, тоа значи дека треба да пиете 9×2 дл.)

Набљудувајте ја вашата урината ако е светла и транспарентна, тоа е знак дека пиете доволно течности. Ако урината е густа и со жолта боја, итно почнете да пиете најмалку 1,5 до 2 литри течност на ден!

9. Грижете се да внесете доволно, но не премногу (не повеќе од 25 г) влакна од различни извори! Јадете тестенини, ориз, компири и овошје! Зошто?

Влакната го штитат срцевиот мускул, го заздравуваат дигестивниот систем, ги одржуваат оптимална тежина и дозволениот холестерол, ја спречуваат појавата на висок крвен притисок и дијабетес, венски заболувања и рак.

10. Јадете по можност свежа храна (не замрзната), сезонски одгледувана во нашата област, таа се одгледува без пестициди и без ѓубрива!

11. Пијте свежо млеко (не трајно, бидејќи има голем број хемикалии) и ферментирани млечни производи: кефир, пробиотици и сурутка.

12. Јадете риба барем двапати неделно, затоа што таа е лесно сварлива и е богата со есенцијални амино киселини, есенцијални масти, како и со витамини и со минерали.

13. Секојдневно консумирајте ги дополнителните сугерирани дози витамин Ц, Е, комплекс витамини и минерали и олигоелементи. Зошто?

Бидејќи кај старите луѓе тешко може да се апсорбираат од храната сите потребни микронутриенти.

14. Задолжително секоjдневно треба да имате умерена физичка активност – одење, возење велосипед, пливање, гимнастика и фитнес.

15. Трудете се во семејството, соседството и во вашата животна средина, каде што живеете да ширите позитивна енергија. Така ќе го избегнете стресот и пред сѐ ќе го зачувате своето здравје.

1. Почнете со само 2 минути

Едноставно седнете и фокусирајте 2 минути на вашето дишење. Штом ќе ви стане удобно со 2 минути, зголемете го времето на 3, па на 4 и така натаму.

2. Не грижете се за „чистење“ на умот

Вашиот ум ќе талка, тоа е неизбежно. Само насмевнете се и вратете го фокусот на дишењето.

3. Медитирајте наутро

Многу луѓе забораваат да медитираат бидејќи немаат рутина. Медитирањето наутро е одличен начин да создадете навика.

4. Развијте став на прифаќање

Додека седите сами со себе ќе почувствувате различни емоции како анксиозност и стрес. Ние се обидуваме да избегаме од овие чувства, но сега е време да ги прифатите. Едноставно насмевнете се, прифатете дека се чувствувате така и вратете го фокусот на дишењето.

5. Не се грижете за тоа дали медитирате грешно

Целта на медитацијата не е да го исчистите вашиот ум. Всушност, не ни има цел која се противи на оваа техника. Едноставно бидете тука и сега.

6. Фокусирајте се на некој предмет

Многу почетници учат да се фокусираат на нивното дишење, но исто толку ефективно е и да се фокусирате на некој предмет. Потрудете се предметот да биде мал за да не мора да мрдате со очите.

7. Очекувањата нека ви бидат реални

Да, постојат истражувања за придобивките од медитацијата, но нема да ги решите сите ваши проблеми за една недела или еден месец. Потребно е време за сите добри работи.

Запомнете, медитацијата нема секогаш да биде мирна или забавна. Но, ако се држите до рутината по неколку недели или месеци ќе почнете да уживате во оваа техника и ќе почнете да ги чувствувате нејзините придобивки.

Мотивацијата е она што треба да ве стане од кревет, да ве однесе до фитнес салата и да ве натера тоа да го практикувате редовно. Еве неколку совети кои можат да ви помогнат да ја пронајдете потребната мотивација за да го направите вежбањето дел од вашето секојдневие:

• Секогаш имајте цел што сакате да ја постигнете. Сакате да изгледате одлично на забавите за новогодишните празници? Сега е време да станете и да се фрлите на вежбање. Но, кога ќе помине Нова година, не застанувајте, поставете си нова цел. Многу луѓе вежбаат одреден период и потоа се откажуваат. Ќе видат дека нивниот изглед се подобрил, ќе си ја постигнат целта и губат мотив, а за неколку месеци повторно се враќаат на стариот изглед. За да го избегнете тоа, вие поставете си нова цел „Да изгледам супер на роденденската забава“, „Костимот за капење да ми стои фантастично“ или „Конечно да го запетлам цветниот фустан којшто го чувам толку долго во плакарот“. Сè додека имате цели, ќе имате и мотивација да ги постигнете.

