Вовед

ИДЕАЛНОТО ТЕЛО Е…?

Или ајде да започнеме вака: Она што ти ќе одлучиш дека за тебе е идеално тело!

Кога ќе сфатиш дека идеално тело не постои, дека секој од нас е различен и има различен потенцијал и дека не се се сведува целосно на определена бројка на вага, величина или изглед, туку одредено место и состојба во главата каде што ТИ си самоуверен и се чувствуваш добро во твоја кожа. Секако, за да ја достигнеме твојата цел, важно е да имаме одредени параметри според кои ќе го следиме твојот прогрес, но на крајот на денот, како ние се чувствуваме во однос на нашиот изглед е пресудно.

- Секој тренинг треба да трае од прилика околу 1 час. Тренингот за нозе можеби ќе трае повеќе

- При изведувањето на било која вежба, секогаш е приоритет на формата на изведување од колку на тежината која е крената. Секогаш одбирајте тежина која ви овозможува да ја изведувате вежбата правилно и која овозможува да ја достигнете бројката на повторувања која е наведена.

- Пожелно е да користите тренинг дневник каде што ќе ги запишувате сите ваши тежини од секој тренинг.

- Секогаш пробувајте да додавате тежина и/или повторувања, но не по цена на правилната форма на вежбата.

- Независно кој тренинг го правите или која вежба ја изведувате, фокусирајте се секое повторување контролирано да го изведувате за навистина да го почувствувате мускулот како работи. Доказ дека правилно ја изведувате е чувството на “чешање”и добра болка во мускулот што го тренирате по завршувањето на серијата.

- Одмарањето помеѓу серии треба да се движи од 40 до 60 секунди, односно доволно за да соберете енергија за да ја изведете следната серија со потребниот број на повторувања. На тој начин ќе го оддржувате интензитетот на тренингот на повисоко ниво.

- Одморот помеѓу вежби не треба да е повеќе од 2 минути.

- Кога размислувате да изведете одредена серија со поголема тежина за да отидете над својот максимум (кое е и некогаш потребно за различен мускулен стимул кое ќе резултира со нов мускулен раст), бидете во контрола, односно дека мускулите кои ги таргетирате да тие кои работат додека ја изведувате вежбата, во двата дела од повторувањето – концетричниот и екцентричниот дел.