Familias. ANPA
Participación e decisión
Asociación "O Castro"
Acadar a participación das familias na vida escolar e colaborar coas titorías e co equipo docente é esencial no aspecto académico. Pero ademais, manter un estreito contacto co centro e realizar un seguimento do traballo dos fillos e fillas afianza o seu desenvolvemento persoal e social. Neste sentido, son parte imprescinble no éxito escolar.
A traxectoria de asociacionismo de nais e pais remóntase aos mesmos inicios do instituto. En canto a número de socios/as, nos últimos cursos pasa por un dos seus mellores momentos grazas ao labor das súas directivas.
A ANPA O Castro está involucrada no Consello Escolar e as súas Comisións. Axuda en actividades no centro como o magosto e participa no financiamento de actividades extraescolares para as familias asociadas e na viaxe de estudos de 4.º ESO. Leva asemade a iniciativa no intercambio de libros de texto e e algunhas actuacións destinadas aos pais e nais do alumnado.
OBXECTIVOS
Implicar os pais e nais na aprendizaxe eficaz dos seus fillos e fillas.
Estimular a titoría de pais e nais co profesorado.
Fomentar a participación das familias na vida do centro.
Liñas de actuación
Aproveitar todas as de vías de comunicación coas familias: axenda do estudante, espazo abalar, correo electrónico, páxina web...
Planificar as reunións colectivas cos pais e nais, entre elas a presentación do curso coa dirección e polo menos dúas veces ao curso coas titorías para a análise e seguimento das primeiras avaliacións.
Contar coas experiencias sociais, laborais ou culturais salientables da comunidade educativa para a orientación profesional do alumnado.
Incluír actividades formativas dirixidas ás familias ben a través do plan de formación de centro ou ben a denominada Escola de Pais e Nais.
Ofrecer un marco de actuacións coordinadas coa ANPA que reforcen o seu funcionamento e o compromiso das familias nas actividades educativas.
Incluír as reunións mensuais da directiva da ANPA coa dirección do centro na programación inicial do curso.
Deseñar actividades coa ANPA que afiancen a súa influencia en número de asociados e capacidade financeira.
Indicadores de avaliación
Convocatorias e participantes nas reunións colectivas.
Evolución e actividades da ANPA.
CURSO 2022-2023
Renovación total da directiva da ANPA O Castro.
Emprego case único das ferramentas dixitais (correo electrónico, Abalar, web) para o envío das comunicacións ás familias.