СТАРАДАРОЖЧЫНА АРХЕАЛАГIЧНАЯ
Калі гісторык не знаходзіць адказа ў кніжных крыніцах, ён звяртаецца да архіўных дакументаў. Калі і ў іх ён не знаходзіць адказа, ён звяртаецца да зямлі. Зямля — выдатнае сховішча мінулага.
Сямён Гейчанка
Аб музеі
Канцэпцыя віртуальнага музея
ДУА "Сярэдняя школа № 2 г. Старыя Дарогі"
"Старадарожчына археалагічная"
Мэта ўтварэння віртуальнага музея - стварэнне ўмоў для ўсебаковага развіцця асобы дзіцяці шляхам далучэння яго да агульначалавечых, нацыянальных, гісторыка - культурных каштоўнасцей Беларусі і сваёй малой радзімы.
Задачы работы віртуальнага музея:
Садзейнічанне фарміраванню ў вучняў пачуццяў гонару і любові да шматвяковай гісторыі сваёй зямлі і продкаў;
Прыцягненне вучняў у калектыўныя, грамадска-карысныя справы;
Развіццё ў вучняў навыкаў даследчай і аналітычнай дзейнасці;
Захаванне гістарычнай матэрыяльнай і духоўнай спадчыны Старадарожчыны.
Формы дзейнасці віртуальнага музея:
1. Функцыянаванне музея, арганізацыйныя мерапрыемствы:
Вывучэнне і апісанне экспанатаў;
Стварэнне тэматычных экспазіцый музея;
Падрыхтоўка і правядзенне віртуальных экскурсій па экспазіцыях музея;
Навучанне экскурсаводаў з ліку вучняў;
Правядзенне экскурсій па экспазіцыях музея;
Вывучэнне дзейнасці і пераняцце вопыту музеяў іншых навучальных устаноў.
2. Накірунак дзейнасці «Старадарожчына археалагічная»:
Вывучэнне, збіранне і назапашванне матэрыялу па гісторыі археалагічных даследаванняў на тэрыторыі Старадарожскага раёна;
Работа з інфармацыйнымі крыніцамі;
Наведванне аб'ектаў археалогіі з мэтай маніторынга іх стану і далейшага захавання;
Суаднясенне вынікаў даследаванняў мясцовых аб'ектаў з агульнавядомымі фактамі сусветнай і айчынай гісторыі;
Збіранне вусных паданняў, прысвечаных архелагічным аб'ектам Старадарожчыны і экспанаванне іх;
Усталяванне і падтрымка кантактаў з навукоўцамі, спецыялістамі ў дадзенай галіне;
Арганізацыя ўдзелу ў археалагічных акцыях;
Стварэнне прэзентацый па старажытнай гісторыі Беларусі і Старадарожчыны для выкарыстання на ўроках і занятках па інтарэсах.
3. Краязнаўчы накірунак:
Папаўненне музея новымі дадзенымі;
Праектная дзейнасць па краязнаўстве;
Правядзенне віртуальных экскурсій;
Пошук мясцін, звязаных з ранейшым пражываннем людзей на тэрыторыі Старадарожчыны;
Вывучэнне ўмоў і асаблівасцей жыцця продкаў на нашай зямлі;
Складанне турыстычных маршрутаў і карт па археалагічных мясцінах Старадарожскага раёна;
Рэстаўрацыя тэхналогій па вырабу старажытных прыладаў працы і вядзення гаспадарчага жыцця нашымі продкамі;
Арганізацыя пошукавай работы.
Перспектывы развіцця музея.
Папаўненне інфармацыйнай базы аб выніках даследаванняў археалагічных экспедыцый у Старадарожскім раёне ў ХХ стагоддзі (Леанід Побаль, Таццяна Каробушкіна, Аляксандр Егарэйчанка).
Супрацоўніцтва з ДНУ "Інстытут гісторыі Нацыянальнай акадэміі навук Беларусі".
Наладжвацца кантакты з навукоўцамі, якія працуюць па сумежных тэмах а таксама ў суседніх рэгіёнах.
Стварэнне раздзела "Шляхам подзвіга і пакут", прысвечанага 121 стралковай дывізіі, якая летам 1941 г. трапіла ў акружэнне на тэрыторыі Старадарожскага раёна і супрацьстаяла ворагу.
Прадугледжваецца супрацоўніцтва з пошукавым атрадам імя В. Каржа, які праводзіў даследаванні ў месцах баёў. Плануецца размяшчэнне на старонках музея інфармацыі аб выніках даследаванняў.
Удасканальванне тэматычных экспазіцый, фарміраванне фота і відэатэкі, стварэнне прэзентацый.
Далучэнне да работы па развіццю музея педагогаў, школьнікаў і іх бацькоў.
Адследжванне найбольш цікавых археалагічных адкрыццяў ў Беларусі і іншых краінах.