• Направете вежбањето да ви биде забавно. Да, вртењето на стационарен велосипед е многу досадно, особено ако треба да го правите 30 минути. Но, секогаш има начин тоа време да ви помине позабавно. Слушајте ја вашата омилена музика, гледајте ја вашата омилена серија. Пред да трепнете, ќе изминат 30 минути. Потребно е да експериментирате. Ако мразите фитнес со справи, тогаш обидете се со нешто поинтересно како јога, Тае Бо, танцување, нешто што ќе ви даде поттик да не пропуштате ниту една сесија.

• Купете си облека за вежбање. Вежбањето треба да ви носи задоволство и треба да се чувствувате убаво додека го правите, а соодветната облека е првиот чекор. Освен тоа, откако ќе ја купите облеката, сигурно ќе се чувствувате лошо ако стои неискористена. Таа треба да ви даде мотивација да станете и да го оправдате направениот трошок.

• Ако посетувате фитнес сала, таа треба да е блиску до вашиот дом. Колку подалеку е фитнес салата, толку повеќе изговори можете да пронаоѓате за да не одите. Изберете фитнес сала која е поблиску до вашиот дом, дури и да има помалку справи и да не изгледа така модерно како некој голем фитнес центар.

• Побарајте си добар пример кој ќе го следите. Кога ќе влезете во фитнес сала, секогаш има два типа жени. Едните со средена фризура, а понекогаш и шминка, облечени во слатка облека која им е жал да ја испотат и жени кои само ја собрале косата со стегач и се облекле онака како што им е најудобно за вежбање и со намера што повеќе да потат. Првите ќе ги најдете да читаат списание додека лежерно вртат на велосипедот, а вторите напорно ќе се обидуваат да извежбаат на колку што е можно повеќе справи. Вие изберете си пример кој ќе го следите од втората група. Или пак нека биде тоа некој од вашето опкружување, можеби колешка која изгледа особено млада за своите години поради тоа што се грижи за себе.

• Најдете си партнер за вежбање. Поканете некоја ваша пријателка или колешка да ви биде партнер за вежбање. Така ќе имате со кого взаемно да се мотивирате. Но, не избирајте пријателка која знаете дека лесно се откажува. Побарајте партнерка која исто како и вас има желба да си го подобри животот преку вежбањето. Можеби и ќе решите да се натпреварувате со неа. Зависи од вашиот карактер.

• Не претерувајте со вежбањето уште на почетокот. Кога ќе се запиштете на часови по аеробик, не се обидувајте уште од првиот ден да ги направите сите вежби како вашиот инструктор. Истото важи ако вежбате дома, гледајќи некои видео. Ако претерате, наредниот ден нема да можете да мрднете од кревет, па лесно е да се претпостави дека мотивацијата ќе ви пропадне во вода. Клучот е во умереноста. Започнете бавно и на секои два-три дена зголемувајте ги вежбите што ги правите.

• Визуализирајте. Земете стари слики од деновите кога сметате дека сте биле во топ форма. Или ако немате такви фотографии, замислете си како сакате да изгледате. Секогаш кога сте на сред вежбање и немате желба повеќе да ја поткренете ниту раката ниту ногата, претставете си ја во главата најдобрата слика од себе, т.е. оној изглед кон кој се стремите. Веднаш ќе добиете поттик да продолжите за што поскоро да се гордеете со своето постигнување.

• Испланирајте си ден/денови за одмор. Тешко ќе ви биде да се мотивирате ако вежбате секој ден. Одредете си два дена од седмицата во кои ќе правите пауза (на пример, среда и недела). Кога ќе дојде сабота и кога ќе ви е мачно да станете од кревет, ќе имате можност да си кажете „Ајде уште денес, па утре – одмор“. Деновите за одмор ќе ја зголемат веројатноста дека ќе се придржувате кон вашиот план.

• Следете го напредокот. Пред да започнете со нов план за вежбање, запишете колку изнесува вашата телесна тежина. Измерете го обемот на рацете и на нозете во областа на бутовите, половината и колковите. Кога ќе измине период од неколку седмици, повторно извршете го мерењето и запишете ги резултатите. Откако ќе направите неколку мерења, нацртајте график на кој јасно ќе се гледа вашиот прогрес во однос на изминатото време. Со секое внесување на податоците ќе бидете сè помотивирани и помотивирани.

