Contexto socioeconómico
Demografía e matrícula
Crise económica
Lexislación educativa (LOMLOE)
Cos datos publicados polo Instituto Galego de Estatística (IGE), o ámbito de influencia do IES Mugardos, nos concellos de Mugardos e Ares, incluiríase en liñas xerais dentro dun nivel socieconómico medio/baixo. Os índices máis preocupantes son o envellecemento demográfico, o movemento migratorio e o desemprego.
O padrón de 2020 establece para Mugardos un cómputo de 5. 215 habitantes (321 menos que o ano 2010). A idade media é de 54,4 anos (dato de 2020). O índice de envellecemento é de 214 maiores de 65 por cada cen menores de 20. Polo contrario, o concello de Ares vén experimentado nas últimas décadas un aumento da poboación ata os 5.829 habitantes na actualidade. O seu índice de envellecemento é de 171%.
A análise dos indicadores económicos debería realizarse tras á volta á nova normalidade poscovid, cuxos datos aínda non coñecemos. As previsións máis pesimistas como a taxa de desemprego xuvenil apuntan a unha aceleración do movimento de poboación cara a outros polos laborais.
Por outra banda, este mesmo proxecto de dirección inclúese na nova lei de educación xa vixente neste curso. O proceso de implantación da LOMLOE abranguerá totalmente os vindeiros catro anos:
2021-2022: Modificacións na avaliación e condicións de promoción e titulación.
2022-2023: Modificacións do currículo dos cursos impares.
2023-2024: Modificacións do currículo dos cursos pares.
2024-2025: Aplicación dos cambios no acceso e admisión na universidade.
Avaliacións diagnósticas en 2.º ESO.
Con estes datos, malia que incompletos parece necesario recoñecermos que as dificultades socioeconómicas da comarca xunto coa implantación da nova lexislación educativa condicionarán o noso labor educativo nos vindeiros anos.
OBXECTIVOS
Velar pola equidade e igualdade de oportunidades do noso alumnado.
Lograr medidas e servizos de axuda e conciliación familiar: comedor, clases de apoio...
Aproveitar a autonomía de centro dentro do novo marco normativo.
Incorporar o Bacharelato Xeral da LOMLOE.
Liñas de actuación
Estreitar a relación cos Servizos Sociais municipais para a detección temperá das necesidades e actuacións de emerxencia.
Apoiar a ANPA para o mantemento do "Banco de libros" en bacharelato ou outro sistema de intercambio de libros de texto.
Conxelar os prezos das axudas para o transporte nas saídas escolares (3 euros, medio día; 5 euro, xornada enteira).
Conxelar os prezos por fotocopia e dos servizos de reprografía.
Traballar pola a implantación de servizo de comedor.
Solicitar medidas de reforzo e apoio educativo fóra do horario lectivo.
Garantir os servizos da biblioteca escolar como o préstamo, o acceso a internet e outros produtos culturais.
Publicitar as axudas e bolsas de interese para o noso alumnado.
Publicitar a oferta educativa e a matrícula.
Atender e pór en valor a Educación secundaria para persoas adultas en previsión do aumento de matrícula.
Integrarse na Rede de Centros Solidarios de Galicia.
Seguir o calendario de implantación da LOMLOE.
Estudar as medidas de representen unha maior autonomía de centro.
Indicadores de avaliación
Seguimento dos datos de matrícula.
Seguimento das concesións de Bolsas (MEC) e axudas do Concello.
Índice Socioeconómico e cultural (ISEC).
CURSO 2022-2023
Fondo Solidario de libros de texto (3.º e 4.º ESO) e Banco de Libros da ANPA (Bacharelato).
Adquisición de libros de texto para distribuír entre o alumnado con baixos recursos económicos.
Mantemento do prezos de axuda ao transporte nas saídas escolares e nos servizos de reprografía.
Publicidade das Bolsas MEC e axudas FCT.
Autorización de materias con pouco alumnado.
CURSO 2021-2022
Fondo Solidario de libros de texto (3.º e 4.º ESO) e Banco de Libros da ANPA (Bacharelato).
Mantemento do prezos de axuda ao transporte nas saídas escolares e nos servizos de reprografía.
Entrega de dous kits dixitais (equipo e rede).
Publicidade das Bolsas MEC e axudas á FCT.
Autorización de materias con pouco alumnado.