Instalacións e dotación material
Edificio e pavillón
Patio e xardín
Mobiliario escolar
Equipamento informático
O edificio principal do instituto, inaugurado a finais do 1989, cumprirá proximamente 35 anos. A principal ampliación neste tempo foi no seu momento a construción do pavillón e máis recentemente o obradoiro de floristería. As instalacións gozan en xeral dun bo estado de conservación. Realízanse todos os anos obras de mantemento e reposición como os sucesivos cableados da rede de datos. As reparación recentes máis salientables foron a substitución dos motores de bombeo de combutible á caldeira da calefacción e a renovación do transformador eléctrico. Estas obra lémbranos a necesidade de mellorar a eficacia enerxética do centro.
O concepto dos espazos educativos significativos ou ambientes de aprendizaxe vai cobrar forza nos próximos anos. A necesidade de redeseñar os lugares tradicionais da aula, dos patios e zonas comúns veñen da man das correntes de renovación pedagóxica. Usos múltiples, zonas diferenciadas, espazos maker... e novas materias como robótica, realidade virtual ou as xa anunciadas de intelixencia artificial esixen a transformación das aulas e os materiais dispoñibles.
Por outra banda, tamén se debe contemplar a necesidade de transformación das zonas comúns e os patios escolares como unha axuda á mellora xeral da convivencia e fomento de hábitos saudables de lecer. Un factor de mellora importante sería a construción de novos vestiarios no pavillón para desconxestionar os xa existentes compartidos co alumnado de FP Básica.
O equipamento do centro procede da dotación da Consellería de Educación. Retíranse todos os cursos os pupitres e cadeiras en mal estado. Logo de varios anos sen renovación destes elementos, cómpre realizar novas solicitudes e asumir o custe doutros. O centro deberá seguir a como ata agora dedicando cunha partida do orzamento á adquisición de materiais didácticos solicitados polos departamentos.
Entre os elementos inventariables figurara tamén totalidade do equipamento informático. Neste sentido, deberá avaliarse a necesidade de contratar os servizos externos para o mantemento do equipamento informático.
OBXECTIVOS
Garantir a seguridade e integridade física para as persoas dentro do recinto escolar.
Modernizar o edificio e as instalacións deportivas.
Adecuar os espazos acorde as novas necesidades. pedagóxicas para usos múltiples, ensino colaborativo, proxectos...
Conseguir espazos agradables para a concentración e o estudo.
Mellorar a eficiencia enerxética do centro.
Liñas de actuación
Revisión períodica dos elementos arquitectónicos con criterios de seguridade.
Presupostar e acometer a limpeza e pintura das fachadas e elementos exteriores do edificio.
Limpeza e pintado anual dos espazos interiores que o vaian necesitando.
Actualización das taquillas e pulo do servizo de aluguer.
Adecuar a pista pista exterior para aumentar o seu uso deportivo e de lecer.
Estudo de viabilidade de construción de novos vestiarios no pavillón.
Actualizar o inventario de materiais.
Renovación do mobiliario, taboleiros e decoración.
Participación en proxectos de posta en valor da zona axardinada, o invernadoiro e a estación meteorolóxica.
Posta en valor do xardín, a cortiña co invernadoiro e a estación metereolóxica.
Ampliación progresiva do equipamento de "Agroxardinaría"
Reducir os consumos enerxéticos con plans viables de transición ecolóxica.
Contratar, se for preciso, o mantemento do equipamento informático a unha empresa especialidada.
Indicadores de avaliación
Orzamentos e investimentos recollidos nas contas anuais.
Solicitudes á Xefatura Territorial, á Subdirección Xeral de Construcións e Equipamentos ou á Unidade de Atención a Centros.
Obras e melloras efectuadas.
CURSO 2023-2024
Recableado e ampliación de puntos wifi no edificio principal.
Substitución dos tapetes/felpudos das tres entradas e saídas principais do edificio.
Revisión e adaptación ás novas normativas de seguridade da instalación eléctrica de baixa tensión.
Curso 2022-2023
Construción dun novo obradoiro de Xardinaría.
Construción dun obradoiro de Floraría.
Reparación da tarima da aula de Tecnoloxía.
Pintura da parede interior do segundo andar (corredor da sala de profesores)
Limpeza e selado do penal (fachada exterior)
Aproveitamento do almacén exterior (porta inferior oeste) coa retirada dos depósitos de auga.
Adecuación do gabinete de pais e nais: pintura, cadeiras, armarios e lámpada.
Renovación do departamento de Linguas Estranxeiras: pintura, armarios.
Moble auxiliar de obra para a aula de Debuxo.
Posta a punto da aula 5: novas conexións eléctricas e de datos.
Contratación de mantemento de equipamento informático.
Pintura mural exterior (Autor: Miguel Gil).
Actualización do sistema de alarma e ampliación aos novos espazos educativos.
Adecuación dun almacén interior para futura central de servizos informáticos: substitución da porta de acceso.
Reparación das zonas húmidas do laboratoria de bioloxía e renovación dos enchufes das mesas de práctica.
Instalación de mural "Musicas no insti" na escaleira do fondo (Autora: Laura Romero)
Recolocación do mobiliario da biblioteca e novo espazo para a "Radio na biblio".
Pantalla de televisión e sistema de avisos na entrada do instituto.
OCA sistema electréctrico (Alta e baixa tensión)
Curso 2021-2022
Ampliación das aulas 1, 2, 3, 4 e 5 coa eliminación dos armarios de obra.
Adaptación do laboratorio de Física como aula: espazo de pupitres e pantalla dixital.
Contratación de mantemento de equipamento informático.
Pintura da aula de Debuxo.
Atención ao almacén do pavillón: armario metálico, selado da parede para evitar as filtracións.
Pintura mural exterior e bancadas da pista deportiva da entrada.
Arranxo da cancela de entrada e instalación de interfono.