Sisimulan ko sa pang ngiti mo,

Tutal, doon din nagsimulang tumibok ang puso ko.

At kung iniisip mo kung saan ko tatapusin ito?

Siguro kapag ako na yung pinili mo.

Sobrang ganda ng mundo, parang ikaw sa mga mata ko!

Hindi mapagkakaila ang ganda ng ngiti ko dahil totoo ikaw na tong gusto ko!

Nakakainis kasi yang mga mata mo bakit hinuli yung puso ko?

Iba kasi yung awra mo sis

Hindi ko alam kung kamag anak ka ba ng mga bulalakaw

Dahil mata ko'y sayo'y lagi nakasubaybay.

Oo adik ako!

Adik sayo!

Marahil hibang lang ako

O sadyang sayo, nahulog na to.

Teka, mali,

Baka Mali,Parang Mali

Maling mahulog ako.

Hindi ko mawari kung sintigas ba ng bato iyang puso mo

O ramdam mong, ikaw ang nais ko.

Minsan, sinusubukan ko nalang pagmasdan ang kalawakan

Tutal doon rin naman kita matatagpuan

Isa ka kasi sa pinaka maliwanag na bituin

Bituin, na marami ang nagnanais abutin.

Kaya siguro, dudungaw nalang ako sa bintana

Titignan ka sa malayo.

Kikiligin ng patago

At hihiling nalang sa mga tala

Luluhod sa buwan

At susubukang pilitin ang bulalakaw

Na baka balang araw, ikaw yung unang mag paramdam.

Dahil sa totoo lang

Matapang ako

Pero pag dating sayo?

Ni hindi ko masabi yung nararamdaman ko.

Siguro ikaw na nga yung kahinaan ko

Na hinihiling ko..

Na sana balang araw,

Maging kalakasan ko.

Natatakot ako

Na baka mamaya, kapag sinubukan ko nang ipagsigawan kung sino talaga tong paksa ng aking tula

baka mamaya tumawa lamang sya bigla at isantabi ang ginawa kong tula.

Kaya ngayon, hindi ko man lamang mai titig ang aking mga mata sayo.

Baka kasi mamaya lumingon ka,tapos tignan mo ko sabay ngiti ng bahagya

Kapag nangyari kasi iyon, baka tuluyan na akong mahulog.

Alam mo naman na hindi ako ganoon ka lakas.

Sinusubukan kong lumaban, pero hindi talaga patas.

Kasi ikaw yung gusto ko, pero baka iba yung gusto mo.

Siguro? Ititigil ko nalang ito?

Pag ka bilang ko ng tatlo,

Hindi na ikaw ang gusto ko

Hindi na ako aasa pa sayo.

Isa,

Dalawa,

Apat,

Pasensiya!

Patawad!

Hindi naman sa hindi ako marunong bumilang, siguro sa ngayon hindi ko lang kayang Ikaw ay pakawalan

Kahit na sa una palang, wala na akong karapatan.

Kaya kapag natapos na itong tula,

Gusto kong malaman mo na nung nabighani ako ng mga mata mo pakiramdam ko panalo na ako kahit hindi ako yung piliin mo sa dulo.