• Наградете се. Секогаш кога ќе постигнете одредена цел, наградете се. Денес вежбавте дополнителни 20 минути? Купете си списание во кое ќе уживате додека се одмарате или одете на кино. Но, наградата не треба да биде храна. Нема да имате полза да вежбате дополнителни 20 минути ако потоа си купите хамбургер. Го намаливте обемот на вашиот струк со 3 сантиметри? Заслужено купете си ја онаа маичка која долго време ја ѕиркате на излогот на омилениот бутик. Колку што е поголемо постигнувањето, толку поголема треба да е и наградата.

Дознај што е тоа што ќе те направи среќен. Секој има уникатни барања за постигнување на среќата и она што го прави еден човек среќен може да биде многу различно од она што го прави некој друг среќен. Откријте ја вашата индивидуалност и не грижете се дали вашите желби се споредливи со оние на вашите врсници.

Направете план за постигнување на цели за кои верувате дека ќе ве направат среќни. Вашето расположение, најверојатно, ќе се зголеми кога ќе ја следите вашата цел, бидејќи ќе се чувствувате подобро за себе затоа што одите по нешто што го цените и сакате.

Опкружете се со среќни луѓе. Лесно е да се размислѕва негативно кога сте опкружени со луѓе што мислат така. Спротивно на тоа, ако сте околу луѓе кои се среќни, нивната емоционална состојба ќе биде заразна.

Кога нешто ќе тргне наопаку, обидете се да го сфатите решението наместо да се впуштате во жалење и само-сожалување. Навистина среќните луѓе не им дозволуваат на негативните ситуации и проблеми да влијаат врз нивното расположение затоа што знаат дека со малку позитивна мисла можат да ги претворат околностите назад во нивна корист.

Поминете неколку минути секој ден размислувајќи за работите кои ве прават среќни. Овие неколку минути ќе ви дадат можност да се фокусирате на позитивните работи во вашиот живот и ќе ве доведат до постојана среќа.

Исто така, важно е да си посветете барем по малку време секој ден да направите нешто убаво за себе. Без разлика дали ќе се почастите со убав ручек, ќе си направите долга и релаксирачка бања или едноставно ќе посветете неколку екстра минути на вашиот изглед, вие потсвесно се ставате себеси во подобро расположение.

Наоѓање на хумор во разни ситуации исто така може да доведе до среќа. Додека постојат моменти кои бараат од вас да бидете сериозни, кога е соодветно, пронајдете начин да ја осветлите ситуацијата.

Одржувањето на вашето здравје е уште еден начин да се постигне среќа. Ако сте со прекумерна тежина или не јадете здрава храна, тоа може да има негативно влијание врз вашето расположение. Дополнително, вежбањето е познато дека ги ослободува ендорфините кои ви даваат чувство на среќа.Конечно, важно е да се разбере дека заслужувате среќа. Оние кои веруваат дека не се достојни за среќа може потсвесно да ги саботираат своите напори за да се постигне среќата. Доколку е потребно, кажете си секој ден дека заслужувате да бидете среќни и потсетете се кои чекори ќе ги преземете за да ја постигнете среќата што ја посакувате.

• Средината во која спиеме многу влијае на заспивањето. Најдобро е доколку во спалната соба нема електронски уреди како телевизор, компјутер или мобилен телефон. Користете придушено светло и користете ја спалната соба само за спиење.

• Душекот и перницата на кои спиете се многу важни, како и температурата во собата.Идеална температура за спиење е околу18 степени.

• Свеж воздух.Отворете прозорец накратко пред спиење. Свежиот воздух му е потребен на вашето тело.

• Релаксација во топла бања и/или топла напивка без кофеин може да помогнат, бидејќи на тој начин ќе ја намалите телесната температура на начин што го имитира делумно она што се случува во организмот додека заспиваме.

• Направете распоред за спиење и секогаш придржувајте се до истото време за заспивање и за будење.

• Избегнувајте консумирање алкохол пред спиење.

• Читајте книга пред спиење или на некој сличен начин „релаксирајте“ го мозокот.

• Избегнувајте кратки дремки по 15 часот.