Fomento da lectura
Biblioteca escolar
Hora de Ler
Adquisición de fondos bibliográficos e fontes documentais.
Plan de mellora e Clubs de lectura
Bibliotecas municipais
Tres son os esteos nos que nos últimos cursos se baseou a dinamización da biblioteca e as actividades da lectura:
Incorporación ao Plan de Mellora das Bibliotecas Escolares de Galicia no curso 2011-2012. Representou unha importante achega de fondos para a renovación de mobiliario e a adquisición de fondos e equipamentos, pero tamén repercutiu na programación estable de actividades.
Aprobación do Proxecto Lector, da que derivaron medidas como a Hora de Ler.
Funcionamento estable dos Clubs de Lectura.
OBXECTIVOS
Avanzar cara a un modelo de biblioteca como centro documental do instituto ao servizo da comunidade educativa.
Crear espazos e situacións para familiarizar aos nosos alumnos cos libros.
Revisar o Proxecto Lector de Centro a través de plans anuais de lectura, escritura e a investigación escolar.
Liñas de actuación
Apoiar a realización de actividades da biblioteca como a formación de usuarios, dinamización cultural e, sobre todo, a educación documental.
Garantir os servizos da biblioteca escolar como o préstamo, o acceso a fontes documentais e a participación en proxectos de centro.
Continuar coa presenza do centro no Plan de mellora das bibliotecas escolares, Clubs de Lectura e outros (obradoiros artísticos ou científicos, certames literarios e audiovisuais, campionatos de debate...)
Manter un grupo de apoio á Biblioteca con presenza de profesorado interdisciplinar.
Incrementar a participación do profesorado nas actividades de formación encamiñadas nesta liña de renovación pedagóxica.
Crear espazos e situacións para familiarizar aos nosos alumnos coa lectura e os libros: falar deles e manexalos, na aula e na biblioteca escolar.
Facer partícipe ás familias da importancia da lectura. Implicar aos pais e nais na posible prestación de servizos bibliotecarios como a apertura pola tarde.
Avaliar periodicamente a HORA DE LER.
Colaborar coas bibliotecas municipais con actividades e intercambio de información (guías de lectura...) e actividades que redunden en beneficio da comunidade educativa.
Indicadores de avaliación
Documentos internos: memoria da biblioteca e clubs de lectura.
Rexistro de actividades.
Enquisas sobre a Hora de Ler.
Datos do programa Meiga de xestión bibliotecaria: número de préstamos, devolucións...