TIC e dixitalización

A adaptación do centro ás novas tecnoloxías ten sido unha prioridade ao longo dos últimos anos. Acadamos unha ampla dotación de equipos en todas as aulas, catro delas dentro da rede Edixgal. Asemade, mantense actualizada a Aula de Informática e tamén existen ordenadores a disposición do profesorado na Sala de Profesores e portátiles Edixgal, e do alumnado na Biblioteca.

Con todo, as necesidades de modernización e prestación de servizos (wifi, impresión) sempre van por diante. En diferentes foros como claustro ou a xunta de delegados/as, téñense declarado as seguintes carencias ou demandas:

• Necesidade de labores de mantemento e reparación para o funcionamento cotián.

• Solucionar os problemas de conectividade.

• Creación dunha segunda Aula de Informática.

• Volcado de documentos e impresos na páxina web.

• Formación constante sobre uso e riscos de internet para adolescentes e familias.